رواية احببت قاصرا الفصل الخامس والثلاثون 35 - بقلم شيماء الديب

عدى الوقت ويوسف وسيف واقفين في الشارع يهرولون ويضحكون ويجرون وراء بعض بعد ما خلصوا توزيع اللحم. يوسف بيغيظ سيف وبيقرص فيه وبيزغزغه، عشان عارف إنه بيغير وموته وسمه إن حد يزغزغه. سيف بغضب: والله يا يوسف أنت اللي جبته لنفسك. تعالى لي بقى. ولسه يوسف بيجري منه ويهرب، لقي أميرة في وشه. يوسف: أميرة! أقصد دكتورة أميرة؟ أميرة بنظرة ندم: أنا آسفة يا يوسف. يوسف: على إيه بس؟ هو أنتِ قلتي حاجة غلط؟

أميرة: لا يا يوسف، كل اللي قولته كان غلط. سيف: إزيك يا دكتورة أميرة؟ فينك؟ مش باينة من يوم ما خفيت ولا سألتي حتى. ملك واقفة في البلكونة وشافت سيف بيسلم على أميرة واتجننت أكتر. أميرة: أنا آسفة يا سيف، كان غصب عني، كنت لازم أغيب فترة عشان أعرف أفكر كويس. يوسف: وياترى فكرتي؟ أميرة بخجل: آه فكرت ولقيت... وفجأة قطع كلامها صوت هالة وهي بتنادي عليهم عشان الأكل، ولاحظت إن في ضيفة وراحت عشان تسلم عليها.

هالة: مش تعرفني يا سيف مين القمر دي؟ سيف: دي دكتورة أميرة يا ماما اللي كانت بتعالجني. هالة: ما شاء الله على القمر! أنتِ اسمك أميرة وفعلاً أميرة. أميرة: ميرسي يا طنط. طب هستأذنكم أنا وبعدين نكمل كلامنا. هالة: تستأذني مين؟ والله ما أنتِ ماشية ولازم تشرفينا وتدخلي تتعشي معانا. أميرة: لا لا عشا إيه ميرسي يا طنط، يا دوب أروح. سيف: خلاص يا دكتورة، ماما حلفت. يوسف: اتعشي معانا الأول عشان خاطر طنط هالة... عيب.

أميرة: خلاص ماشي. ملك نازلة على السلم وشايفة أميرة داخلة معاهم عند جدها والنار شعلت في قلبه، بس حاولت تداري مشاعرها وتتعامل عادي. أميرة دخلت وسلمت على كل الحاضرين. خالد: يلا يا ولاد اقعدوا وقولوا بسم الله، ريحة الأكل جوعتني. الكل قعد وأميرة قعدت جنب يوسف وسيف قعد جنب ملك. هالة: قوليلي يا دكتورة، أنتِ مرتبطة؟ أميرة: لا يا طنط، لسه. هالة: وسيف ابني كمان مش مرتبط وبندور له على عروسة تكون قمر زيك كده.

يوسف بيقز على أسنانه وراح ضارب سيف في رجله من تحت السفرة وبصوت واطي: ما تشوف أمك يا عم سيف. أميرة: ربنا يرزقه ببنت الحلال وتفرحي بيه يا طنط. هالة: ونبي شكلي لقيت العروسة خلاص. ملك نار بتزيد في قلبها كل ما تسمع كلام مرات عمها، راح قايمة من على الأكل وداخلة المطبخ. وقفت وماسكة السكينة وعاملة نفسها بتقطع ليمون وعيونها كلها دموع وإيديها بترتعش. وبتحاول تهدي نفسها عشان محدش يحس بيها.

سيف: خلاص يا ماما مش وقته تعارف، خلينا نعرف ناكل. خالد حس بخالد واللي عاوز يقوله: خلاص يا هالة اقفلي على الموضوع ده. هالة: حاضر يا عمي، اديني سكت. سيف حس بغياب ملك، فقام عشان يشوفها لقاها لسه ماسكة السكينة وبتقطع في الليمونة بهدوء وهي شاردة أساسًا ومش مركزة. سيف شد السكينة من إيديها بخوف: بتعملي إيه يا ملك؟ هتتعوري. ملك: بيه سيف، أنت هنا. سيف: اتأخرتي ليه؟ أي دا أنتِ بتعيطي؟ ملك: بعيط؟

لا دا وأنا بقطع الليونة، في حاجة دخلت في عيني. سيف وبيرفع راسها: طب وريني كده. وبص في عينيها وعرف إنها بتكذب: أنا مش شايف حاجة في عنيكي غير بنت زي القمر واسمها ملك. ملك بحرج بعدت إيده عنها ونزلت وشها في الأرض. سيف: يلا عشان تكملي أكلك. ملك: لا، أنا شبعت خلاص. سيف راح ساحبها من إيديها وقدام الكل وراح مقعدها جنبه وبقي بيقرب لها الأكل قدامها وهو كمان بدأ يكمل أكله. خالد متابع الأحداث كالعادة ومبتسم.

وبص في طبقه عشان ميحرجش سيف. بعد الأكل أميرة قامت عشان تمشي. يوسف طلع وراها: ما قولتيش قررتي إيه؟ أميرة بإحراج ووشها احمر أوي: أنا أنا أنا بحبك يا يوسف. وطلعت جري على عربيتها. يوسف واقف متنح ومش مستوعب اللي سمعه. سيف وقف قدامه وبيشاور بإيده قدام عيونه وهو متنح لسه. سيف: واد يا جو، مالك متكهرب كده ليه؟ يوسف: قالتلي بحبك يا سيف. سيف: هي مين دي يا أهبل؟ يوسف: أميرة قالتلي بحبك.

