رواية احببت قمر الصعيد الفصل الثاني عشر 12 - بقلم حنين محمد حنون

ريان واقف مصدوم من اللي حصل. أسـر فضل باصص لقمر ودمعة من عيونه خانته ونزلت. بصلها بصة عتاب ومشي وسابها. وقمر مقدرتش تمسك نفسها وهي كمان دموعها نزلت. ريان واقف جنبها: اهدي يا قمر. اهدي طيب تعالي. وركبها العربية وقعد يهدي فيها شوية. ويشربها ماية. ريان: اهدي يا قمر ارجوكي بلاش دموع من فضلك. طب انتي ليه عملتي كده وقولتي كده يا قمر؟ مع اني عارف كويس انك بتحبيه. ليه كده يا قمر؟

قمر: ماشفتهوش يا ريان كلمني ازاي. ماعندهوش ثقة فيا يا ريان. بيحاول يبرر غلطه ويعديه بانه يطلعني انا اللي غلطانه. ده مد ايده عليا حتى قبل ما اتكلم. انا صحيح جايز اكون بحبه بس كفاية ظلم واهانه فيا لحد كده. هفضل لحد امتي كده. خلاص. أسر طلع خالص من حياتي. وكده كل حاجة بينا انتهت فعلا. انا هبدأ حياة جديدة. بداية جديدة. وقمر جديدة.

ريان: بس انا عايز اقولك حاجة يا قمر. زي ما انتي زعلانه علشان هو ماسمعكيش. انتي كمان ماحاولتيش تسمعيه لما كان هيقولك سبب الصور دي ايه ولا ايه. قمر: جايز عندك حق. بس خلاص. جايز علاقتنا من البداية اساسا كانت غلط. ودلوقتي كل شيء انتهي. خلاص. ريان: خلاص يا قمر اهدي. وانا معاكي ومش هسيب اختي وصديقتي. اوكي. قمر: مش عارفة اقولك ايه بجد يا ريان. انت انسان كويس جدا. انت ليه بتعمل معايا كل ده.

ريان بهزار: خلاص يا ستي. هي سيرة. قولتلك علشان بعتبرك اختي وصديقتي. مابحبش شغل العواطف ده. علشان بضعف قدامه. قمر ابتسمت: انت مبتعرفش تتكلم جد خالص. ريان: هي الضحكة دي هي اللي مخلياني ماعرفش اتكلم جد. يلا بقى علشان اروح اوريكي شقتك بقى. قمر: يلا. ريان في نفسه بدأ

يسوق العربية وقال في نفسه: باين عليها مكسورة جامد. لانها حبت جامد. وهي انسانه طيبة. انا هفضل معاها لحد ما تبقى قوية كده وتقدر تتجاوز كسرتها. وما فيش حد هيعرف وجع الفراق قدي. امي سابتني ومشيت وفارقتها. فانا عارف احساس انك تفارق شخص انت بتحبه جامد. ريان بيسوق وقمر طول الطريق سرحانة. لحد ما وصلوا الشقة. ريان: يلا بقى يا قمر. وصلنا. قمر: يلا. وطلعها فرجها على الشقة. ريان: ها ايه رايك. قمر: جميلة جدا.

ريان بغرور مصطنع: عارف عارف. علشان ذوقي بس. قمر: متواضع. ريان: جدا يا اسطا. يلا اطير انا بقى علشان لسه هبدأ الشغل مع بابا زي ما انتي عارفة. هاروح اشوفه. قمر: ماشي يا ريان بالتوفيق. ريان: شكرا يا زميلي. باي. قمر: باي.

