رواية احببت ملتزما الفصل الثالث عشر 13 - بقلم سلمي فكري

تقى وأخوها وباباها وصلوا عند ملك. أبو ملك: أهلا شرفتونا انهارده. أحمد: الشرف لينا ياحج. تقى: فين أوضة ملك ياعمي؟ أبو ملك شاورلها ع الأوضة. خبطت. تقى: أوووبا أي الجمال ده كله ياعيني ع العريس لما يشوفك. ملك: تقى انت جيتي أمتي و عرفتي ازاي؟ تقى: أيه ده انت متعرفيش ولا إيه؟ ملك: معرفش أي في أي. تقى بفخر: أنا أخت العريس. ملك تنحت كده وفتحت بوقها: أخت العريس مين؟

تقى ضحكت على منظرها: انتي محتاجة صورة بالشكل ده هههههههههههه أنا أخت معاذ يابت ما أخويا هو العريس. ملك لسه هترد عليها لقت الباب خبط واتفتح. أبو ملك: يلا يابنتي. ملك: ما بلاش يابابا خليهم يمشوا. تقى: انت بتطردينا يعني ولا إيه ده 😂😂😂 ملك: أه يلا يابت برا من هنا. تقى: طيب أنا قاعدة على قلبك ومش هقوم. أبو ملك: انتو هتتخانقوا كتير يلا يابت انت وهي. وطلعت ملك وهي مكسوفة خالص ووشها في الأرض. أحمد: قمر يابنتي تبارك الخالق.

ملك: شكرا ياعمي. أحمد: يشرفنا أننا نطلب إيد الآنسة ملك لابني معاذ. أبو ملك: دا الشرف لينا بس ناخد رأي العروسة الأول هااا ي عروسة قولتي إيه؟ ملك: هصلي استخارة الأول. أحمد: نستأذن إحنا بقى. أبو ملك: خليكم انتو منورين. معاذ: دا نورك ياعمي ربنا يكرمك يلا ياتقى. تقى: بت وافقي عشان نبقى مع بعض. ملك: امشي يابت من هنا. تقى: طب هتوافقي غصب بقى واستحملي. ملك بسخرية: العبي بعيد ياشاطرة. تقى: ماشي هنشوف.

ومشت تقى وأهلها روحوا البيت. *** في الشركه ابتسام جه وقت معادها عشان تروح. خدت شنطتها ونزلت واقفة بتدور على تاكسي. وهي واقفة وقفها تاكسي ونزل السواق وكان شكله غريب وحاول ياخدها بالغصب. ومن حسن حظها أنها كانت قريبة من الشركه فمحمد شافها من الشباك في المكتب ونزل بسرعة ولحقها على آخر لحظة. وقعد يضرب الراجل. محمد: بعد كده ابقى خد بالك ياشاطر. وبص لابتسام وقالها: انت كويسة. ابتسام بعياط: أه أنا كويسة شكرا.

محمد: تعالي هوصلك. ابتسام: لا شكرا أنا هاخد تاكسي. محمد بخوف وغضب: تاكسي تاني؟ ابتسام: مش هينفع أركب معاك تاني صدقني. محمد: طب أنا هوقفلك تاكسي وأمشي وراكي بالعربية. وفعلا ابتسام روحت ومحمد اطمن عليها. طلعت فوق بيتها ودخلت. رعد: أهلا بعروستنا الحلوة. ابتسام: انت بتكلم مين انت اتجننت ولا إيه؟ رعد: بكلمك انت هو في غيرك. ابتسام: وانت شوفتي بتجوز عشان تخليني عروسة؟ رعد: ما هو لو وافقتي ع العريس اللي جاي هتبقي عروسة.

ابتسام: عريس إيه يارعد فكك من الموضوع ده. رعد: جهزي نفسك هو جاي بالليل. ابتسام: ماشي يارعد. ودخلت اوضة تنام. *** في مكان مجهول. مجهول (1) : يعني إيه معرفتش تخطفها؟ الرجل: ياباشا جه واحد وأنقذها وضربني. مجهول (1) : مين ده متعرفهوش؟ الرجل: أنا سألت عنه ياباشا طلع مدير الشركه اللي هي بتشتغل فيها وصاحب بشمهندس معاذ. مجهول (1) : ماشي تشكر روح انت دلوقتي. وفي نفسه: دي هتحلو أوي. و راح لـ أسيل. أسيل: ها خطف _توا البنت؟

مجهول (1) : للأسف لا. أسيل بغضب: ليه يغب _ي؟ مجهول (1) : إحنا اجرنا واحد يخ _طفها بس واحد أنقذها على آخر لحظة. أسيل: مين ده؟ مجهول (1) : محمد صاحب الشركه اللي بتشتغل فيها وصاحب معاذ. أسيل: امممم متعرفش أي علاقته بيها؟ مجهول (1) : لسه بس هعرفلك. أسيل: تمام. *** محمد اتصل على معاذ عشان يروح معاه يخطب ابتسام لأن محمد أهله متوفيين. محمد: معاذ باشا اللي ناسينا ومعادش بيجي الشركه. معاذ: معلش بس ماليش مزاج أروح.

محمد بسخرية: هو الشغل دلوقتي بالمزاج ي أخويا. معاذ: ههههههههه خلاص هنزل من بكرة وانت ليك إجازة أسبوع. محمد: طب اسمع بقى وركز معايا. معاذ: خير في إيه؟ محمد: أنا رايح خاطب النهارده وعاوزك معايا. معاذ: مبارك ي حبيبي أكيد جاي طبعاً مين العروسة؟ محمد: ابتسام أخت رعد. معاذ: وأنا خطبت على فكرة. محمد: نعم ي أخويا إمتى ده؟ معاذ: امبارح. محمد: ومقولتليش ليه ولا كنت ناوي تقولي لما تتجوز؟ معاذ بضحك: يا عم هي لسه وافقت.

محمد: مين بقى تعيسة الحظ دي؟ معاذ: ملك صاحبة تقى أختي. محمد: مبارك عليك ي أخويا. هعدي عليك 6 ونص عشان نروح. معاذ: ماشي ي حبيبي. *** في المكان المجهول. مجهول (1) : سمعتي آخر الأخبار؟ أسيل: إيه؟ مجهول (1) : هتتصدمي. مجهول (1) : معاذ خطب ملك ومحمد صاحبه رايح دلوقتي يخطب ابتسام اللي كنا هن _خطفها النهاردة. أسيل بصدمة: ملك دي تقتل _وها. مجهول (1) : التنفيذ إمتى؟ أسيل: النهارده قبل بكرة. مجهول (1)

: طب ما أنا عندي فكرة أفضل. أسيل: إيه؟ مجهول (1) : إحنا ننفذ……