رواية احببت قاصرا الفصل الخمسون 50 - بقلم شيماء الديب

سيف واقف في المطبخ بيعمل الأومليت اللي طلبته فـ اتحرق منه. "ملك بسخرية: أبيه سيف في ريحة شياط. سيف بعصبية: ده دمي اللي بيشيط ومش عاوز أسمعلك نفس. و رمى البيض في الزبالة. ملك: طب إحنا مش هنفطر، أنا جعانة أوي. و راحت على السفرة لقتها مليانة أكل، قعدت وفضلت تاكل وبؤها مليان أكل. ملك: تعالي افطر يا أبيه سيف، الأكل يجنن. سيف: ابلعي ابلعي بلاش قرف، وكلي إنتي يا ملك هانم، مليش نفس. ملك أخدت صوابع كفتة وراحت تأكله بإيديها.

ملك: طب ونبي خد دي من إيدي. سيف بقرف: بت انتي غاسلة إيدك 😒. ملك: اتصدق نسيت 😳. ملك: أي دا إنت قرفان مني 🥹. سيف: لا لا إزاي، دا أنا أقرف من العالم كله إلا إنتي. و أكل من إيدها. ملك بصتله وابتسمت بخجل. ملك: هو ينفع نطلع عند علي وسمر يا أبيه. سيف: ملك يا حبيبتي أنا جوزك مش أبيه، تمام؟ وبعدين عاوزة تطلعي عند علي ليه؟ ملك: لا عادي والله بس زهقانة. فجأة سمعوا باب البيت بيرن. ملك بتجري عشان تفتح الباب.

سيف: خدي تعالي هنا، هتروحي تفتحي الباب وإنتي بالشكل ده. ملك: ماله لبسي، مانا حلوة أهوه. سيف: إنتي ناسيه إن النهارده المفروض تكون صباحيتنا 😏. ملك: يعني إيه مش فاهمة. سيف: بالليل هشرحلك 😉. ملك اتوترت 😒. ملك: أنا رايحة افتح الباب أحسن. سيف ملحقش يمنعها وراحت فعلاً فتحت، لقت أمها وهالة حماته. مني: صباحية مباركة يا عروسة. وفضلت تبوس وتحضن فيها. ودخلت هالة على ابنها تباركله. هالة: مالك ياحبيبي وشك عامل كده ليه؟

شكلك اتدبست ياعين أمك وخدت مقلب في الجوازة. سيف راح على ملك ولف إيده على كتفها وباس على راسها. سيف: دي أحلى تدبيسة اتدبستها في حياتي ياماما. هالة: والله يابني مش باين خالص، يلا ربنا يهنيك ياحبيبي، يلا هطلع أشوف سمورة حبيبة أمها عملت إيه. بعد ما مشيت هالة. مني بتبص لملك: إنتي لابسة كده ليه ياملك. سيف بيبص لملك بشماتة 😒. ملك: ماله لبسي ياماما، دي بيجامة عليها روبانزل 😳.

سيف بسخرية: سبيها يامرات عمي، يمكن شوية وييجي الساحرة الشريرة تقولها دلدلي شعرك 🤣🤣. ملك بغيظ: شايفة ياماما، دايماً يتريق عليا. مني: هههه والله ياسيف ربنا يصبرك على مابلاك، تعالي ياحبيبتي معايا. وخدتها على أوضتها وطلعتلها قميص بالروب بتاعه. مني: إيه رأيك ياملوكة بقي. ملك: إيه قلة الأدب دي ياماما، أنا هلبس ده. مني: آه ياقلبي، لازم تلبسي كده وتعقلي بقي ياملك، مش عاوزة سيف يشتكي منك.

