رواية احببت ملاكي الفصل الثالث 3 - بقلم ملك يسري

وفجأة سمعوا صوت صويت. كريمة: أي الصوت دا. البنات في صوت واحد: دي ملاك. كلهم جروا يشوفوا إيه واتصدموا. عمر بضحك: لأ مش قادر مش معقول. ملاك بصويت: مشوا البتاع ده من هنااا عاااااااااااااااااا ياماما. سليم بضحك: يخرابي انتي خايفة من كلب. ملاك برفع حاجب: أكيد ده قطة ده كلب يا بابا. كريمة: ريكس تعالي هنا. سليم مشى الكلب وملاك لسه واقفة على الكرسي. سليم: يا بنتي انزلي مشي. ملاك: طلاق تلاتة معرفش من مين بس مش نازلة هنام هنا.

شهيرة بتكبر: خلاص مشي انتي زنانة أوي. ملاك بعصبية: بت انتي متخلينيش أنزل أعرفك مقامك كويس استغفر الله العظيم يارب. كريمة: تعالي ياملاك. ملاك نزلت مع كريمة ودخلوا كملوا أكل والبنات خلصوا شغل ورجعوا الميتم. *** سليم بضحك: لو تشوفي شكلها وهي واقفة على الكرسي وبتصوت هتموتي على نفسك من كتر الضحك. أسر: لأ أنا لازم أشوف الاخت القمر دي. سليم: لم نفسك شوية يا جدع انت. أسر بخبث: أنا اتكلمت أنا بقول قمر.

سليم: لأ مش قمر دي معفنة حتى دمها سم ويلا غور في داهية. سليم قفل في وشه السكة وراح نام. أسر بضحك: مجنون بس برضه فيه حاجة ولازم أعرفها يا أنا يا انت يا سليم. *** رحاب بحب: أول يوم كان ماشي إزاي يا بنات. ندى: طلعوا ناس طيبين أوي يا ماما وكمان ماما كريمة طيبة أوي. رحاب: مين ماما كريمة دي. نهى: دي الست صاحبة البيت. رحاب: هي عايشة لوحدها. ملاك: تؤتؤ معاها ولدين عمر وسليم بس طيبين بس سلفتها دي وبناتها عقارب والله.

رحاب: ليه بتقولوا كده. نهى: استنى هقولك. البنات حكوا اللي حصل معاهم لرحاب. رحاب: طب يلا روحوا استريحوا وناموا يا حبايبي. البنات: تصبحي على خير. *** شهيرة: يعني أعمل إيه يا ماما. هدى: يابنت انتي مش شايفة بيضحك معاها إزاي. شهيرة: عادي يا ماما هو شرط عشان بيهزر معاها يبقى بيحبها. هدى: أنا مقولتش بيحبها بس هيحبها وهتقولي ماما قالت. شهيرة بضحك: انتي بتقولي إيه بس يا ماما هيحب خدامة.

هدى بحدة: شهيرة اللي هقول عليه يتسمع تمام. شهيرة: حاضر يا ماما. *** تاني يوم الصبح. رحاب: تقى حبيبتي البنات مشيوا أصل أنا اتأخرت. تقى: لأ يا ماما لسه نايمين ومش راضيين يقوموا. رحاب: يخرا بي. رحاب طلعت تجري على أوضة البنات. رحاب بصوت عالي: قوموا انتي وهي نسرين نهى ملاك شرين ندى قوموا الشغل. ملاك طلعت تجري والبنات كذلك. *** في الفيلا. سمر: إيه الإهمال ده إزاي ميجوش هو لعب عيال. عمر: بت انتي اسكتي صوتك بيصدعني.

سمر بدلع: مالك يا عمري. كريمة بحدة: سمر اتلمي. عمر: أنا هخرج مع صحابي سلام. عمر لسه هيخرج لقى البنات في وشه بيجروا ضحك على شكلهم. نهى وهي بتاخد نفسها: آسفة والله يا أستاذ عمر بس راحت علينا نومة بجد آسفة. عمر بضحك: طب اهدى مالك محصلش حاجة تعالي تعالي. عمر مسك إيديها ودخل وهي فضلت باصة على إيده والبنات مصدومين ودخلوا وراهم. سمر شافت عمر والغيظ امتلكها.

