رواية أحببت مجنونة الفصل التاسع 9 - بقلم الاء

تهاني: اخس عليك يا سيف، في حد يعمل كده في أخته؟ أميرة: ليه كده يا سيف؟ دي مرضيتش تأذيك. ياسين: وياريت قدر دا، لا بالعكس استهون. نور بصت له إنه ميتكلمش. ياسين بص لها وضايق إنها بتسكت عن حقها، وإنها مش أقل منه عشان تسكت. نور حبت تلم الموضوع عشان ميحصلش مشكلة بسببها. نور: أنت عملت كل دا عشان إيه؟ سيف بضيق وبص لها بقرف: أنتي أولًا تتكلمي معايا كويس، تاني حاجة ملفات الشركة، التصميم معتصم.

نور: لا ثانية كده، أولًا دي حاجة دي براحتي أكلمك إزاي ما أنا أحب، ودا أسلوبي، عجبك تتعامل معايا أهلًا، بس أنا بصراحة مش بطيقك، ومش حابة أشوف خيالك بس، وأكيد القلوب عند بعضها. تاني حاجة، التصميم بتاع شركة معتصم أنا خلصتها واديتها لماجد، عشان قالي إنه هيرجع، وطبعًا قبل ما تتكلم وتزعق إني اتصرفت من دماغي، لا دا خالو هو قالي اعملي كده. تالت حاجة ودي من عندي أنا مصدعة ومش طايقة نفسي، فا عايز تجعر وفرحان بصوتك عندك الجنينة، روح اتمشى فيها أو صوت أو اعمل ما بدالك، أشطا؟

يلا الله يسهلك. سيف: جرى إيه يابت أنتي؟ أنتي مفكرة نفسك مين؟ نور بكل برود: مش مفكرة تؤ تؤ تؤ. نور قربت منه وتكلمت بكبرياء: أنا نور طارق، نور بنت طارق وأمل، أحسن وأجمل وأحلى أب وأم وجدو عاصم، إيه راجل كده عسلية، تعرفه؟ أكيد عارفه، وتعرف أمي، لكن للأسف ما جالكش الشرف إنك تشوف بابا، معلش إن شاء الله تشوفه لما ربنا ياخدك. وبصت له ورفعت حاجبها: بعد عمر طويل طبعًا، بس ياريت تعمل حاجة عدلة عشان تشوفه في جنة.

سيف بص لها وجز على أسنانه وسابها ومشي. نور ابتسمت بانتصار وبصت لياسين. ياسين: كم أنتِ عظيمة يا أختي العزيزة! نور رقصت حواجبها. أميرة سقفت: لا بجد شابوه، أنتي عظيمة جدًا. آدم راح: إيه الحلاوة دي؟ إيه الطعمة دي؟ نور: قلبي أنت. صحيح يا أميرة، عايزك في موضوع، أنتي وآدم. ياسين: طب وأنا؟ نور ضحكت: اقعد احكي لتيتا فيلم العمة. ياسين ضحك: هي كده طيب، على فكرة في فيلم ليك يوم. نور: عند أم ترتر. وأخذت أميرة وآدم.

آدم: خير يا نونو؟ نور: أنت مزعل ميرو ليه؟ أميرة تنحت واتكسفت: إيه يابنتي؟ أبدًا، أنا مش زعلانة، هو اللي زعلان. آدم: أنا مش زعلان، وهزعلها ليه؟ أميرة: لا أنت زعلان مني. آدم: لا وهزعل ليه؟ أميرة: لا أنت متغير معايا. آدم: أنتي اللي مش حابة تتعاملي معايا. أميرة: أنا؟ آدم: أه. أميرة: لا حضرتك أنت، واللي يأكد كده إنك مش بترد عليا. آدم: شوفي حضرتك أنتي عملتي إيه، راجعي نفسك ولو مرة. أميرة: أه، قول بقى أنت شايل.

