رواية أحببت مجنونة الفصل الحادي والستون 61 - بقلم الاء

سيف ضحك: "طب ودا مخلكيش تحني؟ نور بصت له ورفعت حواجبها: "لا بصبغ يا قمر، اوع كده." وقامت. سيف بتمثيل، وقام ومسك رأسه ويسند ظهره على السرير: "هاااه دماغي! نور بصت عليه ورجعت بلهفة: "مالك في إيه؟ سيف: "دماغي فيها حاجة غلط." نور بخوف: "حاسس بإيه طيب؟ إيه مالك؟ سيف: "مش عارف." نور حطت يدها بحنية على خده: "أنت كنت كده أول ما صحيت ولا دلوقتي؟ سيف: "أول ما صحيت كان خفيف، بس بيزيد." نور عينيها بدأت تتجمع

فيها دموع وافتكرت الحلم: "طيب أعملك إيه طيب؟ بص تعال نكشف أحسن، يلا." وقامت وبتشده من يده. سيف عايز يضحك وبيحاول يمسك نفسه: "يا نور لو قمت هقع." نور عيطت: "عشان خاطري طيب أعملك إيه؟ استنى هنادي حد يسندك." وجاية تقوم شدها راحت راجعة وأخذها في حضنه وفضل يضحك. سيف بضحك: "بهزر متخافيش." نور مش مصدقة وفكرت بيقول كده عشان يطمنها: "عشان خاطري نكشف." سيف: "والله بهزر، كنت بشوفك هتعملي إيه." نور طلعت من حضنه:

"أوع تكون بتحلف كده." سيف: "وغلوتك عندي أبدًا." نور مسحت دموعها بطفولة ورجعت حضنته: "متهزرش كده تاني." سيف ضم حواجبه واستغرب: "في إيه؟ نور رجعت تعيط: "حلمت إنك تعبت وأنا مقدرتش أعملك حاجة." سيف ضحك: "أنتِ أحلامك ليه كده؟ نور طلعت من حضنه: "ببقى خايفة عليك." سيف حط يده على وشها بحنية: "أنا اللي كنت هتجنن وأنتِ بعيد عني، وحشتيني. أنتِ خليتيني زي الطفل اللي تعلق بشيء وبعدها منعتيه عنه."

نور بصت له بحب وبعدها افتكرت كلامه ابتسمت ومسكت يديه وبعدتها: "طب يلا عشان نفطر أنا جعانة أوي." وقامت بسرعة قبل ما يتكلم وطلعت. سيف لاحظ تغير ملامحه من فرح لخيبة أمل، اتضايق وقام. ــــــــــــــــــــــــ شمس: "البنت دي وحشتني، هو والجزمه. هما بيعاقبوا بعض وإلا بيعاقبونا؟ شهد: "والله يا تيتا ما عارفة نور، نفسي أتكلم معاها متعودة أحكيلها. أنا اللي غلطانة كنت قولت لسيف قبل ما نتحرك كان جه فاهمها بدل كل دا." تهاني:

"نور كانت هتفكر جه برضه قبل ما تكشفوا. دي هبلة زي أمها." أمل ضحكت: "ليه كده بس يا ماما؟ أميرة: "طيب منكسر الباب ونشوفها لتكون عملت حاجة في نفسها." سلمى: "صح." هبة بضحك: "للدرجة دي بتحبوها؟ نورين: "نور ما سبتش حد فينا. إحنا أساسًا طلعنا واطيين أوي، دا لو حد فينا حصل له حاجة بتروح تهزقهم وتجيب لنا حقنا، مش إحنا اللي قاعدين كده." شهد: "لا وأنا بغباء سيبته معاها، المفروض كنت دخلت." فريدة: "طيب إيه؟

أنا البنت دي قلبي وجعني عليها أوي، نكسر الباب." هبة ما كانتش عايزة تقول إنهم اتصالحوا عشان تشوفهم هيعملوا إيه لما تنزل: "لا أكيد هيتصالحوا." ــــــــــــــــــــــ ياسين هو ومازن وآدم كانوا نازلين. ياسين: "البنت دي هتفضل كده، تعالوا نجرب إحنا مع بعض يمكن تفتح." مازن: "تعال." آدم: "ما نكسر الباب أحسن افرض فيها حاجة." ياسين: "هتخوفني ليه؟ مازن: "نور افتحي بقى كفاية كده." آدم: "طيب أنتِ زعلانة منه إحنا مالنا؟ ياسين:

"يا ستي افتحي نطمن عليكي على الأقل." نور كانت طالعة من الحمام وسمعتهم، ضحكت بفرحة. آدم: "طب موحشكيش رخامتي طيب؟ ياسين: "والله بقيت نكدي زي نورين، افتحي بقى." مازن بيتكلم وبيحاول يفتح لقى الباب اتفتح: "عشان خاطري إيه دا؟ دخلوا لقوها واقفة. آدم أول ما شافها شدها وحضنها: "وحشتيني." نور حضنته: "وأنت كمان." مازن: "أوع." وحضنها: "هو ينفع كده توجعي قلبي عليكي؟ طب يا ستي موحشكيش القعدة معايا؟ نور حضنته: "آسفة."

