رواية احببت قاصرا الفصل الثاني والثلاثون 32 - بقلم شيماء الديب

سيف بغيره وغضب وكل المشاعر الملخبطة جواه نادي على ملك // ملك انتي يابت ياملك ملك سامعة ومطنشة وواقفة بتهز كتفها على الأغنية اللي شغالة سيف بعصبية // انتي يازفتة اللي اسمك ملك ملك عملت نفسها مش سامعاه من صوت الأغاني راحت بصتله وبتشاور على نفسها // بتنادي عليا ياابيه سيف سيف // اومال بنادي على أمي، خدي تعالي ملك // نعم ياابيه سيف، اديني جيت أهو سيف // بدل ما انتي واقفة تتمايعي كده ادخلي اعمليلي كوباية شاي ملك

// مش هعرف أعملها، ممكن تطلب من سمر سيف // لا انتي اللي هتعمليها ودلوقتي ملك بتذمر // أوووف، هو مفيش غيري في البيت ده وراحت على المطبخ. ولسه بتاخد البراد من على النار، ايديها اتهازت واتدلقت الماية الساخنة على ايديها وقضلت تصرخ. سيف سمع صوت اللي وقع في المطبخ وصراخ ملك، قام من الكرسي المتحرك وجري على المطبخ بدون ما يحس إنه مكنش بيقدر يقف على رجليه.

الكل ملهي في كتب الكتاب والمعازيم، ومني بس شافت سيف بيجري على المطبخ راحت وراه. سيف بصرخ // ملك ملك، مالها ايدك وريني كده ملك شافت سيف واقف قدامها على رجليه، وقفت تنحت ونسيت اللي جرالها. سيف // انطقي ياملك، يا خرااابي ايدك احمرت خالص مني بلهفة // مالها ملك ياسيف سيف // الماية المغلية اتدلقت على ايديها يامرات عمي، ناديلي يوسف بسرعة جريت مني على يوسف جابته لسيف على المطبخ. يوسف شاف سيف واقف متنح ومقدرش يتكلم. سيف

// انت لسه هتنحلي يايوسف؟ اجري على الصيدلية هات مرهم حروق يوسف واقف فاتح بوقه ولسه مزهول. سيف قام وقف ورا ضربه بالقلم على وشه. يوسف // أيه أيه، مين اللي ضربني سيف // أكيد أنا، اجري يازفت هات مرهم حروق من الصيدلية، ملك ايديها اتحرقت بسرعة، تزل بسرعة يوسف يجيب المرهم. سيف // ملك، هو انتي مش بتردي ليه مني // أه صحيح، مالك ياقلب ماما فيكي أيه، اتكلمي قولي أيه اللي واجعك ملك لسه مزهولة ومتنحة وبتشاور لامها على سيف. مني

// مالو سيف ياحبيبتي، عملك أيه ملك بتهته // أبيه سيف وقف على رجله ياما مني انتبهت لسيف واتصدمت. // أيه ده، والله ما اخدت بالي، سيف انت رجعت تقف على رجليك سيف بص لرجليه وبابتسامة // أيه دا، أنا بمشي، أنا بمشي ياملك، أنا بمشي يامرات عمي مني // حمد الله على سلامتك ياحبيبي، ألف حمد وشكر ليك ياربي يوسف بينهج من الجري // خد ياسي سيف المرهم

سيف اخده وبدأ يدهن لملك، وملك بتتوجع ومش مستحملة لمسته على ايديها، وفي نفس الوقت لسه متنحة لسيف وباصة في عيونه. سيف // هتفوقي انتي كمان ولا أضربك كف يفوقك زي يوسف يوسف // مع إن ايدك كانت تقيلة بس فرحتي بيك نستني الوجع ياصاحبي، حمد الله على سلامتك ملك وعيونها مدمعة من الفرحة // حمد الله على سلامتك ياابيه سيف // أنا آسف ياملك، كل ده حصلك بسببي، ياريتني ما طلبت منك حاجة، ياريتني أنا اللي اتحرقت

