رواية احببت قمر الصعيد الفصل السادس 6 - بقلم حنين محمد حنون

مر الوقت وقمر لبست دريس أزرق وطرحة بيضاء وشوز أبيض. لقت بعدها أسر رن عليها: ها يا قمري جاهزة؟ قمر: أه أنا هنزل أهو يا أسر. أسر: ماشي يا قمر يلا انزلي. قمر: ماشي يلا سلام. أسر: سلام. ونزلت قمر لأسر. أسر أول ما شافها: طالعة حلوة كالعادة يا قمري. قمر بابتسامة وكسوف: شكراً. وركب جنب أسر ومشيوا لحد ما وصلوا لمكان الكورس. أسر مسك إيد قمر ودخل معاها لحد جوه. أول ما المسؤولة عن الكورس شافته قامت وقالت باحترام:

أهلاً أهلاً دكتور أسر شرفتنا يا فندم. أسر: شكراً كل حاجة ياريت تتم زي ما طلبت وهي شاطرة جداً على فكرة. المدرسة: أكيد يا دكتور إحنا فاهمين كل حاجة حضرتك عايزها وهتتنفذ، هو إحنا هيجيلنا الساعة لما نخدم دكتور أسر. أسر: تمام. وبعدين وجه كلامه لقمر: يلا يا قمر ادخلي معاها وهي هتعرفك تروحي فين وتقعدي فين وكل حاجة. قمر: ماشي. أسر: يلا خلي بالك من نفسك وأي حاجة تحصل اتصلي بيا. قمر: حاضر سلام. أسر: سلام يا قمري.

أسر خرج والمسؤولة عن الكورسات أخدت قمر وصلتها وقالت: دي تبقى قمر وجديدة هنا. قمر دخلت قعدت وبدأت تركز في الكورس لحد ما الوقت خلص. وفي النهاية خلصت ولسه طالعة لقيت حد بينادي عليها: أستاذة بعد إذنك. قمر لفت وشها لقت شاب بيقول: إنتي قمر مش كده. قمر: أيوه حضرتك عايز حاجة. الشاب: أيوه إنتي نسيتي الورق بتاع الكورس ده. قمر: أيوه ماشي شكراً لحضرتك. الشاب: لا بالعفو على إيه، لو ماعندكيش مانع يعني ممكن نبقى أصحاب. قمر:

لا معلش أنا آسفة أنا مش عايزة أصاحب. وراحت مشيت. خرجت بره لقيت العربية مستنياها. والسواق قال: مدام قمر أستاذ أسر بيقول لحضرتك اركبي وهو هيرجع كمان ساعتين تلاتة كده ولا حاجة. قمر ركبت العربية وصلت البيت دخلت غيرت هدومها وبدأت تعمل الأكل وخلصت. وطلعت تشوف ورق الكورس وتراجعه وهي بتذاكر أسر جاه. قمر قامت: حمد لله على السلامة. أسر: الله يسلمك يا قمري، عملتي إيه النهارده بقى كان يوم حلو؟ قمر:

أه كان يوم لطيف يعني عادي، أخدت الكورس وخلصت وجيت عملت الغداء وقعدت أذاكر شوية إنت جيت. أسر: يعني إنتي مبسوطة يا قمري ولا حابة تغيري الكورس، لو حابة تغيريه أشوفلك واحد تاني وتالت، ماتشغليش بالك. قمر: لا لا ده كويس يا أسر، يلا روح إنت بقى غير هدومك علشان نتغدى. أسر: ماشي يا قمر هغير بسرعة مش هغيب. قمر: ماشي يلا. أسر دخل غير هدومه ولبس ترنج بيتي وخرج.

وبدأوا هما الاتنين ياكلوا وخلصوا الأكل وبعديها قمر قعدت بتذاكر للكورس شوية. وأسـر قاعد على الفون لحد ما قمر خلصت. قمر: أسر أنا هروح أنام بقى عشان تعبانة جداً. أسر بخوف: ليه يا قمري مالك في حاجة وجعاكي نروح للدكتور طيب؟ قمر: لا يا أسر قصدي يعني شوية إرهاق بس يلا أنا هدخل أنام. أسر: طب يلا يا قمري. و دخلوا ناموا. -جاء صباح اليوم التالي. قمر صحيت وصحت أسر. أسر قام أخد شاور ولبس بدلة زرقاء وقميص أبيض وخرج.