ياسين شالها وحضنها: "لا أوعوا بقى، البيت كان بايخ من غيرك والله وخايف ليكون فيكي حاجة." نور ضحكت وباسته من خده: "حقك عليا، ربنا ميحرمنيش منكم." ياسين باس رأسها: "أنتِ بنتي يا نور، إياكي تعمليها تاني." آدم: "إيه دا اشمعنا هو بوسة وأنا لا؟ ياسين: "الله أكبر نتحسد يا بنتي." وبينزله: "يا بابا أنا ونور بينا قصص حب ورومانسية رهيبة، اللي زيك ميعرفهاش." نور ضحكت. آدم: "وربنا ماليش في." وراح قرب منها وباسها من خدها جامد.

ياسين بضحك: "لا يا بابا هي مش أنت." آدم بص له وشكله هيزعل بجد، نور فضلت تضحك وباسته من خده. نور بضحك: "ولا تزعل." مازن واقف ومربع يديه ورافع حاجبه، نور بصت له: "أنا واقف أما أشوف آخرتها إيه." نور راحت حضنته وباسته من خده: "ربنا ما يحرمنيش منكم يا رب." ياسين بضحك وبيجر شكلها: "رجعتي عظمة يا بت شبه خلة أسنان." نور بصت له: "بجد؟ آدم فاهم وبضحك: "خسيتي على خستك، هتختفي امتى؟ نور بصت على نفسها: "بجد؟ مازن:

"لما تيجي تختفي قول لنا عشان نصور اللحظة." نور: "هق هق هق، تصدقوا أنكم ما شفتوش تربية، أوع أنا غلطانة." كلهم ضحكوا. ياسين بضحك: "بننكشك يا قلبي." نور: "لا أنا فعلًا خسيت، أنا مصدقت أتخن." مازن: "أنتِ غلِك خلاكي تاكلي في نفسك فا خسيتي، بطلي غل وأنتِ هتبقي زي الفل." نور: "صارمة مين بيتكلم؟ أنا غل؟ طب يا رب أشوفك زي. وبعدين مين بيتكلم، دا أنت أرفع مني من كتر صرامتك اللي بقى قد كده." آدم: "أيوة يا بت ادي له متسكتلوش."

مازن رفع حاجبه: "صارم إيه يا حبيبتش دي رشاقة." ياسين: "لا لا ميصحش كده، وبعدين رشاقة إيه أنتم عندكم جفاف أساسًا." نور: "مش أحسن ما أبقى درفة زيك." ياسين: "درفة مالقوش في الورد عيب قالوا له يحمر الخدين." آدم: "حقد يا بنتي، غيرانين من جمالك وحلاوتك. طب ابقوا زيها بس كده، الله أكبر عليكي يا اختشي." نور: "معلش صرامتهم مضايقاهم، ويلا بره." آدم: "حتى أنا؟ نور: "لا أنت خليك معايا." ياسين:

"كده برضه يا قمر تصاحبني على السهر." مازن: "كده هو." ياسين: "وتفوتني معاه وتمشي لا حس ولا خبر." مازن بضحك: "يا أخي يا أحمد يا عمر." نور ضحكت جامد من قلبها: "همووت." آدم بضحك: "أحمد يا عمر." ياسين بضحك: "طب والله أحلى." سيف دخل لقى نور وآدم حاضنها وعاملين يضحكوا. سيف شد نور من حضنه: "إيه دا يا عم؟ أوع." ياسين: "لا لا لا كتير والله، أخيرًا وريتنا وشك." آدم بضحك: "طلعت من الحبس امتى؟ مازن بضحك:

"لا ثانية، أنتم اتصالحتوا؟ سيف: "أها." نور بطفولة: "وهروح الملاهي." ياسين بضحك: "أكل بعقلك حلاوة يا هبلة." مازن: "لو منك مقبلش لا، لما يجيب لي حاجات حلوة كتير." نور بطفولة: "جيب لي." آدم: "ويفسحك." نور: "هيوديني النهاردة." وبصت لسيف: "صح؟ سيف بصلها: "أكيد." ياسين: "ويجيب لك هدية كبيرة، دفعي يا بت لما يغرام يحرم يزعلك." نور بصت له: "عايزة هدية." سيف: "حاضر." ياسين: "قولي له وتكون غالية." نور: "وتكون غالية." آدم:

"وتعجبني." نور: "وتعجبني." مازن: "قولي له، وعلى فكرة لو معجبتنيش تجيب غيرها وهاخدها برضه." نور: "وعلى فكرة." وبصت لمازن: "وعلى فكرة إيه؟ مازن: "لو معجبتنيش تجيب غيرها وهاخدها برضه." نور: "لو معجبتنيش تجيب غيرها وهاخدها برضه." سيف: "أنتِ تختاريها بنفسك." ياسين: "هق مش عايز يتعب نفسه، شوفتي؟ سيف بص له: "متستراجل يلا." ومسك يد نور ونزل وسابهم. كلهم ضحكوا. ــــــــــــــــــــــ نور: "هو أنت بجد ضحكت عليا؟

سيف بص لها وضحك: "يا بنتي دول بهزروا عارفينك بتصدقي أي حاجة." نورين شافتهم نازلين، سيف ماسك يدها وباصين لبعض وبيتكلموا، شاورت لأميرة وسلمى. نورين: "بصوا بصوا." كلهم بصوا عليهم. أميرة: "دا بجد؟ سلمى: "قولوا وربنا." شمس وتهاني ضحكوا. نور نازلة وسيف ماسك يدها، لقت أميرة ونورين وسلمى بيجروا عليها وبيتنططوا وكلهم بصوت واحد: "نوووررر."

نور بتبص لقتهم بيجروا عليها وفرحانين، تلاتة حضنوها ومرة واحدة نور كانت هتقع، سيف ضحك ولحقها وواقف وراها سندها. أميرة: "وحشتيني." نورين: "والله مبطلناش عياط، كنا خايفين يكون فيكي حاجة." سلمى بعياط: "هنت عليكي يا نور." نور ضحكت وبترفع رأسها لقت سيف بصصلها من فوقيها وبيضحك وغمز لها. نور ضحكت: "وأنتم كمان وحشتوني." شمس: "كدبة، لو كده كنتي حتى جيتي سلمتي عليا." نور جرت عليها وحضنتها وباست رأسها: "كلكم وحشتوني والله."

تهاني: "إلا ما قولتي صباح الخير حتى." نور راحت وحضنتها وباست رأسها: "صباح العسل يا قمر أنتِ." عاصم من ظهرها: "طب وأنا؟ نور ضحكت وجرت حضنته وفضلت تبوسه من خدوده ياما وتعلقت في رقبته: "أنت اللي كان نفسي أشوفك أوي." عاصم ضحك وحضنها: "وحشتيني يا لمضة." سيف كان واقف بيجز على أسنانه وغيران. أميرة شافت سيف كده ضحكت وحضنته: "وحشتني." سيف بص لها وابتسم: "وأنتِ كمان." وباس رأسها. شهد كانت نازلة لقتها جرت عليها: "نور."

وحضنتها وفضلت تتنطط بيها: "وحشتيني وحشتيني وحشتيني." نور بضحك: "فرهدي أمي اهدي." مكرم: "أخيرًا." وراح حضنها: "كده يا قلب أبوكي تبعدي عننا؟ طب الجزمه دا زعلك إحنا مالنا؟ نور اتضايقت: "متقولش عليه كده." محمود بضحك: "يا مكرم يا خويا دول حلال في بعض." نور ضحكت وحضنت خالها. تسريع الأحداث: كلهم فرحوا إنهم اتصالحوا. فطروا كلهم مع بعض ونور وسيف أخذها وخرجوا وهما في الطريق. سيف: "تحبي ناكل ولا الملاهي الأول ولا الهدية؟ نور:

"نجيب البدلة الأول بتاعتك عشان أقعد في الملاهي براحتي." سيف ضحك: "من عيني." نور بفرح: "أشطا." طول السكة نور ساكتة. سيف بص لها: "ساكتة ليه؟ نور: "عادي." لقاه مرة واحدة واقف العربية، بتبص لقت وصلوا عند المول: "يلا." سيف بص لها وخايف لتكون لسه زعلانة. ـــــــــــــــــــــــــــــــــ وهما في الطريق. آدم بضحك: "أنتِ يا تعيطي يا تضحكي." أميرة بضحك: "مشوفتهمش وهما مع بعض بجد، مبسوطة أوي." آدم: "وربنا مجنونة."

