رواية احببت ملتزما الفصل الثامن عشر 18 - بقلم سلمي فكري

معاذ وصل ابتسام ومامتها البيت وهما مروحين. معاذ: إيه ده. تقى: في إيه يا معاذ؟ معاذ: ما فيش فرامل في العربية. تقى بصدمة: انت بتقول إيه؟ انت متأكد؟ معاذ: أيوه، ما فيش فرامل والله. بصي، انتي افتحي الباب واطلقي، وأنا كمان هعمل كده. تقى بخوف: لو حصلنا حاجة. معاذ: ما تقلقيش، بس افتحي يلا. فتحت تقى الباب وتشاهدت ورمت نفسها، ومعاذ فتح الباب ونط من العربية. العربية خبطت في شجرة وانفجرت بعيد عنهم. معاذ: انتي كويسة يا قلبي؟

حصلك حاجة؟ تقى: لا الحمد لله جت سليمة. بس هنروح إزاي؟ معاذ: مش عايز أتصل على بابا لاحسن نقلقه، وهو زمانه قلقان عليكي أصلاً. تقى: والحل؟ معاذ: أنا هتصل بواحد صاحبي. تقى: ماشي يا معاذ، اللي تشوفه. وفعلاً اتصل معاذ بـ أسر. معاذ: السلام عليكم. أسر: وعليكم السلام ورحمة الله وبركاته. خير يا معاذ؟ في إيه؟ معاذ: معلش يا أسر هتعبك معايا، تيجي تروحني البيت. أسر: طب انت فين دلوقتي؟ معاذ: أنا عند...

أسر: طب أنا جايلك أهو، مش هتأخر. -في المستشفى. أحمد: ها يا رعد، أخبارك إيه دلوقتي؟ رعد: أنا كويس الحمد لله، بس قلبي مقبوض أوي. أحمد: ليه؟ حصل حاجة؟ رعد: مش عارف، بس مش مطمن. أحمد: فيك إيه يا صاحبي؟ احكيلي. رعد بتنهيدة: أقولك إيه بس يا صاحبي. أحمد: في إيه يا رعد؟ انت قلقتني. رعد: أنا حاسس إني بحب تقى. لما شوفتها هتموت، كنت حاسس بسكاكين بتغرز في قلبي. المشهد وجعني أوي. أحمد: طب ما تتقدم لها. رعد: وتفتكر هتوافق؟

أحمد: جرب وكلم أخوها وشوف هيقولك إيه. رعد: هكلمه بإذن الله، بس لما أخف. أحمد: ربنا يقومك بالسلامة يا رب. رعد: يا رب يا أحمد. -في بيت رعد. ابتسام: البيت وحش أوي من غير رعد، وبابا كمان مسافر. فاتن: معلش، كلها يومين ورعد هيجي هنا تاني. ها، قوليلي بقى. ابتسام: أيوه يا ماما، في إيه؟ فاتن: هتوافقي على العريس ولا لأ؟ ابتسام: هو بصراحة يا ماما، أنا صليت استخارة ومرتاحة، بس هصلي تاني وأرد عليكي بكرة.

فاتن: ماشي يا حبيبتي، ربنا يسعدك يا رب. -أسر راح لمكان معاذ، لقاه هو وأخته، وشكلهم متبهدل جداً. أسر: إيه اللي حصل يا معاذ؟ في إيه؟ معاذ: وأنا مروح من المستشفى، ملقتش فرامل في العربية. أسر: طب تعالي وأنا هشوف الموضوع ده. وبص لـ تقى وقالها: أهلاً يا آنسة تقى. تقى: أهلاً. وأخذهم روحهم فعلاً، ولقوا أحمد في انتظارهم. أحمد: إيه اللي حصل؟ اتاخرتوا كده ليه؟ معاذ: أصل... وحكاله اللي حصل. أحمد: طب انتي كويسة يا تقى؟

تقى: أنا بخير يا بابا، بس محتاجة أنام. أحمد: ماشي يا حبيبتي، اطلعي ارتاحي. وطلعت تقى أوضتها. معاذ: تفتكر يا بابا، دي حادثة مقصودة ولا إيه؟ أحمد: أنا حاسس بكده برضه. معاذ: عموماً، أسر هيحقق في الموضوع ده. أنا هطلع أنام. أحمد: ماشي يا ابني. -في بيت ملك. ملك قاعدة هي وباباها بيتكلموا في مواضيع كتيرة. أبو ملك: بقولك يا ملوكتي. ملك: قول يا حبيبي، في إيه؟ أبو ملك: صليتي استخارة؟ ملك بخجل واضح: موافقة يا بابا.

أبو ملك: مبارك ليكي يا بنتي، كبرتي وبقيتي عروسة زي القمر. ملك: الله يبارك فيك يا بابا. أبو ملك: خلاص، أنا هتصل بيه بكرة وأبلغه. ملك: اللي تشوفه يا بابا.