رواية احببت قمر الصعيد الفصل التاسع 9 - بقلم حنين محمد حنون

اسر ابتسم أول ما افتكر قمر، وبعدين فكر يتصل بها. اتصل بها: "الو يا قمري... "ايه يا اسر... اسر مش عارف يقول ايه: "قوليلي يا قمري، عاملالي أكل إيه النهارده يا روحي؟! "عامله مكرونة وبانيه، إيه رأيك؟! "أي حاجة من إيديكي حلوة يا روحي، مادام قمري اللي عاملاها... "تسلملي يا اسر. قدامك كتير على ما تيجي... "يعني ساعتين بالكثير وهبقى عندك يا روحي." ثم أكمل بمشاكسة: "إيه وحشك يا قمري؟ "ها... لا... قصدي يعني بسأل بس عشان ناكل...

"بقى بتسأليني راجع إمتى عشان ناكل؟ إنتي فصيلة يا قمر. يلا سلام." قمر قفلت معاه وهي بتضحك: "طب والله مجنون." وبعدين اسر خلص شغل ورجع البيت. وهو راجع فكر يجيب هدية لقمر. عدى على محل وجاب سلسلة حلوة أوي لقمر وأخذها ورجع البيت. وبعدين فتح الباب ودخل، لقي قمر بترص الأكل على السفرة ولابسة بيجامة ستان بيضاء لايقة مع لون بشرتها، وتركت لشعرها العنان. سرح فيها شوية أول ما شافها، لحد ما فاق من شروده لما هي بدأت تحرك

إيديها قدام عينيه وبتقول: "اسر سرحان في إيه؟ "فيكي... قمر سكتت وراحت تكمل رص السفرة. واسر راح غير هدومه وراح يقعد على السفرة، وبدأوا يتغدوا. "اسر... "عيونه... "بصراحة كده، اتصلوا بيا من الشركة عشان يبلغوني ردهم؟ "ها يا قمري، قالولك إيه؟ قمر ملامحها اتحولت للحزن. اسر بحب: "خلاص يا قمري، مش مهم. نشوف شركة تانية وتالتة ورابعة. أنا معاكي يا روحي." قمر ضحكت: "ضحكت عليك طبعًا. وافقوا وهبدأ الشغل من بكرة."

"بقى كده يا قمر يا بنت أم قمر؟ مش هسيبك النهارده بس نخلص أكل بس." "ماتبقاش قفوش بقى وتزمق يا جوزي إياك." "أوعي على الجامد لما يقلب صعيدي. بضعف أنا قدام الصعيدي ده." "يا ابني دي قدرات. إحنا نقدر نتكلم لغات كتير على فكرة، بس عايشين في البلد دي عادي." "أوعى يا عم المتواضع إنت. مبروك يا روحي." "الله يبارك فيك يا حبيبي. كل ده بسببك أساسًا." "مش بسببي لا، بسببك إنتي. إنتي اللي إنسانة مجتهدة وأنا فخور إنك مراتي يا روحي."

وبعدين خلصوا أكل وقمر لسه بتلم الأطباق. "قمري... "نعم يا اسر. ثواني بس هلم الأطباق بسرعة وأجيلك." اسر شدها من إيديها، جات في حضنه. "عايزة أقولك حاجة يا روحي... قمر بتوتر: "نعم يا اسر... اسر خرج سلسلة ولبسها لقمر. وبعدين همس في ودنها: "بحبك... قمر دقات قلبها علت جامد وسكتت. "مستني ردك إنتي دلوقتي. إنتي مستقلة وليكي الحق لو عايزة تفضلي معايا أو... وبعدين أكمل بتنهيدة:

"أو تبعدي. أنا بحبك يا قمر ومش هستحمل بعدك. ردي، قولي أي حاجة." قمر حطت وشها في الأرض. "قمري، قولي أي كلمة حتى." قمر بصت في عيناه وقالت كلمة واحدة بس. كلمة من 4 حروف. قالت: "بحبك." مر تقريبًا شهرين وقمر بدأت تشتغل في الشركة والحمد لله هي ناجحة وشاطرة. في فترة قصيرة جدًا بقت من أكفأ الموظفين هناك، واسر جنبها وبيدعمها طبعًا. بس طبعًا تاتي الرياح بما لا تشتهي السفن. الحياة مش كلها فاني ودان.