أميرة باسته من خده: "بحبك." آدم بص لها: "دا بجد؟ أميرة باسته تاني من خده: "وبموت فيك." آدم ضم حواجبه وضحك: "في إيه؟ أميرة قامت حضنته وهو سايق: "في إني بحبك أوي." آدم بضحك: "يا مجنونة نعمل حادثة." وحضنها بيد واحدة وفضل يضحك. أميرة بعدت عن آدم: "بقولك إيه ما بلاش شغل النهاردة وتعال نتفسح." آدم ضحك:

"وشغلي مقدرش، بس ممكن تروحي شغلك وأنا أخلص بسرعة وأعدي عليكي. ولا إيه رأيك بكرة آخد إجازة ونجيب أنا وأنتِ حاجات الفرح بقى، أنتِ كنتي مستنية يتصالحوا أهو اتصالحوا زي الفل." أميرة: "آه صحيح، لا بس مش هينفع تشوف فستاني." آدم: "نعم ليه؟ أميرة: "عمتو قالت كده مينفعش." آدم: "أمي أنا قالت كده؟ أميرة: "آه والله. بص عندي فكرة حلوة، إحنا نخلص شغل وتعدي عليا نروح نشتري بدلتك وأنا هنزل أنا والبنات مع بعض." آدم:

"أنتم كلكم هتعملوا كده؟ أميرة: "آه طبعًا." آدم: الله يسامحك يا أمي، ماشي. مازن: رايح الامتحان أهو، آخر يوم، مبسوطة؟ سلمى: أوووي أوووي! مازن ضحك: ده أنتي لما بنتعارك مع بعض ونتصالح متبقيش كده. سلمى ضحكت: ولا تزعل، وباسته من خده. مازن بتمثل: لا لا زعلان. سلمى باستو من خده تاني: بحبك. مازن: أنا منهار أووي. سلمى فهمت: أهااااا، لا اتفلق يا قلبي. مازن ضحك: أخس عليكي! سلمى بضحك: صحيح، هتستناني ولا لأ؟ مازن: أكيد.

سلمى: أنا هطلع بدري. مازن: عارف. سلمى: ادعي لي المراقب يكون حنين. مازن بصلها: نعم؟ إيه حنين دي؟ سلمى ضحكت: مش قصدي، قصدي ميقعدش يزعق. مازن: على حساب. سلمى: إيه؟ مازن: لا ولا حاجة، يلا وصلنا. سلمى نزلت ورجعت له تاني: بأقول لك، تيجي النهاردة نختار بدلتك؟ مازن: وأنتي؟ سلمى: مع البنات. ماما بتقول مينفعش تشوفها. مازن: ليه؟ هحسدك؟ سلمى بضحك: لا بيقولوا غلط. مازن: مين اللي بيقول؟ سلمى: معرفش، أنا لما قلت لها ليه؟

قالت لي بيقولوا غلط. مازن: أمك وأمي، نفسي أعرف مين اللي بيقول لهم. طيب يلا عشان متتأخريش. نورين: حاضر، أنت بس خلص وعدي عليا، هكون خلصت نخرج ونشوف بدلتك. ياسين: أنتي لسه مصممة على عدم أشوف فستانك؟ نورين: أها، وغير كده عايزك تنبهر بيا يوم الفرح كده وتقول بكل انشكاح: عرفت أختار من غير ما أحتار. ياسين بضحك: يا ود يا مختار. نورين: بتتريق؟ ياسين بضحك: بس إيه رأيك؟ نورين ضحكت: جميل. ياسين: يلا وصلنا يا قمر.

نورين باستو من خده: باي، ونزلت. ياسين ضحك: إيه الرضا ده؟ وطلع راسه من شباك العربية ونادى عليها: يااااسين. نورين بتبص: إيه؟ ياسين بضحك: راضي عنني (بنفس صوت محمد رمضان في مسلسل الأسطورة) نورين ضحكت: اتلم الله يكسفك، وطلعت. ياسين ضحك ورن عليها: قلباااي. نورين بضحك: اتلم بقى، وبعدين بتناديني باسمك. ياسين: أومال باسمك أنتي؟ عبيطة؟ نورين: ما المستشفى كلها عارفة اسمي. ياسين: دكتورة نورين، أما اللي حواليكي في الشارع لأ.

نورين ضحكت: تمام يا خويا، باي عشان خلاص طلعت. ياسين: بحبك، باي. نور: مش فاهمة إيه كيفك في القميص اللي تفتح صدرك وكله يبان. اقفل أم القميص ده! سيف: يا بنتي هي بتبقى كده. نور: يا شيخ! دخلت بنت: واو تحفة عليك بجد. نور بصت لها من فوق لتحت: نعم؟ سيف من جوه: يا نهار أسود تاني! البنت: البدلة بتاعته قمر عليه. نور بنفس طريقة البنت: والله بجد؟ البنت: أكيد. نور بصت لسيف راح

هو دير وشه وبص في السقف: خلاص يا حبيبي، ما دام هي شايفاها واو وقمر، خدها اللي ربنا يأخذها. سيف ضحك غصب عنه: أحم، أنتي عجباكي؟ نور بسهوكة: تقرف أساس، بس المهم رأيها. البنت: أفندم؟ نور: لا وكمان أنتي مش عاجبك؟ إش حشرك أنتي؟ حلو عليه ولا لأ؟ هيلبسها لك أنتي ولا ليا؟ ده أنتي باردة صحيح. المسؤول عن القسم: في إيه؟ نور: الأنسة جاية تقول لجوزي قمر وتحفة وواو، ده أنا اللي مراته ما قلتهاش!

