رواية أحببت غامضآ الفصل السابع 7 - بقلم ملك أسامة

رحمه: ما الذي حدث! الدكتور بابتسامة: العملية نجحت ولكن سيحتاج وقت مع العلاج الطبيعي ليعود للسير مرة أخرى. هشام: حسناً. شكراً يا دكتور. مشي هشام وحضن خالد ورحمة بدأت تعيط وتضحك في نفس الوقت. بعد مدة، حازم في أوضة العمليات والكل حواليه. رحمه: شوفت مش قولتلك هترجع تاني. حازم بابتسامة: صح كلامك كان صح. هشام: يلا يا جدو نروح نجيب أكل. خالد: بسهـ... هشام: جدووو يلا. خالد: آه يلا يلا. هشام وهو خارج،

غمز لحازم وقال: فضيتلك الجو أهو. حازم بص له بقرف ورجع بص لرحمة تاني. حازم: عارف إنك جميلة وأنا مكنتش واخد بالي. رحمه: الله دا أنا انحرفنا بقي بعد العملية. حازم ضحك عليها. حازم: طيب قربي طيب، بعدتي ليه!!! رحمه: لااا يا حبيبي مضمنش. حازم: متضمنيش إيه بالظبط؟؟ رحمه: مضمنكش أنت ياخويااا. حازم: طيب ياختي خلينا قاعدين كدا. رحمه: أيوة قاعدين كدا مالنا كدا يعني!! حازم: ملناااش. دقيقة صمت.

رحمه: حازم مش ناوي تحكيلي بقي عن حياتك. حازم: مش فاهم، ما إنتي كنتي عايشة معايا كل دا وشايفة حياتي. رحمه: لا حياتك قبل ما أكون أنا موجودة يعني وكدا. حازم بجمود: مش هينفع. رحمه: ليه مش هينفع؟ على الأقل أعرف إيه حكاية والدك ووالدتك. حازم: عايزة تعرفيهم ليه؟؟ رحمه: عشانك. حازم: عشاني إزاي!! رحمه: حازم افهمني، عشان اعرف اتعامل معاك لازم أشاركك حياتك، ماضيك ومستقبلك. حازم: وإيه اللي يمنعك تشاركيني مستقبلي وبس؟؟

ليه متبقيش شريكة حياتي في المستقبل وبس!! رحمه: مينفعش، شريك حياتك لازم يكون عارف الماضي كله ويتقبله من نفسه عشان يقدر يكمل معاك. حازم: يعني لو حكتلك مش هتكملي!!! رحمه: مين قال كدا! لا طبعاً هكمل، بس أنا لازم أعرف ماضيك كله، لازم تثق فيا وتعرفني ماضيك وحياتك يا حازم. حازم غمض عينه وأتنهد. رحمه: مش هضغط عليك، لما تبقي عايز تحكي أحكي. ودلوقتي هسيبك ترتاح. بسته من رأسه وكانت هتخرج. حازم: أبويا السبب في موت أمي.