رواية احببت من ليس ملكي الفصل الأول 1 - بقلم سوارا

الأب بصدمة: انتي بتقولي ايه يا مرح انتي عارفه معنى كلام ده؟ مرح بهيام وهي بتفتكر: عارفه يا بابا عارفه بس انا كمان بحبه وعايزه اتجوز... قاطعها ألم قوي نزل على وشها. الأب رشدي بعصبية: مسمعكيش تقولي الكلام ده تاني قدام حد وخصوصاً امك فاهمه؟ واخوكي بيهزر معاكي وهو أساساً على وش جواز! مرح ببكاء: لاهو مبيهزر... رشدي بمقاطعة وزعيق: فااااهمه؟!! مرح بانهيار ودموع: فاهمممممة. رشدي بقوة: على اووووووضتك!

وبتجري على اوضتها وهي منهارة. يامن بابتسامة: ازيك يا ابويا؟ رشدي بعصبية: زي الزفت! يامن بيبصله باستغراب وبيسكت. رشدي بيمسح على وشه: امشي ناديلي المحروس التاني وتعالى! يامن باحترام: حاضر يا ابويا. وبينده على اخوه وبيقعودوا مع ابوهم. رشدي وهو بيتنهد: انا يا اولاد عمري حرمتكم من حاجة؟ : ابدا يا ابويا كرمتنا وزيادة. رشدي بتكملة: عمري اجبرتكم على حاجة مش عايزينها او رفض اختياراتكم؟ : ابدا يا ابويا. رشدي

بعصبية وهو بيجز على سنانه: امال لو كده لييييه مرح اختكم لييييييه؟ يامن بعدم فهم: مش فاهم مالها مرح؟ رشدي بعصبية: قالتلي أن في حد فيكم بس انا مركزتش مين باسها وعشمها انو بيحبها دي بنت مراااتي يعني تعتبروها اختكم! وبعدين انتو خاطبين الاتنين وواحد متجوز يعني ايه ده بتلعبو بديلكم على البت اليتيمة؟ يامن بصدمة: اييييييه؟ وبيبص على جاسر بعصبية. جاسر بيبصله ببرود: بتبصلي كده ليه؟ يامن بعصبية وهو بيمسكه من ياقة قميصه: مرح!

مرح يا جاسر البنت الصغيرة اللي من عمرها سنتين وهي بتكبر قدامنا! البنت الصغيرة اللي امها امنتنا عليها وربتنا معاها.. تقوم انت تعمل فيها كده.. دي اختك! جاسر ببرود وهو بيزقه وبيعدل ياقة قميصه: ما يمكن انت وجاي ترمي عملتك عليا! يامن بعصبية: وانا استحالة اخون امانة الست اللي ربتني ولا اعمل كده في اختي! رشدي بعصبية: خلاص انت وهوا المهم الكلام اللي قولناه ده ما يطلعش من هنا وميتكررش! امشوا من وشي!

يامن بيبص على اخوه بعصبية وبيطلع بغضب وهو بيرزع الباب وراه. جاسر فتح الباب عشان يمشي. رشدي بحده: استنى! جاسر بيقف وبيقفل الباب. رشدي بعصبية وهو بيرفع سبابته: اللي عملته ده ميتكررش. جاسر وهو يصطنع عدم الفهم: هوا اييييه؟ رشدي بعصبية وحدة: اللي عملته مع اختك انا عارف انو انت.. لأن شوفت في عين اخوك الغيرة والعصبية على عرض بيته واللي مشوفتهاش في عينيك. جاسر وهو بيبلع ريقه بتوتر: تمام.

كان قاعد على الورشة بتاعته وهو متعصب تليفونه رن ابتسم بفرحة لما لقي المتصل خطيبته و حبيبته. يامن بفرحه: سبحان الله وكأنك حسيتي بيا كنت متعصب اول ما شوفت اسمك مزاجي اتعدل. تمارا بتأفف: اممم وبعدين؟ يامن باستغراب: مالك؟ تمارا بغيظ: والله مالك! مش شايف مالي؟ بقالي سنتين مخطوبين وانت على حالك ده واخوك ماشاء الله بدل الواحدة تلاتة وخاطب الرابعة وفرحوا الأسبوع الجاي!

يامن بعتاب: ما انتي شايفاني وانا طالع عيني الصبح في الشركة والليل في الورشة وبجيبلك كل العايزاه وطلباتك كتيييييرة انتي خفي عليا شوية عشان اقدر... تمارا بعصبية ومقاطعة: قصدك ايه؟ اني طماعة يعني؟ وضح كلامك! يامن بتنهد: انا مقولتش كده يا تمارا.. اقفلي دلوقتي عشان ورايا شغل كتير! وبيقفل الخط قبل ما تتكلم. احمد وهو بيحط ايده على كتفه: برضو يا صحبي مش مقدراك .. بتزن عليك؟

يامن بضيق: بتعايرني بجاسر بتقولي متجوز تلاتة ودلوقتي هيتجوز الرابعة وانا ليا سنتين مش عارف اتجوز الواحدة! أحمد بغيظ: اييييييه دي بت **** سبها! يامن بحزن: مقدرش بحبها. احمد بتنهد: ربنا يعينك يا صاحبي. سهى بخبث: امسك التلفون يا حبيبي واتصل على بابا قوله إنه واحشاك وعايزوا! هاني ببراءة: بس النهارده يوم ماما رزان مش يومنا. سهى بعصبية وغيظ: وانت مالك؟ اتصل عليه وخلاص! هاني بتفكير: بس ماما هتزعل.