المسؤول: أحم، طيب اتفضلي أنتي، وبص للبنت إنها تمشي، وبص لنور: إحنا آسفين، المكان تحت أمرك، ومشي. نور بصت لسيف بعصبية: وأنت اقفل لي صدرك ده، ولا أقولها أساسًا خرا. سيف بضحك: أصما لله، وهز كتافه: وفي واحدة كانت كتافها وصدرها كله باين. نور بصت له وضحكت: أنت بتترقص لي يخيبك؟ وبعدين إشطا عادي، أنت اعمل كده وأنا ألبس الفستان تاني وندخل الفرح وإحنا بصدر رحم. سيف ضحك: وحياة أمك؟ نور: الله! مش أنت اللي عايز كده؟ يلا غير.

سيف: مش عجباكي بجد؟ نور: والله ما هتجيبها لو إيه! سيف ضحك: ماشي، طب شوفي لي أنتي. نور راحت تدور لقت بدلة عجبتها ومقفولة. نور: سيف. سيف: إيه؟ نور مدت إيديها من ورا الستارة: شوف دي. سيف ضحك وأخدها، وبعد وقت طلع: ها؟ إيه رأيك؟ ومقفولة أهي. نور انبهرت وعينيها لمعت من فرحتها، كأن ابنها قصادها: يا روحي قمر، اللهم بارك. سيف غمز: أنا بتعاكس ولا إيه؟ نور اتكسفت: أحم، حلوة، يلا غير.

سيف ضحك ودخل غير وطلعوا ونزلوا وركبوا العربية وهما في الطريق. سيف: تيجي الأول ناكل بيتزا على البحر؟ نور: إشطا، موافق. أحمد: السلام عليكم. كلهم: وعليكم السلام. أحمد: أومال فين شهد؟ هبة: في أوضتها لسه طلع. أحمد: ينفع أطلع؟ شمس: اطلع. تهاني: أنتم متعاركين؟ أحمد: لا أبدًا. فريدة: طيب اطلع، ربنا يهدي سركم. أحمد طلع وبيخبط. أحمد: شهد؟ شهد جريت وفتحت له، أول ما شفته نطت في حضنه: بحبك. أحمد اتخض وضحك: الله إيه ده؟

ده من امتى؟ شهد بفرحة: اتصالحوا وأخدها كمان يخرجها، أنا مبسوطة أوووي. أحمد حضنها وضمها له جامد: ربنا يفرح قلبك دايما. شهد: أنا وأنت يا رب، وبتطلع من حضنه. أحمد: القمر كان قاعد لوحده ليه؟ شهد: عادي كنت برتب دولابي. أحمد غمز: أممم، ما تيجي. شهد: اتحترم نفسك. أحمد بضحك: يخربيت النية الوحشة دي، قصدي ما تيجي نتمشى شوية. شهد ضحكت: يا شيخ؟ أنا برضه؟ وغمزت لي ليه؟ عندك مرض كلابي مثلًا؟ أحمد ضحك: مرض كلابي؟

ومسك خدودها: في حد يقول لي حبيبه كده؟ على البحر. سيف بص لقها سرحانة: في إيه؟ نور: سيف شاور قصاد عينيها: نور. نور بصت له: إيه؟ سيف: مالك؟ نور: لا سرحت بس في البحر. سيف بص لها وقام وقعد قصادها: نور أنا عارفك أنتي لسه زعلانة، قولي لي، عاتبيني لو فضلتي كده هتكرهيني، حتى لو كلامك هيزعل أنا موافق. نور عينيها بدأت تدمع: مش كده ومش زعلانة والله. سيف: أومال مالك؟ نور: كلامك كان صح، تصرفاتي غلط. سيف: نور أنا

نور قطعته: أنا فعلًا غلطانة باللي عملته. كان ممكن أستنى تيجي وأوريك شعري، بس وقتها شكيت إني ممكن تبص لغير بسبب لبسي. أنا بأحاول والله أغير شكلي وأسلوبي وعصبيتي، وحاجة مش بإيدي. هأقول لك حاجة بس أوعى في يوم تعايرني بيها، لأن بجد وقتها مش هأقدر أكمل معاك. سيف ضم حواجبه: أنا آسف، ما كانش قصدي أعايرك صدقيني.