ملك رفضت تلبسه ومكسوفة، وبعد إصرار أمها اقتنعت. ومني سرحتلها وعملتلها شوية ميكب وخرجوا لسيف في الصالون. سيف أول ماشافها قام وقف واتصدم. سيف: إيه الجمال ده! أيوه كده يامرات عمي، الله ينور عليكي، هو ده الكلام. مني بصوت واطي: طول بالك شوية على ملك ياسيف ياحبيبي. سيف: متقلقيش، ملك في إيد أمينة. مني: أنا جبتلكم العشا ياملوكة، ابقي كلي إنتي وجوزك، أنا همشي بقي. ملك بلهفة: خليكي معايا ونبي ياماما. مني: هجيلك تاني ياحبيبتي.

ومشيت وسابتهم. ملك قعدت تتفرج على التلفزيون وسيف راح جري قعد جمبها. سيف فضل يلعب في شعرها. سيف: ملوكة حبيبتي، هو امبارح كان إيه. ملك وهي باصة للتلفزيون: الخميس. سيف: والخميس ده كان إيه 😒🤗. ملك: فرحنا 😒. سيف: طب ما إنتي شطورة أهو، طب الموضوع ده مش بيحرك جواكي أي مشاعر. ملك: آه والله بيحرك 🤗، مشاعر الجوع جوايا، وكل ما أفتح التلاجة أحس إني عاوزة أدخل جواها وأكل كل الشيكولاتات اللي فيها 😋😋.

سيف بإحباط: ااه، طب بالهنا والشفا. سيف: ملك أنا حاسس إني تعبان ومش مظبوط كده. ملك فكرته بيهزر كالعادة. ملك: آه معلش، ربنا يشفيك. سيف نام على الكنبة جمبها، وهي قعدت تتفرج على الفيلم، وشوية بتبص عليه لقتهم بيرتعش، قربت منه وبتلمس وشه، لقتهم سخن جداً. ملك بخوف: سيف إنت كويس؟ راحت بسرعة جابت بطاطين وفضلت تغطي فيه وقعدت جمبه وماسكة إيده، وهو لسه بيرتعش. و بيتكلم وهو نايم مش في وعيه: أنا بح. ب. ك ا وي يام. لك. خليكي جمبي.

ملك عيونها دمعت وردت عليه بصوت واطي: وأنا بحبك أوي ياسيف، وخافت عليه أوي. راحت بسرعة على المطبخ جابت ميه باردة وقعدت في الأرض وفضلت تعمله كمادات لحد ما الحرارة نزلت، ومسكت إيده، وشوية وعنيها راحت في النوم وهي ساندة على كف إيده. عدى الوقت وهما الاتنين نايمين لحد ما سيف صحي وشاف ملك وهي نايمة على كف إيده، مرضاش يتحرك عشان متصحاش. دقايق وهي فتحت عيونها. ملك بخوف: سيف إنت كويس؟ سيف: هو إيه اللي حصل؟ مش فاكر حاجة.

ملك: إنت كنت سخن أوي وأنا خوفت عليك. سيف: شكلي أخدت برد عشان نمت من غير غطا. ملك: طب خليك متغطي، هعملك ليمون سخن تشربه وتدفي. وراحت على المطبخ عملت الليمون وراحتله. سيف: خد اشرب ده وهتدفي. عدى يومين وملك مهتمية بيه وبصحته لحد ما خف وبقى كويس. سيف: ملك إنتي بتحبيني؟ ملك بتوتر: إنت مش جعان؟ أصل أنا جعانة أوي. ولسه رايحة على المطبخ. سيف مسكها من إيديها وشدها عليه. سيف: إنتي ليه بتتهربي مني؟ ليه بتعامليني ببرود كده؟

أنا مطول بالي عليكي وعمال أقول دي بردو لسه عيلة، أصبر عليها، بس بجد أنا تعبت. وقام وسابها ودخل الأوضة. ملك قاعدة زعلانة ونفسها تراضيه، بس في نفس الوقت عاوزة تعذبه شوية عشان تردله كل اللي عمله فيها. وبعد دقايق، والجرس الباب رن. لسه هتقوم تفتح. سيف خرج من أوضته: استني لما أشوف مين اللي جاييلنا في الوقت ده. راح بص من العين السحرية لقاهم تامر ومنه. ملك: مين اللي على الباب؟