آدم: والله لا شايل ولا نيلة، أنا حبيت أوريكي أسلوبك معايا. أميرة: أنا؟ آدم: أه أنتي، آخر مرة بقولك إيه رأيك نخرج؟ ردك كان: لا. أميرة: أيوه، إيه العيب في كده؟ آدم: أنتي شايفة إنه عادي؟ أميرة: أه طبيعي. آدم: تمام. نور: خلصتوا؟ أميرة: لا ثانية بس، هو إيه اللي تمام؟ بقولك إيه بقى، أنت هتتعدل ولا لا؟ أنا مش فاهمة أنت نافش نفسك عليا ليه؟ آدم: أنا يا أميرة؟

أنا دا أنتي الوحيدة اللي اهتميت بيها وبخاف عليها، دا أنا أعرف أنتي بتحبي إيه وبتكرهي إيه، نور أختي معرفش عنها قد ما أعرف عنك. نور بهزار: أصيل يا أبو رحاب. آدم بص لها وسكت. أميرة: تعرف؟ تعرف إيه إن شاء الله؟ آدم: عايزة تعرفي؟ نور: بالله عليكي أنا، أنا أسألك عشان خاطري؟ أميرة بصت له بخبث: وأنا موافقة. آدم: أنتم مجانين. نور: لا ياض عشان تثبت كلامك. آدم: تمام. نور بفرحة: أحم، أميرة بتحب أكتر أكلة إيه؟

آدم: بيتزا وجمبها كاكولا، وأكتر أكلة مش بتحبها السمك. نور بصت لأميرة: صح الكلام دا؟ أميرة بفرحة: أه. نور: ندخل على اللي بعده، إيه أكتر حاجة أميرة بتكرهها في الشخص؟ آدم: الكدب والخيانه والمتطفل والبخيل. نور: ها، صح ولا لا؟ أميرة بصت له بحب: أه. نور ضحكت على نظرتها لآدم: طيب، إيه أكتر لون بتحبه؟ آدم: الأسود والبني والموف الغامق والأحمر، بس مش بتحب تلبس الأحمر، الباقي أه. نور بصت لأميرة. أميرة عينيها دمعت من فرحة: أه.

نور فرحت لفرحتها: طيب أما بتتعصب بتعمل إيه؟ آدم: يا بتزعق وتصرخ وتقول كلام غريب وترجع تندم، يا إما تعيط وبتندم إنها عيطت، يا بتفضل ساكتة ومرة واحدة بتهب في شخص. نور بصت لأميرة لقتها فرحانة: يبقى أه. طيب أسألك إيه تاني؟ أمممم، إيه أكتر حاجة بتحبها؟ آدم: تلعب مع الأطفال. أميرة بعياط: أنا آسفة بجد. آدم بص لها وضايق إنها عيطت: أنتي بتعيطي ليه؟ أنا جيت ناحيتك؟ نور فاهمة إنه متضايق عشان بتعيط

وعمل نفسه إنه مستغرب: يا نونوس، على أساس إنك مش زعلان عشان بتعيط؟ آدم بص لنور. أميرة: أنا معرفش عنك كل اللي أنت تعرفه، آسفة. نور بصت لها ورفعت شفتها وضمت حواجبها ورفعت حاجب اليمين. آدم: مش مهم تعرفي عادي، مش زعلان. نور بهمس: يا نوحي. أميرة: أنا عارفة إن أسلوبي كان غلط. آدم: ولا يهمك، بس بطلي عياط عشان خاطري. نور: مرهف. أميرة: أنت بجد ما تتعوضش. نور: ما شاء الله، مرهفة. أميرة: لسه زعلان؟

آدم: للأسف عمري ما زعلت ولا هزعل منك. نور: يارب المرارة تخف بس. أميرة: بجد؟ آدم: وغلاوتك عندي. نور بصوت عالي: لا بقى أنا مش قادرة على الجو دا، أنا ماشية بالعلاج، أنجزوا. آدم وأميرة بصوا لها. آدم ضحك: إيه؟ نور: ما تقولها بقى إنك بتحبها ونخلص. أميرة: إيه؟ نور: أيوه بيحبك وبيتمنا اليوم اللي تشيلي اسمه. أميرة: بس. نور: بقولك إيه، أنجزي بقى أنتي كمان، أنتم الاتنين بتحبوا بعض، فا ما تعاندوش وأنجزوا.