نور بعياط: أنا عارفة تصرفاتي وحشة، واللي هأقوله ده ما فيش غير أمي وبابا الله يرحمه اللي يعرفوه، وما كنتش بأقول لأحد عشان متجرحش أكثر. أنا ما كنتش بأعرف أتكلم وأنا صغيرة، وعندي شبه توحد، كنت بأخاف أتعامل مع أي أحد. بابا أخذني لدكتور تخاطب، وبدأت أعرف أتكلم، بس لسه عندي خوف من الناس. أي أحد يقرب كنت بأصرخ ويغمى عليا. روحت لدكاترة كتير، وبابا كان دايماً يديني الثقة إني مش غريبة وإني طبيعية، وأمي كانت دايماً تبعدني عن

أهل بابا لأن كانوا مفكريني مجنونة عشان شافوني مرة أنا وبابا نازلين من عند دكتور نفسي. بابا فضل معايا لحد ما بدأت أتعامل مع ناس بعدم خوف، بس لو واحد معرفهوش قرب لي بأتضايق، ولو واحد بأحبه بأتعصب لو واحد قرب له، خوف إنه يبعد وأبقى لوحدي زي زمان. كل البنات كانوا بيضحكوا عليا عشان كنت بأتهته لما أجي أتكلم. بطلت أتكلم وأروح البيت أفضل أتكلم في كل حاجة تضايقني في أوضتي وأنا قافلة على نفسي. بابا لاحظ مش بأتكلم مع أحد وما

ليش صحاب، كان هو صاحبي الوحيد وعارف لو عملت حاجة بيبقى غصب عني. مش هنكر أنا ما عنديش ثقة في نفسي، بقيت بألبس صبياني أحسن عشان أترحم من كلامهم، كانوا مصدقين إني ولد، ولما كبرت عرفوا إني بنت ورجعت تاني بعد ما حِفيت. بابا كان وقتها تعب وتوفى. رجعت لدكتور النفسي اللي كنت بتابع عنده، حاولت أبطل عصبية وما بأبقاش بأغير على أحد وأبقى لوحدي، وده سبب من كل اللي شفته، مش بإيدي والله. أنا حاولت أبقى زي أي بنت طبيعية، مش بأعرف.

ما كنتش عايزة أقول لك بس إحنا لسه برضه على البر، هأبعد مش هتشوف وشي، وأكيد هتلاقي إنسانة طبيعية ما عندهاش كل العك ده. أنا آسفة على كل تصرفاتي، وآسفة إني لبست كده، بجد آسفة، ما كانش قصدي ومش عايزة أتعبك، أنت اتبهدلت بسببي كتير، وأنا كل ما أحاول أصلح حاجة بأخربها أكثر. أنت حتى لو المرة اللي فاتت كان كلام، المرة اللي جاية هتزهق. وأنا آسفة إني خبيت عنك بس خايفة في يوم تعايرني بحاجة ما كانتش بإيدي.

سيف حضنها: أنا آسف. أنتي زي القمر وما فيكيش حاجة. أنا حبيتك كده وحبيت تصرفاتك كلها، جنانك، عصبيتك، غيرتك. ما شفتهمش عيب زي ما أنتي شايفة كده. المفروض بنت زيك أنتي يكون عندها ثقة. أنتي مش وحشة، أنتي زي القمر، وإزاي أنتي شايفة نفسك كده؟ ده أنتي اللي قلت لي: "حب عيوبك الناس هتحبك". أكرهها الناس تعايرك بيها، مش ده كلامك؟ نور بعياط: لا، بابا.

سيف ابتسم ومسح دموعها: أنا لما زعقت لأنك أنتي ملكي، وزهقت إني ألاقيكي كده، إني كل شوية أفضل أخبيكي من عيون الناس. ده أنتي بلبسك الطبيعي بتخلي كله يعجب، ما بالك باللي كنتي لابساه؟ بلاش كده، أنتي مجرد ما أنا بأفتح القميص يتغير، ما بالك أنتي؟ عرضي!

ده كان قصدي. أنتي عندي بالدنيا. أنتي ما خربتيش حياتي، أنتي نورتيها. أنتي غبتي عني ٤ أيام عرفت قيمتك مليون مرة. القصر كأنه ما لوش روح. أوضتي اللي كنت بأدخل ألاقيكي زي القردة مشقلباها بقت كئيبة. أنا محتاجك وعايزك كده، جنانك اللي بأبقى مبسوط، هدوءك لما بأبقى تعبان وألاقيكي خايفة عليا، عصبيتك لما تغيري، لمضك لما تصممي على حاجة، جدعنتك اللي عمرك ما كسفتي أحد بيها، حنيتك وطيبتك اللي عمري ما شفتهم. وأحلى حاجة لما بتزعلي بيبان مش بوشين زي ناس ياما. أنا كنت محتاج كل ده عشان تملي حياتي، وأنتي عملتي كل ده. أنتي شايفاهم عيوب، أنا شايفهم عوض من عند ربنا ليا، وأنتي أحلى عوض وجبر خاطر من ربنا.