قمر دخلت اخدت شاور. وكانها نفسها الميه وهي بتنزل عليها تمحي معاها كل حاجة حصلت. تمحي كل حبها لاسر. كل الماضي. وكل حاجة. بس ازاي هي ماتعرفش ان قلبها هو اللي بيفكر مش عقلها. خلصت شاور وغيرت هدومها. وحتى ما أكلتش. وراحت فردت جسمها على السرير على اساس انها تنام. بس ازاي اسر والحب والاشتياق في دماغها وقلبها. ومش قادرة تمسح حاجة. ومش عارفة ازاي هتبدأ حياة جديدة. من غير أسر اللي هو اول واحد اخذ بيديها لطريق تحقيق حلمها. ايوه. بس هاتحاول علشان نفسها بقى. هتحاول وهتقاوم. شعور الاشتياق والحب مش سهل. بس هاتحاول تدوس عليه علشان حلمها. وفضلت تفكر برضه.

على الجانب الآخر. أسـر تايه عن العالم. سايق عربيته لحد ما وصل البيت. وصل لقي لؤي هناك قدام البيت. لؤي: ايه يا زميكس. فين قمر مرات اخويا. انا مستنيكم علشان اعملكم استقبال بقى. أسـر من غير ما يرد فتح باب الشقة ودخل. لؤي دخل وراه وقفل الباب. لؤي: أسـر فهمني ايه اللي حصل. أسـر: طلقتها. لؤي بصدمة: نعم!!!!! انت اكيد بتهزر. أسـر: لا مش بهزر. دي خاينه وبتحب غيري. انا طلقتها خلاص. خلصنا.

لؤي: انت بتقول ايه. اكيد قمر مش كده. انت مجنون يا أسـر. أسـر: لا مش مجنون. وهي قالتها بنفسها. انا مش بحبك وبتحب ريان. وحكى للؤي اللي حصل. لؤي: وانت بقى صدقتها. ممكن تكون عملت كده وقالت كده لما شافتك ما عندكش ثقة فيها. أسـر: عملت او ما عملتش. انا خلاص طلقتها. وطلعت من حياتي. يلا بقى يا لؤي علشان هدخل اخد شاور واشوف كده شغلي بقى اللي انا سايبه ده. وارجع لحياتي بقى.

لؤي: أسـر انت مجنون. انت طلقت قمر. وبالنسبة لك عادي كده. أسـر ببرود: ايوه. يعني اعمل ايه يعني. واحدة مش بتحبني. وكمان كده كده جوازنا كان غلط من البداية. لؤي: أسـر بطل هبل بقى. أسـر صوت او عيط. اعمل اي حاجة. أسـر ما تقلقنيش عليك. ماتفضلش كاتم كل حاجة جواك كده. أسـر: وانا هكتم ليه جوايا. ما فيش حاجة. لؤي بزعيق: أسـر انت شكلك اتجننت. أسـر

بعصبية: اتجننت ولا لأ. حاجة متخصكش يا لؤي. يلا بقى اتفضل امشي علشان اخد شاور واشوف شغلي. لؤي بزعيق: مش ماشي يا أسـر. مش ماشي. أسـر بعصبية: لؤي امشي قبل ما افقد اعصابي. لؤي بزعيق: افقدها يا أسـر. يلا. ولؤي ضرب أسـر في كتفه وقال: تعال اضربني. يلا تعال يا أسـر. أسـر فقد اعصابه وراح ضرب لؤي بوكس. ولؤي هو كمان ردله البوكس. وفضلوا يضربوا في بعض.

ولؤي بالزعيق بيقول: اعمل اي رد فعل يا ابني. ما تقلقنيش عليك. لحد ما هما الاتنين سابوا بعض بعد ما تعبوا. وأسـر قعد على ركبتيه على الارض وقال بدموع وكسرة: بحبها يا لؤي. اعمل ايه يعني. وجع قلبي اللي انا حاسس به دلوقتي ماحدش هيحس بيه ابدا. لما اللي انا بحبها تقولي بحب حد غيرك. لما مراتي تبقي مش بتحبني. مش قادر يا لؤي. مش قادر. لؤي نزل على الارض قعد جنبه. وبعدين اخده في حضنه وقال: اهدي كدة يا صاحبي. اهدي.