أمل دخلت: نور، خالتك فريدة عايزكي. نور: حاضر. وبصت وغمزت لآدم وأميرة ومشيت. أميرة اتكسفت وضحكت، وآدم متنح من أول ما عرف إن أميرة بتحبه. آدم: بجد بتحبيني؟ أميرة وشها بقى عبارة عن طماطم. آدم: يا لهوي يامه، وربنا أنا اللي بحبك. *** فريدة: تعالي يا نور. نور: نعم يا ست الستات. فريدة: عايزكي في موضوع مهم. نور بصت لها بشك: أه معاكي. فريدة: هو أنتي وسيف اتعاركتوا ليه؟

نور: أممم، يبقى تيتا قالت وجيتي تسألي عشان أقولك، فا تقولي لمرات خالي هبه ومرات خالي تقول لخالي وجدو يعرف وتحصل مشكلة، لا يا فريدة. أمل ضربتها في كتفها: يابت اتلمي، اسمها خالته فريدة. نور بوجع: أه الجبس يا أمي. أمل: عشان تتكلمي بأدب. فريدة ضحكت: احلفي طيب إن أنتي وسيف مش متعاركين. نور: يا فوفه، احنا على طول بنتعارك أساس. أمل قرصتها: يابت اتلمي، دي خالتك. نور: أهاااااااا يا أمي بقى اتقي الله.

فريدة بضحك: سيبيها يا أمل. وبصت لنور: لا أقصد يعني دراعك. نور: يا ف، وبصت لمامتها قصدي يا خالتو، لو هو أو مش هو، أنا أهو زي القرد، هي بس على رأي فنان هاني رمزي هي شوية فسافيس. فريدة ضحكت: والله يابنتي أنتي مشكلة، ماشي وبرضو ما طلعتش منك بحاجة. أمل: لا دي ما تأخديش منها فايدة. نور بصت لها: طيب لما هو كده بتجيبونا وتهينونا ليه؟ أستغفر الله العظيم. راحت أمل ضربتها على جبهتها. أمل: اتلمي يا جزمه.

نور بزعل طفولي: يووه بقى. ياسين: ماما، هو فين الجاكت الأسود بتاعي؟ فريدة: أخوك مازن لبسه. ياسين: يوووه بقى، هو ابنك دا مش هيبطل يلبس هدومي. نور بصت له بقرف. أمل ضحكت: يابني طيب دا أخوك، الدور والباقي على دي كانت بتلبس هدوم أبوها. نور برضو بصة لياسين بقرف. ياسين ضحك: يا خالتو المشكلة إن ببقى قايل له أجيبلك يقولي لا مش بحب ألبس دا، وسبحان الله بيلبسه. أمل ضحكت: ربنا يخليكم لبعض. ياسين ضحك: تسلميلي. وبص

لنور لقاها باصة له بقرف: مالك يا عاشقة النكد؟ نور: أنت عيل واطي على فكرة. أمل جت تضربها تاني، ياسين جرى عليها وحضنها: إيه يا خالتو؟ أنتي هتضربي قلبي؟ نور ضحكت: أخوياااااااااا. أمل بصت لهم: اتلم تنتون على تنتن. فريدة: والاتنين أنتن وأنتن. هبه دخلت: أمل، هي فين نور؟ نور همست لياسين: خبيني وحياة أمك، دي بتفضل تعلف فيا. أمل بضحك: مرزوعة جمبي. هبه ضحكت: مستخبية مني يا جزمه؟ نور وهي في

حضن ياسين وماسكة فيه جامد: وربنا ما هاكل حاجة، أنا معدتي وجعتني. هبه ضحكت: يابت دي كيكة بالشيكولاتة. نور: لا برضو، أنا مش قادرة. ياسين عمال يضحك على نور اللي ماسكة فيه كأنها طفلة: خلاص بقى يا مرات عمي سيبيها. نور: اسمعي الكلام يلا. أمل عايزة تضربها مش عارفة عشان مستخبية في ياسين: وربنا أنتي عايزة تضربي. دخل سيف: عمته، هو فين القميص بتاعي؟ هبه: أنو يا حبيبي؟ سيف: الأسود. نور بهمس: زي قلبك.