نور بصت له بحب وفرحة: بحبك، وحضنته. سيف ضمها له: وأنا بأعشقك. نور بتبعد: أنا آسفة على اللي حصل. سيف: إحنا الاتنين غلطانين يا نور. نور: وعد هتغير على قد ما أقدر.

سيف: لو أحد اتغير فينا هنبطل نحب بعض. أنتي حبيتيني كده وأنا حبيتك كده. التغيير في حاجات تاني، مثلًا اللي بيخون يتغير ويبص للي معاه، اللي مهما أحد يعمل له شايف إنه ما اتعملش حاجة، اللي متكبر، اللي مش بيشوف نفسه غلطان، البخيل سواء مشاعر أو كمادية، الشكاك. دول فعلًا لازم يتغيروا. أنا بأحبك بكل تصرفاتك ما عدا هدومك، وبالذات التيشرت أبو ٣٠٠ جنيه ده.

نور ضحكت: طب والله كل ما أفتكر أبقى عايزة أروح أهزقها. طلع بيكش وأنا هبلة مفكرة باتخن وفرحانة. سيف ضحك: يا شيخة؟ نور بطفولة: أها والله، وبألبسه وأنا فرحانة إني تخنت. أمي اللي أخدت بالها قالت لي: "كش كده ليه؟ " أخدت على قفايا من جوايا قفا، بس ده أنا واخدة علقة بختم. وقلدت البنت اللي باعت لها التيشرت: "على فكرة ده أحسن أنواع، أنضف حاجة". بنت الرفضي أخدت أحسن أنواع القفايات. سيف بص لها وفضل يضحك: معلش.

نور: أنت عارف وربنا جه في بالي أروح وتتكلم معايا بنفس الطريقة، أقوم جايباها من البلح. سيف ضم حواجبه: بلح؟ نور: أها، أصل هي كانت عاملة شعرها بلح كده ملولو كده. سيف فضل يضحك وحضنها: وربنا بأموت فيكي. نور: صحيح، مش هنروح الملاهي؟ سيف ابتسم: هنروح أكيد بس كده كده هنسهر بره. نور: احلف. سيف ضحك: والله. نور ضحكت بطفولة، بتبص على الأكل: إيه ده، أنت أكلت العلبة دي؟ سيف: نعم؟ أنتِ اللي أكلتيها.

نور: أنا أكلت علبتي بس، وأنت معاك علبة ودي تالتة. سيف: أيوه، أنتِ كنتِ سرحانة خلصتي علبتك، فتحت دي وحطيتها جنبك وحطيت لك نص بتاعتي. نور: يا شيخ أنت أكلتهم؟ سيف ضحك: وربنا أبدًا، أنتِ مش أنا. نور: أنا جعانة، وبعدين أنت جبت تلاتة بس. سيف: حجم كبير، وأنتِ قلتي ما تجيبش ياما، أنا مش جعانة. نور: يا سلااام. ما أقول اللي أقوله، أنت تجيب كتير. سيف عينيه ضحكت: حاضر آسف. نور: وبعدين أنا شبعت من البيتزا، عايزة حاجات حلوة.

سيف: من عيني. نور: وهات شبسي كتيررررر. سيف: تعالي نجيب عشان مدام اتشرطتي كده يبقى عايزة حاجة تانية يلا. ـــــــــــــــــــــــــــــــــــ سلمى في لجنة لقت مازن اللي واقف عليها مراقب، أول ما شافته تنحت. مازن غمز ليها ودير وشه. سلمى ضحكت وكانت عنيها عليه ومركزة معاه. مازن قرب من ناحيتها: ركزي في ورقتك، أنا مش هتحط في شهادة.

سلمى اتكسفت وبصت في وراقها وفضلت تحل، فضل باصص عليها وشايفها وهي بتحل شبه الأطفال، بعد ما خلصت بترفع راسها لقت مازن باصص لها بحب. سلمى رفعت حواجبها وضحكت. مازن ضحك بصوت وانتبه لما كله بص له: أحم، كل واحد يبص في وراقته، وبص لسلمى وضحك بس من غير صوت. سلمى كانت خلصت وقاعدة مستنية وبتشوفه، كانت مبسوطة وفخورة بيه وفضلت مستنية لحد ما الوقت عدى وأخدها وطلعوا، كانت مبسوطة واختارت بدلته، وبعدها خرجوا.

وأما عند آدم خلص شغل أخد أميرة وراحوا اختاروا بدلته وخرجوا. ونورين نفس الكلام اختارت بدلته وبعدها خرجوا. وأحمد أخد شهد اتمشوا وبعدها راحوا اختاروا البدلة. أما عند نور وسيف جاب لها كل اللي كانت عايزاه وفضلت تاكل لحد ما راحوا الملاهي وخلّاها تركب كل اللعب اللي هي عايزاها، وبعدها روحوا. كانوا كلهم في البيت، طلعت أخدت شاور وصلت ونزلت قعدت معاهم شوية وطلعت نامت وكانت مبسوطة وعدى اليوم.