عمر وقعد نهى على الكرسي وراح جاب ميه وقعد على ركبته قدامها واداها الميه والكل متابعهم بصدمة حتى نهى كريمة كانت حاسة إنها مبسوطة. عمر وابتسم: أحسن شوية. نهى وهي مازالت تحت الصدمة: احم أيوا الحمد لله. كريمة بإبتسامة وحبت تخفف التوتر والصدمة: إيه يا بنات اتأخرتوا لي. ملاك: والله يا مدام راحت علينا نومة وجينا جري. كريمة قربت منها وضربتها بخفة على خدها: أنا كام مرة أقول اسمي ماما مش مدام صح. ملاك بإبتسامة: صح.

ثم كملت بحزن: أكيد أستاذ سليم راح الشغل وهيتعصب عشان مجهزتش أي حاجة. كريمة: لأ سليم لسه نايم النهاردة مش بيروح الشركة يلا اطلعى صحيه. البنات كل واحدة راحت على شغلها ما عدا نهى مش عارفة تقوم عشان عمر اللي قاعد قدامها. نهى: احم أستاذ عمر ممكن توسع. عمر بهمس: تؤتؤ وبتعدي اسمي عمر. نهى بهمس: طب أوعى يا عمر شكلي وحش متخلينيش أفتح نفوخك. عمر بضحك: وريني هتعملي إيه. نهى: عيوني يا عمري. عمر: صدقي عمري منك حلوة. نهى مسكت

إيده وعضته وطلعت تجري: باي باي يا عمري. عمر مسك إيده وكريمة ضحكت على جنان الاتنين. سمر طلعت فوق وهي على آخرها. *** في الجنينة. عمر: لأ مش هاجي تعالي انت. أدهم: ليه بس. عمر: عادي مود اتغير. أدهم: خلاص هاجيلك. *** ملاك دخلت أوضة سليم وفتحت الستاير وسليم اتضايق. سليم: بس بقى يا شهيرة. ملاك بزعل: احم أنا ملاك مش شهيرة هانم. سليم: سوري ملاك أصل كنت متعود إن شهيرة هي اللي بتصحيني.

ملاك: لأ عادي حضرتك مش مضطر تبرر حاجة لخدامة. سليم وقام وقف ومسك إيديها: طب انتي زعلانة دلوقتي لي. ملاك: احم مش زعلانة ولا حاجة. سليم: طب الحمام جاهز. ملاك: 5 دقايق ويكون جاهز. ملاك دخلت الحمام وتلقائي ابتسمت. بعد 5 دقايق. ملاك: الحمام جهز. سليم: تسلم إيدك. سليم ولسه هيدخل. ملاك: سليم. سليم: عيونه. ملاك بكسوف: ها. سليم واتحمحم: احم قصدي نعم. ملاك: ده وقع منك وشكله غالي. سليم: عرفتي إزاي.

ملاك بدموع: احم أصل بابا كان جايبلي واحد وأنا صغيرة وأنا عارفة إنه غالي. سليم: طب بتعيطي لي. ملاك: أصل بابا وحشني أوي. سليم: هو انتي عايشة مع مامتك طيب. ملاك: احم بابا بعد ما اتوفى ب 4 أيام ماما اتجوزت ورمتني في الملجأ اللي عايشة فيه دلوقتي مع البنات. سليم بأسف: طب أنا آسف وخلي ده معاكي. ملاك: لأ طبعًا مش هاخده بقولك غالي عن إذنك. ملاك خرجت وسليم ابتسم ودخل الحمام. ***

شهيرة بصوت عالي: يا مرات عمي يا عمر يا سليم يا ماما. عمر: إيه في إيه صوتك عالي لي. شهيرة: العقد بتاعي مش لاقياه. كريمة: عقد إيه. شهيرة وبصت لسليم: العقد اللي سليم جابهولي في عيد ميلادي. سليم بلا مبالاة: دوري كويس يا شهيرة تعالي معايا يا ملاك. هدى: مفيش واحدة هتخرج من هنا غير لما تتفتش. ملاك: قصد حضرتك إيه. هدى: زي ما فهمتي. سليم بحدة: يلا يا ملاك. ملاك لسه هتمشي ورا سليم هدى مسكت إيديها. هدى: أنا قولت كلمة وهتتنفذ.

