رواية احببت ملتزما الفصل الرابع عشر 14 - بقلم سلمي فكري

في الشركه معاذ قاعد في مكتبه بيراجع شويه اوراق وصفقات. دخل عليه محمد. محمد: الحق ي معاذ. معاذ: في إيه؟ محمد: شركه العمري خدت الصفقه الجديده. معاذ بصدمه: انت بتقول إيه؟ محمد: أيوه خدوه. معاذ: احنا كده خسرنا ملايين. أكيد في حد وراهم. محمد: هعرف وأقولك. _في المكان المجهول أسيل: احنا دمرناه كده وخسرناه ملايين. إياد العمري: أحسن. أنا مبسوط جدا. أخيرا هكون أقوى منها. أسيل: قتلتوا خطيبتي.

إياد العمري: إحنا نقتلها يوم الفرح. هتبقى ضربه قاضيه. أسيل: فكرت فيها إزاي؟ إياد العمري: طبعًا لازم أنتقم منه. ((إياد العمري عدو معاذ الشناوي واللي اتفق مع أسيل عليه) _في الشركه محمد: أنا وصلت للي عمل كده. معاذ: مين؟ محمد: موظف من مكتب الحسابات سرق ملفات الصفقه بتاعتنا واداها لبسمله اللي وصلتها لأياد. معاذ: انت بتقول مين؟ بسمه إنت متأكد؟

محمد: أه والله. وكمان هما اللي كانوا خطفوا أختك ورعد وحاولوا يخطفوا ابتسام بس أنا لحقته. معاذ: أنا مش مصدق نفسي. إياد اللي كنت بعتبره أكتر من أخويا وبسمه اللي كنت بحبها يعملوا كده. محمد: معلش ي صحبي. أنا عارف إن الصدمة وحشه بس لازم نفكر هنعمل معاهم إيه. معاذ: عندك حق. محمد: إيه رأيك لو ………………… _في الجامعه تقى: وحشتوني أوي ي بنات والله. ريم: من لقى أحبابه نسى صحابه. ندى: كده متجيش. كل ده ومتساليش.

تقى: معلش ي بنات بقى خلاص. ندى: على شرط. تقى: إيه؟ ندى: تعزميني على اتنين شاورما وواحد كفته. ريم: يابنتي ارحمي نفسك شويه. إيه انت مش بتشبعي أبدًا. ندى: يابنتي سبيني أعيش حياتي مع الأكل. تقى: كل ده ومش عيشتي حياتك. ندى: معدتي ي ستي جعانه. أقولها إيه؟ ريم: لا ميصحش أبدًا. تؤ تؤ. أكليها ياختي. وفجأه جت أسيل عليهم. أسيل: هاي ي بنات. تقى: وعليكم السلام. أهلاً اتفضلوا. ريم و تقى: أهلاً بيكي. أسيل: هااا بتتكلموا عن إيه؟

ريم: ولا حاجة أبدًا. تقى: طب إيه رأيكو ي بنات انتو معزومين عندي انهارده. ندى: أنا موافقه طبعًا. انتي عارفه طالما فيها أكل. ريم: طب اتصلي بملك خليها تيجي معانا. تقى: حاضر. وانت ي أسيل؟ أسيل: موافقه ماشيه. اتصلت تقى بملك. تقى: السلام عليكم. ملك: وعليكم السلام ورحمه الله وبركاته. ازيك ي تقى. تقى: الحمد لله بخير ي قلبي. وانت؟ ملك: الحمد لله تمام. تقى: بقولك أي. أنا عازماكي ع الغدا عندي انهارده و مفيش اعتراض.

