رواية أحببت قاصر الفصل الثامن 8 - بقلم صابرينا

نور: أنا حامل اسر: مش ابني في قصر اسر شهيره: اه لو تشوفيه وهو بيطردها طردها زي الكلبه بعد ما خدت العلقة التمام. أنا في الأول كنت شاكة فيكي ومكنتش راضية أساعدك لأنك أختها، بس بعد اللي حصل ده انتي مخلتيش بيا، بس جبتي منين الصور دي وإيه حكاية الحسنة اللي في صدرها دي؟ دخل اسر اللي الداخل وأخد منها التليفون وسكت. صدمة شهيرة. شغل الاسبيكر واستمع لحديث لبنى.

لبنى: دي أختها وأنا عارفة كل حتة في جسمها، فأسهل عليا إني أعرف إن عندها حسنة في صدرها زي وحمة كبيرة. أما بالنسبة للصور فامازن عيل و*خ يبيع نفسه عشان القرش. اه لو تشوفيه وهو بيجرها من شعرها زي الكلبه قدامي. اسر وقد طفح بيه الكيل كسر التليفون نصين وأخذ يضرب شهيرة. اسر: عملتلك إيه يا زبالة عشان تعملي فيا كده؟ شهيرة: محبتش أشوفك مبسوط. قررت أكسر فرحتك. كان لازم أعمل كده، شكلك وإنتي حزينة ومكسورة أشيك عليك.

اسر: أنا هقتلك. ورحمة أبويا هقتلك. شهيرة: اقتلني وريحني بقى. اقتلني. اسر: مش بالدم، لأ، إنتي خسارة الواحد يدخل بسببك السجن. أدخل السجن بسبب كلبة. اسر: إنتي طالق.. بالثلاثة. وهاقتلك أكتر لما تشوفييني مبسوط وعندي بدل العيل عشرة. لما تلاقيهم بيجروا عليا وبينادوني بابا وإنتي وحيدة لا عيل ولا تيل. كانت زينب تستمع إليهم من بعيد. زينب: بقي كده يا شهيرة؟ الحق البت الغلبانة دي قبل ما تمشي. في غرفة الخادمة

كانت نور تبكي بشدة والدماء تنزف من وجهها. دخلت زينب عليها الغرفة. زينب: هو صحيح اللي حصل ده يا نور؟ نور: مظلومة، والله مظلومة. زينب: أنا مصدقاكي، بس اسر لازم يتربى. نور: هانعمل إيه؟ زينب: خليكي هنا في الأوضة دي. هاتذاكري وتروحي امتحاناتك وخليه زي المجنون يلف ويدور عليكي، لازم يعقل، لازم. نور: بس.. زينب: أنا ولا انت يا ابن بطني، أما أوريك. أنا اللي هاخدلك حقك يا نور. هو أي فاكر إن ملكيش ضهر؟ حضنتها نور بحب.

نور: أرجوكي، أنا مش عايزة مشاكل، أنا مستحيل أستنى هنا تاني أو أرجعله، كفاية اللي عمله فيا، أنا كرهته. كرهته. كانت نور بتعيط. اسر جرحها وهانها وخلاها من سيدة قصر لخادمة وضيعة ملهاش قيمة. في منزل هاشم هاشم: يمني.. يمني فاقت ومتكلمتش ولا كلمة. هاشم: يمني.. يمني بصت لهاشم وسكتت. هاشم: يمني، زعقي، اصرخي، اضربي، كسري، اعملي أي حاجة.

يمني: زعقت طول الليل وصرخت وكسرت ومنفعش. انت هتكت عرضي. انت قضيت عليا. عايزني أعمل إيه تاني؟ هاشم: أنا آسف. يمني: آسف دي تقولها لما تدوس على رجلي بالغلط. تقولها لما تكسر حاجة. لكن انت قضيت على حياتي. قتلتني. عارف يعني إيه قتلتني؟ هاشم: أنا مستعد أعوضك. يمني: يااه، شرف الناس عندك بيتعوض؟ دا إحنا طلعنا رخاص قوي عند الأغنياء. كل حاجة بتتعوض إلا الشرف يا بيه، دا اللي مستحيل يتعوض. هاشم: اومال أعوضك إزاي؟

يمني: تتجوزني. مش غلطت؟ استحمل. هاشم: بس أنا مبحبكيش. يمني: يعني أنا اللي دايبة في دباديبك؟ دي جوازة وهاطلق منها تاني. هاشم: تاني يوم هاطلقك. يمني: والناس تفضحني وتقول اتطلقتي تاني يوم ليه وإزاي؟ هاشم: اومال إيه؟ يمني: طلقني بعد سنة. أهي فترة معقولة. هاشم: خمس شهور ودي فترة معقولة، وها أديكي كل حقوقك لما تتطلقي. يمني: تمام. هاشم: هاجيب المأذون دلوقتي. يمني: تمام. في شقة لبنى كانت تدندن بعض كلمات الأغنية.

وأخرجت هاتفها واتصلت على هاشم. لبنى: هترجعلي نص ثروتي امتى؟ هاشم: خير. لبنى وقصت له ما حدث لنور. هاشم: قسماً عظماً لو كنتي قدامي دلوقتي لأكون قاتلك يا لبنى، إنتي فاهمة. أغلق هاشم الهاتف بوجه لبنى. في غرفة يمني هاشم: أنا لازم أمشي دلوقتي يا يمني. يمني: نور مش كده؟ هاشم: إنتي عرفتي منين بموضوع نور؟ يمني وهي تجاهد عدم البكاء لكن غلبتها فطرتها وبكت. يمني: طول الليل كنت فاكرني هي.

شعر هاشم بحقارته مع يمني واعتذر لها مقبلاً رأسها. هاشم: آسف. بعد ساعة في قصر اسر خرج كالمجنون من القصر ولا يدري سوى بسيارة هاشم التي قطعت الطريق عليه. خرج هاشم من سيارته لـ اسر وهو في أشد موجات غضبه. هاشم: عملت إيه في نور؟ اسر: أرجوك مش وقته خالص، نور هاتضيع من بين إيدينا، لازم ندور عليها. هاشم: أنا هاخدها معايا. اسر: دي مراتي. هاشم: وكنت فين لما طردتها؟ اسر: وإنت عرفت منين؟ أكيد اللعبة الوسخة دي من خطتك.

هاشم: لأ، دي خطة أختها وأنا مكنتش أعرف حاجة. اسر: لازم ندور عليها. في قصر اسر كانت نور بالحمام تستفرغ وعلامات المرض بادية عليها بشدة. كانت تتخيل أنها تذهب لاسر لتخبره بحملها، لكن.. اسر: وحملتي منين؟ دا مش ابني. أنا طلقتك يا زانية. نور: لأااا.. أخرجت نور من شرودها. نور: أنا مستحيل أبقى هنا، المكان هنا خطر عليا. واحتضنت جنينها بحب. نور: لازم أطلع من هنا.

خرجت نور إلى الأعلى بعدما تأكدت من خروج اسر وأحضرت حقيبتها وبعض المال وعبئت ملابسها. جاءت شهيرة إلى نور. شهيرة: نور، إيه اللي جابك هنا؟ نور: أنا ماشية. شهيرة: بسرعة، اهربي. اسر حالف ليقتلك لو شافك هنا تاني.