كريمة: طيب يلا فتشي الأوض كلها. شهيرة فتشت الأوض وجت عند أوضة البنات اللي بيغيروا فيها وسليم مسك إيديها. سليم: قسمًا بالله لو طلع مفيش حاجة لهتشوفوا مني رد فعل مش هيعجبكم. شهيرة دخلت وفتشت ولقيت العقد في بلوزة ملاك. هدى: بتاعت مين دي. ملاك بدموع: بتاعتي بس والله مش أخدت حاجة. شهيرة: اللي زيك تربية الملجأ لازم تكون حرامية. ملاك: أنا مسمحلكيش تكلميني كده. شهيرة: حرامية و بجحة.

نسرين بعصبية: بصي يابتاعة انتي أنا ساكتة ليكي انتي واختك اختك امبارح تتهم اختي بشرفها ودلوقتي انتي بتتهمي اختي بالسرقة ف أنا بحذرك قدام عيلتك لو حد فيكم داس ليهم على شعرة مش هرحمه مفهوم وملاك مش حرامية. سمر بضحك: صدقي ضحكتيني بصي ياشاطرة انتي مش قد اللعب معانا مفهوم واختك حرامية وكلنا شوفنا كده. سليم وسقف: بجد يا مرات عمي انتي وبناتك تستاهلوا أوسكار بسبب التمثيل العالي ده.

هدى: انت بتقول إيه وتمثيل إيه اللي بتتكلم عنه. سليم: أنا الإنسيال بتاعي اللي أغلى من العقد بتاع بنتك مليون مرة ملاك لما لقته رجعته ليا وكان ممكن بكل سهولة تاخده وتبيعه بس طلع عندها ضمير ورجعته ولما حاولت أديهولها رفضت وسابتني ومشيت عشان مصرش عليها ف العبي غيرها يلا يا ملاك. سليم مسك إيدها وخرجوا. عمر بضحك: شهيرة انسى يا حبيبتي إن سليم يرجعلك ماشي. عمر خرج والبنات كل واحدة بصتلهم بقرف وخرجوا.

كريمة بتحذير: هدى انتي وبناتك اسمعوا الكلام ده كويس أوي أي واحدة فيكم هتعمل أفلامها على ولادي هتشوفوا مني وش مش هيعجبكم تمام أنا لحد دلوقتي محترماكوا متخلوونيش أنسى صلة القرابة اللي بينا. كريمة خرجت وهدى على آخرها. *** أدهم: ها يا بوص مالك بقا مخرجتش لي. عمر: مفيش تعالي ننزل الميه. أدهم: لأ معلش أنا فعلاً عطشان. عمر: ثواني طيب. عمر بيبص عشان حد يجيب ميه. عمر: ندوش يا ندى. ندى بمرح: إيه يا زمكس.

عمر: قلب الزمكس هاتي معلش ميه لأدهم صاحبي. ندى: عيوني. أدهم بإعجاب: مين دي يا عمر قريبتكوا. عمر وابتسم: لأ يا سيدي دي شغالة عندنا. أدهم واستغرب: و بتهزر كدا معاها لي. عمر: بص ياسيدي 5 بنات محترمين وزي القمر بمعنى الكلمة وفعلاً دمهم خفيف ف ماما بتعتبرهم بناتها وأنا وسليم الصراحة حبيناهم فعلاً زي إخواتنا. أدهم: شكلها دمها خفيف.

