رواية احببت ملتزما الفصل الخامس عشر 15 - بقلم سلمي فكري

تقى مستغربة من أخوها اللي جاي بدري. معاذ: بسمة. تقى: بسمة مين يا معاذ؟ أنت بتكلم مين؟ معاذ: لك عين تدخلي بيتي إزاي؟ تقى: معاذ أنت اتجننت؟ أنت بتكلم مين؟ ريم فهمت إن أسم أسيل هو بسمة، وإنها المقصودة بالكلام. أسيل: أنا بسمة يا تقى، مش أسيل. تقى بصدمة: يعني إيه برضه؟ وإيه علاقتك بأخويا؟ معاذ: امشي برا بيتي، وإياكي تقربي من أختي تاني. إياكي. أسيل: هتندم يا معاذ، صدقني. وخطيبتك اللي فرحان بيها دي هتعرف حقيقتها بنفسك.

ومشت أسيل أو بسمة من البيت، والكل مصدوم من اللي حصل، وأولهم تقى. تقى: معاذ مين دي؟ معاذ: فاكرة لما قولتلك إني هخطب واحدة بحبها؟ تقى: آه فاكرة، بس مكنتش أعرف. معاذ: هي دي بسمة. تقى: طب أنت سبتها ليه؟ معاذ: كانت بتحب أيمن وخانتني معاه. وقال لملك: أنا آسف على الكلام اللي قلته. مهما حصل، عمرها ما هتشوه صورتك في نظري. وطلع معاذ أوضته، وتقى روحت عند صحابها وبتفكر إزاي أسيل ضحكت عليها وكانت عايزة تستغلها. ***

معاذ طلع أوضته واتصل بمحمد. محمد: السلام عليكم. معاذ: وعليكم السلام ورحمة الله وبركاته. من فضلك يا محمد، ألغي أي مواعيد أو مقابلات عندي. محمد بفزع: إيه؟ في إيه؟ حصل حاجة؟ معاذ: هبقى أحكيلك بعدين. محمد: ماشي يا صاحبي. قعد معاذ يفتكر ذكرياته مع بسمة اللي كان بيحبها، وجه في باله الذكرى المشؤومة. **Flash Back** معاذ قاعد في مكتبه وفجأة دخل عليه محمد بيتنفس بسرعة. محمد: الحق يا معاذ. معاذ: في إيه؟ محمد: بسمة يا معاذ.

معاذ: مالها؟ حصلها حاجة؟ محمد: بسمة مع أيمن في شقتهم. معاذ: أنت بتقول إيه؟ محمد: خد العنوان وانت هتعرف بنفسك. معاذ خد العنوان وطلع. لسه هيكسر الباب سمعهم. أيمن: أنا مش مصدق إنك مش بتحبي معاذ. بسمة: أحب مين؟ أنا بتاعت تسلية بس، وأنت عارف، وهو شيخ. أنا بستغله عشانك أنت بس يا حبيبي. أيمن: أحبك وأنت بتسمعي الكلام. وفجأة دخل معاذ ولقاهم مع بعض. اتصدم. بسمة: معاذ اسمعني.

معاذ: أنا مش عايز أعرفك تاني. أنت شيطانة. إزاي ضحكتي عليا؟ ومشى بسرعة من عندها. **نهاية Flash Back** *** تقى أخدت صحابها وروحّتهم. ولما ملك وصلت البيت، قعدت مع باباها تحكيله اللي حصل. ملك: ها يا بابا، إيه رأيك؟ أبو ملك: يا بنتي، ده ماضي وانتهى. متحكميش على حد من ماضيه. شوفي، صلي استخارة وشوفي هتوافقي عليه ولا إيه. ملك: حاضر يا بابا، هرد عليك بكرة. *** عند رعد في البيت. رعد: ها يا سوسو، وافقتي على المهندس ولا لسه؟

ابتسام: بفكر لسه والله. رعد: أنا أضمنهولك، شخص محترم. ومتدينا. ابتسام: طب وأنت يا رعد، مش ناوي تخطب؟ رعد: هقولك بس سر. ابتسام: عيب عليك طبعًا سر. رعد: أنا عايز أخطب تقى، بس متردد. ابتسام: ليه يا رعد؟ دي بنت كويسة جدًا واتغيرت خالص عن الأول وبقت متدينة جدًا. رعد: أنا بفكر لسه. ابتسام: ماشي، بس أضمنهالك برضه. رعد: طب يلا، أنا خارج، سلام عليكم. ابتسام: وعليكم السلام ورحمة الله وبركاته. ***

رعد راح لأصحابه أحمد وأدهم وقعدوا في كافيه. أحمد: هناكل إيه بقى؟ أدهم: يا ابني، أنت على طول همك على بطنك كده؟ أحمد: معدتي حبيبتي جعانة، أعملها إيه؟ رعد: متعملش يا حبيبي أكلها كمان وكمان لحد ما تبقى عامل شبه البلونه المنفوخة كده. أدهم: 😂😂😂 فصلان يا رعد أنت والله. أحمد بفخر: متخافش، أنا رياضي يا ابن الناس. رعد بسخرية: مشكلة الثقة بس. وطلبوا أكل وقعدوا مع بعض يهزروا. *** تاني يوم، معاذ راح الشركة وحكى لمحمد اللي حصل.

محمد: متقلقش يا صاحبي، مش هتقدر تعمل حاجة لملك ولا لأختك. معاذ: بس هي ليه قالت كده على ملك؟ وممكن تعملها إيه؟ محمد: مش عارف بصراحة يا معاذ، بس متقلقش. ربنا معانا. وفجأة الباب خبط ودخل واحد. أول معاذ ما شافه حضنه جامد، ومحمد برضه حضنه جامد. معاذ: إيه يا عم، الشغل خدك مننا ولا إيه؟ محمد: كده تنسى أخواتك يا عم. أسر: معلش يا أخويا، أنت عارف شغل المخابرات مش بفضى خالص. وعشان تعرفوا إني جدع، أول ما فضيت جيتلك.

معاذ بسخرية: متشكرين لكرم حضرتكم. محمد: أنا هروح مكتبي يا عم. معاذ: ماشي يا صاحبي. أسر: إيه يا صاحبي، أخبارك إيه؟ معاذ: كله تمام، وفيه مسروعي للجواز دلوقتي. أسر: أنت خطبت من غيري؟ معاذ: لا طبعًا، لسه مستني الرد. أسر: بمناسبة الجواز بقى، أنا طالب إيد أختك. معاذ: أختي!!! أسر: أمال أختي أنا إيه يا عم الاندهاش ده؟ معاذ: خلاص، هقولها وأرد عليك. أسر: مستني الرد. *** تقى وندي كانوا في الجامعة، وريم كانت تعبانة معرفتش تيجي.

تقى: تعالي نروح لها نشوفها. على الناحية الأخرى. رعد وأحمد قاعدين لسه طالعين من محاضراتهم. رعد: يلا بينا نروح، أنا مش قادر. أحمد: ماشي يا صاحبي، يلا بينا. وهما طالعين، رعد لقى تقى وصاحبتها. وتقى بتعدي الطريق، مخدتش بالها من العربية اللي جايه ناحيتها وهتخبطها. رعد: تقى حااااسبي. تقى بصت لقت العربية جايه عليها، غمضت عنيها و…