رواية احببت من ليس ملكي الفصل السابع 7 - بقلم سوارا

دلوقتي بدأت الجولة التانية مع جاسر! جاسر بعصبية وهو عايز يلحق رزان: كتب كتاب ونيلة إيه؟ انتوا اتهبلتووووو؟ أنا ما نيلتش حاجة مع البت دي! روحي شوفوا مين اللي عمل كده بدل ما تزقوا بلاكم عليا! مرح ببكاء: مش جاسر اللي عمل كده أصلاً! زبيدة بعصبية: امال مييييييييين؟ مييييييييين؟ لو مش يامن ولا جاسر مين هيكون يعنييييييي؟ رشدي مثلاً؟

رشدي بخضة وعصبية: اخرسي يا بت انتي وبطلي تحاولي تتستري عليه عشان خايفة منه ويلا يا شيخنا اكتب الكتاب! جاسر بعصبية: ولا كتب كتاب ولا نيلة أنا مش هشيل شيلة غيري! ووروني بقى إزاي هتجوزوني غصب عني أنا عايز أشوف بس! عند تمارا وهي قاعدة في السرير بتعيط: أنا مش مصدقة اللي عملته رزان ده دي طلعت بتحقد عليا من جواها وبتمثل كل ده! أصل فاكرة إيه ابن الشوارع طول عمره هيفضل ابن شوارع! يامن بعصبية: تمارااااااا!

متقوليش على رزان كده وهي مش كده! واحنا كلنا عارفينها! تمارا بخضة وزعيق: انت بتدافع عنها بدافع عن مساحة الشوارع دي؟ يامن بعصبية: اخرسوا! رزان بمثابة أختي الكبيرة وما سمحلكوش تغلطوا عليها بكلمة! فاهمين؟ ورزان مغلطتش البيت ده بيت مرح! زبيدة بعصبية ودموع: لو ما كتبتش كتابك عليها انسى إن ليك أم يا جاسر! جاسر بسخرية: وأنا مليش أم أساساً غير واحدة وما... تت من زمان! زبيدة بتشهق بصدمة وبتقعد على الأرض ورجليها مش شايلاها.

رشدي بعصبية وهو بيزعق: جاسررررررررر! وكان هيمد إيده عليه بس جاسر مسكها بعصبية. في الوقت ده بتخرج تمارا وهي جارية بتبكي ووراها يامن. تمارا ببكاء وهي بتجري: أنا غلطانة أصلاً إني رضيت بوضعك قولت عشان نتجوز بس لا طلعت غبية وصدقتك فوق ده كله بتهيني أنا ماشية لحد ما تبقى راجل وتكون نفسك وتجيب شقة ليا! يامن بزعيق: تمام أوي امشي يا تمارا! انتي مفيش حاجة بترضي، أنا تعبت أوي عشانك ومنك بجد!

والحمد لله إني اكتشفتك قبل ما يبقى في حاجة بينا بتجمعنا! جاسر بسخرية وهو بيبص عليها بشر: خلصتو فيلم أبيض وأسود بتاعكم ده؟ انتي لو ماشية يا بنت الـ**** امشي لأني مش هسيبك! تمارا وهي بتخفي خوفها وبتدعي القوة والظلم: هتعمل إييييييه؟ إييييييه؟ في حاجة لسه انت وأخوك معملتوهاش ومراتك وعيلتك كلهم فيا؟ جاسر وهو بيمسكها من معصمها بقوة: آه في تعالي أوريكي بنت الشوارع تبقى مين كويس!

يارا بخوف: جاسر سيب سيبها اختي متقصدش هي بس من عصبيتها. يامن بعصبية وهو بيبعد إيد جاسر وبيديله بالبوكس: إيدك عن مراتي! جاسر بيبادله البوكس وبيتبادلوا اللكمات. زبيدة بتبص عليهم وهي قاعدة على الأرض بدموع وهي بتفكر في كلام جاسر: أولادي كلهم حياتهم اتخربت قدامي! أنا أنا السبب فعلاً في كل ده! مرح بتبص عليهم من بعيد بدون ما يلاحظوا وهي ماسكة

الموس في إيدها وبتعيط: أنا السبب أنا السبب أنا اللي خليت أمي مكسورة ومذلولة قدام الكل لأول مرة... كلهم كانوا عايشين بسعادة أنا دمرتها... وبتقطع شرايينها. رشدي بيحاول يبعد بينهم بس مقدرش من قوة جاسر ويامن وقع على الأرض. جاسر كان لسه هيضربه تاني بتيجي لجاسر مكالمة بيرد عليها على أمل إنها رزان. المتصل: ازيك يا جاسر؟ جاسر بنرفزة: مين وعايز إيه اخلص. المتصل بضحكة شماتة: مستعجل كده أوي.. طب خد بس ده هاني عايز يسلم عليك!

جاسر بخضة وهو بيستوعب وبيبص حواليه بخوف يدور عليه. جاسر بخوف: انت عايز مني إيه؟ المتصل بضحكة: لو عايز تشوف ابنك حي تجي على الطريق السريع خلال ربع ساعة هيترمي في نص العربيات هناك! جاسر بصدمة: ايييييييه؟ المتصل بضحكة شر: استنى ومش كده بس وفي الدائري مراتك حبيبتك رزان مربوطة على الطريق في الأرض حالا.. شوف هتنقذ مين فيهم! جاسر بصدمة وخوف: ايييييييه؟ لالا متعملش كده أنا هديلك اللي عايزه.

المتصل: أنا كل اللي عايزه أشوفك مكسور وده اللي هيحصل يلا اقفل متضيعش وقت تك توك تك توك.. وبيقفل. جاسر بيجري بسرعة عشان يلحق يامن بيقوم من على الأرض بصعوبة وبيمسك المزهرية وبيخبط فيها جاسر في رأسه... جاسر بيحط إيده على راسه بألم وبيقع على الأرض. جاسر وهو بيغمض عينه: رزا. ا. ن.. هـ.. ـا.. ن.. ي!