رواية احببت قدري الفصل الثالث عشر 13 - بقلم Ana Oo Oo

عند قدر ومحمد قدر دخلت الأوضة بس كانت زهقانة وغضبانه من محمد. قدر في الأوضة لنفسها: لو عرف إني نزلت هيعمل إيه؟ قدر قامت بتوتر. محمد كان دخل نام تاني. دخلت المطبخ تاني تعمل قهوة. أخدت القهوة ودخلت الأوضة بسرعة عشان محمد. شغلت الفون وعملت فشار ودخلت الأوضة. بعد شوية نامت والفون كان شغال والقهوة جنبي والفشار. الفجر أذن ومحمد قام يصلي. شاف النور بتاع أوضة قدر مفتوح. محمد خبط الباب: قدر صحّي. ملقاش رد.

دخل واتفاجئ بالمنظر ده. محمد: ينهار أسود! إيه اللي انتي عملاه ده؟ قدر فاقت: ها؟ إيه؟ محمد وهو بيلم الحاجة: قومي اتوضي. وكمان عملتي قهوة. قدر بتوتر: لا دي مش بتاعتي. محمد بغضب: بتاعت مين؟ الجيران؟ قدر جريت على الحمام ومحمد شال كل حاجة. محمد: قدر بكرة هتكوني صاحية 8 عشان تبقي تسهري تاني. قدر: ليه؟ هنبيع لبن؟ محمد بغضب: قدر مش عايز كلام. قدر: طيب. محمد: صلي هنا وأنا هنزل أصلي في الجامع تحت. هو قريب من هنا. قدر: تمام.

محمد نزل وقدر صلت في البيت. بعد شوية محمد أجا وقدر كانت نايمة في الأرض. محمد: ربنا يهديكي. حد ينام في الأرض. قرب منها وشالها ونزلها على السرير. ودخل أوضته ونام. الصبح محمد دخل لقى قدر وهي لسه مصحيتش. محمد: قدر قومي. قدر بنعاس: شوية بس. محمد: قولتلك نامي. قدر: أنا تعبانة ومش قادرة أجي. محمد: قدر بطلي الشغل ده وقومي يله. قدر: أُفّ. الجو سقعة. محمد قرب منها وشد الغطا وفتح النور: خمس دقايق وتكوني جاهزة ماشية. قدر: حاضر.

قدر لبست وخلصت وكان باين عليها النوم. محمد: خدي كلي ده. أخدت الساندوتش وأكلته. قدر: حاجة تانية؟ محمد: لا، ويلّا عشان منتأخرش. نزلت وراه والحمد لله. الحارس اللي جاب لي الاندومي متكلمش. ركبت معاه ونمت في العربية تاني. محمد بنفاذ صبر: قدر معتّش تنامي. قدر: ها؟ حاضر. وصلنا قبل الجامعة بشوية. قدر: خلاص نزلني هنا. محمد وقف: يالا خشي. قدر: طيب ما تخش انت. محمد: قدر. قدر جريت على جوه بسرعة.

دخل محمد بالعربية ونزل بكل هيبة واتجه للمحاضرة وملقاش قدر. قدر دخلت وراه بسرعة. قدر بتوتر: ممكن أدخل؟ محمد: كنتي فين؟ قدر: كنت كنت بره. محمد: اتفضلي. اطلعي بره. محدش بيدخل ورايا. قدر بصوت عالي شوية: يعني هخرج من الجنة؟ محمد بص لها نظرة حادة وهيا جريت بره وراحت للكافتيريا. محمد خرج وفضل يدور عليها وراح للكافتيريا لقاها قاعدة بتاكل. محمد بغضب: يعني انتي محضرتيش المحاضرة وكمان بتاكلي؟ قدر: ما انت مش عايز تدخلني.

محمد: لسه ربع ساعة على المحاضرة التانية. قدر قعدت براحة: طيب لسه بدري. محمد بغضب: قدر لو لقيتك هنا هزعلك. قدر: طيب لما أخلص. محمد: 1. قدر جريت على المحاضرة التانية. بعد شوية كانت خلصت ومحمد خلص واستناها بره. في العربية محمد: هعمل بكرة امتحان. قدر: متخليك الأسبوع الجاي. يارب تخش الجنة. محمد: قدر أنا مش بعيد كلامي. وريني بقا هتذاكري اللي شرحته النهارده إزاي. قدر ابتسمت بغرور: هعرف اللم في ثانية.