ملك: مش هاجي و أخوكي موجود. تقى: شوفي البت قال يعني مكسوفه. متقلقيش ي ستي معاذ معتش بيجي إلا بالليل. ملك: خلاص ماشي هاجي. اتفقنا. في رعاية الله. تقى: في رعاية الله. وقفت الخط معاه. ريم: هاا هتيجي؟ تقى: أه جايه بس بشرط أخويا ميكونش موجود. ندى: اشمعنا يعني؟ ليكون بيعض ولا حاجة. ريم: هههههههههههه. يخربيت الفصلان. تقى: هههههههه. ي خفه. لا طبعًا بس معاذ خطب ملك. ريم: نعم ياختي. ومش عزمتينا ليه؟

ندى: ندله ندله. فين الجاتوه يابت بتاع الخطوبه والبيبسي. ريم: ي شيخه اتنيلي. انت همك على بطنك بس. تقى: هههههههه. لا يابت افهموا. هو طلب إيدها بس لسه هي مش وافقت و مش رفضت. أسيل: أكيد هتوافق. هي هتلاقي زي أخوكي. ريم بشك: وانت عرفتي منين أن مفيش زي أخوها؟ أسيل بتوتر وارتباك: لا طبعًا مقصدش. بس تقى حلوه وأخلاق ما شاء الله. أكيد أخوها شبهه. ندى: ي جدعان أنا جعانه. مش هتأكلوني ولا إيه؟ ريم: خلاص هروح أجيب أكل. اخرسي شويه.

و هي رايحه الكافيتريا خبطت في أدهم و وقعت عليها القهوه اللي في إيده. فصرخت. فراحت تقى و ندي و أسيل بسرعه. تقى: في إيه ي ريم؟ أي اللي حصل؟ أدهم: أنا آسف ي آنسه. مقصدش والله. تقى: أي اللي حصل في إيه؟ أدهم: القهوه وقعت عليها. أنا آسف والله مختش بالي. تقى: ولا يهمك ي أستاذ. حصل خير. وخدت ريم تنضف هدومها. ندى: مش تاخدي بالك. ريم: معلش بقى حصل خير. تقى: طب تعالوا نروح يلا هناكل عندنا ونعدي على ملك نجيبها في طريقنا.

_في الجامعه أدهم رجع لأصحابه. أحمد: إيه يابني اتاخرت كده ليه؟ و مش قولت هتجيب قهوه. هي فين؟ أدهم سرحان ومش بيتكلم. رعد: أدهم إنت معانا. أدهم فاق: أيوه أيوه. في إيه؟ أحمد: كل ده و في إيه مالك إنت؟ أدهم: أصل وأنا راجع خبطت في بنت والقهوه وقعت عليها. رعد: هههههههههههه. أدهم: إيه اللي بيضحك ي رعد بيه. أحمد: يلا ي باشا انت وهو عندنا محاضره.

_راحوا لملك البيت بس قالتلهم أنها لسه مش جهزت. فمشوا. وهي قالت هتروحلهم ع البيت. ولما وصلت لقت البنات كلهم بيباركونها. ريم: مبارك ي قمر. ندى: أيوه بقى. ي عم عقبالنا كده. مبارك ليكي. أسيل: مبارك عليكي حبيبي. بس قالتها بصوت واطي. بس ملك سمعتها واستغربت بس طنشت. ملك: عقبالكوا كلكوا ي بنات. بس أنا لسه موافقتش. تقى: انتي هتوافقي غصب عنك ي روحي. هو انت تلاقي زي أخويا دا. كفايه اني أخته. ملك بهمس: ما هي دي المصيبه.

كلهم قعدوا يضحكوا واتغدوا وقضوا وقت ممتع. إلا ريم اللي شاكه في أسيل. معاذ جه من شغله بدري انهارده وقعد تحت مع والده. معاذ: امال فين تقى ي بابا؟ أحمد: مع صحابها يابني فوق. وفجأه سمعوا صوت ضحك وهزار. وكان تقى و صحابها نازلين. معاذ أول ما شافهم اتصدم. وأسيل اتصدمت. معاذ بصدمه: بسمه …………….