ياسين سمعها فضل يضحك وهمس: اتلمي. أمل هي اللي ردت: أه يا حبيبي دا في أوضتك بس ورا الشباك. سيف: تسلم إيدك. وبص على ياسين: أنت قاعد كده ليه؟ وأنت مخبي إيه؟ نور طلعت من حضنه: وأنت مالك؟ سيف استغرب وضم حواجبه إنها طلعت مرة واحدة: إيه دا؟ نور بصت له بقرف: هو إيه اللي إيه دا؟ ياسين باسها من خدها: هدي أعصابك يا نون. سيف نفخ بضيق وسابهم ومشي بيتكلم مع نفسه: بني آدمة مقرفة ومستفزة. سلمى: مين دي يا سيف؟

سيف بص لها: ما فيش يا روحي. سلمى: سيف، ينفع طلب؟ سيف: أكيد. سلمى: أنا ونور وأميرة عايزين نخرج. سيف: حاضر. وبعد كده رجع بص لها: المقرفة دي تيجي؟ لا طبعًا. سلمى: عشان خاطري. سيف: يا حبيبتي دي متشلفطة أساس، هنخرج بيها إزاي؟ سلمى: لو بتحبني. بعد محايلة كتير وافق وقال هياخدهم بالليل يخرجهم. وفعلاً كلهم لبسوا نازلين. سيف ساعد نور وركبها العربية. نور جمب سيف وأميرة وسلمى ورا. في الطريق: سيف: العربية بقت كاتمة.

نور بصت له وبصت لسلمى وأميرة. أميرة: بالعكس، الجو حلو. سلمى: بجد أنا فرحانة بس كفكرة إني هخرج. نور: سيف: هوديكم مكان تحفة بس خسارة في ناس. نور بصت على طريقة من الشباك. أميرة وسلمى بصوا لبعض وضاقت وفتكروا كلام نور إنها رافضة لإن هيضايقها. سيف: ها تحبوا تشربوا إيه لحد ما نوصل المكان اللي هوديكم فيه؟ أميرة: أنا مانجو. سلمى: أنا نسكافيه. سيف بص لنور بقرف: والزفتة؟ نور بضيق: لا مش عايزة. سيف: يلا يابنات ننزل نشرب.

سلمى وأميرة بصوا لبعض: لا طبعًا مينفعش. نور بصت لهم إنهم ينزلوا. أنا مش عايزة، يلا انزلوا. نزلوا وهما مضايقين. نزلوا وسيف بيقفل العربية. نور: أنت قفلت الإزاز ليه؟ سيبه أنا كده هتخنق. سيف: افرض حد أخد حاجة وجري. نور: على أساس هيسرق الكراسي ويجري، أنت عبيط. افتح حتى اللي من ناحيتي أنا كده هتخنق. سيف: يا رب. نور: طيب خلي عندك دم وافتح. سيف: أوف، حاجة تقرف. وفتح. نور: غور يلا.

سيف: عندي استعداد أرميكي بره العربية وأسيبك في الشارع قاعدة ولحد ما أجي. نور: سيف امشي عشان طلع في دماغي أمسك العكاز أضربك بيه. سيف بص على دراعها: دراعك خاف ولا لسه؟ نور: لو شكله عاجباك أعملك واحد زيه. وبصت على دراعه. سيف قفل باب العربية جامد في وشها. بعد شوية نور فونها رن. نور: سلوم عامل إيه؟ سليم ضحك: إيه الاسم ده؟ الحمد لله، أنتِ أخبارك إيه؟ نور: يا عم بدلعك، عموما ماشي الحال. سليم: دايما، إيه فينك؟