أسـر: اعمل ايه طيب. بس هحاول انساها خالص. هحاول واركز في شغلي و بس. بعد مرور عام. قمر اجتهدت جدا في شغلها. وفي سنة واحدة بس بقت سيدة اعمال. والحمد لله ناجحة. وبقى عندها شركة خاصة بها. في شركة قمر اللي هي اسمها KM. قمر مديرة الشركة. قاعدة في مكتبها وبتشوف الاوراق. دخل ريان. (صح صح. ريان وقمر بقوا أصحاب أوي) ريان: مسا مسا على اجمل سيدة اعمال في المجرة. قمر: مسا مسا يا زميلي.

ريان: اوعى بقى. انا خليتك تبقى منحرفة وتقولي يا زميلي ويا اسطا. ومسا مسا. انا جامد بقى. قمر بضحك: يا عم هو ده الحاجه الوحيدة اللي انت علمتهالي. ريان: والله يا اختي. طب والله انتي زي القطط تاكلي جمبري وتنكري. هتقوليلي اشمعني جمبري. هقولك هو ده جاء في دماغي وخلاص. طب بذمتك ماعلمتكيش ازاي تلعبي بابجي. قولي اعترفي. قمر بضحك: لا. الواحد يقول اللي ليه. وليقول اللي عليه برضه. لا علمتني.

ريان: ما تيجي نتغدى بره النهاردة في مطعم فتح جديد. بس ايه حاجة اخر فخامة. تيجي نجربه النهاردة. قمر: ودي حاجة تفوتنا برضه. احنا اي مطعم جديد راشقين فيه. يلا. ريان: بقى في سيدة اعمال تقول راشقين. ايوه بقى تربيتي. قمر: اومال. ريان: طب يلا يا اختي. انا في عصافير في بطني بتسوسو من الجوع. قمر: يلا. وخرجوا من الشركة يتغدوا في المطعم. على الجانب الآخر. أسـر كل يوم بيخلص شغل في المستشفى. وبعدين بيروح للؤي. أسـر: لؤي.

لؤي: ايه يا صاحبي. أسـر: يلا علشان نسهر النهاردة. لؤي: أسـر يا صاحبي انت بقالك سنة على الحال ده. انت عمرك ما كنت بتسهر ولا بتعمل الكلام ده يا أسـر. بس دلوقتي بقي لازم كل يوم سهر وشرب. أسـر يا صاحبي كدة مينفعش. أسـر: لؤي فكك بقى من البوقين دول. ويلا. لؤي في نفسه: امتى ترجع زي ما كنت يا صاحبي. امتى. وراحوا هما الاتنين. لؤي: خلاص يا أسـر كفاية كدة بقى. أسـر

بتوهان وعدم وعي: ملكش دعوة انت يا لؤي. يلا يا ابني هات واحد تاني. لؤي: يا أسـر خلاص بقى. انت كل يوم بتشرب كدة لحد ما بتقدرش حتى تروح. أسـر بتوهان: سيبني بقى يا لؤي. انت مش حاسس بحاجة. انا كل يوم يا لؤي. كل يوم لازم افكر فيها قبل ما انام. مبعرفش. مبقدرش استحمل الذكريات. مبقدرش. مش عايز افتكر. مش عايز. لؤي: طب خلاص كده بقى انت كترت قوي. كفاية كده علشان تعرف على الاقل تطلع شقتك. أسـر

بتوهان: وانت مفكرني اني سكرت ولا ايه. لا تبقى غلطان. انا اقدر اقف اهو. وأسـر بيحاول يقف. ولكنه بيقع. وكالعادة لؤي بيوصله لشقته. وهو ينظر نظرة شفقة وحزن على حال صديقه: مش عارف اعملك ايه يا صاحبي. مش عارف. مش قادر اشوفك في الحالة دي. محدش هيقدر يرجعك غير قمر. بس هعمل ايه. وهترجع ازاي بس. وبعدين مشي.