رواية أحببت حواء الفصل الخامس 5 - بقلم دهب مبروك

حوا بصت له ودمعت وبعدت عنه وهي بترجع برجليها لورا: أنا.. أنا آسفة. وسابتهم وجريت على المقابر بتاعت هادي. أمير قرب من مامة حوا وباباها: أنا مش فاهم حاجة، أنا أبقى صاحب براء وكنت جاي أديها ده جواب هادي سيبهولها معايا، كان حاسس إنه خلاص هيستشهد. الأب: ربنا يرحمه، وخد منه الجواب، شكرًا يا ابني. أمير بسرحان: العفو على إيه يا عمي؟ وبسرحان هي راحت فين؟ الأم: راحت عند هادي أنا عارفة وحافظاها، ما تقلقش يا ابني.

أمير: عن إذنكم. ومشي. شاهي اتقبض عليها واتحكم على المنصوري بالإعدام لإنه قتل هادي، وشاهي 10 سنين. قاعدة قدام المقابر وبدموع: هادي! أنا بكرهك... بكرهكككككككك أوووووووي، لييييييه سبتني لوحدي كدااا أنا مش عارفة أعيش من غيرككككك، مش عااااارفة، أنا عايزة أجيلك، حبك طول عمري بيوجعني، أنت دايمًا واجعنيييي بحبك ده، أنا بكرهككك يا هادي.

ودموعها زادت: أنا.. أنا ما حبتش ولا هاحب غيرك، أنا بكذب عارفة، أنا كنت حاسة إنك عايش، بوهم نفسي إنك موجود يا هادي وأنت بعدت، آسفة أنا بعيط بس والله ما قادرة، مش قادرة فراقك بيوجعني وحبك كان بيوجعني برضه، إحنا ما عشناش حياة حلوة أبدًا، قصة حبنا مختلفة ومش تتصدق. وابتسمت: هجيلك كل يوم أزورك وأحكيلك يومي لحد أما أجيلك.. هتوحشني يا هادي هتوحشني أوووي أنا بحبك. وابتسمت وسط دموعها. أمير واقف متابعها من بعيد،

وفي نفسه: هو في حب كدا بجد؟ هي بتحبه أوووي حدا ياها، هو أنا إيه جابني لحد هنا.. ليه جاي وراها لحد هنا؟ ليه! حوا ماشية في الشارع تايهة حزينة، فاكرة إنها مكسورة كدا، شايفة كل الناس فرحانة، دموعها نزلت وهي بتفتكر هادي، هي مش قادرة تبطل عياط، وجعها صعب موت فراق! ابتسمت وهي بتفتكر ذكرى حلوة مع هادي، تضحك أكتر لما تفتكر ضحكته، وصلت البيت دخلت أوضتها. فتحت دولابها طلعت منه صورة من تحت رف الهدوم بصتلها وابتسمت.

حوا: هحبك لآخر عمري مش هتجوز بعدك يا هادي، هعيش وأستنى اليوم اللي أجيلك فيه، هتوحشني أوووي. فردت جسمها على السرير وغمضت عينيها، وعينيها دمعت وهي تغمض أكتر علشان تحبس دموعها، تفتكر شكل براء وهما شايلينه يوم الدفنة، تعيط أكتر وشهقاتها تعلى. بعد 10 شهور. الأم: حوا حبيبتي. حوا: أنا هعيش حياتي علشان شغلي يا ماما وبس، العريس مرفوض. الأم بدموع: أنا أم ومن حقي أفرح بيكي وأشوف عيالك يا ضنا، اقبليه علشان خاطري.

حوا بسرحان: حاضر هقابله. الأم بابتسامة: بجد؟ للللللوووووولي. وخرجت. حوا: هقابله بس عمري ما هتجوز بعده يا ماما، أنا عارفة إني دي أنانية مني بس أنا حب أناني، حبي لهادي مختلف، أنا مقدرش أكون لغيره، عارفة إنه غلط بس أنا قلبي مستحيل يحب ويدق لغيره، حتى بعد ما مات هو مات بس عايش جوايا.. هادي لسه جوايا. أمير: إحنا اتقابلنا بس ما اتعرفناش، أنا أمير و... حوا: أنت مرفوض يا أستاذ، ما تخولش مع واحدة قلبها بيحب شخص تاني...

واحدة عمرها ما هتحبك وهتخونك بتفكرها في غيرك، بلغهم رفضك من ناحيتك أنت وأرجوك بلاش تحاول لإن أنت بتحاول في موضوع ما فيش فيه أمل. أمير: بس ده غلط، أنت عايشة على ذكرى واحد ميت. حوا: ميت في نظركم بس عايش جوايا... أنا بتنفسه، هادي عايش بالنسبة لي يا أستاذ أمير. أمير بلغهم بعد أسبوع إنه كل شيء قسمة ونصيب. الأم زعلت لإن بنتها رافضة كل العرسان بسبب حبها لهادي. حوا قاعدة فاتحة مذكراتها.

"بحبك وهفضل أحبك لآخر العمر.. اتقد لي عرسان بس مش هينفع لإن قلبي بيحبك أنت يا هادي، حبيتك وهستنى نتقابل في الجنة، واحشتني أوووي، فراقك واجعني حاسة إنه إمبارح رغم إنه عدى 10 سنين، عارف لما بتوحشني بعيط أوووي." قفلت مذكراتها وفتحت الورقة تقرأها.

"حوا هانم، أول حب في حياتي وآخر حب في حياتي، وقت ما تقرأي دي هكون أنا مش موجود، هكون عند ربنا، هستشهد، هكون في الجنة، أنا عارف إنك بتدمنيني بتحبيني أوووي، حبيتك بس حبك ليا وجعتك جامد، وآسف بجد، عيشي حياتك واتجوزي وخلفي، وعارف إنك نفسك تكوني أم، بلاش تحرمي نفسك من سعادتك، ما توقفيش حياتك عليا، انسيني يا حوا.. واتجوزي، انسيني علشان تعيشي حياتك وتتمتعي بيها، أنت لسه صغيرة... بحبك."

حوا: آسفة مش هقدر أتجوز بعدك، قصتنا مختلفة بس أنا هظلم أي حد لو اتجوزت، قلبي معاك وهيفضل يحبك لحد أما أجيلك يا هادي.. هفضل على ذكرياتنا وهفضل أحبك لآخر عمري... بحبك يا هادي. وعملت باي باي بإيديها ومشيت.