فطر هو وقمر وباس راسها ونزل. قمر قعدت شوية ودخلت أخدت شاور ولبست بيجامة ستان زرقاء وسبت شعرها. قعدت شوية على TV وبعدين على الفون. وبعدين قامت عملت الغداء وخلصته كانت الساعة جات سبعة بالليل. أسر جاه. أسر أول ما دخل شافها سرح فيها شوية وبعدين قال: حلوة. قمر: إيه؟ أسر: أيوه يا قمري ريحة الأكل وشكله وهو محطوط على السفرة حلوة جامد جداً. يعني حلوة بطريقة لا توصف الصراحة. قمر:

أيوه يا أسر ما أنا النهاردة جبت من على النت طريقة النجرسكو وعملتها. أسر: أيوه بقى. هروح أغير هدومي بسرعة وأجي جري عشان نجرسكو يلا. و راح غير هدومه وخرج قعد على السفرة وأكلوا هما الاتنين وخلصوا. أسر: آه مش قادر أنا أكلت كتير قوي من كتر ما هي حلوة بطني مش قادر بجد. خلاص هتنفجر، هتبوظي جسمي يا ست قمر. النظام الغذائي بتاعي هيروح. قمر بضحك: بالهنا والشفا يا أسر في إيه؟ ما إنت بتاكل أهو وزي ما إنت. أسر:

يا ربي على النق بقى ده. نقي يا أختي نقي. ما إنت مش هامك حاجة وإنتي جسمك سمبتيك كده مهما بتاكلي. قمر بضحك وهي بتقلده: يا ربي على النق ده. أسر ضحك وهي كمان ضحكت. أسر سرح في ضحكتها: ضحكتك حلوة قوي يا قمري، أوعى الضحكة دي تروحي أبداً. وقام باس إيديها وقال: تسلم إيدك الأكل تحفة. ومشي. وقمر ابتسمت وبعدين قامت لمّت الأطباق وراحت على المطبخ. وخرجت تراجع عشان عليها كورس بكرة وخلصت مراجعة وبعدين دخلت تنام هي وأسر.

أسر كالعادة أخدها في حضنه عشان ينيمها زي الأطفال لحد ما نامت. وهو لسه عينيه هتغفل. لقي موبايله بيرن بيبص لقاها تارا. بصراحة مردش أول مرة لأنه تعبان فعلاً وعايز ينام. بس بعد كده لقي موبايله جات عليه مسدج من تارا بتقوله: أسر أسر الحقني. وبعدين موبايله رن. رد بسرعة وقال بقلق: في إيه يا تارا مالك يا روحي. تارا:

الحقني يا أسر الحقني دخل عليا حرامي وهو هرب بعد ما شافني بس أنا خايفة قوي وإنت عارف بابي ومامي مسافرين يا أسر الحقني. أسر: طب أهدي أنا جاي حالا. أسر ساب قمر بالراحة عشان متصحاش ولبس بنطلون على تيشرت وراح لتارا بسرعة. خبط على الباب. تارا فتحت وأول ما فتحت حضنته وقالت: أسر حبيبي كويس إنك جيت يا روحي. أسر: تارا من فضلك بلاش كدة وزقها من حضنه. تارا: معلش يا أسرى بس صدقني كنت خايفة. أسر: طب أهدي يا تارا. تارا قعدت تعيط.

أسر: خلاص يا تارا معلش. تارا مسكت إيد أسر وحطت راسها على كتفه. تارا: أنا ببقى حاسة بالأمان والراحة وإنت جنبي يا حبيبي إنت. أسر: ما تخافيش يا حبيبتي. وكمان أنا جبتلك جاردات بره هيفضلوا هنا قدام الشقة معاكي، أوكي يا تارا. تارا: لا يا أسرى خليك معايا يا روحي متسبنيش. أسر: أنا معاكي. بس ماينفعش أقعد معاكي يا تارا. علشان كده كده أساساً مافيش حد في البيت.

أنا جبتلك جاردات بره يا روحي ومعاكي على الموبايل أي حاجة أي حاجة احتاجتيها وفي أي وقت رني عليا هكون عندك على طول ماشي. تارا: بقي كده يا أسرى تسيبني لوحدي يا روحي. أسر: ده عشانك يا روحي. علشانك إنت. وكمان دي الأصول يا تارا. يلا أنا همشي عايزة حاجة. تارا: سلامتك يا أسرى يلا تاك كير يا بييي. أسر: يو تو يا تارا. أسر خرج ووصى الجاردات وبعدين روح.

دخل البيت لقي قمر نايمة زي ما هي غير هدومه وراح ينام وشاف قمر وهي نايمة زي الملاك أخدها في حضنه ونام. جاء صباح اليوم التالي. قمر صحيت وبدأت تصحي أسر بس أسر عايز يكمل نوم طبعاً ما هو امبارح بسبب الست تارا نام متأخر. قمر: قوم يلا بقي يا أسر. أسر. وجابت المنبه حطيته جنب ودنه ما فيش فايدة. لحد ما جات لها فكرة شافتها على اليوتيوب.