لازم في أيام تبقى ساد ويحصل مواقف تبين حاجات. في يوم قمر راجعة من الشغل كالعادة ودخلت غيرت عشان تحضر الغداء، وبدأت في تحضير الغداء. وفجأة لقيت جرس الباب بيرن. "معقولة يكون اسر؟ بس لسه بدري شوية على ما يرجع. أما أروح أشوف مين." وراحت بسرعة لبست الإسدال وفتحت الباب. اتفاجئت لما شافت تارا. "تارا... "تعالي اتفضلي." "ايه يا قمر، عاملة إيه؟ "تمام الحمد لله. إنتي عاملة إيه؟ "نايس."

"أما ماشفتكيش غير مرة واحدة أول ما جيت هنا وبعديها ما شفتكيش خالص." "ما فيه جامعة بقى. وبعدين أنا بقابل اسر عادي." وقعدوا يتكلموا مع بعض. على الجانب الآخر، لؤي واسر في المستشفى. "صبح تاتا اتنين في تلاتة." "أهلاً بالمنحرف تبعي." "بقى أنا منحرف يا برو." "هو فيه حد غيرك منحرف في حياتي." "اسكت، مش قررت أتوب." "لؤي ويتوب في جملة واحدة؟ لا يا جماعة أنا بتخيل صح؟ أكيد بتخيل. مش لؤي. لا."

"أيوه أكيد مش أنا. أنا قلت أجرب أقول الجملة بس وأشوف رد فعلك. بس شكلي مافيش مني أمل خالص مالص بالص." "يا عم أمل ذات نفسها ماتت أساسًا. إنت لو الدنيا كلها اتغيرت ما أعتقدش إن لؤي ممكن يتغير." "واتغير ليه يا مان؟ الواحد عايز يعيش ويفرفش يا برو." "فرفش يا أخويا." "صح يا اسر، إيه أخبارك مع قمر؟ قولتلها على تارا؟

"دي الحاجة الوحيدة اللي قلقاني لحد دلوقتي. كل حاجة خرجت من حياتي، حتى تارا. بس إني مقولتش لقمر عليها مش قادر، مش عارف رد فعلها. خايف تضيع مني يا لؤي. مش هقدر. ومش عارف حتى أقولها إزاي. إني حتى بعد ما اتجوزنا كنت لسه بكلم تارا." اسر رجع راسه لورا وافتكر لما ساب تارا. تارا بتتصل بـ اسر: "اسوري حبيبي، فينك؟ بقالي يومين ماشفتكش يا روحي ولا اتكلمنا حتى." اسر بخبث: "وماله يا روحي، نتقابل." تارا بفرحة: "بجد يا اسوري؟

مش مصدقة نفسي. بحبك يا روحي. بجد هنتقابل إمتى؟ "دلوقتي لو حابة." "طب وشغلك يا حبيبي؟ اسر بخبث: "إنتي أهم من أي حاجة في حياتي يا روحي." "تسلملي يا حبيبي. هجهز بسرعة أهو ونازلة. يلا تاك كير يا بيبي، بحبك." اسر قفل معاها وبعدين راح لها واتقابلوا وركبوا عربية اسر. "هنروح فين بقى يا اسوري؟ لا رد من اسر. "رد عليا يا اسوري، أكيد مفاجأة يا روحي صح؟ "وأجمل مفاجأة."

المهم فضلوا ماشيين بعربية اسر لحد ما وصلوا لمكان كده إشبه بحديقة بس ما فيهوش أحد. "يلا انزلي يا تارا." "إيه ده يا حبيبي؟ وأنا اللي كنت مفكرة هتوديني مطعم فاتح جديد ولا كافيه." "أنا بحب الطبيعة يا روحي. انزلي بس، وكمان الحديقة دي ما فيهاش حد خالص، يعني حاجزها لينا." "تسلملي يا روح قلبي إنت." ونزلوا. وبعدين اسر نده عليها: "تارا... تارا بصتله وقالت: "عيون تارا." لقيت هوب، قلم نازل على وشها جامد من اسر.

"إنت اتجننت يا اسر؟ إيه اللي عملته ده؟ طااااااااااااخ... قلم تاني نزل على وشها برضه من اسر. "لا بقى، إنت شكلها راحت منك خالص. إزاي تتجرأ تمد إيدك عليا يا اسر؟ إنت متخلف." طااااااااااخ... قلم تالت نزل على وشها من اسر. "يا خاينة يا واطية! أنا متخلف؟ إنسانة مش محترمة." "مسمحلكش يا اسر. احترم نفسك. أنا محترمة أكتر منك." طااااااااااااااااخ... قلم رابع نزل على وجهها من اسر لدرجة إن بوقها نزف.

