رواية احببت قاصرا الفصل الثامن والعشرون 28 - بقلم شيماء الديب

سيف // علي قد ما أنا متضايق منها ونفسي أقتلها، على قد ما أنا محتار وعندي فضول أعرف هي حامل من مين؟ يوسف // المشكلة يا ضنى ياسيف إن اللي يشوفها يقول بنت غلبانة وفي حالها ومش بتاعت مشاكل. سيف // لا مش غلبانة، طول عمري وأنا مش بطيقها. يوسف // هو أنت في حد قدك يا جدع، كل البنات بتحبك، كل البنات حلوين هههههه. سيف // يا عم فضلت تحسدني لما جبت أجلي، اسكت بقا. أحمد دخل فجأة عليهم. أحمد // أنا عرفت منه حامل من مين.

سيف // من مين يا عمي؟ أحمد // حامل من تامر صاحبكم. يوسف // من الواد تامر الأاهبل ده؟ سيف // أنت بتتكلم جد يا عمي وعرفت منين؟ أحمد // فاكر قبل ما تطلع من المستشفى مش الدكتور جه أخد منك عينة دم؟ سيف باستغراب // آه آه فاكر، وقتها قولتلي عشان نطمن عليك.

أحمد // أهو أنا بقى كنت متفق مع الدكتور يحتفظ بالعينة دي، لما أطلب من النيابة تحليل الـ DNA للحمل اللي في بطن البنت دي، والحمد لله جالي الموافقة امبارح على طلبي، وطلعت التحاليل مش متطابقة نهائي. يوسف // يا ابن اللعيبة يا عمي، دا أنت طلعت أسود من المباحث، أنا كده عرفت الواد سيف طالع لمين. سيف // هو أنت متعرفش تتكلم جد شوية، يا ساتر عليك، طب قولي يا عمي إيه اللي عرفك إن الحمل من تامر، مش من حد تاني؟

أحمد // بصراحة يا يوسف، اللي لفت انتباهي لتامر وعملت حسابي أشوف حد يراقبه هو والمحامي بتاع البنت دي، لحد ما في يوم المحامي قابل الواد ده وسمعناه بيقوله، أنا مش هعترف باللي في بطنها، خليها تبل وتشرب ميته، محدش ضربها على أيديها، هي اللي جتلي بشوقها. سيف // الواطي ابن الكلب. يوسف // كل ده يطلع من تامر ده، يا رب أنا دا كنت أنا اللي أهبل مش هو. أحمد // المفروض يا سيف إنك تفرح مش تزعل.

سيف // آه يا عمي أفرح عشان برائتي بتهمة زي دي، بس زعلي من الخسيس اللي غواها وبيتهرب منها. يوسف // يا عم إحنا مالنا بقى، يكش يولعوا الاتنين. أحمد // بالظبط كده يا سيف، زي ما قال صاحبك، ارمي بقى كل اللي حصل ورا ضهرك وعيش حياتك بقى. سيف بعدم تركيز // اممم، أكيد أكيد. أحمد // هروح أفرح أسعد بقى وأخلي مني تعملنا عصير، حلاوة الخبر ده. يوسف بضحك // ونبي يا عمي قول لملك تجبلي واحد زفت سكر زيادة.

سيف بغيظ ضربه بالبوكس في بطنه // والله هكسرلك سنانك لو ما اتلمت. يوسف // خلاص هسكت أهو، هو الواحد ما يعرفش يتكلم براحته في البيت ده. أمال // بابا، علي لسه ما ظهرش لحد دلوقتي وتليفونه مقفول. خالد // والله يا بنتي أنا كمان قلقان عليه، طب حاولي تتصلي على أبوه يمكن يكون عنده ولا حاجة. أمال // اتصلت يا بابا وقال ما يعرفش عنه حاجة من آخر مرة، يا رب استرها من عندك. سمر // أنا هنزل بقى يا طنط مني عشان أذاكر شوية قبل ما أنام.

ملك // استني يا سمر هنزل معاكي. مني // رايحة فين يا ملك؟ مش هتنامي عشان تعرفي تصحي بدري لمدرستك؟ ملك // هطلع بس أطمن على أبية سيف وهنزل أنام يا ماما. ونزلت سمر وملك تحت، وأول ما دخلت سمعت يوسف وسيف بيحكوا على الدكتور وبيضحكوا، هي اتجننت أكتر، راحت زقّة الباب عليهم مرة واحدة. يوسف وسيف اتفجعوا من زقة الباب. يوسف بضحكة مجنونة // بنت حلال، مصطفى يا ملك، كنا لسه بنجيب في سيرتك. ملك بزعل طفولي // ليه إن شاء الله؟ خيري.