محمد ابتسم بسخرية: هنشوف. ومشوا روحوا البيت. الحارس: اتفضلي يا هانم. قدر بتوتر: إيه ده؟ الحارس: ده الباقي من الاندومي نسيت أجيبه. محمد: اندومي إيه؟ الحارس: قدر هانم نزلت امبارح وقالتلي إنك طالبة اندومي. محمد وهو بيبص لقدر: اممم. قدر: استأذن أنا بقى وجريت فوق. محمد طلع وراها وهيا كانت دخلت الأوضة وقفتلت. محمد بغضب: افتحي يا قدر وإلا أقسم بالله هكسر الباب. قدر: اهدا بس هقولك.

محمد: قولتلك متنزليش ومتشربيش قهوة وإنتي عكستي كل كلامي. عند روقية وعلي رقية: علي هوا أنا ينفع أروح المستشفى دلوقتي؟ علي: أيوه مفيش مشكلة. رقية: تمام هلبس. رقية طلعت تلبس. خلصت رقية ونزلت. ركبت مع علي. وصلها المستشفى. رقية: شكراً بجد يا علي. علي: مفيش شكر بينا. رقية: أنا هبقى أرجع أنا. علي بتحذير: رقية أنا هاجي آخدك. متمشيش لوحدك. رقية: ليه؟ أنا بس... علي: رقية. رقية: حاضر.

دخلت المستشفى وكانت حلوة جداً. بدأت شغل بكل حماس بس كان في دكتور شكله غريب لفت نظري عن الموضوع. الدكتور (اللي شكله غريب) : الو... أمجد بيه. الحارس: أيوه أنا الحارس بتاعه. الدكتور: البنت اللي بيدوروا عليها هنا؟ الحارس: فين؟ انت مين؟ الدكتور: عايز الفلوس. الحارس: كل حاجة بس قول المكان. الدكتور بعت له المكان والحارس بلغ أمجد وأمجد اتحرك بسرعة. كانت رقية خلصت. وخرجت وعلي كان واقف بره. علي: إيه؟ عملتي إيه؟

رقية: يوم جميل وحبيت المستشفى أوي. علي: طب كويس. اركبي بقى عشان عزمتك. رقية: اممم. عزمني لي؟ علي: أول يوم شغل ليكي. يله بقى اركبي. رقية كانت راحة تركب. أمجد نزل من العربية: رقية. رقية بصدمة وقفت ورا علي: أم... أمجد. أمجد جري عليها وهيا انكمشت. فكرت هيضربها. هو حضنها: عمري ما همد إيدي عليكي تاني. رقية زقته: ابعد عني. أمجد: رقية تعالي. رقية: أجي إيه؟ بسهولة دي؟ أمجد: رقية تعالي هنا. علي: تيجي فين؟ هيا سيبها.

أمجد: انت مين؟ رقية: ده علي وأنا هروح معاه. أمجد قرب منها ومسك إيدها: تعالي معايا يا رقية. علي قرب منه وفك إيده من إيدها: تيجي فين؟ أمجد قرب منه: إيدك. علي شد رقية وراه. أمجد قرب منه بغضب وشد رقية وضرب علي بوكس. علي بغضب رد البوكس. ومسكوا في بعض. ورقية فضلت تعيط وتصوت. وحراس أمجد قربوا منه وضربوا علي. بعدوه عنه. ورقيه قربت منه: اتصلوا بالإسعاف. الإسعاف أجا وأخدوا علي اللي كان شبه مغمي عليه.

رقية قعدت في الأرض وفضلت تعيط. أمجد قرب منها وحضنها وهيا بتحاول تزقه. شالها ونزلها في العربية. أمجد: متخافيش مش هيجراله حاجة. دي قرصة ودن عشان يبقى يمسك إيدك. رقية فضلت تعيط. أمجد: انتي إيه اللي خرجك من البيت وكنتي فين كل ده؟ رقية بغضب: مشيت عشان مش عايزة أشوفك. انت دمرتني. إيه؟ وأغمي عليها. أمجد سرّع العربية للبيت. نزل وشالها وطلع فوق. نزلها على السرير.