رواية احببت مريضاً الفصل الخامس 5 - بقلم حبيبه الشهيد

ازيك يحلوة؟ نعم يخويا، مالك! في إيه يا بنتي مالك؟ أنا كمان اللي مالي، أنا شوية وهتعالج معاك، بس مخ وأعصاب، وربي حرام بجد. طب أسيبك عشان إنتي هبلة دلوقتي. اتفضل، اتفضل حضرتكم. نزل وسابني في الأوضة، أنا شوية وهلاقي السرير بيتحرك وهكلم الكنب على فكرة! نزلت وأنا مش مستوعبة، طب هو دلوقتي مين طيب؟ فطرنا مع باباه كالعادة. متنساش يا ابني معاد الدكتور النهاردة. حاضر، مش ناسي. ماشي يا حبيبي.

طلع أوضته وأنا فضلت قاعدة متنحة لأبوه. دفعلكم كام؟ هما مين! اللي اجرّوكم تجننونى. لي، هو حصل إيه! ابنك يا حاج. ماله تاني. تاني إيه، قول سبعتاشر، ابنك النهاردة صحي قال: "ازيك يحلوة! أيوه يعني فيها إيه؟ أبو حميد اللي بيقولي "يحلوة" مش أحمد، أحمد بيقولي "حضرتك". طب إنتي عرفتي تعطيله العلاج؟ عيب عليك، أنا اسمي الحقيقي رأفت الهجان، غفلته وعطيتهوله. برافو عليكي. هو رايح الجلسة النهاردة؟ أيوه إن شاء الله.

طب ارتاح انت، هروح معاه أنا. يا ريت. خلاص، هروح معاه إن شاء الله. طلعت وأنا متلخبطة ومش فاهمة حاجة، حمارة وربي حمارة ومش بني آدمة. مريم هو... بص، خلينا متفقين إن اسمي لا "حلوة" ولا "حضرتك"، اسمي مريم. تمام، معنديش مانع. الكتاب اللي كان هنا فين؟ عاوز الكتاب؟ آه، لسه مخلصتش قراءة فيه. هلا والله بأحمد بتاع زمان. نعم! الكتاب أهو. ماشي، شكراً. آه، هروح معاك النهاردة الجلسة. إنتي! ماشي، مش مشكلة. آه، تعالي على نفسك معلش.

!!! ها، قولي بقا تحب تتغدي إيه النهاردة؟ هي كوثر مش هتطبخ! أنا اللي محتاجة أطبخ يا أحمد، أنا اللي محتاجة أكون ست، أنا هرموناتي حمضت. ومين قالك إنك مش ست! هي الست بتبقى ست بالطبخ؟ أحمد أحمد، والله ما في حاجة في بالك، ها تاكل إيه، بلاش فلسفة. فلسفة قصدك! لا، رجعلي الباد بوي اهو، دمه خفيف وبيعرف يقلش. مش فاهم. تاكل إيه، أنجز. اللي تعمليه. حبيبي المحترم الشاطر، هناكل أحلى أكل النهاردة إن شاء الله.

نزلت المطبخ لقيته كبير، فتحت التلاجة لقيتها كبيرة، أنا مخي الوحيد الصغير هنا، معقولة!! كوثر صح؟ أيوه يا ست هانم، اؤمري. استغفر الله، شيلي الألقاب يا بنتي. أقولك إيه يا ست؟ قوليلي "يا هانم" على طول، لسه هتقولي "ست هانم"! هه. قوليلي مريم بس، وبيني وبينك مش بعرف أعمل غير إندومي، فممكن تساعديني أعمل أكل للواد اللي فوق دا؟ أحمد بيه؟ آه، الواد اللي فوق دا، آه. طب وهتعملي إيه؟ أنا طول عمري أستاذة طبخ، المطبخ دا لعبتي.

تعملي فراخ مشوية؟ أنا طول عمري كذابة ومش بعرف أعمل حاجة. هه، بس دي الأكلة المفضلة عند البيه. حتى أكلياته صعبة، دا عيل غتت. مين دا اللي غتت! أبو حميد، منور والله. هتطبخي إيه! فراخ مشوية، آه، باين. تمام، هتعرفي. المطبخ دا لعبتي يا ابني. بقي كده، تمام. أحبك وإنتي واثقة. كوثر، اطلعي نضفي أوضتي، الست مريم هي اللي عليها طبيخ النهاردة. إيه ده! في إيه، أنا بقول إيه يا جدع!! مش المطبخ لعبتك!

قصدي المطبخ اللعبة اللي كنا بنجيبه في العيد ده. هه، يلا عشان أشوف اخترت صح ولا لا. دا أنت زين اخترت. كنت بطبخ أو بلخبط، أنا معرفش، أنا لو أعرف هقولكم والله. فضل باصصلي، قوم ساعديني يا عسل، طيب. وبعد مسخنا المية نحط الفراخ. يااااه. انبهرت؟ جامد، أنا كأحمد انبهرت. لا داعي للتصفيق، دعونا نعمل في صمت. هه، كملي كملي، أما نشوف آخره. بعد ساعتين خلصت. خلصت. مريم، هي محروقة؟

جهل جهل، فوق بقي، أوربا سبقتنا، اسمها مشوية فلازم تبقى كده. طب والمكرونة معجنة باين! أم الجهل أم الجهل، اسمها مكرونة، لازم تبقى كده. إنتي تحضري دكتوراه في أسماء الأكل وتبرري براحتك. إيه ده، يعسل، مش هدوق؟ لاء. عليا النعمة أفضحك، أنا بقالي أكتر من ساعتين واقفة وإنت تقوللي لأ لأ إيه، يلا دا أنا من شبرا، يلا! تسلم إيدك، حقيقي أحلى أكل في الدنيا. إيدا بجد! كنت حاسس هتمسك إيدي وباسها وهو بيضحك. تسلم إيديكي.

سحبت إيدي وابتسمت. مبدئياً كده، يلا عشان هنلبس عشان الجلسة. ثانياً، وربي أبويا ما هو واكل من الأكل دا عشان هو تعبان. مسكت السكينة وقربتها من رقبته. قصدك إن أكلي وحش؟ لا يا حبيبتي، أنا قصدي إن الأكل دا محدش هيخلصه غيري. اه، بحسب. يلا عشان الجلسة. دخلت أوضتي وغيرت، وهو كمان غير وطلع. إيه الحلاوة دي. الله يسترك ويخليهملك. ضحك وركبنا العربية ورحنا للدكتور، وقال إن الحالة بتتقدم، وإن شاء الله فيه أمل.

ابتسمت، فرحت أوي، أنا وقعت يجماعة، أكذب يعني! تكذب عليكم. يلا هنمشي. لا، اسبقني إنت تحت، وأنا جايه اهو. ماشي. دخلت للدكتور تاني. دكتور، فيه أمل بجد؟ طبعاً، إنتي بس تعطيه الدوا في مواعيده وتفضلي جنبه. طب سؤال. اتفضلي. هو لما يخف إن شاء الله، هيبقي مين فيهم؟ هما الاتنين. يعني إيه؟ يعني هيتجمعوا في شخصية واحدة بدل شخصيتين. أحلف. والله. ربنا يخليك والله.

طلعت وأنا بضحك، اللي هو خلاص مفيش "حضرتك"، هو هيبقي فيه سفالة بس هنعالجها إن شاء الله. نزلت لقيته واقف جمب العربية مع واحدة وبيضحكوا، نعم إنها الخيانة. إيه ده، إيه اللي بيحصل هنا معلش؟