يوسف // ابدا يا ستي، بس سيف كان عاوز واحد زفت على الريحة. سيف // يخربيت تناحتك يا أخي، قوم روح يلا. يوسف // أروح مين يا عم؟ أنا بايت معاك هنا، مش هتحرك. سيف // كمان بايت؟ ربنا يقدرني وأستحملك بقى. وبص لملك بنظرة كلها حب وشوق، وكان حاسس إنه نفسه يقولها: "أنتي أكتر حد وحشني أوي"، بس فجأة رجع لكبريائه وغروره. سيف // خير يا ملك، كنتي عاوزة حاجة؟ ملك // مفيش حاجة، بس كنت جاية أطمن عليك عشان بكرة مش هعرف أجلك.

سيف بلهفة // ليه؟ رايحة فين؟ ملك // رايحة المدرسة عشان عندي امتحانات عملي، وبعدها عندي دروس. سيف // لا ذاكري في البيت، أو أقولك تعالي ذاكري جمبي هنا. يوسف // جرا إيه يا عم؟ أنت بتقولك عندها امتحانات. سيف // هو أنت مال أهلك، حاشر نفسك في اللي مالكش فيه ليه؟ ملك // ماهو بيقولك الحقيقة، عندي امتحانات. سيف // خلاص روحي وخلي بالك من نفسك. سمر // متقلقش يا سيف، أنا كمان رايحة معاها.

سيف بصوت واطي // أهو أنا مش قلقاني غيرك، وراح معلي صوته. سيف // خلاص يا سمر، أنا كده اطمنت. يوسف مات على نفسه من الضحك // بطني، هموووت ههههههههههه، يخربيت كده. سيف // هو أنت مش عاوز تنام؟ يوسف // لا عاوز أشرف زفت من إيد ملك الأول. سيف بغضب // مللللللك، طول ما يوسف هنا مش عاوز أشوف خلقتك قدامي. ملك // أصلاً أصلاً، أنا مش جايلك تاني حتى لو هو مش هنا، سلام. وراحت ماشية. سيف // ممكن نتكلم شوية جد بقى؟

يوسف // معاك يا صاحبي، اتكلم. سيف // أنا عاوز أقابل منه. يوسف بصدمة // أنت بتقول إيه يا سيف؟ تقابلها بعد اللي عملته معاك؟ سيف // ما أنا لازم أفهم ليه عملت كده، وليه تتبلي عليا بتهمة زي دي، لازم أفهم يا يوسف. يوسف // مع إني مش طايق أشوفها، بس عشان خاطرك هتصل بالظابط الصبح ونشوف إجراءات الزيارة إيه. سيف هز براسه بالموافقة وسكت. سعد // عامل إيه يا سيف يا حبيبي دلوقتي؟

سيف // تعالي يا بابا، اتفضل، أنا الحمد لله بقيت أحسن. سعد // مبروك يا ابني على برائتك، أنا كده ارتحت. سيف // ليه يا حاج؟ أنت كان عندك شك في تربيتك ولا إيه؟ سعد // لا يا ابني، بس كنت حابب أتأكد إن تربيتي صح في الآخر. يوسف // بصراحة يا عمي، مش عشان هو صاحبي، بس أنت فعلاً عرفت تربي، سيف راجل بجد ويعتمد عليها. سعد // ربنا يخليك يا ابني، وأنت كمان ابني يا يوسف. يلا هسيبكم تناموا، تصبحوا على خير.

كل واحد دخل أوضته وناموا، واليوم عدي بكل أحداثه. في صباح اليوم التالي، سمر طلعت لملك وأخدتها وراحوا المدرسة. أمال نامت بعد بكاء وتفكير طويل في ابنها، وياترى إيه اللي جرى له، وصحيت فجأة على صوت رنة التليفون بتاعها، بصت لقت رقم علي ابنها. أمال ردت بلهفة // علي يا حبيبي، أنت فين؟ المتصل // حضرتك تعرفي صاحب التليفون ده؟