رواية احببت مرات اخويا الفصل السابع 7 - بقلم بسمله حسن

سلمي بصوت عالٍ: ساره! وجريت عليها. ساره كانت حاسة بدوخة وكانت هتقع. سلمي أول لما سمعت صوت أحمد وراه ولقى ساره هتقع، راح ماسكها بسرعة. أحمد بقلق: سارة حبيبتي مالك؟ ساره بتعب: مش قادرة يا أحمد، دايخة أوي. أحمد شالها وركبها العربية. سلمي جت على ساره. سلمي: مالك يا ساره حاسة بإيه؟ آدم جه على عربية أحمد. آدم: ماله مدام ساره يا أحمد؟ في حاجة لا قدر الله؟ أحمد: لا الحمد لله، بس هي دايخة شوية بسبب الحمل. سلمي بذهول: حمل!

أنتي حامل يا ساره؟ ما تقوليش، أنا زعلانة منك. ساره: والله أبداً، أنا لسه عارفة النهاردة وجيت وسألت عليكي. عمو علي ونور قالولي إنك لسه ما جيتيش من الشغل، وقلت أول لما أروح أكلمك وأقول لك. سلمي بزعل طفولي: بس أنا زعلانة منك. لو عايزة تصلحيني هاتيلي شيبسي وشيكولاتة. سلمي كانت بتتكلم، ما كانتش واخدة بالها من آدم اللي عمال يبصلها. أحمد خد باله من آدم. أحمد: بس أنت بتعمل إيه هنا يا آدم؟ آدم بارتباك: أنا... أنا...

كنت بوصل الآنسة سلمى، بس معرفش إنها قريبة مدام ساره. أحمد: آها، بس برضه ما قلتليش بتوصلها ليه؟ إنتوا تعرفوا بعض؟ آدم: لا، بس أنا شفته وحكالهم اللي حصل. ساره: يا حبيبتي يا سلمي، كل ده حصل لك. كويس إن أستاذ آدم أنقذك. أحمد: طيب يلا يا آدم، هتمشي معانا ولا لأ؟ آدم اتحرج: آه... آه ماشي، يلا بينا. ساره: خلي بالك من نفسك يا سوسو، ماشي؟ وأنا هبقى أكلمك. سلمي بابتسامة: ماشي يا قلبي، وأنتي كمان خلي بالك من نفسك ومن البيبي.

ومشوا ورا بعض بالعربيات. أحمد وصل ساره عند هبه. ساره بخوف: أنت رايح فين يا أحمد؟ تعال ادخل معايا، أنا خايفة. أحمد: خايفة من إيه يا ساره؟ مفيش عفريت جوه يا حبيبتي، يلا بقى. ساره في سرها: لأ، في عفريت جوه، أخوكي أكبر عفريت. ساره فاقت على صوت أحمد. ساره: ماشي يا حبيبي، بس ما تتأخرش عليا. أحمد بحب، وكأنه مش هيشوفها تاني: حاضر يا روحي، بس اوعديني إنك تخلي بالك من نفسك ومن البيبي لحد ما أجي.

ساره خافت أكتر. عمري ما كلمها كده. ساره: أحمد، أنت رايح فين؟ أحمد: رايح مشوار صغير وجاي تاني. ساره حضنت أحمد جامد، كانت خايفة عليه. وأحمد نفسه الكلام. ساره: بحبك. أحمد: وأنا كمان بحبك. وساره دخلت من باب الفيلا، وأحمد مشي. ساره كانت خايفة أوي على أحمد، بس أول لما شافت هبه استريحت شوية. هبه بسعادة: ساره حبيبتي، عاملة إيه؟ وحشتيني أوي. ساره: وأنتي أكتر يا ماما، والله وحشتيني أوي.

هبه بعتاب: أنا لو كنت وحشتك كنتي جيتي شفتيني. ساره: أنا آسفة يا ماما، وأنا جيت أهو و معايا مفاجأة حلوة أوي. هبه: مفاجأة إيه؟ ساره بسعادة: أنا حامل. هبه بفرحة إنها هيكون عندها حفيد: بجد يا ساره، أنتي حامل؟ ساره: آه والله يا ماما، كنت عند الدكتور النهاردة وقالي إني حامل في شهرين. هبه: ألف مبروك يا حبيبتي، ربنا يتمم لك على خير. أحمد بعد ما خلص مشواره، اتصل بمحمد. أحمد: الو يا محمد، عامل إيه؟

أحمد: طيب يا سيدي، تعالي نخرج انهارده. أحمد: لأ، مليش دعوة، أنا عزمتك على الغداء وهات معاك الواد آدم، ما أنا لسه شايفه بس نسيت أقوله. أحمد: والله هزعل، أنا قولتلك أهو. يلا، أنا قاعد مستنيك، سلام. وفعلاً محمد وآدم جم. آدم: إيه يا عم، أمنا لسه شايفك، لحقت وحشتك؟ أحمد: لأ يا خفيف، بس أنا هعزم محمد. لو ما قلتلكش كنت هتزعل، قلت أعزمك بالمرة خلاص. آدم: إيه ده؟ يعني أنا مش معزوم؟ محمد وأحمد بصوت واحد: آها.

آدم بصوت اللمبي: وماله، أنا عزمت نفسي. ضحكوا الشباب مع بعض لحد ما حصل حاجة ما كانوش متوقعينها.