رواية احببت حبك لي الفصل الثاني عشر 12 - بقلم ريهام رفاعي

خالد بصوت واطي: خلاص اهدي مفيش حاجة. هما مشيوا خلاص من بدري. أنا آسف إني معرفتش أعمل حاجة. وأنا آسف عشان أنا السبب في كل ده. ريم: تمام. سيبك بقى من الهبل والمشاعر الفياضة دي. سابته وخرجت وهو قاعد متفاجئ من التحول. ريم بصوت عالي: تاكل معايا؟ خالد بصوت واطي: الله يخربيتك. هبلك. ريم: خالد. خالد: أيون. هاكل ياباشا هاكل. عملت الأكل خلاص وحطيته على الترابيزة اللي قدام التليفزيون. خالد: إيه ده؟ ما السفره موجودة ياسطا.

ريم: بصراحة بحب آكل وأنا قاعدة بتفرج. خالد: آآه. اشطا. بس أنا شامم ريحة طبيخ. إنتي عملتي أكل إيه؟ ريم: اه. عملت صنية بطاطس. معملتهاش غير مرة واحدة في حياتي ودي الثانية. خالد: اتفرجتي على فيديو يعني؟ ريم: لا. هبدتها. خالد: هاتي التليفون جنبنا بقى. ريم: إيه ده؟ ليه يعني؟ وبعدين أنا فصلته أصلاً. خالد: فصلتي تليفونك ليه؟ ريم: تليفوني وتليفونك. خالد: طب وتليفوني ماله؟ ريم: طب ناكل الأول وبعدين نتخانق. خالد: اتفضلي.

خالد داق الأكل ووشه اتغير. ريم: إيه؟ وحشة؟ وحشة صح؟ خالد: لا لا. جميلة جداً طبعاً. بدام إنتي اللي عاملاها. ريم: بدام قلت كده يبقى وحشة. خالد وهو بيضحك: لا. إنتي بس نسيتي تسويها باين. وتقريباً نسيتي تحطي ملح أصلاً. ريم داقتها وقلبت وشها وبعدين قعدت تضحك. ريم بضحك: يالهوي. طعمها وحش أوي ومش مستوية فعلاً. ريم: المشكلة إني قلت تدوقها أنت الأول. يارتني كنت دوقتها. خالد: منك لله. كونتي دوقتيها يافوزية.

ريم: خلاص يا عم. مش أوي كده. تتظبط يعني. خالد: عشان خاطري. كفاية. لو مش عشان خاطري. عشان خاطر ربنا. أنا هطلب أكل. ريم: خلاص. أنت هتشحت؟ خالد: بس يابت. اقفلي البوق ده. البوق ده ميتكلمش. ريم: قفلناه يا عم. أهه. خالد طلب الأكل ولقى ريم قاعدة متضايقة. خالد: إيه ياريمو؟ إيه اللي مزعلك؟ ريم: مفيش حاجة. خالد: يا راجل. أومال البوز ده طالع ليه؟ ريم: لا. هو طالع لوحده كده. خالد: يا رااااجل. خالد قرب من ريم شوية.

خالد بصوت واطي: إنتي زعلانة عشان الأكل؟ ريم: لا. عادي. محصلش حاجة. خالد: يا سطا. ده أنت زات نفسك قلت إنها وحشة. ريم: هو أنا ممكن أسألك سؤال؟ خالد: طبعاً يا عم. اسأل براحتك. ريم: إنت اتجوزتني ليه؟ ورد عليا بجد. خالد: هقولهالك تاني. أنا بحبك. تمام؟ ريم: أيوه. بتحبني على إيه؟ إيه المميزات اللي فيا عشان تحبني؟ أنا حتى الأكل مبعرفش أعمله. خالد: يالهوي. ده إنتي كلك مميزات. ده أنا لو قعدت أقولك مش هنخلص. ريم: زي إيه مثلاً؟

خالد: يعني مثلاً إنتي حنينة وطيبة. وضحكتك لوحدها بتموتني أصلاً. ريم بابتسامة: ضحكتي أنا!!! خالد وهو عمال يقرب أكتر. خالد: أه يا عم. أومال مين. هو فيه زي جمال ضحكتك. ولسه هيقرب منها أكتر. جرس الباب رن. خالد وهو رايح يفتح الباب: منك لله يابعييييد. يعني أطلع أضربك طيب ولا أعمل إيه. خد الأكل ودفع الحساب. خالد: طب نسيب الأكل شوية ونكمل بقيت المميزات. ريم: لا. أنا جعانة وعايزة آكل.

خالد بصوت واطي وهو متضايق: ادعي عليكي إنتي كمان. طب ولا أعمل إيه. ريم: هات الكاتشب ده. خالد: خدي ياختي الكاتشب. ريم: مالك يا عم؟ فيه إيه؟ خالد: مفيش يا ست. سيبيني في حالي الله يكرمك. كلي وإنتي ساكتة. ريم: طب هات حتة من السندوتش بتاعك. خالد: ماهو نفس سندوتشك. ريم: ما أنا عارفة. أنا عايزة آخد حتة منك. خالد: خد يا حبريم. ريم: طب هات. أنا همسكه طيب. خالد: يا ست افتحي بوقك. اخلصي. تاخديه كله؟ طب شكلك عينك فيه.

ريم: لا يا عم. مرسي. تاخد حتة من بتاعي. خالد: اشطا. اديني. ريم: خد أنت كل. هو أنا هاكلك ولا إيه. خالد: ما أنا لسه ما أكلتك. ريم: أنا أجبرتك. مأجبرتكش. خالد: استغفر الله. مش عايز حاجة؟ كلي. ريم بابتسامة: خلاص خلاص. خد حتة من إيدي أهه. طيب. خالد: لا لا. أنا باكل أهه. خلاص. ريم: متاخد بقي يا عم. خالد: أووف. هاتي يا مصيبة حياتي. هات. ريم: أنا مصيبة حياتك؟

خالد: الحلوة. مصيبة حياتي. القمر والعسل. وأحلى مصيبة جتلي في حياتي.