رواية احببت كفيفاً الفصل الثالث 3 - بقلم نيرة محمود

تيا: صحيح، كنتي عايزاني في إيه؟ = جايلك عريس. تيا: نعم! = بقولك جايلك عريس. تيا: ودا مين بسلامته؟ مامت تيا: العريس مروان ابن خالتك. تيا: أنتي بتقولي إيه يا ماما؟ أنتي بتهزري! دا مروان ده بعتبره أخويا. إيه يا ست الكل هو في حد بيتجوز أخوه؟ = بت، إيه الكلام اللي بتقوليه ده؟ طبعًا مش أخوكي. وبعدين أنا اديت كلمة لخالتك وهم جايين بكرة.

تيا: تنوّر خالتي هي وابنها اللي هو أخويا. بس عمومًا كده أنا مش موافقة. وبعدين أنا رايحة الجامعة بكرة. = أنا مش سألتك عن رأيك توافقي أو متوافقيش. وبعدين الجامعة الصبح، ومفيش عريس بيجي يتقدم الصبح يا خفيفة. تيا: ماما أنا داخلة أنام. تصبحي على خير. = وأنتي من أهل الخير. تاني يوم = تيا تيا، أنتي يا زفتة. قومي هتتأخري على الجامعة. تيا: إيه يا ماما؟ حد بيصحي حد كده؟ وبعدين جامعة إيه اللي هتأخر عليها؟

= طب يلا قومي البسي وأنا بجهز الفطار. تيا قامت ولبست وبقت زي القمر. تيا: سلام يا ماما. = بت خدي لما أقولك، هو إيه اللي سلام يا ماما؟ مش تفطري؟ تيا: لا افطري أنتي بقى يا ست الكل. أصل نور مستنياني في الجامعة أفطر معاها. سلام. = سلام، ومتتأخريش عشان خالتك وابنها جايين. تيا: حاضر يا ماما، سيبيني أمشي بقى. = أمشي يا أختي وأنا ماسكة فيكي. تيا وصلت الجامعة وراحت لنور على الكافتيريا. تيا: إزيك يا نور؟

نور: أهلًا يا أختي، لسه فاكرة تيجي؟ تيا: يلا نحضر المحاضرة عشان لازم أروح بدري. نور: ليه؟ تيا: خالتي جاية هي ومروان. نور: وإيه الجديد يا بنتي؟ خالتك كل يوم عندكم. تيا: أيوه بس المرة دي زيارة مختلفة. مروان جاي يتقدملي. نور: لولو لولو لولوي! تيا: إيه يا زفتة؟ فرجتي علينا الناس. = بلاش أفرح لصحبتي؟ تيا: أنا مش موافقة، مروان ده زي أخويا. نور: خيبتك! أخوكي مين؟ أنتي مش ليكي أخوات. ووافقي يلا عشان عايزة ألبس فستان.

تيا: أيوه، أنتي عايزة تدبسيني في جوازة عشان حضرتك تلبسي فستان؟ نور: أيوه طبعًا. تيا: الله يخربيت كلامك، المحاضرة معادها فات. نور: محاضرة إيه بقى؟ إحنا نخلينا في مروان دلوقتِ. تيا: تيا، روحتي فين؟ = إيه يا زفتة؟ أنا موجودة أهو. بصي وراكي، آدم جاي مع واحد زميله. نور: طب خليكي قاعدة وخلي عندك كرامة ومتقوميش. هو لو عايزك هيجيلك. تيا: الله يخربيتك! مش بقول مش بتفهمي؟ هيجيلي إزاي وهو مش شايفني يا غبية؟

قومي روحي بيتكم يا بت. نور: آه صحيح نسيت إنه مش بيشوف. لا أنا مش مروحة، أنا قاعدة على قلبك. تيا سابت نور وقامت راحت لآدم. تيا: إزيك يا أستاذ آدم؟ عامل إيه؟ آدم: الله يسلمك، مدام تيا صح؟ تيا: لا آنسة يا باشا مش مدام. آدم: عارف إنك آنسة بس قولت أشوف هتقولي إيه. تيا: وعرفت منين؟ آدم: لحظة بس أعرفك على صاحبي ونتكلم. تيا يا محمد، زميلتي لسه متعرف عليها إمبارح. محمد يا تيا، صاحبي بس صاحب جدع. تيا: سعيدة بمعرفتك يا محمد.

محمد: أنا أسعد يا تيا. آدم: إيه، أنتوا هترغوا كتير؟ يلا بقى يا محمد روح المشوار اللي كنت رايحه وأنا هتصل بيك وأنا ماشي. محمد: بس أنا مش عندي... آدم مقاطِعًا: يلا سلام. محمد: سلام. آدم: أهو محمد مشي، نرجع نتكلم بقى. كنتي بتقولي عرفت إزاي؟ تيا: أيوه فعلًا. آدم: أنا حسيت بكده من أول ما سمعت صوتك أول مرة. صوتك حلو أوي وجذبني. تيا: (مصدومة) آدم: أنتي يا بنتي روحتي فين؟ هو عشان مش بشوف تسيبيني وتمشي كده؟

تيا: لا أنا مش مشيت، أنا لسه قاعدة. آدم: طب أنا عايز أقولك على حاجة بس مش تقولي عليا أهبل. تيا: اتفضل قول، أنا سمعاك. آدم: أنا أنا... تيا: إيه يا ابني أنتا علقت؟ آدم: أنا بحبك يا تيا، ومش قادر أبطل تفكير فيكي من إمبارح. مروحتيش عن بالي ولا ثانية. تيا طبعًا قاعدة مصدومة ومش عارفة تقول إيه. آدم: تيا، قولتي إيه؟ تيا: أنتا عارف بتقول إيه؟ أنتا بتقول لواحدة مش عرفتها غير إمبارح إنك بتحبها! لازم أكون مصدومة ومش قادرة أفكر.

آدم: متشليش هم إني مبشوفش. أنا كمان يومين هعمل عملية ويرجعلي نظري. تيا: أنا والله مش بفكر في كده. آدم: عمومًا أنا مش عايز ردك دلوقتي، فكري براحتك. ممكن بس لو سمحتي رقمك؟ تيا: اتفضل. آدم: أنا هبقى أكلمك لما أعمل العملية أعرف ردك. آدم: محمد بيتصل. هو مبشوفش بس الفون فيه خاصية بتقولي مين اللي بيتصل. تيا: طب سلام. آدم: هستنى ردك. سلام يا حبيبتي.

تيا مشيت رجعت لنور وحكتلها كل حاجة. ونور طبعًا مبسوطة لإن لو مش مروان العريس هيبقي آدم، وفي الحالتين هتلبس فستان. نور روحت هي وتيا. تيا طول الطريق مصدومة مش عارفة هتعمل إيه مع مروان وهتقول إيه لآدم. يا ترى نور هتتجوز مين؟ وإيه المشاكل اللي هتواجهها بسبب قرارها؟