رواية احببت معاقا الفصل الثالث 3 - بقلم جنى عبدالنبي

نرمينا بصدمة: إيه يعني مش أنت اللي هتخرجني؟ محمود بلامبالاة: لا، قولتلك واحد صاحبي عزمني ويلا البسي بسرعة عشان مانتأخرش. نرمينا بضيق: حاضر، خمسة وهجهز. محمود وهو يخرج من الغرفة: ماشي. بعد قليل خرجت نرمينا وهي ترتدي فستان جميل وبعض من مساحيق التجميل. نرمينا: يلا أنا خلصت. محمود بضيق: إيه اللي في وشك ده؟ نرمينا: إيه في إيه؟ محمود: إيه الميك ده؟ نرمينا: عادي يعني، ميك أب خفيف مش إحنا خارجين.

محمود: وإيه اللي يخليكي تحطيه؟ نرمينا: عادي يعني عشان خارجين وكده. محمود: طب خشي امسحي الارف اللي في وشك ده. نرمينا: لا مش همسح. محمود بزعيق: قولتك خشي امسحيه. نرمينا بعياط: هو كل حاجة زعيق؟ محمود: خشي يا بت. محمود قاعد مستغرب من نفسه، هو ليه اتدايق أوي كده لما لقاها حاطة ميك أب. قاطعه دخول نرمينا. نرمينا بحزن: يا بت. محمود: يلا يا نونو. نرمينا في نفسها باستغراب: هو حد ضربه على دماغه ولا إيه؟ بعد قليل.

محمود: حوسو عامل إيه؟ وحشني ياض. حسام: كويس الحمد لله، أنت عامل إيه؟ محمود: يارب دايماً. حسام بهزار: طب مش تعرفني مين المزة دي؟ محمود بضيق: أعرفك، نرمينا مراتي. حسام بإعجاب: والله وعرفت تنقي ياواد. محمود: شكرًا، مش هنقعد ولا إيه؟ حسام بإحراج: آه طبعًا، اتفضلوا. حسام: كان نفسي أتعرف عليكي وأعرف مين اللي اتجوزها محمود. نرمينا: آه، بس ما قولتيش اسمك إيه؟ حسام: أنا اسمي ندي، وأنتِ؟ نرمينا: وأنا نرمينا.

ندي: اسمك حلو، بس يا ترى إيه اللي خلاكي تتجوزي محمود؟ هل هو حب بس ما أظنش يعني، ولا إنتي كنتي طمعانة في فلوسه، ماهو أكيد مش واحدة بتجاملك هتتجوز ده. نرمينا ببرود: أظن دي حاجة ما تخصش حضرتك. وماله محمود؟ ماهو زي القمر ده، كفاية عينه الزرقا ياختي. وبعدين هو حضرتك فاتحالي تحقيق ولا إيه؟ حسام: خلاص يا جماعة، حصل خير. وأكيد ندي ما تقصدش.

محمود: يلا يا نرمينا. وأنت يا حسام، لما مراتك تبقي تعرف تتكلم كويس، ابقي فكر أعزمنا تاني. تمام؟ فرصة سعيدة يا مدام. بعد قليل. في العربية. نرمينا: هو إنت ليه خليتني أمشي وما مسحتش بكرامتها الأرض، قليلة الترباية دي؟ محمود بهدوء: نرمينا، اهدى كده. وبعدين أنا عملت حساب لصاحبي عشان كده مشينا.

نرمينا بغيظ: لا برضه، كان لازم أشفي غليلي منها. الصفرا دي أم شعر ضارباه أكسجين، أحيه كان نفسي أمسكها كده أجيبها من شعرها، أمسح بيها المطعم وأنزل فيها ضرب لحد ما يبانلها صاحب. البت العقربة دي، آه يا ناري منها. محمود بضحك: كل ده؟ وبعدين إنتي مدايقة نفسك كده ليه؟ نرمينا: آه، أومال أسيبها تدايقك يعني؟ محمود: ربنا يخليكي لي. بعد قليل. محمود: طب أنا هخش أنام. نرمينا: اشطا، وأنا هدخل أعمل حاجة آكلها وأدخل أنام.

محمود: تمام، تصبحي على خير. نرمينا: وأنت من أهل الخير. بعد قليل. نرمينا بصدمة: نهار أزرق.