رواية احببت قاصرا الفصل الثامن والأربعون 48 - بقلم شيماء الديب

بسم الله 🤲🧿🖊️ ملك اترمت على السرير وما صدقت تحتضن نفسها وتعيط. بعد وقت من انهيارها، بدأت عيونها من كتر العياط تغمض وتنام. وفجأة سمعت الباب بيخبط. فاقت بسرعة ومسحت وشها وراحت وقفت ورا الباب. ملك بخوف: مين اللي برا؟ البنت: افتحي يا آنسة ملك، متخافيش. ملك باستغراب: دي عارفة اسمي كمان. وفتحت الباب، لقت 3 بنات جايين يجهزوه ومعاهم الفستان. البنت: آنسة ملك، إحنا اللي هنتم بيكي النهاردة وهنسلمك لعريسك، متقلقيش خالص.

ملك باستخفاف: يا أختي، مين قالك إني قلقانة. ودخلت وسابتهم على الباب. البنات دخلوا بعدها وقفلوا الباب وبدأوا في التجهيزات. خالد: أمال، نادلي مني وهالة وتعالولي. أمال: حاضر يا بابا، ثانية واحدة. اتصلت أمال بيهم ونزلوا. هالة: خير يا عمي؟ مني: نعم يا بابا. خالد دخل إيده في جيبه وطلع 3 مفاتيح. أمال: مفاتيح إيه يا بابا دي؟

خالد: خدي يا مني مفتاح شقة بنتك، وإنتي يا هالة مفتاح شقة بنتك. أما إنتي يا أمال يا بنتي، خدي مفاتيح شقة يوسف ابن أختك. العربية هتجيلكم بعد ربع ساعة وتاخدكم لهناك، روحوا جهزوا الشقق وشوفوا لو في حاجة ناقصة. أمال: طب ليه تاعب نفسك يا بابا؟ ما كان يوسف وسيف عاشوا هنا، ماهو البيت كبير وفي شقق فوق فاضية. وبالنسبة لعلي عنده شقته.

خالد: لا يا أمال، أنا نذرت إن البرج الجديد بتاعنا لو خلص، هدي كل واحد من أحفادي شقة هدية يتجوز فيها. ولازم أوفي بالندرج قبل ما أموت. أمال: بعد الشر عنك يا بابا، ربنا يديك طولة العمر. خالد: طب يلا بقى عشان الوقت بيجري ولسه هترجعوا تجهزوا قبل ما نروح القاعة. ملك قاعدة على الكرسي ومسلمة أمرها للميكب أرتست. وكل اللي شاغل تفكيرها: أنا إيه اللي خلاني أوافق على الجوازة دي؟

أنا اللي في سني زمانهم بيلعبوا في الشارع ومش شايلين هم بكرة. يا ملك، ليه عملتي في نفسك كده؟ ليه رميتي نفسك بين إيدين وحش؟ كان آخر علمك بيهم إنك تشوفيهم في الكرتون. فاقت من شرودها وبتحاول تقوي نفسها بنفسها: إجمعي يا ملك، وأوعي تباني ضعيفة قدامه. قطع شرودها صوت خبط على الباب. راحت بنت من اللي موجودين تفتح، لقت واحد من الهوم سيرفس جايب صنية أكل. أخدتها منه وحطتها قدام ملك.

ملك لفت انتباهها ورقة على الصينية. أخدتها وفتحتها، لقت مكتوب فيها: "كلي كويس عشان يبقا فيكي حيل يا عروسة ههههههع. إمضاء جوزك حبيبك سيف." ملك مسكت الورقة بغيظ: اااااه، دا إنت إنسان مستفز. البنت: مش هتاكلي يا آنسة ملك؟ ملك: لا مش هتزفت. البنت بتشيل الأكل من قدامها، بس ريحة الأكل في مناخيرها وهي جعانة، بس كبريائها مانعها. ملك: خلاص خلاص، هاتي الأكل. أهي برضو نعمة ربنا وملهاش ذنب. 😒😏 أميرة: يوسف، بصراحة أنا قلقانة أوي.

يوسف: ليه بس يا حبيبتي؟ أميرة: أوعدني يا يوسف بعد ما نتجوز، أوعى تعايرني إني أكبر منك في السن. يوسف: بقي هو ده اللي قالقك يا أميرة؟ دا أنا فكرت في مصيبة. أميرة: آه يا يوسف، خايفة وقلقانة. الحلم الجميل اللي أنا عايشة فيه ده، أصحى منه على كابوسي. يوسف بضحكة رجولية: ههههههه، لا دا إنتي هتصحي منه على بوس. أميرة: طب والله إنت قليل الأدب. سيف: إيه يا عم، جو مش وقته تحب في التليفون؟ إنجز يلا ورانا حاجات كتير هنعملها.