سيف بفرحة: ألف مليون مبروك يا حبيب أخوك، أخيراً هفرح بيك. يوسف: أنا مش مصدق يا سيف. سيف: ليه يا ضنا؟ أنت مستقل بنفسك؟ أنت مليون واحدة تتمناك. يوسف بعيون مدمعة: عشان متربي في ملجأ؟ سيف بعصبية: إياك أسمعك تقول كده تاني، أنت فاهم؟ أنت أخويا وصاحب عمري. وراح حضنه: افرح يا ابن النكدية. يوسف بعد ما كان بيعيط فضل يضحك. بصوا لقوا ملك طالعة على شقتهم. سيف: رايحة فين يا ملك؟ لسه بدري. ملك: هطلع أنام، حاسة إني مصدعة شوية.

يوسف: لا، ألف سلامة عليكي. طب أروح الصيدلية أجيب لك حاجة للصداع. ملك: لا لا شكرًا، هنام شوية وهصحى كويسة. سيف: ملك، أنتِ كويسة؟ ملك وبتبعد عيونها عنه: آه الحمد لله. وراحت طلعت على طول دخلت أوضتها واترمت على سريرها وفضلت تعيط. مني حست بغياب ملك تحت وطلعت عند باب شقة جدهم لقيت يوسف وسيف لسه واقفين. سيف: مشوفتش ملك؟ سيف: لسه طالعة بس شكلها مش عاجبني وقالت عندها صداع وهتنام. مني: هتنام دلوقتي؟ أنا هطلع لها أشوفها.

وطلعت لفوق ولسه بتنادي عليها سمعت صوت عياطها. مني: مالك يا روحي؟ بتعيطي ليه يا ملك؟ ملك قامت واترمت في حضن أمها وفضلت تعيط. مني وبتحسس على شعرها: أهدي يا قلبي، أهدي يا بنتي واحكيلي إيه اللي مضايق كده؟ مين زعلك؟ حد قاله حاجة تحت زعلتي؟ احكيلي بس وأنا هنزل آخد حقك، بس مشوفش دمعة في عيونك. طب مش أنتِ بتقولي دايماً إن إحنا أصحاب؟ طب احكيلي بقى. ملك ببكاء: أنا حبيته يا ماما، حبيته. مني: مين يا قلبي اللي حبيته؟

ملك: بيه سيف يا ماما، معرفش إني بحبه كده، كنت مفكرة بس إعجاب عشان أنا لسه صغيرة وهيروح، بس لا، بموت من غيرتي عليه. مني بابتسامة: طب واللي بيحب حد أوي كده يعيط بردوا؟ ملك: مش بإيدي حاجة أعملها غير إني أعيط على حظي، أول مرة أحس الإحساس ده يكون ابن عمي اللي أمه مش بتحبني ولا بتحبكم. مني: امسحي دموعك واسمعي اللي هقوله لك، اللي بيحب حد بيعمل المستحيل عشان يوصله مهما كانت العواقب، وعمر الحب ما كان بالسن، فهمتيني.

ملك بتمسح دموعها وبتهز راسها. مني: عشان كده سيف يستاهل إنك تعملي المستحيل عشان توصلي لحلمك، زي أنا وأبوكي، حبني وأنا لسه بضفاير وفتحت عيني على الدنيا لقيته قدامي واستناني لحد ما خلصنا تعليم ووقف قدام أهلي وأهله، وأهو الحمد لله اتجوزنا وخلفناكي يا روحي. يلا امسحي وشك كده وروقي ونامي وارتاحي، وكل حاجة هتتحل بإذن الله. وباست على راسها وغطتها وسابتها تنام. مني

وبتكلم نفسها بصوت واطي: حبيبتي يا بنتي، حاسة بيكي والله، بس أوعدك هفضل جنبك لحد ما تحققي كل أحلامك. أحمد: خير يا مني؟ بسأل على ملك تحت قالوا تعبانة شوية. ولسه هيدخل عليها أوضتها. مني منعته: سيبها يا حبيبي تنام وترتاح وبعدين اتطمن عليها. سيف: مش عارف، حاسس إن ملك بتبادلني نفس الشعور. يوسف: آه آه، فعلاً. سيف: وأنت إيه عرفك؟ يوسف: بصراحة بقى، أنا كنت مخبي عنك حاجة ولازم أحكيلك. سيف: أيوا، هات اللي عندك يا نبي.

يوسف: بصراحة بقى، وأنت في الغيبوبة، أنا حكيت لملك كل حاجة. سيف بصدمة: كل حاجة يعني إيه؟ يوسف: كل حاجة، كل حاجة، وهي عرفت إنك بتحبها، وهلي فكرة بقى، هي كمان بتحبك. سيف: ينهار أبوك أسود. يوسف: لا استنى قبل ما تتعصب، خد السر التاني. سيف: هو لسه في تاني؟ يوسف: الصراحة آه، بص بقى، كل مرة كنت بروح أزور علي في المصحة، كانت سمر أختك بتبعت معايا جوابات لعلي. سيف: أنت بتقول إيه؟