رواية احببت قاصرا الفصل الأربعون 40 - بقلم شيماء الديب

بعد شوية وقت وسيف قاعد بيتكلم مع أبوه وأمه. سمر في المطبخ بتعمل شاي. جرس الباب رن، قام سيف عشان يفتح، وبص لقي علي خرج من المصحة. سيف بصدمة: علي انت خرجت امتى؟ سمر سمعت اسم علي، الكوباية وقعت منها اتكسرت من الصدمة. أمال: جرا إيه يا سيف انت هتسبنا واقفين على الباب كتير كده؟ سيف: لا طبعًا يا عمتي، اتفضلي. سعد وهالة قاموا سلموا على أمال ورحبوا بعلي. سيف فهم إن سمر اتحرجت تطلع من المطبخ من المفاجأة.

سيف: إيه يا سمر انتي بتعملي الشاي على الشمس ولا إيه؟ سمر: لا يا سيف أنا خلصت أهو. طلعت سلمت عليه. أمال: والله يا أسعد علي أول ما خرج صمم إنه يجي يسلم عليكم أول ناس قبل ما نرجع على بيتنا. سعد: حمد الله على سلامتك يا علي يا ابني، عقبال ما نفرح بيك. أمال: ما هو ده اللي أنا جيالك عشانه يا أسعد يا أخويا. سعد: خير يا أمال يا أختي انتي لقيتي عروسة ولا عاوزاني أدورلك على بنت الحلال؟ أمال: ما خلاص يا بوسيف لقينا بنت الحلال.

هالة: إن شاء الله ألف مبروك يا مال، بس مين دي يا أختي انتوا لحقتوا؟ أمال: بصراحة بقى يا جماعة علي بيحب سمر وعاوز يخطبها. سمر اتحرجت وطلعت تجري على أوضتها. سعد: مش لسه صغيرين يا أمال علي الكلام ده. أمال: يا أخويا خلينا نفرح بقى، والصغير هيجيله يوم ويكبر، إحنا من زمان ومفرحناش من قلبنا. سعد: والله صدقتي، ومين سمعك، إيه رأيك يا سيف في كلام عمتك؟

سيف: والله يا بابا إحنا مش هنلاقي أحسن من عمتي وعمي عادل ننسبهم، بس لازم ناخد رأي جدي طبعًا، هو كبير العيلة. أمال: إن كان على جدك، إحنا اتكلمنا معاه وهو وافق، وسايبه عمك عادل قاعد معاه. سعد: خلاص يا ولاد علي بركة الله. سيف: طب يلا يا بابا ننزل لجدي نتفق على كل حاجة. هالة فضلت تزرغط وملت البيت زغاريط. ودخلت لسمر أوضتها وفضلت تحضن فيها وتباركلها. أمال: وادي أسعد يا بابا جبتهولك لحد عندك.

سيف دخل باس على راس جده وسلم عليه. خالد بزعل: مع إني زعلان منك يا سيف، بس نخلص موضوع أختك وأفوقلك. عادل: تعالي يا أبو العروسة، إحنا اتفقنا أنا والحاج علي مل حاجة، وشوف لو عندك أي إضافات إحنا تحت أمرك. سعد: لا خلاص يا أبو العريس، مدام الحاج قال كلمته تبقى منتهية. خالد: طب يا ولاد هنقرأ الفاتحة ونلبس الشبكة الخميس الجاي. أمال فضلت تزرغط، ونزلت هالة ومنى وملك وأحمد. منى سلمت على علي: فرحوني معاكم يا جماعة.

هالة: علي خطب سمر بنتي يا منى، عقبال ما تفرحي ببنتك. ملك: بجد يا جدو؟ خالد: عقبالك يا حبيبة جدو. منى: إن شاء الله قريب يا بابا. سيف: طب بما إنكم متجمعين أحب أقول كلمتين قدام الكل. خالد: خير يا سيف، قول اللي عندك. سيف: أنا بحب ملك وهتجوزها سواء رضيتو أو لأ. خالد بكبرياء وبخبث: بس انت عارف إن ملك متقدملها عريس واحنا وافقنا. سيف: يعني إيه يا جدي؟ خالد ونفسه يكسر غرور حفيده: يعني للأسف يا ابن ابني انت جيت متأخر.

سيف بعصبية: طب وديني لاقتله قبل ما يلمس شعراية منها، وراح سايبهم وماشي. خالد فضل يضحك ضحكة رجولية وبصوت عالي: والله ووقعت يا سيف يا ابن السيوف. منى بتقرب على خالد وبصوت واطي: أظن يا بابا كفاية كده على سيف، أحسن ده مجنون وممكن يعمل حاجة في نفسه ولا في بنتي. خالد: ههههه، سيبه بس يومين كمان عشان يتربى. يوسف اتصل على سيف. سيف: آه يا جو، خير. يوسف: إحنا نجحنا يا يااض يا سيف.