تاني يوم الشباب كلهم راحوا الشغل ما عدا البنات كانوا عايزين يقعدوا مع بعض ويتفقوا على الحاجات اللي عايزينها. وفضلوا يهزروا ويضحكوا، وعلى آخر اليوم كل واحد قعد مع حبيبته. سيف: نور بقولك، ينفع تاخدي دول تكتبيهم على اللاب توب؟ نور: حاضر. أمل: أنتِ يا بت مش لسه طالبة منك تقشري بطاطس قولتي مشغولة؟ سيف ضحك. نور: هاااا أهااا. أمل: أومال هتكتبي له إزاي؟ نور: هفاضي له نفسي. ياسين بضحك: طب أوعي توقعي حاجة.

نور بصت له ورفعت شفاتها: هق هق هق. نورين ضحكت: طب والله حلو. ياسين: ونعم، أنتِ اللي عسل. أمل: قومي قشري يلا. نور: قرة عيني إيه يا حاجة أنتِ بتقولي إيه؟ بطاطس إيه دي بس؟ آدم طخّن: البطاطس وأمك ولا سيف يا نور؟ نور ضمت حواجبها بتمثيل الحزن: ده سؤال يا خويا؟ سيف طبعًا. سيف ضحك. مازن كان نزل ونور كانت مدية ظهرها، باسها من خدها: كتكوتي كنت عايزك. سيف: أر*يل أنا ولا إيه؟ أنت عبيط؟ مازن ضحك: أختي وربنا.

آدم: ولا تزعل يا سيف، ومسك سلمى وباسها من خدها جامد، سلمى فضلت تضحك. مازن: ولاه ما تغطسش في المياه العكرة وأنتِ مفجلة ضبك وشدها قومي. ياسين: أبوس مين طيب أنا دلوقتي؟ نورين ضربته في كتفه: اتلم. ياسين مسكها باسها من خدها: قلبي يا ناس. آدم: إيه يا عم اهدى. ياسين: مراتي في إيه؟ نور تنحت وبخضة: يا نهار أسود. كلهم بصوا ليها. سيف: في إيه؟ نور بلعت ريقها: والله كنت سرحانة. في نفس الوقت أحمد وشهد داخلين من الجنينة.

أحمد بضحك: هببتي إيه؟ شهد: اهدي حصل إيه؟ نور: واحد اسمه المناوي بعت لسيف، كتر خيره، أنا سرحت قلت له داهية تشيلك. سيف: هي جلطة؟ أعراضها التنميل صح؟ ياسين ضحك: أنت زي الفل. كلهم ضحكوا. أمل بضحك: وريني يا قرة عينها هتعمل فيها إيه. نور بصت لسيف ومكسوفة. سيف ضحك: خلي بالك بعد كده. نور بصت له بفرح وطلعت لسانها لأمل زي الأطفال. هبة ضحكت: قلت لك ما تدخليش نفسك ما بينهم. نور همست لسيف: آسفة. سيف ابتسم ولعب في شعرها: ولا يهمك.

نور: هخلص وأعمل لك قهوة. سيف: لا يا أختي، هو أنا عبيط عشان تسهريني؟ لا. نور بضحك: أصماله مش أحسن من اللي بيشربها و"خخخخخ" على طول. سيف: إيه ده؟ إيه الـ "خخخخ"؟ نور: تنام يعني. سيف: على أساس بتسيبيني؟ نور: هو أنا مش بوحشك؟ تمام براحتك عادي، بعد كده تطلع تنام يلا، خلي مخدة تنفعك. سيف ضحك: اللفة دي عايزة إيه؟ آدم ومازن في صوت واحد: وربنا كنت لسه أقول لك كده، وبصوا لبعض وضحكوا.

نور بصت ليهم: خفيف الظل أنت وهو، اتلموا بدل ما أقول لجدو، وهزت كتفها وكأنها بترقص. أميرة: إيه ده؟ في إيه؟ سلمى: حصل إيه؟ ياسين بضحك: أستغفر الله، ربنا يهديكم. أحمد بضحك: يا رب يا خويا. نور هزت كتفها تاني: بلاش أنتم يا نونوس منك ليه. سيف شدها لورا: إيه أنتِ بتترقصي؟ ما تتلمي. نورين: لا بقى، هو في إيه؟ شهد: أنت هببت إيه؟ ياسين وآدم ومازن وأحمد في صوت واحد لنور: عبو شكلك.

نور ضحكت وحطت رجل على رجل: ههههحححح، الواحد حاسس براحة رهيبة. سيف ضحك.