سهى بعصبية وحدة: متقولهاش ماما انا بس اللي امك فاهم؟ هاني بخوف: فاهم فاهم! سهى بعصبية وهي بتمد التلفون: خد اتصل عليه! هاني بخوف بيتصل وبعد ثواني بيلاقي الرد: الووو. هاني ببكاء: الو بابا سامعني؟ جاسر بحنيه: الو حبيبي ايوه سامعك. هاني ببكاء: بابا ممكن تجي عشان انا خايف وو عايزك! جاسر بحنيه وخوف من صوته: انت بتعيط؟ انا جاي حالا اقفل! سهى وبتاخد منه التلفون: قالك ايه؟ هاني بخوف: جااا.. اااي.. حالا.

جاسر بيقوم و بياخد التلفون والجاكيت بتاعه وبيطلع من اوضته وهو متجه للباب. رزان باستغراب وهي بتبص عليه من المطبخ: ايه ده انت خارج؟ استنى الكيكة قربت تخلص طيب. جاسر بخوف: هاني اتصل عليا وهو بيعيط وقال انه خايف ومحتاجني هروح اجيبه وراجع. رزان بخوف وهي بتحط ايدها على قلبها: ايه خايف! من ايه؟ جاسر بتنهد: مش عارف. رزان بخوف وقلق: خلاص روح هاته بسرعة وانا في الوقت ده هطلعله الكيكة واعمله الاكل والعصير اللي بيحبه.

جاسر بابتسامة وهو بيطلع: تمااام! جاسر بيسوق العربية وهو بيفكر فيها وبيبتسم فبالرغم من جوازه عليها الا انها بتعامله بما يرضي الله وبتعتبر ابنه ابنها وبتحبه اكتر من امه. بعد وقت جرس الباب بيرن. سهى بفرحه وهي بتضع اللمسة الاخيرة من الميك اب وبتلف وهي بتبص على نفسها بإعجاب: هاني افتح الباب لابوك بسررعه! هاني كان قاعد على الكنبة وهو بيتابع كرتونه اتنفض بخوف لما سمعها وجري يفتح الباب. جاسر بخوف: في ايه مالك؟

خد نفسك براحه انت كويس؟ هاني بخوف: عشان اتخضيت وجريت بسرعة عشان افتح الباب. جاسر بحنيه وهو بيمسح على شعره: وانت اتخضيت ليه؟ بعدين ليه تجري لدرجة انفاسك متقدرش تاخدها. هاني ببراءة: عشان ماما قالتلي افتح الباب بسرعة.. وقبل شوية كانت بتزعقلي جامد! جاسر بهدوء: امم تمام روح يا حبيبي اركب العربية عشان نروح لماما رزان. وانا هنزل وراك. هاني بفرحه: هيييه هنروح لماما رزان.

بتخرج من الاوضة بسعاده: جاسر حبيبي واخيرا جيت هاني كان عايزك. جاسر بيبصلها من فوق لتحت بقرف: انا هاخد هاني ورايحين لرزان متزعقيش للولد تاني عشان المرة الجاية مش هحرمك منو نهائي! سهى بعصبية: اييييييه واخد ابني على فين؟ لا انا ابني ميروحلهاش ولا يشوفها مفهوووم! جاسر ببرود: صوتك ده اخر مرة يعلى فاهمممممة؟ هعديها المرادي بمزاجي .. وانا مش بستأذنك في ابني! وخففي خروجاتك من ورايا عشان بتوصلني! وبيقفل الباب بالمفتاح وبيمشي.

سهى ببكاء وهي بتقعد ورا الباب على الارض وبتخبط بانهيار: جاااااااسر افتحليييي الباب وهاتليييي ابني ده ابنيييي انااااا مش ابنهاااا مش ذنبببي انها ارضضض بووور مبتخلفشش! وفضلت تصرخ بلا فائده وهو مشي بابنه ودي معاملته ليها من وقت ما اتجوزوا وكأنه تجوزها عشان تخلفله وبس. زبيدة بابتسامة: السلام عليكم. رشدي بتوتر: وعليكم السلام. زبيدة باستغراب وهي بتبص على البيت: امال فين يامن ومرح؟ رشدي بقلق: يامن في الورشة!

زبيدة بتساؤل: معقوله لحد الوقت ده؟ طب ومرح؟ رشدي وهو بيبلع ريقه: في اوضتها نامت من بدري. زبيدة باستغراب وخوف: ايييه نامت من بدري كده؟ مستحيل دي مش بتنام الا لما باجي وتشوفني.. يا ربي ما تكونش تعبانه ولا حد زعقلها في المدرسة.. هروح اشوفها. وبتجرب على فوق بخوف. رشدي وهو بيقعد على الكنبة ورجليه مش شايفاه: الله ياخدك يا جاسر ملقتش غير مرح اختك! بعد وقت:

رشدي وهو بيبلع ريقه: يا حبيبتي اكيد مش قصده حاجة وحشه وكان بيهزر معاها. وزبيدة بعصبية: رشدي انت بتستهبل ولا بتتهابل؟ الكلام واضح وابنك اتحر*ش ببنتي.. انا عاملت أولادك كأنهم اولادي بس هما مقدروش ده وانت كمان بتقولها متقوليش لأمك عايز تجنني اخر عمري؟ رشدي بندم وهو بينزل راسه: الله يعلم اني اعتبرت بنتك بنتي ومقصرتش معاها ومفرقتهاش عن ولادي ولو هي عملت الغلط كنت برضو هقول لاولادي يسكتوا عشان متحـ..

زبيدة بعصبية: انت كمان لسه بتبرر ده انا اقول يامن متأخر ليه النهارده اتاريه عارف عملته! رشدي بصدمة: يامن! يتبع