سيف: بتتكلم بجد يا جو ولا مقلب من مقالبك الرخمة؟ يوسف: طب وربنا نجحنا، وانت كالعادة يا ابن المحظوظة طلعت من الأوائل. سيف: يخربيت نبرك يا جدي. يوسف: طب وربنا ماهسيبك غير لما تعزمني على أكلة مشويات. سيف: انت تؤمرني يا صاحبي، أجهز وأنا جاي في السكة. يوسف خرجوا واكلوا وسهروا. يوسف: وبعدين يا صاحبي. سيف: ولا قبلين يا جو، عاوزني أعمل إيه؟ يوسف: يعني أختك الصغيرة هتتخطب، والبنت اللي بتحبها هتتخطب، وانت واقف تتفرج يا سيف.

سيف: عاوزني أعمل إيه يعني؟ يوسف: روح اخرب الجوازة دي، إن شاء الله لو تخطفها وتكتب عليها، أو عي تسيب ملك تضيع منك يا سيف، كنت عامل حجة الدراسة، واديك خلصت واتخرجت، فاضل إيه كمان، اتنازل بقى شوية عن كرامتك وكبريائك وغرورك شوية يا سيف. سيف: تعالي معايا يا يوسف. يوسف: على فين دلوقتي؟ سيف: هروح أطلب إيد ملك من عمي أحمد، واللي يحصل يحصل بقى. يوسف بفرحة ركب معاه وانطلقوا على بيتهم وطلع شقة عمه.

كانوا نايمين، ومنى سمعت الجرس بيرن، قامت تفتح، لقته يوسف وسيف. منى: سيف، خير يا حبيبي جاي في الوقت ده ليه؟ سيف: عاوز أتكلم مع عمي دلوقتي. منى: طب خليها الصبح يا ابني. سيف: لا معلشي يا مرات عمي، ودخل قعد هو ويوسف. منى راحت صحت أحمد وطلع لهما. أحمد بقلق: خير يا سيف يا ابني، مالك؟ سيف: أنا عاوز أتوز ملك يا عمي. أحمد: يعني انت جاي في الوقت المتأخر ده عشان تقولي كده؟

سيف: عمي لو ملك اتخطبت لحد تاني، أقسم بالله لاخطفها وأكتب عليها وأحطكم كلكم قدام الأمر الواقع. منى: أهدى يا سيف، مينفعش الكلام اللي بتقوله ده. سيف بغضب: يعني ينفع اللي جدي بيعمله؟ أحمد: انت عارف غلاوتك عندي يا سيف، بس مش هقدر أعمل حاجة تغضب أبويا. فجأة ملك طلعت من أوضتها: أنا موافقة يا بابا. الكل قام وقف من الصدمة. يوسف بابتسامة: yeeeeeees 💪. أحمد: يعني إيه يا ملك، هتكسري كلمة جدك؟

ملك: دي حياتي أنا، وأنا اللي أقرر يا بابا، من فضلك بقى. منى بنظرات لئيمة: لا مستحيل نعصي كلام عمه. سيف راح شد ملك من إيديها وطلع بيها من شقتهم. أحمد ومني طلعوا يجرو وراه وينادوا عليه، وهو مش بيرد على حد، ونزل تحت عند جده لقي الباب مفتوح. سيف بغضب: جدي، جدي! خالد: خير، عامل هوليلة ليه يا سيف؟ سيف: أنا عاوز أتجوز ملك ودلوقتي. خالد: مبقاش ينفع للأسف، عطيت كلمة للناس، يرضيك أطلع عيل صغير قدامهم؟

سيف: والله يا جدي لو مجوزتنيش ملك لاقتلها وأقتل نفسي. منى بلوم: يالههوي يا بابا، هيموت بنتي الوحيدة 🙄. أسعد وسمر نزلوا جري على صوتهما. أسعد: في إيه، في إيه؟ أحمد: الحق يا أسعد، ابنك شكله اتجنس. أسعد: في إيه يا سيف، مش هتبطل مشاكل بقى؟ خالد ومنى فضلوا يرموا سيف لبعض في الكلام، لما كسروا غروره، وخلاص كان هيعيط. خالد: خلاص بدل ما تعملنا بلوة ولا مصيبة، أنا هجوزهالك وأمري لله. الكل انصدم من كلامه. سيف: بتتكلم جد يا جدي؟

خالد: وأنا من إمتى هزرت معاك يا ولد؟ سيف وملك جرو على جدهم وحضنوه من فرحتهم. سمر بفرحة: ونبي يا جدو خلي شبكتهم معايا أنا وعلي. خالد: والله ما أنا كاسر كلمتي يا سمورة، اجهزوا يا ولاد، يوم الخميس شبكة سمر وعلي وسيف وملك. سمر وملك ويوسف وسيف في صوت واحد: هييييييييييييي 😍.