رواية احببت مجنونتي الفصل السادس 6 - بقلم بشرى شريف

خرج و بعد ساعة عند زين وحنين. حنين كانت في مكتب زين، وفجأة دخلت بنت، اللي هي مايا. مايا بدلع: "هاي بيبي، عامل إيه؟ زين بضيق: "هاي مايا." مايا قربت منه، كانت لابسة لبس يظهر ما يخفى، وقالت: مايا بميعة: "مالك بيبي؟ أما حنين، فكانت بتبص لمايا بضيف وغيظ وغيره. حنين: "لا حول ولا قوة إلا بالله، مالك كده يا أختي؟ ما تتعدلي كده." مايا بصت ليها بقرف، مع إن حنين كانت أحلى من مايا. مايا بقرف: "وإنتي مين يا بتاعة؟

حنين بغضب: "يا الله، أهو إنتي اللي بتجرّي شكلي." مايا: "ها، هتعملي إيه بقى؟ حنين: "زين، شيل البت دي من قدامي." مايا بدلع: "زيزو، مين دي؟ زين بضيق: "مايا، إنتي جاية ليه؟ مايا بدلع: "مالك يا قلبي؟ حنين بغيره: "يخربيت السهوكه." مايا بغضب: "ها، هتعملي إيه يعني؟ حنين بغيره وغضب: "هعمل كده." وجابتها من شعرها. مايا بوجع: "زيزو، شيل المتوحشة دي من عليا." زين بغضب: "خلاص يا حنين." حنين: "وربنا، أبداً." زين راح شالها من عليها.

زين بغضب: "خلاص يا حنين." حنين: "سيبني بقولك." زين وهو بيحاول يكتم ضحكته: "اجري يا بت، أنا لو سبتها ماليش فيه." مايا: "إنتي ليه يا زيزو مشغلة عندك ناس زي دي؟ حنين بارتياح: "مالها الناس اللي زي دي؟ سيبني يا زين." زين بضحك: "اجري، إلا والله أسيبها." مايا بخوف: "لا لا، أنا همشي." وخرجت مايا وهي غضبانه. زين بعد ما مايا خرجت، ساب حنين وهو بيضحك. حنين بغيظ: "إنت ليه ما سبتنيش عليها؟

زين بضحك: "إنتي مالك بيها، غيرانة منها ولا غيرانة عليها؟ حنين بقرف: "نعم؟ أنا أغير من دي؟ زين: "اممم، معنى كده التانية." حنين بتوتر: "لا طبعاً." زين: "امال ضربتيها ليه؟ حنين بتوتر: "اصل أنا مش بحب قلة الأدب، وهي ما شاء الله قلة الأدب موجودة في كل حاجة." زين: "وعرفتي إزاي؟ حنين: "من أول لبسها وطريقة كلامها وأسلوبها معايا." وزين كان ها يتكلم، بس دخلت سندس. سندس باستغراب: "مالها مايا دي غضبانه أوي؟

زين شاور على حنين وقال: "هي دي." سندس: "مالها حنين؟ زين بضحك: "ضربتها." سندس بفرحة: "الله، هو ده الكلام الحلو." حنين: "تشكرات تشكرات، صحيح هي مين دي؟ سندس: "خطيبة زين." حنين انصدمت وزعلت، واتجمعت الدموع في عينيها، بس خبتها بسرعة وقالت: حنين: "آه، ألف ألف مبروك." سندس: "لأ، ومش كده كمان، دي أختي." حنين: "آه." وكملت بصدمة: حنين بصدمة: "إيه؟ إنتي بتتكلمي بجد؟ سندس: "آه والله." حنين: "أوعي تكوني زيها."

سندس: "لأ، هي أختي من أب بس." حنين: "آه، أوكي." زين: "صح، إنتي جاية ليه؟ سندس: "آه صح، خد الورق ده أمضيه." زين: "أوكي، هاتى." وبعد وقت خرجت سندس. وزين قام وقرب من حنين وهو بيقول: زين: "بقى إنتي مش غيرانة؟ حنين وهي بترجع لورا بتوتر: "إيه؟ إيه؟ إنت بتقرب ليه؟ زين كان بيقرب وهي بترجع لحد ما اتخبطت في الحيطة، وزين حط إيده على الحيطة. زين: "مالك متوترة ليه؟ وشك أحمر كده ليه؟ حنين بتوتر: "ها؟ أنا مش متوترة، ممكن تبعد؟

زين: "طيب، بس تقولي إنتي غيرانة ليه." حنين وهي بتنزل وبتخرج من تحت إيده: "أنا مش غيرانة، وإنت عايزني غيرانة وخلاص، يلا روح لخطيبتك." زين وهو خارج: "أوكي." حنين: "إنت رايح فين؟ زين: "وإنتي مالك؟ حنين بضيق: "يوه بقى، ماشي." زين: "خلاص، ها أقول رايح مشوار مهم." حنين: "أوك." وأول ما خرج، حنين أخدت نفس طويل وبعده قالت: حنين: "الحمد لله، كنت ها تكشف. يخربيت وسمته، دا قمر أوي." وكملت بحزن:

حنين بحزن: "عيب يا حنين، هو ها يخطب وها يتجوز، ما ينفعش كده. دا إعجاب بس، وها يروح لحاله. أما أقوم أشوف شغلي." أما زين في العربية: زين: "هو فيه إيه؟ أنا أول مرة أبقى مضايق من مايا كده. هو أنا ليه مزعقتش لحنين لما ضربتها؟ ليه مش هانت عليه؟ ليه زعلت لما قالت إنه مش بيغير؟ ولما قالت إني أروح لخطبتي؟ ليه زعلت لما افتكرت إني هاخطب؟ هو فيه إيه؟ أنا مالي كده؟ إيه المشاعر دي؟ هو أنا بحبها؟

لأ لأ، أنا بحب مايا ووعدتها بالجواز، وأنا عمري ما هخلف بيها. دا إعجاب بس بشخصيته وجنانه وعفويتها. إيه اللي أنا بقوله ده؟ أنا لازم أغير معاملتي معاها." عند حنين: حنين: "أنا لازم أغير معاملتي معاه لأنه ها يخطب." وكملت شغلها. يا ترى ها يفضلوا كده ولا القدر ليه رأي تاني؟ ودخل عليه شخص اسمه أسامة. أسامة: "هو زين بيه جوه؟ حنين بصت ليه بقرف من نظراته ليها. حنين بقرف: "لأ، تقدر تستناه." أسامة: "أوكي يا قمر."

وقعد وفضل يبص على حنين بطريقة غريبة. حنين بغضب: "إنت ها تفضل تبص عليها كده كتير؟ أسامة وهو بيمسك إيدها: "فيها إيه يا جميلة؟ حنين حاولت تشد إيدها بس هو كان ماسكها جامد. حنين بغضب: "سيب إيدي يا قليل الأدب." وهنا دخل زين. زين: "فيه إيه؟ حنين بغضب: "الراجل ده من أول ما جه وكان عمال يبص عليا بطريقة غريبة، وقال لي يا قمر ويا جميل، ومسك إيدي وما كانش عايز يسيبها." زين غضب وحس بغيرة، وهجم على أسامة وقعد يضربه.