رواية احببت مجنونة الفصل الرابع والخمسون 54 - بقلم نجمة براقه

داخل المستشفى. مراد بقلق شديد: حصلها إيه يا دكتور؟ الدكتور: الحالة كل مدى ما بتسوء ولازم جلسات الكيماوي. ياسمين ببكاء: كيماوي؟ مفيش حل تاني يا دكتور؟ الدكتور: للأسف لازم، ولو معملناش ممكن منقدرش نلحقها. هشام بحزن: ممكن نشوفها يا دكتور؟ الدكتور: أيوه تقدروا، بس لازم تقرروا إذا هنعمل جلسات الكيماوي ولا لأ. مراد: أيوه موافقين، اعمل المطلوب لو سمحت. الدكتور: تمام، نبدأ من بكرة. تقدروا تشوفوها دلوقتي. عند جودي.

بيدخلوا عندها ويلاقوها نايمة ووجهها شاحب وتعبانة، وبتشاورلهم بتعب. مراد يمسك إيدها ويبصلها بدموع: جودي أنتي كويسة؟ حاسة بإيه؟ مي: حبيبتي عاوزة حاجة أجيبهالك؟ جودي بدموع وصوت خافت: مراد، عاوزة رودينا تجيلي. مراد بارتباك: رودينا؟! جودي بتعب وصعوبة في الكلام ودموع نازلة: آه، علشان خاطري عاوزة أشوفها النهاردة. ياسمين ببكاء: حاضر يا حبيبتي، هتصل بيها، بس أنتي ارتاحي. جودي

تبص لأبوها وأمها وبدموع: متخافوش عليا، مفيش حاجة وحشة ممكن تحصل لي. هشام ببكاء: إن شاء الله هتكوني كويسة وهتخرجي معانا. جودي بابتسامة باهتة ودموع نازلة على خدها: إن شاء الله. مراد، من فضلك أنت كلم رودينا وخليها تيجي. مراد بارتباك: طنط هتكلمها، ارتاحي أنتي بس. جودي بتعب: ماما كلميها دلوقتي. ياسمين تطلع برا الغرفة وهي بتبكي، وتتصل برودينا. رودينا: ألو. ياسمين ببكاء: رودينا تعالي بسرعة. رودينا بقلق: مالك يا طنط؟

أنتي وخالي كويسين؟ ياسمين ببكاء: آه. رودينا: أمال بتبكي ليه؟ قوليللي الله يخليكي. ياسمين ببكاء: جودي تعبانة أوي وعاوزة تشوفك. رودينا بصدمة: مالها جودي؟ ياسمين ببكاء: جودي في المستشفى، طلع عندها كانسر. رودينا بصدمة: جودي! طيب أنا هاجيلها، تلات ساعات وهكون عندكم بسرعة، اديني العنوان أنا هاجي على طول. في بيت ياسين. بيرن تليفون ياسين. ياسين: أيوه يا رياض.

رياض: أنا عملت الإعلان وفي كذا حد قدم على الوظائف، وكنت عاوزك عشان تشوفهم. ياسين: شوف أنت المهمة دي واختار الأنسب، بلاش يكونوا زي الموظفين القدام. جني تسمع الكلام وتسيب اللي في إيدها وتقعد جنبه. ياسين يبصلها: ماشي يا رياض، سلام. جني: أنت بتدور على موظفين؟ ياسين: أيوه في إيه؟ جني: حبيبيييي ما تشغلني معاك. ياسين: تشتغلي معايا فين؟ لا طبعًا مش هتشتغلي. جني بترجي: ونبي يا ياسين الله يخليك نفسي أشتغل. ياسين: تشتغلي فين؟

