رواية احببت قمر الصعيد الفصل السابع 7 - بقلم حنين محمد حنون

جاء صباح اليوم التالي. قمر استيقظت وبدأت تصحي أسر، بس أسر كان عايز يكمل نوم، طبعًا ما هو نايم متأخر أساسًا بسبب تارا. قمر: يلا بقى يا أسر. أسر... وجابت المنبه وحطيته جنب ودنه، ما فيش فايدة. لحد ما جات لها فكرة شافتها على اليوتيوب. فكرت تعملها في أسر يزعل، بس بعد كده قالت لا، ده قلبه طيب ومش هيعمل حاجة. جابت ألوان ورسمت وش مخيف على وش أسر، اتعلمته من اليوتيوب. وهو كل ده نايم ومش حاسس بحاجة.

وبعدين بقى قامت سابت الألوان. وبعدين ولعت بخور وعملت دخان ياما في أوضة النوم وصوتت وقالت: أسر أسر الحق، إحنا بنولع. آه هموت محروقة يا أما. أسر قام مفزوع: أهدي أهدي، طب حصل إزاي. قمر فضلت تضحك وراحت فتحت الشبابيك عشان الدخان. ده وسط صدمة أسر، وبعدين قال: إيه ده يا قمر، في حد يصحى حد كده. قمر بضحك: ما أنت ما كنتش هتصحى غير بكده. أسر: ماشي يا قمري، مقبولة منك. المهم، جاي لف يبص في المراية اتفزع: عااااا... مين ده!

قمر فضلت تضحك على نفسها. أسر: بقى كده يا قمر، يا بنت أم قمر. والله ما هسيبك، إنتي اللي بدئتي المقالب، تعالي هنا. وطلع يجري وراها وهي تجري لحد ما مسكها وقال: ماشي يا قمري، استعدي بقى اللي هيحصل. قمر: أسر هتعمل إيه؟ أسر: هو مش كل واحد بيغلط لازم يتعاقب. أنا عقابي بقى إني هحط لك ميك أب، يلا اقعدي على الكرسي ده. قمر: لا يا أسر شكراً، أنا عايزة وشي. أسر: قمر... قمر: يوه بقى يا أسر... قمر قعدت وأسر طلب منها تغمض عينيها.

غمضت عينيها. وأسر خلص الميك أب ليها. وبعدين قال لها: يلا، أنا هلف الكرسي دلوقتي للمرايا، بصي هتنبهري. قمر: وأنا مستنية أنبهر. أسر: يلا 1 2 3. ولف الكرسي. قمر: عاااا، مين دي يا أسر، أنا عايزة وشي. أسر ببرود: استني بس يا قمري. وفضل ياخد معها سيلفي ويقول: أنا وصفية زغلول من قوم بني زعتر. ههههههه... مش قادر، شكلك فصلان. قمر: بقى كده يا أسر، ماشي. أسر: أنا رايح آخد شاور، هتأخر على الشغل كده يا حلوة يا ناس. ههههههه...

ودخل ياخد شاور. قمر ابتسمت لما افتكرته وهو بيضحك. ومسحت وشها من خريطة العالم اللي هو عملها دي. وحضرت الفطار. أما هو فاخد شاور ولبس بدلة لونها بني وقميص أبيض وخرج يفطر. أسر: صباح العسل يا قمري. قمر: والله شوف إزاي، ولا كأنه عمل حاجة. أسر: هو أنا عملت حاجة يا قمري؟ بقى دكتور محترم زيي وملتزم وبيصحى في مواعيد ويعمل حاجة برضه. قمر: لا، أنا اللي عملت، يا أسر، ولا تزعل نفسك. يلا تعالي نفطر. وقعدوا يفطروا وخلصوا فطار.

وبعدين أسر باس راسها وقال: يلا خلي بالك من نفسك، اوكي يا روحي. طبعًا السواق هيبقى تحت، هيروح ويجي معاكي. وأي حاجة أنا معاكي على الموبايل. قمر بابتسامة: ماشي. ومشي. وهو نازل على السلم لقى تارا بترن عليه. أسر: الو يا تارا، عاملة إيه؟ تارا: الحمد لله يا أسرى. طالما أنت جنبي يا روحي. أسر وهو بيركب عربيته وهو بيكلمها. تارا: حبيبي، عدّي عليا خدني وانت ماشي النهارده. علشان عربيتي الكاوتش نام مرة واحدة، مش عارفة ليه.

والنبي وافق يا أسرى، أنت عارف إن بابي ومامي مسافرين الفترة دي. أرجوك يا أسرى. أسر: خلاص جايلك يا تارا، يلا. تارا: ماشي يا أسرى، مستنياك يا روحي، بحبك. أسر قفل. وراح على بيتها ووقف بعربيته. وهي نزلت ركبت العربية. تارا: جود مورنينج يا بيبي. أسر: جود مورنينج. تارا: ها، إيه رأيك في الطقم ده يا روحي؟ أسر: كويس يا تارا. بس هو أنا مش قلت نبطل شوية اللبس ده ونطول لبسنا يا تارا. تارا:

يووو يا أسرى، رجعنا للتفكير الرجعي ده تاني يا بيبي. خليك متحضر بقى يا روحي. أسر بعصبية: تارا، إيه العلاقة بين التحضر وإن انتي يبقى لبسك كله يبقى مكشوف كده. يعني إيه؟ اللي أنا بقوله ده ما اسمهوش تخلف، اسمه الأصول يا تارا اللي انتي ما تعرفيهاش. عمال أقول لك بقالي كتير، بس انتي حتى ما فكرتيش. على الأقل تفكري في الكلام اللي بقوله. كل مرة نفس الجملتين بتوعك. إنتي مش بتحبيني يا تارا، صح؟ تارا:

لا يا أسرى يا روحي، ما تقولش كده. خلاص حاضر من عيني يا بيبي، هحاول أطول لبسي وأعمل اللي انت عايزه. صدقني، أنت عندي بالدنيا كلها يا روحي. خلاص بقى، أنت قفوش كده ليه يا أسرى. أسر: خلاص يا تارا. تارا: أوكي يا أسرى، اللي انت عايزه هحاول أعمله يا بيبي. هو أنا عندي كام أسر يعني. اضحك بقى يا أسرى. أسر بابتسامة: خلاص يا تارا. تارا: أسرى، هو أنت مش ملاحظ إنك الفترة دي بتقول تارا كتير. يعني ما بتقولش حبيبتي.

بلس كده كمان، أنت كنت دايماً تنهي أي كلام بينا أو أي خلاف بكلمة بحبك. بس أنت ما بتقولش الكلمة دي دلوقتي خالص. أسر: عادي يعني يا تارا، فيها إيه؟ تارا: عادي وفيها إيه! فيها إنك مش مهتم بيا يا أسر، ولا بقيت في دماغك أساسًا. أسر، أوعي أي واحدة تاخدك مني يا روحي، أنا أموت فيها. أسر: ما تخافيش يا حبيبتي، ويلا بقى عشان ننزل، وصلنا اهو. و أسر نزل وتارا كمان. وبعدين دخل عطي محاضراته وخلص. وركب عربيته وطلع على المستشفى.

على الجانب الآخر. قمر لبست بيزك دريس لونه أبيض ولبست عليه جاكيت جينز أسود وشوز أسود وطرحة بيضاء. وأخذت الباج بتاعتها ونزلت. لقيت طبعًا السواق مستنيها وركبت لحد ما وصلت هناك. وبعدين دخلت وقعدت. وبدأت في الكورس. أسر وصل المستشفى وبعدين راح للؤي. أسر: هالو يا مان. لؤي: أهلاً يا برو. ها، إيه الأخبار؟ أسر: تمام الحمد لله، وانت. لؤي: لوز اللوز يا برنس. أسر: طب بذمتك، دي طريقة كلام دكتور محترم؟ فيه دكتور كده؟ لؤي:

مش أنا كده، يبقى فيه يا برو. أسر: ماشي يا أخويا. لؤي: ما تيجي تسهر النهارده معايا. أسر: لا يا عم، ما أنا لسه قايلك، أنت مستحيل تبقى دكتور. إزاي دكتور وباد بوي في نفس الوقت. لؤي: عادي عادي، بتحصل في أحسن العائلات. بس أنت اللي فقري وما بتحبش السهر. أسر: ربنا يهديك يا مجنون انت. لؤي: يا رب. أسر: وينجحك أكتر. لؤي: يا رب. أسر: ويرزقك ببنت الحلال اللي تطلع عيناك. لؤي: لا لا يا رب، ما تستجبش لدعاءه يا رب.

يا عم، أنت عايز أعيش وأفرفش يا عم. أسر: غور يالا من هنا. لؤي: انت في مكتبي على فكرة. أسر: يا رب على أرفك. وراح مشي. نرجع لقمر. بعد ما خلصت الكورس ولسه ماشية. لقت نفس الشاب بينادي عليها: أستاذة قمر. قمر: أيوه. الشاب: معلش لو مش هزعجك، ممكن بس أصور الاسكتش. إنتي بتكتبي ملاحظات وكده يعني، لو ماعندكيش مانع. قمر: لا، أكيد ماعنديش، اتفضل صور. وطلع تليفونه وبدأ يصور. الشاب: تمام، شكراً ليكي بجد. وبالمناسبة، اسمي ريان. قمر:

تشرفنا يا ريان. أستأذنك. ومشت. ووقف ريان مبتسم. قمر روحت البيت غيرت وبعدين ارتاحت شوية. وقامت عملت الأكل وقعدت على الفون. وأسف خلص شغله وروح كالعادة. ودخل غير هدومه وطلع. وقعدوا هو وقمر على الغدا. أسر: ها يا قمري، عملتي إيه النهارده؟ عايزك تحكيلي كل تفصيلة في يومك يا روحي. قمر بدأت تحكيله كل حاجة. وحكتله كمان لما ريان طلب منها يصور وكده. أسر قاطعها بعصبية: واشمعنى إنتي بقى يا أستاذة قمر يطلب منك؟ قمر:

عادي يا أسر، طلب مني يصور بس الملاحظات وصورها وبس. أسر بعصبية: خلاص، إنتي بالنسبة لك الموضوع عادي، خلاص ما فيش خروج خالص. ولا الكورس ولا غيره، ما فيش طلوع خالص. وقام وساب الأكل بعصبية. وقمر قعدت تعيط.