رواية احببت قاصرا الفصل السابع والعشرون 27 - بقلم شيماء الديب

يوسف: واد ياسيف هما الناس اللي بتحب من أول نظرة دي بتحس بأيه؟ سيف: بالمُحن يا جو بالمُحن. يوسف بضحكة رجولية: هههههههه وده عبارة عن إيه لامؤاخذة؟ سيف: هقولك بعدين ياخويا بس اصبر وبلاش فضايح. أميرة بابتسامة: شكلكم أصحاب من زمان. يوسف بحنحنة: من زمان بس ده من زمان أوي. أميرة: قول لصاحبك يخف شوية يا سيف عشان أشوف شغلي. سيف: هو أنت مش بتستر في مكان كده قولي جاي ليه؟

يوسف: يعني أنا غلطان روحت جمعتلك المحاضرات كلها أهو يكش يطمر. أميرة: أي ده أنتو لسه في الجامعة؟ دانا فكرتكم أكبر من كده. يوسف: الكبير كبير القلب وأنا قلبي كبيييييير تحب تشوفه؟ سيف بانفعال: تعرف تتكلم! إحنا في آخر سنة في الجامعة ادعيلنا نتخرج بقى. دخلت وهي ضاربة البوز وماسكة صينية الليمونادا. : اتفضلوا الزفت أهو. يوسف: الله وليمون مشبر كمان، والله صاحبة واجب يا ملك. أخد كوباية عطاها لأميرة الأول.

: ونبي مانتي كسفاني، اشربي أنتِ الأول. أميرة أخدت الكوباية وشربت شفطة وكانت هترجع. : إيه القرف ده؟ يوسف: قرف إيه دا زفت أقصد ليمونادا. وراح أخد الكوباية وبيشرب بعشم لقاه حادق أووووووي. : يعععععععع. سيف: مالو العصير؟ ولسه بيدوق اتصدم. : ملك أنتي متأكدة إنك حطيتي سكر؟ ملك: أه حطيت زفت أومال هكون حطيت إيه. سمر لسه داخلة عليهم الأوضة وفي إيديها برطمان أبيض. : ملك ملك أنتي حطيتي في العصير من البرطمان ده؟

ملك بثقة: أهو شوفت عشان تعرف إني حطيت سكر. سمر: لا ياحبيبتي ده ملح. يوسف وسيف ماتوا على نفسهم من الضحك. ملك بدموع وحست بالإحراج: أنتو بتضحكو على إيه؟ أتصدقوا أنا غلطانة أصلاً أنا هغور أحسن. وطالعة بتدبدب على رجليها زي الأطفال. سيف كان نفسه يراضيها بس غروره مسمحش بكده. سيف: عجبك كده؟ أنت أحرجت البت. يوسف: لا ملك دي حبيبتي هروح أصالحها. سيف بغضب حاد: احترم نفسك يايوسف واعرف أنت بتقول إيه.

يوسف: والله ما قصدت ياصاحبي، أنا بقصد إنها غالية عليا وكنت هراضيها قبل ما تطلع شقتهم. سيف: لا تراضيها ولا تقرب عليها أنت فاهم. أميرة: شكلها غالية عندك أوي يا سيف. سيف بيختصر الكلام معاها: لو حضرتك خلصتي عرفيني عشان عاوز أرتاح على سريري شوية. أميرة اتحرجت إنها اتدخلت في خصوصياته: أه أه خلصت النهارده وتقدر ترتاح. بالاذن منكم أنا همشي. سيف: روح وصل الدكتورة لعربيتها وتعالى لي يايوسف.

يوسف هز رأسه بالموافقة وأخد أميرة ونزل. يوسف: أنا اتشرفت بمعرفتك واسمحيلي أقولك يا أميرة من غير تكاليف دا لو مش هيضايقك. أميرة بابتسامة: أه أكيد طبعاً وأنا كمان اتشرفت بمعرفتكم. يوسف خد تليفونها من إيديها وكتب عليه رقمه. يوسف: ده رقمي لو حبيتي تكلميني في أي وقت أكون ممنون. أميرة: ماشي ولا يهمك سلام. وأخدت عربيتها ومشيت. يوسف لسه هيطلع لقي أحمد جاي بعربيته وقف استناه. يوسف: طمني ياعمي عملت إيه؟

أحمد: أهو لسه جاي من القسم وطلبت التحليل والموضوع هيتعرض على النيابة وباذن الله خيري. يوسف: بصراحة الفترة دي أنا مسلط واحد صاحبي يراقب تامر ويعرفلي تحركاته لأني مش مرتاحله وحاسس إنه له يد في الموضوع. أحمد: وأنا كمان حاسس في حاجة غلط وحاسس إن في حلقة مفقودة في الموضوع. يوسف: متقلقش كله هيبان يلا نطلع لسيف. أحمد طلع الأول يتطمن على سيف. أحمد: عامل إيه النهارده ياسيف؟ لا بس ماشاء الله وشك منور.

يوسف بضحكة رجولية: ههههههه أصل الدكتورة اللي كانت هنا 1000 ڤولت يا عمي إنما إيه الأووووظ. أحمد: يا خسارة ملحقتش أشوفها. مني جايبه الأكل لسيف ودخلت على كلمة أحمد. مني: عاوز تشوف إيه يا سي أحمد؟ يوسف: أهرب يا عمي بسرعة. أحمد: مني فضلو يضحكو على يوسف وجنانه. مني: يلا يا يوسف اقعد كل مع سيف وشجعه عشان ياخد علاجه. يوسف: عيوني يا طنط مني.

مني: تسلملي عيونك يا حبيبي يلا يا أحمد هات أبو سيف وتعالى عقبال ما تجهز الأكل تعالي يا سمر يلا جهزي معايا. وطلعوا كلهم أكله عند أحمد في شقته. يوسف: سيف أنت لسه زعلان مني عشان ملك؟ سيف: سيبك دلوقتي من الموضوع ده وقولي هو تامر فين؟ مسألش عني الفترة اللي فاتت دي؟ يوسف: بصراحة لا وهو ده اللي محيرني حاسس إنه له دخل في اللي حصل. سيف: اممم وأنا حاسس بكده بس ليه منه تتهمني بتهمة زي دي؟

يوسف: عاوزة تنتقم منك وتسوء سمعتك زي ما أنت هينتها قدام الكل. قولي بصراحة أنت قربت للبنت دي؟ سيف بغضب: أنت بتقول إيه أنت كمان؟ يوسف: طب أهدا دا مجرد سؤال بس أنا متأكد وواثق فيك إنك متعملهاش. سيف: أنا اللي محيرني إنها حامل بجد بس من مين؟ دخل أحمد فجأة عليهم. أحمد: أنا عرفت من مين.