لا طبعًا، وبعدين مينفعش تشتغلي عندي، يرضيكي يقولوا إني رفت الموظفين القدام عشان أشغل مراتي؟ جني بترجي: خلاص متقولش إني مراتك، كده كده محدش شافني خالص غير رياض. ياسين: ولو، مينفعش، أنسي. جني ببكاء مصطنع: أنت مبتحبنيش يا ياسين. ياسين: جني حفظتك متحاوليش. جني تقبله برومانسية: طيب علشان خاطري. ياسين بتقل مصطنع: لا بردو. لتقبله مرة أخرى. ياسين بابتسامة: أممم لا لا مش موافق. جني: أممم وبعدين طيب أعمل إيه تاني؟ ياسين يحط

إيده على خصرها برومانسية: هاتي واحدة تانية بس تكون حلوة مش طياري ولو عجبتني هوافق. جني تغمض عينيها وتقبله قبلة يملؤها الشغف ليمسك يديها خلف ظهرها بعنف وها هو يكمل ما بدأته. ما علينا... جني: ها قولت إيه؟ ياسين: فصيلة أنتِ، أممم ماشي موافق. جني تحضنه بشدة: حبيبي تسلم لي يا قلبي، بحبك يا ياسين. وفجأة الباب يتفتح ليتفاجؤا بسامية داخلة عليهم، جني تزقه بعيد عنها. سامية بخبث: معلش يا عيال بس نيفين جايلنا بكرة فحبيت أقولكم.

جني بخنقة: مش دي بنت خالتك؟ ياسين بفرحة: بجد؟ نيفو جاية تنور طبعًا. جني بغيظ: مين يا خويا؟ نيفووو؟ سامية: مالك دي زي أخته. ياسين: زي ما قالتلك ماما، زي أختي وصاحبتي. جني بغيظ: دا كان زمان، دلوقتي لو شفتك بتدلعها قدامي هقتلك وأقتلها. سامية بغيظ: جني خلي بالك اللي بتتكلمي عليها دي تكون بنت أختي. جني: أيوه يا طنط بس عيب يدلعها قدامي. ياسين بهمس: بتغيري عليا ولا إيه؟ جني بابتسامة: تؤتؤ.

سامية تبصلهم بغيظ: طيب أسيبكم، وأبقوا اقفلوا الباب طالما مش عارفين تصبروا لليل أنت وهي، وتطلع وتسيبهم. جني: شفت أمك؟ ياسين: خلاص متبتديش، خلينا في موضوعنا. جني بابتسامة: لا متكلمنيش. ياسين برومانسية: زعلانة مني؟ جني تنظر إلى عينيه بتأمل: ياسين أنت حياتي كلها، أوعى تخذلني أو تبص لوحدة غيري حتى لو كانت نيفين دي. ياسين يبادلها النظرات: أنتي حتة مني لو وجعتك أنا هتوجع قبلك.

جني: طيب أوعدني بلاش تدلعها قدامي، بغير عليك بجد. ياسين بابتسامة: مش هدلعها حاضر. بيت يوسف. شذى بتتكلم في التليفون. شذى ببكاء: طلع مش عاوزني يا ندى، قالهالي في وشي إنه اضطر يتجوزني. ندى: يعني إيه اضطر ومين جبره؟ شذى: بيقول أبوه، أنا هخليه يطلقني. ندى: طيب اسكتي بلا تطلقي، فكرك أنك هترجعي تلاقي مكانك فاضي؟ شذى: أمال أقعد معاه غصب يعني؟ ندى: اتشطري وخليه يحبك. شذى: أنتي فاكرة نفسك في فيلم هندي؟

أخليه يحبني إزاي دا مش طايقني بقولك ملمسنيش. ندى: وأنتي تبقي أنثى إزاي لما متعرفيش توقعيه؟ شذى: مش هعرف يا ندى وبعدين كرامتي متسمحليش. ندى: كرامة؟ يا ساتر يا رب ودي جبتيها منين؟ شذى: اخرسي. ندى: هخرس حاضر، بس أنتي لازم تعرفي إنه جوزك برضاه غصب عنه هو جوزك، اغتصبيه تعرفي؟ شذى: يا سافلة إيه اللي بتقوليه ده؟ هو أنتي فاكرة إني زعلانة علشان مفيش علاقة؟ ندى: أمال زعلانة ليه بقى؟