كنت بكلم طنط أمل قالت إنك مش في البيت. نور: ما أنا مع الزفت سيف وأميرة وسلمى. سليم ضحك: ما دام زفت يبقى مش جنبك. نور: لا. وقالت له. سليم: آه معلش هو أكيد مش قصده. نور: أنا ما كنتش عايزة أجي هما اللي تحايلوا. سليم: معلش، طيب لو حابة أجي آخدك؟ نور بفرح: وحياة أمك بجد؟ سليم: إيه؟ نور بكسفة: آسفة، بس بجد ينفع تيجي؟ سليم: آه والله. نور: طيب أكلم جدو وأقول له إنك هتاخدني أستأذنه يعني ينفع ولا لأ؟

سليم بضحك: آه والله ينفع مالك مش مصدق ليه؟ نور بحماس: أشطة أنا مستنياك تقول لي وافق. سليم كلم جدها عاصم ووافق لأن عارف أكيد سيف عمل حاجة وهو بيثق في سليم. سليم: آسف بجد رفض وأنا كمان جت لي عملية ضروري. نور بزعل: لا ولا يهمك عادي، ربنا يقويك. سليم: كان نفسي بجد أنا محرج منك. نور صوتها كان بدأ يعيط: عادي مرة تانية بإذن الله. سليم: ينفع طيب بس طلب، ده لو مش هيضايقك. نور: أكيد. سليم بضحك: ابعتي العنوان عشان أجيلك.

نور سكتت. سليم: ألو. نور: أبو شكلك، أنت كنت بتهزر. سليم ضحك: أكيد كنت بهزر، يلا بس ابعتي. نور بفرح: وربنا أنت عسل، أشطة. سليم ضحك: وربنا مجنونة. نور بفرحة: أقفل أبعتلك، باي. وقفلت في وشه. سليم ضحك. نور رنت عليه: وصلك؟ سليم فرح لفرحتها: وصل يا ست البنات، دقيقة وأكون عندك هو قريب مني. نور: تمام. سيف وأميرة وسلمى جم. أميرة: والله يا نون كانت ناقصاكي القعدة جوه.

سلمى: بجد أنتِ فاتك نص عمرك، تعالي اشربي إن شاء الله مياه طيب وأنا هأجي معاكي المكان تحفة. نور بفرحة: معلش مرة تانية. سليم جه: السلام عليكم. كلهم بصوا لبعض. سيف: دكتور سليم عامل إيه؟ سليم: الحمد لله وحضرتك. سيف: دايما الحمد لله. نور بفرح: تعالي أنا هنا. سلمى وأميرة بصوا لبعض: في إيه؟ نور: أصل سليم كلم جدو هيجي يخرجني. سيف: إزاي يعني؟ نور: استأذن جدو مالكش فيه. وفتحت الباب. نور: تعالى ساعدني يا سليم.

سيف جز على أسنانه، جه سليم ينزلها، سيف وقف قصاده ونزلها هو وهبدها في الأرض. نور: آهاااا أنت غبي. سيف نزل لمستوى طولها: أنا مش عايز أمد إيدي عليكي. نور بصت له بضيق. سليم اتضايق من تصرفاته، لف ومسك نور من وسطها ووايديها على كتفه: يلا عشان نلحق. نور بصت للبنات: باي هأكلمكم. ومشيت. البنات كانوا واقفين مش مصدقين اللي بيحصل. تسريع الأحداث. سيف أخد البنات ومشي بسرعة. ونور وسليم اتحركوا هما كمان. ــــــــــــــــــــــــــ

نور: بجد شكرا. سليم: على إيه؟ نور: عشان يعني سيبت شغلك وجيت لي حد تاني كان شاف شغله. سليم: يا ختاااي تاني يا بنتي ما أنا قولتلك إننا صحاب. نور ضحكت: طيب هنروح فين؟ سليم: لا نور هانم هي اللي هتقول. نور ضحكت وتكلمت بطفولة: أنا كان نفسي أروح البحر وأقعد قدامه وأشرب نسكافيه ومعا شوكولاتة يااااا بس إزاي وأنا كده؟ سليم: معلش لما تخفي وتشيلي الجبس. نور بفرحة: وعد؟ سليم: أكيد وعد. نور: أشطة، شوف أنت مكان نروح على ذوقك.