سيف: ده تامر ومنه، معرفش إيه اللي جابهم دول، ادخلي جوه لما أشوف في إيه. ملك دخلت الأوضة وسيف رحب بيهم ودخلهم. وعرفت إنهم جايين يباركلهم. ملك بغيظ: وليكي عين كمان تيجي لحد هنا! طيييييب. فتحت الدولاب واختارت أقصر وأشيك فستان وغيرت هدومها وعملت ميكب وتقلت الروج أوي. منه: أومال العروسة فين؟ مش عاوزة تسلم علينا ولا مكسوفة؟ ملك بغيظ: ومين قالك إني مكسوفة؟ هو في حد بيتكسف في بيته؟

وراحت قعدت على طرف الكرسي بتاع سيف وسندت على كتفه. ملك: معلش اعذرونا بقي، عرسان جداد وكده. سيف أول ماشافها اتصدم ومبقاش عارف ينطق. منه: ما شاء الله عليكي كبرتي ومش باين عليكي سنك نهائي. ملك: السن ده مجرد عدد في بطاقة، وياما ناس كتير كبيرة في السن لكن ملهاش لازمة في الحياة. سيف لاحظ إن هيحصل مشدة في الكلام، فقطع كلامهم. سيف: طب إيه ياملوكة ياحبيبتي مش هنضيف ضيوفنا ولا إيه.

ملك بدلع: آه أكيد ياروحي، بس تعالي معايا المطبخ، مش بعرف أدخل من غيرك زي ماعودتني بقي. ودخلت قدامه وهو دخل وراها. سيف بعصبية: إيه اللي إنتي بتعمليه ده؟ وإيه اللبس ده؟ ملقتيش حاجة أضيق من كده تلبسيه؟ ملك بدلع: إيه، عجبتك 🙈. سيف: بلاش تستفزيني ياملك، وادخلي غيري الزفت ده وخففي الروج ده. ملك بصتله بطرف عنيها وأخدت العصير ودخلت قعدت. سيف دخل وراها بتنفخ ووشه بيطلع نار.

تامر: أنا بعتذر ياسيف إني جيتلك من غير ميعاد، بس منه اللي صممت. منه: كنت حابة أباركلك ياسيف وأطمن عليك. ملك بدلع: اطمني ياحبيبتي خاااالص، سيوفتي زي الفل. سيف: أنا بتشكركم يا جماعة ونورتونا والله. تامر ومنه قاموا وسلموا عليهم ومشوا. ويادوب سيف طلع يوصلهم لباب الشقة، دخلت ملك جري الأوضة وقفتلت على نفسها 🙊. سيف راح على الباب بعصبية: افتحي ياملك. ملك بخوف: لا مش هفتح ياسيف، ها بقي 🥹. سيف: طب وديني لأكسر الباب.

وبالفعل كسر الباب، بيبص في الأوضة ملقهاش، راح بيفتح الدولاب لقاها قاعدة ومخبية وشها من الخوف. راح شاددها من هدومها مطلعها. سيف: إنتي إيه اللي عملتيه ده؟ وفي الآخر رايحة تستخبي مني. ملك بغضب: وإنت محموء أوي كده ليه عشان الست الهانم بتاعتك؟ وبعدين إيه اللي جابها لحد هنا؟ سيف بغضب: دي مجرد صديق مش أكتر، وجت تباركلي في بيتي ومعاها جوزها.

ملك: البيت ده بيتي وأنا اللي أقرر مين يدخل ومين لأ، وأنا بكرهه ومش هسمحلها تعتب باب البيت ده طول ما أنا عايشة ياسيف. سيف: ملك بلاش تعصبيني أكتر من كده. ملك بصوت عالي: ولما هي مش قادرة تنساك وتبعد عنك، متجوزتهاش لييييييه؟ سيف: عشان حبيتك إنتي، فهمتي؟ أنا بحبك إنتي. وراح شدها بالقوة لحضنه.