رواية احببت مرات اخويا الفصل الثالث عشر 13 - بقلم بسمله حسن

ساره... عارفه يا حبيبي أنا بحبك قد إيه من ساعة ما دخلت حياتي وأنا بحبك حب لو هموت عشان هموت، أنت اللي فضيلي في الدنيا دي. محمد سمع كده ودخل الأوضة لقي ساره. ساره بعصبية: أنت إزاي تخش كده؟ محمد بعصبية: كنتي بتكلمي مين وتقوليله حبيبي؟ هاه؟ كنتي بتكلمي حبيب القلب مش كده؟ مش بقول إنك طماعة وأنا اللي فاكر إني ظلمتك. ساره: ملكش دعوة بيا، وآخر مرة تدخل في حياتي. محمد: أها عايز تمشي على حل شعرك؟ أنتِ فعلًا...

في الوقت ده هبه دخلت. هبه بذهول: بتعمل إيه هنا يا محمد؟ مش كنت طالع تحضر شنطتك؟ محمد بصوت عالي: تعالي شوفي المحترمة مرات ابنك بتكلم واحدة وتقولها يا حبيبي. فجأة لقوا فون ساره بيرن، وهبه كانت ماسكاه. هبه: إيه الكلام اللي بتقوله ده يا محمد؟ الفون معايا أهو، فين ساره بتكلم؟ محمد بعصبية: أنا سمعته بتقول حبيبي. ساره بصوت عالي: أنا فعلاً قلت حبيبي، أنا كنت بتكلم مع ابني، لكن خلاص أنا مش هعيش هنا تاني، كفاية إهانة بقى.

هبه: معلش يا بنتي سامحيه المرة دي. ساره بدموع: خلاص يا ماما، أنا تعبت، مش قادرة أحتمل أكتر من كده. وخرجت من باب الأوضة. هبه بعياط: ليه كده يا ابني، حرام عليك. وخرجت ورا ساره. محمد بيكلم نفسه: أنا غلطت كتير في حقها، بس أنا هعرف منين إنه بيتكلم ابنه. هبه نازلة على السلم: استني يا ساره، حقك عليا يا بنتي. ساره: أنا آسف يا ماما، أنا هروح بيت أهلي، كفاية لحد كده إهانة. وخرجت من باب الفيلا لقت ادم قدامها.

ادم: رايحة فين يا ساره؟ ساره بدموع وعصبية: ملكش دعوة بيه أنت كمان. ادم شافها متعصبة: طيب أنا آسف، ممكن أوصلك؟ ساره: قلتلك مش عايزة حد يدخل في حياتي، مش عايز حد يوصلني. ادم: طيب بصي، أنا هوصلك ومش هتكلم، ولو اتكلمت انزلي، ماشي؟ ساره سكتت شوية: ماشي، بس لو اتكلمت هنزل. ادم شاور براسه: آه. ساره ركبت جنب ادم. ادم شغل العربية ومشي. محمد نزل يشوف ساره، لقي هبه بتعيط، قرب منها. محمد: بتعيطي ليه؟ هي هترجع؟

هبه بدموع: ليه كده يا محمد، ليه يا ابني؟ أنا قلتلك ساره مش زي ملك، أنت مصمم إنهم كلهم خونة. محمد سكت لأنه فعلاً غلطان، مسك إيدين هبه وباسها. محمد: حقك عليا يا ست الكل، أنا فعلاً غلطان، وهروح بيت أهلها واعتذر منها. هبه: بجد يا محمد؟ محمد: آه بجد، أنا غلطت في حقها كتير، لازم أعتذر، مش أنتي علمتيني كده، لما أغلط أعتذر.

هبه: ماشي يا محمد، بس أمانة عليك يا ابني، ملكش دعوة بيا، ساره وبكره الأيام تثبت لك إنك كنت غلطان في حقها. محمد: ماشي يا ماما، أنا ماشي. وخرج من باب الفيلا. ادم شاف ساره في الحالة دي مش عارف ماله. ادم: احم، مالك يا ساره؟ بصي لو مش عايزة تكلمي خلاص. ساره كانت عايزة حد تتكلم معاه، كانت مخنوقة أوي. ساره بعياط وعصبية: أنا تعبت، كل شوية يهيني وأسكت، أنا مش خاينة زيها، لي كل ده؟ عشان إيه؟ ادم: عشان أنتِ ضعيفة. ساره بصت له،

ادم كمل كلامه: أنتِ ضعيفة، لازم تكوني قوية، مش عشانك، عشان ابنك، مش كل حد يكلمك تعدي، تعيطي وتبيني ضعيفة، لا، لازم تكوني قوية، اثبتي نفسك، أنتِ بكرة هتكوني أم، ابنك أو بنتك هيطلعوا يلقوا أمهم ضعيفة، أنا بقولك كده عشان بعتبرك اختي. ساره فضلت تفكر، فعلاً هي ضعيفة، لازم تثبت نفسها، هي مش قليلة. فضلت تفكر لحد ما وصلت البيت. ادم: فوقي يا ساره، وصلنا. ساره: شكراً يا ادم إنك خليتني اسكت في نفسي. ادم: على إيه الشكر؟

أنتِ زي أختي، وأنا مشفتش منك حاجة وحشة. فجأة لقوا سلمي نازلة ومعاها بنت تانية أصغر منها. البنت شافت ساره جريت عليها. البنت: سوكه حبيبتي، عاملة إيه؟ ساره ضربتها على راسها: قلتلك كام مرة متقوليش سوكه دي، أنا اسمي ساره. البنت: لا، أنا بحب أقولك الاسم ده. ساره: والله يا نور لو قولتي سوكه تاني هولع فيكي. ادم ضحك: والله اسم حلو، سوكه. ساره شافت كده اتعصبت: ماشي يا شبر ونص، أنا هوريكي. نور: مين المزة ده يا ساره؟

عرفيني عليه. ادم هناء مقدرش يمسك نفسه من الضحك. سلمي بعصبية خفيفة: نور، أنا قلت كام مرة ما تكلميش كده، يلا هتتأخري على المدرسة. ساره فرحانة فيها: يلا يا صغيرة على المدرسة، كده هتتأخري. نور ماشية متعصبة: ماشي يا سوكه، لما أجي بس. وراحت مدرستها. سلمي كانت مكسوفة أوي من نور. وادم شاف سلمي مكسوفة، حب يغير الموضوع: دمها خفيف أوي، مين ده؟ ساره: ده نور، بنت عمي واخت سلمي. ادم: بجد؟ بس شكله لمضة.

سلمي بكسوف: احم، أنا بعتذر على اللي قلته نور. ادم: لا عادي، ولا يهمك، بس هو إنتي ليكي أخوات تاني؟ سلمي: لا، هي نور بس، بعد إذنكم. ساره: رايحة فين دلوقتي يا سلمي؟ لسه بدري على الشغل. سلمي: لا، أنا نزلت شفت تاني. ساره: ماشي يا حبيبتي، ما تتأخريش عشان عايزة أقولك على موضوع. سلمي: ماشي يا قلبي، يلا السلام عليكم. كلهم: وعليكم السلام ورحمة الله وبركاته. في نفس الوقت جه محمد وشاف ساره وادم واقفين مع بعض.