رواية احببت قدري الفصل الخامس عشر 15 - بقلم Ana Oo Oo

تاني يوم، خلصت قدر ومحمد نزل، وهي نزلت وراه. محمد: تدخلي على طول، فاهمه؟ قدر: حاضر. وصلنا، وأنا دخلت بسرعة وهو راح يركن العربية. محمد دخل على صوت زعيق. محمد: في إيه؟ قدر بصت له بصه بمعني: وربنا ما عملت حاجة. قدر: أنا جيت أقعد في المدرج ده، وهيا عايزاني أقوم. البنت: أنا اللي بقعد. محمد: إحنا مش في مدرسة عشان تقعدي ولا لا. البنت دخلت جوه بغضب، وقدر فضلت تغظها. محمد: النهارده امتحان، زي ما أنتم عارفين.

وزع الورق وبدأ يحل. قدر لنفسها: أي ده، ده امتحان ولا تخليص ذنوب. محمد: يله، معتش وقت. بعد شوية. قدر: أنا خلصت. حطت الورقة وخرجت، راحت الكافيتيريا. بعد شوية كان محمد خلص وراح عندها. محمد: هوا أنا كل مرة أشوفك هنا؟ قدر: مش حليت خلاص. محمد: ربنا يهديك، أنا هقعد في المكتب لو عزتي حاجة. قدر: يوووه، دكتور وحيد. محمد: عملك إيه؟ قدر: مش بطيقه. محمد: قدر، روحي المحاضرة يله. قدر: أففف، ماشي. محمد راح المكتب وقدر دخلت.

قدر كانت بتتكلم هي ووحدة. دكتور وحيد: الآنسة اللي بتتكلم ورا. قدر قامت: أنا. دكتور وحيد: أيوه، بره. قدر قامت وخرجت. دخلت عند محمد وأنا بعيط. محمد: إيه، مفيش باب؟ قدر: آسفة. محمد: اخرجي وخبطي تاني. قدر خرجت وخبطت تاني. محمد: ادخل. دخلت قدر بدموع. محمد: عايزة إيه؟ قدر: خلاص مفيش. محمد وهو مشغول: يله. قدر: كنت هقعد بس خلاص، هقعد في الكافتيريا. محمد قام: ونتِ مش عليكي محاضرة دكتور وحيد؟ قدر بتوتر: مهو بصراحة.

محمد قرب منها: تردك صح؟ قدر بتوتر: صراحة، أيوه هي. محمد: عملتي إيه حاجة؟ أكيد عملتي حاجة. قدر: لا، هوا اللي خرجني. محمد: قدر. قدر: أففف، كنت بتكلم. محمد بص لها بغضب و لم الورق وشدها ورا. قدر: استني هنا، الناس بتتفرج. محمد: هش. قدر: لسه عليا محاضرات. محمد: انتي مش بتحضري حاجة، انتي بتتكلمي بس. دخلنا العربية وأنا كنت بعيط. محمد: مش عايز صوت، فاهمه. لفيت وشي الناحية التانية. وصلنا البيت ومحمد طلع وشدها وراه.

دخلنا البيت. محمد: أنا داخل أستحمى، أخرج ألاقي الأكل جاهز. قدر: ها؟ محمد: إيه؟ قدر بدموع: وربنا ما فاهمة. محمد: داخل أستحمى وهخرج تكوني عملتي غدا. قدر: حاضر. محمد دخل ياخد شاور، وأنا غيرت ودخلت المطبخ بتوتر وفضلت رايحة جاية ومش عارفة أعمل إيه. بدأت أطبخ وأعمل زي اللي في النت وخلاص. محمد خرج وكنت قربت أخلص. محمد: مفيش جامعة بكرة. قدر بصدمة: إيه؟ محمد ببرود وهو داخل الأوضة: اللي سمعتيه، ولما تخلصي قوليلي.

ودخل وقفل الباب. قدر نفخت بدموع وغضب. عند رقيه وأمجد. رقيه صحيت على صوت الباب. أمجد: ممكن أدخل؟ رقيه: أيوه. أمجد دخل: هتفطري هنا ولا تحترمي؟ رقيه: مش عايزة أفطر. أمجد: رقيه يله. رقيه: إيه، أنا مش جعانة. أمجد ضغط على إيده بغضب وبيحاول يهدي نفسه. أمجد: تعالي ورايا يا رقيه. نفخت ورحت وراه. وقعت فطرت معاه. أمجد: هنطلع أسبوع شرم. رقيه بفرحة: بجد؟ أمجد: بجد يا حبيبتي. رقيه حاولت تخفي فرحتها وقامت: تمام.

أمجد: تعالي نجهز الحاجة. أمجد كان بيحاول يرجع رقيه لبيته بأي طريقة. خلصنا. أمجد: هنتحرك بكرة. رقيه: تمام. أمجد: نامي بدري. رقيه هزت راسها بالموافقة. أمجد خرج وأنا فضلت هموت من الفرحة. رنيت على تيتا فاطمة. رقيه: الوو يا تيتا. فاطمة: عاملة إيه يا روقة، وحشتيني. رقيه: وانتِ أكتر يا حبيبتي، عايزة أقول حاجة. فاطمة: إيه؟ رقيه: أمجد معتش بيعمل حاجة تزعلني وهنسافر بكرة، أنا فرحانة أوي. فاطمة: طب كويس. فضلت أتكلم معاها.

أمجد كان سامع رقيه وفرحتها الطفولية. ابتسم بحزن وقال لنفسه: كانت هضيع من إيدك، وإنت بكل غباء قتلت ابنك.