تارا أدركت إن اسر متعصب جامد فحاولت تاخده من حتة الحنية. تارا بدموع قالت: "فيه إيه يا روحي؟ إنت أول مرة تمد إيدك عليا يا اسر. ده آخر الحب اللي حبتهولك يا اسر. ده آخر حبي ليك." "حب؟ وبعدين ضحك بسخرية: "قال حب قال. قولي جشع وطمع واستغلال. أما الحب ماتجيبش السيرة دي على لسانك تاني يا حيوانة. اسمعي يا أستاذة (وسمعها الحديث بينها وبين لؤي) وشوفي يا أستاذة الصور كمان." "اسر اسمعني أنا بس...

وملحتش تكمل كلامها وهوبا، طااااااااااخ... قلم خامس نزل على وشها. اسر: "ما تحاوليش تقولي ولا كلمة. غوري من قدامي يلا ومش عايز أشوف وشك تاني." "ما إنت كنت بتثق فيا زي المغفل. يعني العيب مش عليا. وكمان إنت إيه اللي غيرك؟ تكونش البنت الصعيدية دي! اسر ماسكها من شعرها: "اسمها مراتي. قمر. اسمها مدام قمر اسر. إنتي فاهمة يا تارا."

"ماشي يا اسر. والله لادفعك الثمن. في حبيبة القلب هبعدها عنك قصاد اللي إنت عملته فيا دلوقتي ده. بقى أنا تضربني يا مغفل إنت." اسر بعصبية أكبر ومسك شعرها جامد ولفه على إيده: "لو فكرتي، بس فكرتي مجرد تفكير تقربي منها، صدقيني هتشوفي وش تاني من اسر عمرك في حياتك ما شفتيه. إنتي فاهمة؟ "سيب شعري." اسر بزعيق وشد على شعرها أكتر: "كلمة واحدة. إنتي فاهمة؟ "فاهمة... فاهمة... وبعدين رماها على الأرض وسابها وركب عربيته ومشي.

"والله ما يبقى اسمي تارا لو مفرقتكوش عن بعض يا اسر." وبعدين ضحكت ضحكة شر. "بس لازم تقولها يا اسر. ما ينفعش كده. لازم تبني علاقتكم على الصدق." "هحاول يا لؤي. هحاول." المهم اسر خلص شغل وروح البيت. أول ما دخل لقي قمر قاعدة وساكتة. اسر راح لها باس راسها وقال: "عاملة إيه يا قمري." لا رد من قمر. "فيه إيه يا قمر." لا رد من قمر. "قمر ردي عليا." اسر قرب منها وقال: "حبيبتي مالك؟ في إيه؟ ما بتتكلميش ليه؟

فجأة دمعة من عيون قمر نزلت. "قمري، فيه إيه بس؟ وبعدين أخدها في حضنه وقال: "طب فيه إيه؟ قولي؟ قمر خرجت من حضنه وبملامح جامدة قالت: "طلقني يا اسر." "إيه؟ "بقولك طلقني يا اسر." "أكيد ده مقلب من مقالبك. بس أرجوكي يا قمر بلاش مقالب وهزار في الحاجات دي يا قمري. يلا هروح أغير هدومي عشان نتغدى وتحكيلي عملتي إيه في يومك كالعادة." "اسر ماردتش عليا. بقولك طلقني." "قمر إنتي بتتكلمي بجد." "هو إنت شايفني بهزر يا دكتور اسر."

"ليه بس يا قمري؟ إنتي عايزة تعملي فيا مقلب وتخوفيني؟ أنا عارف طريقتك. لا مش هتيجي عليا المرة دي. كشفتك." "طلقني يا اسر." "إنتي بتزعقي يا قمر." "قولتها بهدوء ما فهمتهاش. فقولت لما أعلي صوتي جايز تفهمها." اسر مسكها من دراعها بعصبية وقال: "إنتي شكلك اتجننتي يا قمر على الآخر." "لو كنت اتجننت فده بسببك. إيه ده يا بيه؟ إيه ده يا دكتور يا محترم؟! اسر اتصدم واتفاجئ جامد من اللي شافه.