شذى: زعلانة علشان مغصوب عليا وبيصدني وكأنه جايبني من الشارع وأنا فارضة نفسي عليه. ندى: حبيبتي ركزي يا ماما، دا راجل يعني بهمس وابتسامة وضحكة والسلامة هيطب على بوزه، اتسهوكي يا اختي وسيبك من شوال الدبش اللي بتحدفيه ده. شذى: وهما بيتسهوكوا إزاي فهميني؟ ندى: أقولك. في المستشفى. الدكتور: ممكن تجيب الدوا ده بسرعة؟ مراد: حاضر. بيطلع وهو مستعجل ومش باصص قدامه وفجأة بيتصدم برودينا. مراد بانفعال: مش تفتحي...

بيعرف إنها هي ويوقف يبصلها شوية بشرود بشكل لا إرادي وبعدين بيمشي ويسيبها من غير ولا كلمة. وهي توقف مكانها وتبص عليه وهو ماشي. فلاش باك. رودينا: معلش يا عرايس بس أنا جاية أتغدى معاكم النهاردة هههه. جودي: هههه تنوري يا اختي. مراد: يا عم اتنيل عرايس مين؟ أنتوا قدمتوا خلاص كفاياكم. رودينا: يا بت أنتي لسه بنت متدخليش في الحاجات دي. جودي: هههه بس يا بت أنتي لسه بنت متدخليش في الحاجات دي.

مراد بابتسامة: ما خلاص بقى كلها شهور وتجوز سي يوسف حبيب القلب. رودينا: ولا حبيب قلب ولا حاجة بطل مبالغة. جودي: بقولكم إيه أنا هروح أجهز الغدا لحسن مش هنخلص منكم لما تبدأوا. رودينا: جدعة بس بسرعة لحسن جعانة. مراد: براحتك يا روحي، ما تقومي تجهزي لنفسك ولا أنتي صغيرة؟ رودينا: أنا ضيفة يعني أقعد وأنتوا تخدموا عليا. مراد: نخدم عليكي؟! رودينا: أيوه وتقدموا الولاء والطاعة هههه. مراد: شكلك عطشانة أجيبلك ميه؟

رودينا: ماشي بس هاتيها ساقعة. مراد: عنياااا. بيروح يجيب الميه ويستغل انشغالها بالتلفزيون وبيجي من وراها ويدلق عليها شفشق الميه كله. رودينا تشهق من شدة برودة الميه وتقوم بسرعة: يا غبي بتعمل إيه هاخد برد. مراد: مش عاوزاني أقدم الولاء والطاعة أهم عاوزة إيه تاني؟ رودينا بغيظ: يا اخي دا أنت رزل وبتمشي وتزقه توقعه. مراد: ماشي يا سحلية مش هعديهالك خليكي شاهدة يا جودي علشان لما أفصل راسها عن جسمها متزعلوش عليها.

جودي: هههه خد راحتك يا بيبي. رودينا: بيبك؟! طايقاه إزاي ده؟ عاجبك كده دلق عليا الميه الساقعة؟ مراد يروح عندهم: ماهو أنتي اللي بتجيبيه لنفسك. رودينا بخبث: اسكت بقى أنا هساعد الحزينة دي وبتملا كباية ميه من الحنفية. جودي تفهمها وبهمس: هتدلق عليك الميه. مراد بابتسامة: أيوه ما أنا واخد بالي. بيقرب منها بسرعة ويحط دماغها تحت الحنفية.