يوسف: إيه يا عم، ماتسبني أحب في مراتي شوية. أميرة: لاااا، تحب إيه؟ كفايا أوي كده وروح شوف وراك إيه. أنا مش فاضية. وقفت بسرعة معاه. مني دخلت شقة ملك، انصدمت: ماشاء الله، إيه الجمال ده؟ والله يسلم ذوقك يا بابا. دخلت تفرجت على الشقة كلها، لقت جدها مالي التلاجة شيكولاتة وحلويات وكل حاجة ملك بتحبها. وكل مكان في الشقة في صور لها من وهي صغيرة لحد ما كبرت. مني حست إن قلبها هيقف من كتر

الفرحة وبعيون كلها دموعها: ربنا يفرحك يا بابا زي ما فرحت قلوب العيلة كلها. ومسحت دموعها ودخلت الحاجات اللي جايبها معاها. شويه ونزلت هالة. هالة: إيه الحلاوة دي؟ إشمعنا شقة ملك اللي عمي مهتم بيها كل الاهتمام ده ومظبطها على الشعرة؟ مني: قولي ما شاء الله. ومتنسيش يا هالة إنها كمان شقة ابنك. هالة: آه طبعًا شقة ابني، بس كمان بنتي شقتها مش زي دي. مني: بصراحة معنديش إجابة. لما تروحي اسألي عمك. قطعت كلامهم زغاريط.

أمال: اللهم بارك، ما شاء الله، ربنا يهنيهم يا رب. يلا بينا يا مني عشان اتأخرنا. مني: وأنا بقول كده برضو، يلا نمشي أحسن. هالة بقرف: يلا يا أختي. 😏🧑‍🦯 بعد ربع ساعة وصلوا البيت، وهالة دخلت جري لعمها. هالة: بصراحة يا عمي الشقق جميلة، بس كان نفسي في تعديل صغير. خالد: خير يا هالة؟ حاكم أنا عارف إنك مش هيملي عينك غير التراب. هالة: بقيت أنا كده يا عمي؟ ربنا يسامحك. أنا بس كنت عاوزة شقة سيف وملك تبقى شقة علي وسمر بنتي.

خالد بغضب: هالة، من إمتى حريم السيوفي بيعدلوا عليا؟ إنتي نسيتي نفسك ولا إيه؟ هالة بخوف: لا العفو يا عمي، أصل بصراحة الشقة كبيرة وحلوة. خالد: كل الشقق نفس المساحة، بس إنتي اللي عندك فراغة عين. وسابها ومشي. أمال: هو إنتي ما فيش فايدة فيكي. مني بصت لها بزعل وطلعت. هالة: هو قلت إيه يعني؟ ولا دايما كلمتي واقفة في زوركم. أمال مردتش عليها ودخلت تجهز نفسها. مر الوقت وكل العيلة راحت على القاعة، وقاعدين في انتظار العرايس.

سيف راح على أوضة ملك ودخل: أومال فين عروستي يا جدعان؟ الميكب أرتست: عروستك أهي يا أستاذ سيف. سيف: لا متهزريش، أنا كنت سايب بنت صغيرة هنا، راحت فين؟ الميكب أرتست ماتت من الضحك: والله هي دي الآنسة ملك. ملك بتبصله بقرف وبتلف وشها الناحية التانية. سيف راح عليها وبيلف وشها: وريني كده لما أتأكد بنفسي. ملك: مابلاش استظراف بقى. سيف: بنت عيب 😳، هو في عروسة محترمة تقول لجوزها استظراف؟ ماهو العيب عليا أنا اللي معرفتش أربيكي 😉😉.

وبغمز لها. ملك بتكتم الضحكة بالعافية: هننزل ولا لسه؟ سيف وهو بيغمز: طب ماتخلينا شوية كمان. ملك بخوف: طب خليك إنت وأنا نازلة. سيف سحبها من إيدها: تعالي يابت هنا، أنا اللي أقول مين ينزل ومين لأ. يلا ننزل. ملك ابتسمت: يلا حضرت. سيف: شطورة حبيبة بابا. طلعوا من الجناح بتاعهم، لقت سمر وعلي وأميرة ويوسف طلعوا كمان. وكل واحد فيهم أخد مراته ونزل من سلم. هي لسه رايحة على السلم. سيف: إيه، إنتي رايحة فين؟ ملك: يووووف، مش هننزل؟

سيف: ليه؟ هو إنتي زي أي حد وبتنزلي من على السلم كده عادي؟ وأخدها وراحوا على مكان ضلمة كده زي الأسانسير. ركبوا فيه ونزلوا. فجأة لقت نفسها في نص القاعة ووسط المعازيم. واشتغلت الأغنية اللي هي بتحبها. طِليِّ بالابيض طليِّ يا زهره نيسان طِليِّ يا حلوي وهليِّ بهالوج الريَّان طِليِّ بالابيض طليِّ يا زهره نيسان طِليِّ يا حلوي وهليِّ بهالوج الريَّان واميرك ماسك ايديكِ وقلوب الكل حواليكِ