رواية أحببت قاسي الفصل الثالث 3 - بقلم مادونا عماد

حور بدموع: انت واخدني فين؟ سليم: عند المأذون، هتجوزك. حور ببكاء: لا، عشان خاطري، ابوس ايدك سيبني أمشي. سليم حس بنغزة في قلبه على دموعها: بس بقى وبطلي تعيطي. كتمت حور دموعها بخوف طول الطريق. سليم أوقف سيارته ونزل، فتح لها الباب ومسك إيديها: انزلي. خرجوا من أحد المباني، وعلى شفتيه ابتسامة لا يعرف سببها. حور: إحنا هنروح فين؟ سليم: بيتي. حور: بس روان أختي، أكيد رجعت من الجامعة وقلقّت عليا. سليم كان هيعترض،

نظرت له برجاء: لو سمحت. أومأ برأسه وذهبوا. *** بعد شوية، في منزل حور وروان. روان: حور اتأخرت أوي النهاردة وأنا قلقت عليها. رن جرس الباب. روان: أكيد حور رجعت. فتحت الباب وكانت حور فعلاً، حضنتها بقوة: اتأخرتي أوي وأنا قلقت عليكي. حور باين على وجهها البكاء، وسليم معاها. روان بقلق: مالك يا حور ومين ده؟ حور انفجرت في البكاء، وبعد ما هدت حكت كل حاجة لروان. روان بصدمة: بابا مستحيل يعمل كدا.

سليم بسخرية: للأسف يا آنسة روان، أبوكي حرامي ومجرم. روان نفت برأسها: أنا كنت بسمع حد بيهدده في الموبايل، وكان دايماً بيقول: "ابعد عن بناتي وطلعهم برا الموضوع". ومرة تانية قال: "إنه مش هيحكي لحد على اللي شافه عشان محدش يأذينا"، بس أعتقد إنه شاف حاجة حصلت في شركتك. سكت سليم يفكر لحظة في كلام روان، ثم قال ببرود: يلا نمشي. حضنت حور أختها، وروان مسحت دموعها وقالت لسليم: حور طيبة وملهاش ذنب في اللي حصل، ارجوك متأذيهاش.

أومأ سليم رأسه: حور مراتي، متقلقيش عليها. *** أوقف سليم سيارته أمام منزل عائلته. سليم: انزلي. نظرت له حور بتردد، ليمسك سليم إيدها ويغلق باب السيارة، ثم يدخل إلى المنزل. سليم: فااااطمة! فاطمة: نعم يا سليم بيه. سليم: نادي على أمي ومريم. فاطمة: حاضر. بعد لحظات، نزلت على الدرج امرأة بشوشة وطيبة القلب، وخلفها ابنتها مريم. منال: خير يا ابني؟ سليم: ماما، أنا اتجوزت. منال بصدمة: إيه! مريم: مين؟ وإمتى وإزاي وفين؟

سليم بضحك: إيه، إيه، كل دي أسئلة؟ أوقف حور بجانبه بعد أن كانت خلف ظهره وقال: حور بنت خالتي. منال حضنتها بحب: حور وحشتيني أوي. حور: وأنتي كمان يا طنط منال. منال: انتوا اتقابلتوا فين واتجوزتوا إزاي؟ سليم: هبقى أحكيلك بعدين يا ماما، المهم خدي حور تتعشى وترتاح في أوضتي، وشوفي لها لبس من عندك يا مريم. مريم بحماس: تعالي يا حور، انتي وحشاني أوي، انتي والبت روان. ذهبت حور مع مريم إلى غرفتها لجلب الملابس لحور. منال: سليم.

سليم: نعم يا أمي. منال: مش عايز ترجع تعيش معانا زي زمان لما أبوك الله يرحمه كان عايش، من وقت موته وأنت عايش مع خالك، ابعد عنه يا بني عشان خاطري. سليم: حاضر يا ماما، هاجي أعيش معاكم، سلام دلوقتي. نظرت في أثره بحزن، فهو بعد وفاة والده أخذه خاله جمال في صفه وجعله قاسياً مثله.