رواية احببت من ليس ملكي الفصل الرابع 4 - بقلم سوارا

انت بتقول إيه؟!! ده اللي هو إزاي؟ بيجري في السلالم بسرعة وبيخبط الباب. قوهرزان بتمسح دموعها وبتلبس الإسدال وبتفتح الباب. من قوة الخبط بتبص على منظره بخضة. رزان بخضة: إيه ده؟ مال منظرَك كده يا جاسر؟ بتشهق بخضة لما لقيه شدها مرة واحدة وقفل الباب وبقي بيجري بيها. رزان بشهقة: هيييه جاسر إيه ده؟ إنت اتجننت؟ جاسر بزعيق في التليفون: لا جاي استنوا خلاص بقى. قولتلك جاااااي حالا! وبيقفل الخط.

جاسر بعصبية: امشي مفيش وقت هشرحلك في العربية. رزان بخضة: طب ده حتى مش لبس انزل بيه بس خـ... جاسر بيبص عليها لثانية، يبص عليها بتفحص: مالبس محتشم ومغطي كويس. يلااا بسرعة. تمارا بحزن: أنا بتصل على يامن كتير عشان أصالحُه بس هو مش بيرد عليا. يارا بتفكير: طب ما تروحيله. تمارا بزعل وهم: مستحيل بابا يسيبني أروحله. إنتِ عارفة مش هيوافق. بس أنا مش قادرة أصدق إن يامن يزعل مني للدرجادي!

إحنا دايماً بنتخانق وبالنهاية اليوم البعده هو اللي بيصالحني. بس دي أول مرة يعمل كده! معقول يكون بطل يحبني؟ يامن قسى عليا أوي بعقابه ده! يارا بحزن عليها وتفكير: خلاص أنا عندي فكرة. إحنا هنقول لبابَك إننا خارجين المول ونروحله! تمارا بسعادة وهي بتتنطط: أيوووه يلا بينا بسرعة همو..ت وأشوفه. يارا بضحك: إيه ده يا هبلة؟ بتتنططي زي العيال! ده إنتِ واقعة من سابع دور! رزان بصدمة وعصبية: إيييييه؟!! إنت بتقول إيه يا جاسر؟؟؟

يامن هيتجوز مرح!! طب وتمارا؟ جاسر وهو بيسوق: ما أنا رايح أوقف الفرح. لو إنتِ صبرتي وخليتيني أكمل كلامي كان عرفتي أنا ماشي بجري وسايق بسرعة ليه! رزان بعصبية: أنا ما يهمنيش الكلام ده! أنا من دلوقتي بقولها لك جواز يامن من مرح بطلاقي منك! جاسر بعصبية وهو بيسوق: وأنا مالي؟؟؟ إيه علاقتي بالموضوع؟؟؟ رزان بعصبية: في إنك عارف مين اللي عمل ده ومتكلمتش!

وفي إن تمارا زي أختي وصاحبة عمري. وعليهم جمايل عليا. ولولاها مكناش دلوقتي مع بعضينا! هاني بمقاطعة: بابا اقف إنت عديت الروضة بتاعي!! جاسر بعصبية: يا حبيبي إحنا غير مش رايحين الروضة! وبيبص عليها وهو بيكمل كلامه: وبعدين إنتِ بتقولي كلام ملوش علاقة بالموضو.... ملحقش يكمل كلامه. رزان بصريخ: جاسر خد بااااااالك!! زبيدة بضيق: جاسر اتأخر ومجاش. لامتى هنفضل مستنيينه؟!! راشد وهو بيتصل: وبتصل عليه تليفونه مغلق.

زبيدة بعصبية: واضح إنها حركة منه عشان ميتممش الجواز! إحنا هنبتدي من دونه! راشد بهدوء: خلاص زي ما إنتِ عايزة. ابدأ يا شيخنا الإجراءات. تمارا باستغراب: إيه كل الزينة دي اللي في بيته؟؟!