ملك بسرعة وحطت ايديها على شفايفه عشان ميدعيش على نفسه. ملك // بعد الشر عنك ياابيه، دا أنا بشكر الظروف اللي عملت كده عشان ربنا يشفيك وترجع توقف على رجليك من جديد سيف // الفضل يرجع ليكي بعد ربنا ياملك، لولا خوفي عليكي مكنش هيحصل كده يوسف // ها وأيه كمان ياده ده الجناين، أيه هنفضل قاعدين في المطبخ كتير مني ضحكت // هههههههه، ونبي صدقت يايوسف يابني، قومي ياملك نطلع عشان الجماعة ميقلقوش علينا

ملك طلعت وجدها شافها مش بتحرك ايديها راح نادي عليها. خالد // مالها ايدك ياست البنات ملك // ابدا ياجدو البراد اتدلق عليا خالد بزعل // مش تخلي بالك يابنتي، تعالي نروح المستشفى نتطمن ملك طبطبت على ايد جدها // جدو بص كده مين اللي واقف عن المطبخ خالد بيبص اتصدم. // سيف، سيف ياولاد، سيف حفيدي رجع وقف على رجليه الكل بص عليه وفضلوا يزرغطوا ويباركوا، وجري خالد وأسعد وأحمد وأمال وفضلوا يحضنوا ويبوسوا فيه. خالد بأعلى صوت وبفرحة

// ياأسعد بكره الصبح هات أكبر عجل على حسابي وادبحه ووزعه لله حلاوة شفاء حفيدي سيف الغالي ابن الغالي أمال فضلت تزرغط // ربنا يديك الصحة يارب يابابا ومايحرمنا منك خالد حضنها وباس على جبينها // نذراً عليا ياأمال لادبح عجل كمان لما يخرج حفيدي من المصحة ونوزعه لله كمان عادل // ربنا يخليك لينا ياحمايا العزيز، وبالمناسبة السعيدة دي أنا عازم العيلة كلها على العشا بكرة في أحسن وأكبر مطعم في البلد خالد

// لا يابني بلاش تكلف نفسك، أنا هعملكم أحلى عشا هنا عادل // لا والله يا حاج، أنا سبقتك وخلاص خالد // ماشي يابني ربنا يوسعها عليك يوسف بخباثة // ينهار أبوك أسوأ، بقي البت أميرة الوتكة دي مقدرتش تخليك توقف على رجليك، وملك اللي قدرت سيف // أنت أيه فهمك في الحب أنت، ولو على الشكل ملك أحلى منها بكتييير يوسف بسهوكة // الصراحة معاك حق ياض ياسيف، دي صارووووخ سيف بغضب // يووووسف يوسف بضحكة رجولية

// هههههههه، يا عم بهزر وربنا، طب وبما إني اتطمنت عليك وربنا شفاك كده مهمتي خلصت سيف بصله بجنب عنيه // يوسف خاف من بصته أوي // طب خلاص سكت، أه نسيت أقولك إذن الزيارة لمنة طلع وبكرة هنروح نقابلها سيف // بتتكلم جد يايوسف يوسف // وأنا من أمتي، وكان بيني وبينك هزار أمال // يلا ياولاد العشا جاهز، يلا الكل يتجمع على السفرة وبالفعل الكل اتجمع على السفرة، ومني وأمال جهزوا كل حاجة وقعدوا.

سيف فضل مستني لما ملك قعدت وجري بسرعة قعد على الكرسي اللي جنبها وشد يوسف من قفاه وراه وقعده في الكرسي اللي جنبه. يوسف // يابن اللعيبة ياسيف، موقع ممتاز جمب حبيبة القلب بالظبط سيف // والله ما حد هيفضحني غيرك يازفت، كل كل وانت ساكت يوسف عمال يلعب برجله في رجل سيف عشان عارف إنه بيغير من رجليه وسيف بيحاول يبعد رجليه عنه. راح لزق في ملك. ملك بتبص لسيف بغيظ وبتكلمه بصوت واطي // ابعد رجليك عني سيف

// والله انتي فاهمة غلط، أصل…… ملك قطعت كلامه // أنا على طول فاهمالك غلط يوسف مات على نفسه من الضحك. سيف // عاجبك كده، طب والله حسابنا لما نطلع فوق، بس اصبر والكل متجمع على الأكل وبيتكلموا وبيضحكوا وفجأة الباب خبط.