رواية أحببت منحرف الفصل الثامن 8 - بقلم رشا محمد

وفجأة غرام سمعت صوت آدم عالي وبيزعق مع حد. جرت عشان تشوف في إيه، لقت آدم بيزعق لواحدة عمرها ما شافتها قبل كدا وبيقولها: "اطلعي برا ومش عايز أشوفك تاني." علا: "أرجوك يا آدم اسمعني وحاول وسامحني." آدم: "أسمعك!! وهو أنت كنت موجودة عشان تسمعيني!! وأسامحك على إيه ولا إيه؟ اطلعي برا وانسيني خالص زي ما نستيني زمان ومشيتي من غير ما تفتكري إن ليكي ابن وحيد ومحتاجك. زي ما فكرتي في نفسك زمان، أنا كمان دلوقتي بفكر في نفسي وبس."

علا بعياط: "صدقني يا آدم أنا ندمت واتغيرت ونفسي آخدك في حضني ونعيش سوا." آدم: "تاخديني في حضنك!! وكان فين حضنك لما كنت في أشد الحاجة ليه؟ أنت اخترتي نفسك ومشيتي. فكملي مع نفسك وانسيني خالص." علا لسه هتتكلم، آدم بزعيق وغضب نادى للحراس وقال: "طلعوا الست دي برا، وممنوع تدخل من باب الفيلا تاني. ولو دخلت حسابكم هيكون عسير معايا، وهيكون آخر يوم ليكم هنا." خرجت علا مع الحراس وسط ذهول غرام مما سمعت وشاهدت.

وآدم اتعصب جامد وفضل يكسر في أي حاجة قدامه. ذهبت غرام لآدم كي تهدئه وتفهم منه، وقالت: "اهدي يا آدم، اهدي يا حبيبي." مسكها آدم من ذراعها وقال: "متتأليش اهدي وابعدي عني. أنا مش حبيب حد." وزقها وقعها على الأرض وقال: "كلكم زي بعض، كلكم خاينين ومش بتحبوا غير نفسكم." وسابها وخرج برا الفيلا. فضلت غرام في مكانها تعيط ومندهشة من اللي حصل ومش فاهمة حاجة. نزل والد آدم بعد ما صحي من النوم، لقي غرام على الأرض.

جرى عليها وقال: "إيه فيه وإيه اللي حصل؟ " وقيمها من على الأرض. غرام: "هيا مامت آدم موجودة يا عمي؟ محمد: "إيه اللي أنت بتقوليه دا يا بنتي؟ غرام: "لو سمحت يا عمي ملوش لزوم إنك تخبي عليا أكتر من كده. مامت آدم كانت هنا وآدم عاملها بطريقة وحشة جدا وطردها. ليه كل دا يا عمي؟ محمد: "علا كانت هنا!! وكل دا من غير علمي!! غرام: "أرجوك يا عمي فهمني، أنا تعبت من كتر التفكير. وأكيد دا السبب في تغيير آدم بالشكل دا."

محمد: "دا موضوع قديم أوي وكنت قربت أنساه. ليه يا علا كدا؟ مكفكيش كل اللي حصل زمان واللي ابنك وصل ليه بعد عمايلك؟ جاية تاني تظهري وتبوظي حياتنا تاني." غرام: "احكيلي يا عمي أرجوك، يمكن لما أفهم الحقيقة أقدر أساعد آدم." عند آدم في الشركه. آدم دخل مكتبه وقعد يكسر في الحاجات اللي على المكتب. دخل وراه مراد وقال: "مالك يا آدم؟ إيه اللي حصل؟ آدم قعد

وحط إيده على راسه وقال: "راجعة دلوقتي بعد ما كسرتني من جوا وموتت كل حاجة حلوة جوايا. تقول سامحني ليه؟ ليه؟! مراد: "مين دي يا آدم؟! آدم قام وقف وقال: "الغي كل حاجة، أنا مش قادر أشوف ولا أتكلم مع حد." مراد: "حاضر يا آدم بس اهدي واقعد." آدم بعصبية: "محدش يقولي اهدي." وقام وقف وقال: "أنا ماشي." مراد: "رايح فين بس يا آدم؟ استنى هخلص كام حاجة ونمشي سوا." آدم: "لأ خليك أنت، مينفعش نسيب الشركة إحنا الاتنين." وسابه ومشي.

في الفيلا. محمد: "دي قصة قديمة وكنت فاكر إنها خلصت ومش هتتفتح تاني." غرام: "أنا سمعاك يا عمي، وأرجوك متخبيش عليا حاجة." محمد: "شوفي يابنتي... ودخل آدم الفيلا لقي محمد وغرام قاعدين يتكلموا. آدم: "مش أنا قولت متخرجيش برا الأوضة؟ غرام: "وفيها إيه يعني؟ أنا قاعدة بتكلم مع عمي بدل ما كل واحد فينا قاعد لوحده." آدم: "يالا على فوق." غرام: "هو أنت نسيت عملت فيا إيه من شوية ولا إيه؟

آدم: "أنا قولت يالا على فوق ومش عايز كلام كتير." غرام: "لأ مش هطلع." آدم: "اسمعي الكلام بالزوق أحسنلك." غرام: "ولو مسمعتوش هتعمل إيه يعني؟ محمد: "استهدوا بالله يا ولاد، وأنت يابنتي اطلعي مع جوزك." غرام: "لو سمحت يا عمي أنا مش هطلع." آدم: "يبقى أنت اللي اخترتي." وقرب عليها وهي ترجع لورا. غرام: "هتعمل إيه يا آدم؟ لو سمحت ابعد وسيبني." آدم من غير ما يرد قرب

عليها وهمس في ودنها وقال: "أنت اللي اخترتي." وراح شايلها وطلع على أوضته. غرام بتحاول تخليه يسيبها وبتقوله: "نزلني ابعد عني." آدم شايل غرام وطالع الأوضة من غير ما يتكلم ولا يرد عليها ودخل وقفل الباب.