رودينا تزقه بالعافية: وربنا ما هسيبك. وتمسك معلقة غرف وتجري وراه وهو يجري يدخل الأوضة ويقفل على نفسه. جودي: هههه احترموني طيب. مراد: هههه لو مبعدتيش مش هخليكي تتغدي. ولكن مش بيجيله صوت ويفتح الباب براحة وفجأة يلاقي المعلقة ضربت في راسه. جودي بصرخة: قتلتيه! مراد بوجع: آه دماغي اتفتحت بصي كده في دم؟ جودي: لا مفيش. رودينا واقفة وبصالو بانتصار وبسمة عريضة على وشها: ياااه متعرفش لو معملتش كده كان ممكن يحصلي إيه؟

يلا أسيبكم وتمشي وهي وبتضحك. مراد يبصلها بتركيز وهو ناوي يخلص منها الحركة دي.. باك. بتفوق رودينا من التفكير، وتروح لجودي. بتدخل رودينا وتبص على جودي اللي نايمة على السرير وشكلها تعبان ووشها شاحب ولونه أصفر، تقرب منها وهي بتبكي من غير صوت. جودي أول ما بتشوفها بتبتسم ابتسامة متعبة: وحشتيني كده متسأليش عليا. رودينا تمسك إيدها وببكاء: حبيبتي ألف سلامة عليكي يا ريتني كنت أنا وأنتي لا.

جودي تشد على إيدها وبتعب: بعد الشر عليكي متقوليش كده. رودينا بدموع: دا حصلك إزاي وإمتى؟ جودي بتعب: نصيب. وتبص لأبوها وأمها بتعب: ممكن أتكلم شوية مع رودينا لوحدنا؟ هشام: ماشي يا حبيبتي، تعالي يا ياسمين. ويمشيان. جودي بتعب: ما شوفتكيش من ساعة ولادة سفيان، قدرتي ما تشوفينيش كل ده؟ رودينا ببكاء: غصب عني يا حبيبتي، ما قدرتش أسيب ماما لوحدها بعد موت بابا، بس كنتِ دايماً على بالي. جودي بتعب:

عذراكي، رودينا أنا مش عارفة نفسي هاعيش لأمتى. رودينا ببكاء: ما تكمليش، إن شاء الله هاتخفي وترجعي أحسن من الأول. جودي تشد على إيدها: لو موت في أي وقت، وصيتي ليكي سفيان. رودينا تبكي بوجع: ما حدش هايربيه غيرك صدقيني، أنتِ هاتعيشي وترجعي ليه ولجوزك. جودي بتنهيدة وجع: اتجوزيه يا رودينا. رودينا بعدم فهم: هو مين؟ جودي بدموع: مراد، لما أموت اتجوزيه وربي سفيان أنتِ وهو. رودينا ببكاء: إيه اللي أنتِ بتقوليه ده؟

وفجأة يدخل عليهم مراد ويسمعهم، يقرب منها ويمسك إيدها وهو يبص لرودينا بتركيز وبحدة: ما فيش غيرك هيدخل حياتي، أوعي أسمعك تقولي الكلام ده تاني. رودينا تبص للأرض بوجع وارتباك: ألف سلامة عليكي، هاأرجعلك تاني. وتمشي وهو يبص عليها وهو متضايق منها. جودي بتعب: عملت كده ليه؟ أنت كده جرحتها. مراد بانفعال: خليها تنجرح، أنا مش عارف أنتِ بعتالها ليه. جودي بتعب:

الحاجة الوحيدة اللي نفسي أعرفها قبل ما أموت، أنت ليه بقيت ما تحبش تسمع سيرتها؟ مراد: بعد الشر عنك، ما تقوليش الكلمة دي تاني. جودي: طيب ريحني وفهمني. مراد يشرد بتفكيره: بيتهيألك، هي أصلاً ما تعنيليش حاجة عشان أحب أسمع سيرتها ولا لأ. جودي بترجي وتعب: وحياتي عندك وحياة ابننا لو حصلي حاجة، خليها هي تربي سفيان وتجوزها. مراد بدموع: باقولك ما فيش غيرك هايربيه، أنتِ فاهمة؟ وما أسمعش الكلام ده تاني منك. جودي بتعب:

وأنا وصيتي ليك إنك تجوزها، مش هاأطمن عليكم مع حد غيرها. مراد بانفعال: اسكتي ما تتكلميش تاني في الموضوع ده، أنتِ فاهمة؟ جودي تحط إيدها على خده بحب: لو عاوزني أرتاح بعد ما أموت، نفذ وصيتي. مراد يقبل كف إيدها ويبكي: جودي أنا مش عاوز غيرك أنتِ، وهااتخفي ونرجع بيتنا مع بعض. جودي بابتسامة متعبة: اللي عاوزه ربنا هايكون. مراد بدموع: طيب ما تفتحيش السيرة دي تاني، هاأزعل منك بجد. جودي: حاضر، ممكن تندهلي ماما وبابا؟

مراد يقبل يديها: حاضر. يروح يندههم ويلاقي رودينا واقفة معاهم. مراد: جودي عاوزاكم. يروحولها ورودينا رايحة وراهم، لكن يمسكها من إيدها من غير ما هما يشوفوا. رودينا توقف وتبص لإيده بارتباك ورجفة. مراد يرجعها قدامه وبتحذير: أوعي تتخيلي إن اللي قالته جودي ممكن يحصل، لو حصل واتجوزت غير جودي مش هاتكوني أنتِ. رودينا: كويس وفرت عليّ كلام كتير كنت هاأقوله، خليك ثابت على مبدأك. مراد بغيظ:

عارف إنك تتمني بس عمري ما هاأنولك اللي في بالك ولا هاتكوني ليّ في يوم يا رودينا. رودينا بهدوء: سيب إيدي طيب. مراد يشيط غضباً بسبب برودها المفتعل ويمسكها من إيديها ويزقها للحائط بقوة ويبصلها بتركيز: مهما تعملي وتبيني إن مش فارق مش هاأصدقك. رودينا تغمض عينيها بألم: يا أخي ما تصدقنيش، هو أنا عمري اترجيتك تجوزني ولا قلتلك إن في مشاعر في قلبي من ناحيتك؟ مراد بتركيز: لا. رودينا: أومال بتتكلم وتهدد على أي أساس؟ مراد بتحذير:

أنتِ عارفة وأنا عارف، وأنا باقولك أهو خليكِ بعيدة عني أنا وعيلتي كلها، أنتِ فاهمة؟ رودينا تبصله في عينيه بتركيز: خمس سنين كنت بعيدة عنكم، ولو جودي ما طلبتش تشوفني ما كنتش هاأرجع تاني وأنت عارف. عن إذنك. وتدخل الغرفة وتسيبه. مراد لنفسه: لسه بوشين وكذابة. تاني يوم في بيت ياسين. جني بفرحة: أنا جهزت. ياسين: إيه اللبس ده إن شاء الله؟ جني تبص لنفسها: ماله اللبس؟ ياسين: ضيق أوي، روحي غيري بلاش قرف، واخدك في كباريه أنا! جني:

على فكرة مش ضيق خالص. ياسين: هااتروحي تغيري ولا ما فيش شغل؟ جني بزهق: خلاص هاأغير ياباي. وتروح تغير والباب بيخبط. ياسين: ادخل. نيفين: شهريار عامل إيه؟ ياسين يعرفها من كلمة شهريار بفرحة: نيفين حبيبتي. نيفين بضحك: واحشني يا قلبي. وتحضنه، وفي اللحظة دي بتدخل جني عليهم وبذهول: إيه المنظر ده؟ ياسين يبعد عن نيفين: دي نيفو اللي قولنالك عليها. جني بغيظ: نيفو وبتحضنها كده عادي في أوضة نومي؟ نيفين بمياعة:

إيه ده هو أنتِ بتغيري عليه؟ ههههه، صراحة عندك حق، أصل شهريار طول عمره شقي، مش كده يا شوشو؟ ياسين يبلع ريقه ويبتسم ابتسامة ظاهرية: صح يا نيفو. جني بغيظ: نيفو وشوشو وشهريار؟! نيفين: آآه أنتِ ما تعرفيش إني مسمياه شهريار علشان طول عمره البنات بتموت فيه. جني بانفعال: لا والله ما حدش قالي، مش كده يا شهريار؟ ياسين بلخبطة: كده يا روحي كده.