عمر: ندى دي مشكلة بتقعد تشاكس في سليم وسليم بيحب كدا وبتهتم ب ماما وبتحب تهزر معايا طيبة أوي والله. أدهم وابتسم: شكلي هقيم عندكوا فترة لا بأس بيها. عمر وضحك: هي غمزة ولا إيه. أدهم: يا عم اتنيل جتك نيلة. ندى: اتفضل يا أستاذ أدهم الميه. أدهم: أستاذ إيه اسمي أدهم عادي اشطا. ندى: اشطا يا بابا. أدهم: عندك كام سنة يا نادوش. ندى: 16. عمر: عن إذنكم ثواني وراجع. عمر مشي. أدهم: صغيرة أوي إنك تشتغلي.

ندى بحزن: بص ياسيدي أنا وأنا عندي 7 سنين ماما وبابا انفصلوا عن بعض وماما اتجوزت وبابا سافر جوز ماما كان غريب تصرفاته غريبة وأنا عشان كنت طفلة يعتبر كنت بتعامل عادي لحد ما جه في مرة وكان عايز يتهجم عليا كنت طفلة وقعدت أعيط وأصوت هو برضه بيقرب لحد ما مسكت العربية بتاعتي اللعبة ورحت ضربته في دماغه وطلعت أجري فضلت أجري في الشوارع وأنا مش عارفة أنا فين لحد ما شفت ماما رحاب صاحبة الملجأ اللي أنا عايشة فيه واديني عايشة فيه لحد دلوقتي.

أدهم بحزن على حالها: آسف. ندى وابتسمت: لأ عادي ولا يهمك انت بقا عرفني على نفسك. أدهم: اسمي أدهم محمد 20 سنة كلية هندسة مع عمر مامتي متوفية وعايش مع والدي وأختي الصغيرة. ندى: ربنا يرحمها ويديم باباك في حياتك يا عم. كريمة: واقف كدا لي. عمر: هششششش وطّي صوتك. كريمة بهمس: لي. عمر شاور على ندى وأدهم. كريمة وابتسمت: شكلهم كيوت أوي يا واد.

عمر: أدهم تعرفه من نظرة عيونه بسهولة وأول لما شاف ندى لمعة غريبة ظهرت في عيونه وأنا حبيت أسيبهم لوحدهم. كريمة وحضنت ابنها: ربنا يرزقك ببنت الحلال اللي تسعدك يا حبيبي. عمر: أنا نووووووو يا قلبي مش بتاع جواز أنا. كريمة وضربته على كتفه: متقولش كدا يا واد. عمر: هي نهى فين. كريمة وابتسمت: نهى كانت فوق قاعدة في البلكونة الكبيرة اللي انت بتحب تقعد فيها. عمر: طب ثواني وراجع. كريمة وابتسمت: ربنا يرزقك اللي في بالي. ***

ملاك: سليم انت قاعد هنا بقالك كتير. سليم وابتسم: برتاح هنا. ملاك: الجو هنا جميل أوي. سليم: تعرفي إن أنا من وأنا صغير باجي هنا. ملاك: هو انت مصدق إني سرقت. سليم: تؤ أنا عارف شهيرة وخبثها هي لما شافت إن أنا بهزر معاكي افتكرت إن هيبقى فيه حب فحبت تشيلك من طريقها بس أنا مستحيل أرجع لها. ملاك وضحكت: حب أنا أحبك انت مستحيل. سليم: ومتحبنيش لي يعني. ملاك بغرور: مش من نوعي المفضل. سليم بتحدي: ولو خليتك تحبيني.

ملاك بتحدي أكبر: بعينك. سليم: طب بصي هنعمل رهان خلال شهر بالضبط لو خليتك تحبيني هطلب طلب ولازم تنفذيه ولو انتي اللي كسبتي تطلبي طلب قدها. ملاك: اشطا. سليم: طب سيبلي نفسك بقى وخلي سليم يخطف قلبك بشويش. ملاك بضحك: نينينينينينينيني بعينك قولت. *** نسرين: بت ياشيري أنا هطلع برا شوية. شرين: هتعملي إيه. نسرين: هجري شوية. شرين: تمام يا حبيبي. نسرين خرجت وبتجري فجأة ظهرت عربية قدامها.