سليم: حاضر. فضلوا يتكلموا لحد ما وقف العربية ونزل وعدى السكة ورجع تاني. نور: روحت فين؟ سليم: كنت بسأله عن حاجة. ورجع بالعربية ومشي بضهرها العربية. نور بصت له: أنت بتعمل إيه؟ سليم: ثانية عشان أنا شكلي غلط في العنوان. نور: أممم ماشي. سليم فضل يرجع ويكلم في نور: أنتِ لسه وجع رجلك مستمر؟ نور: لا بعد العلاج اللي كتبته آخر مرة بقيت أحسن. سليم: بالشفاء يا رب دايما. نور بتبص حواليها وتنحت: إيه ده؟

كان كوبري آخره بحر، كان فعلا مكان يسحر ويرد الروح، كأنها جو البحر مش قدام البحر. سليم غمزة: ثانية. ونزل وفتح العربية من ورا وعدلها ورجع فتح باب العربية لنور وشالها وحطها في العربية من ورا وخلاها تسند نفسها وتقعد براحتها. نور: ده بجد؟ سليم: أصل مش بحب ما أصونش الوعد. نور ضحكت ومن فرحتها حضنته: بجد شكرا جدا. سليم قلبه دق وكأنه بيرقص من فرحته لفرحتها: ما فيش شكرا بينا.

نور انتبهت من اللي عملته: آسفة بس بجد كان نفسي في كده. سليم: هتفضلي تتأسفي وتشكريني؟ هرجع عيل وأعملها. نور ضحكت: لا لا خلاص. شخص دخل. الشخص: اتفضل يا باشا. وكان جايب نسكافيه وشوكولاتة. نور فضلت بصة لسليم وتضحك: لا بجد. وفضلت تضحك ضحكة تخطف القلب والعقل بملامحها الرقيقة والبريئة وطفولتها اللي غلبت سنها. سليم فضل متنح قدام ضحكتها ورد فعلها على الحاجات رغم إنها بسيطة بس كأنها ملكة الكون.

نور: بجد أنا مش مصدقاك، أنت بجد أحلى وأجمل شخص اتعرفت عليه، يا ريتني عملت حادثة من زمان. سليم لسه سرحان. نور: سليم روحت فين؟ سليم: نور شاورت قصاد عينه بإيديها: يا سلوم فينك؟ سليم فاق: ها؟ نور: إيه يا عم فينك؟ سليم: لا ولا حاجة، المهم أنتِ مبسوطة؟ نور: جدا جدا، بجد مش عارفة أقولك إيه. سليم: ولا حاجة، يلا اشربي. ـــــــــــــــــــــــــــــ كانوا قاعدين قدام البحر في كافيه. سلمى: بجد نور كان نفسها تشوف البحر.

أميرة: آه والله. سيف: يووه بقى فككوا منها. أميرة: ما أنت لو ما كنتش اتصرفت معاها كده كانت هتبقى معانا. سيف بص لها ومردش. سلمى: يا ترى هي روحت ولا بتعمل إيه؟ سيف: لو سكتوا هوديكم الملاهي إيه رأيكم؟ سلمى وأميرة: بجد؟ سيف: آه. سلمى: طب يلا عشان خاطري. أميرة: آه بالله عليك. سيف ضحك على طفولتهم واتحركوا. ــــــــــــــــــــــــــــ سليم: أنتِ نفسك تعملي إيه دلوقتي؟ نور: ولا حاجة أنا مبسوطة جدا إنك عملت كده وجيت هنا.

سليم بص لها بحب: نور كنت عايز أقولك حاجة. نور: قول. سليم: