رواية احببت مريضاً الفصل السادس 6 - بقلم حبيبه الشهيد

أي دا إيه اللي بيحصل هنا؟ معلش! دي ملك. كنت فاكراك مختلف، بس كلكم مصطفى أبو حجر. نعم! دي ملك كانت زميلتي في الجامعة. يمريم! آه، أهلاً. ازيك؟ الحمد لله، اختك يا أحمد؟ لا مراته. ألف مبروك، لازم أمشي دلوقتي عشان عندي ميعاد، فرصة سعيدة. أنا أسعد. هي مشيت وأنا ركبت العربية ومتكلمتش. دي تبقى... مسألتش وأنت حر في حياتك على فكرة. إنتي اتضايقتي ليه طيب؟ اعملي حساب يا أخويا حتى.

طب متزعليش يا ستي، بس مكنش ينفع مسلمش عليها، دي زي أختي يعني. حبيبي على نياته، كل البنات إخواته. أمال إيه حضرتك اللي على طول بتقولها دي؟ كلمة عادية. مريم. إيه؟ بعد كده تقولي يمريم. تمام. دا شكله زعل، أدلع عليه طيب، هما كانوا بيدلعوا إزاي يربي، خلصانة هتسهوك. بس دا ميمنعش إني زعلانة، لا بجد زعلانة جامد، زحليقة. أفندم! زعلانة، صلحني. إنتي بتتكلمي كده ليه؟ تصدقي أنا غلطانة، مينفعش معاك غير قلة الأدب أصلاً.

طلعت من شنطتي الدوا. ممكن تاخد الدوا بقى؟ حاضر. وصلنا البيت ونزلت، وهو قالي هيخرج شوية. أتمنى يا ابني ترجع باد بوي تاني عشان عايزة أضحك، والنفسية. يدوبك طلعت أوضة باباه، طمنته، وهو فرح أوي إن حالته فيها أمل تتحسن. ودخلت أوضتي. يا جماعة أنا مش غيرانة ولا بتحرق من جوا ولا أي حاجة، أنا لا طبعاً، براحته جامد. غيرت هدومي وقعدت على السرير. وبعدين في الملل ده، أحسن حاجة أقرأ الكتاب اللي قرفنا بيه.

جبت الكتاب ولقيت جنبه درج، فتحت الدرج لقيت إزازة صغيرة، إيه دا فيها إيه دي! أشربها؟ لا طبعاً مينفعش. بس تعرفوا طعمها مكنش حلو، أيوه شربت يا جماعة، إيه يعني، أنا طفسة، مش حوار. ثواني أنا دوخت ليه!! شوية ولقيته جه، وفتح باب الأوضة ودخل. إزيك يا حلوة؟ دا أنت اللي حلو والله، إيه يا ابني الحلاوة دي. مريم مالك! انت رجعت أبو دم خفيف صح، ضحكني بقى. ينهاري، إنتي شربتي اللي كان في الإزازة دي!

أيوه، طعمها في الأول وحش، هيهيهي، بس بقي حلو. إنتي شربتي ويسكي؟ إيه دا؟ هات لي شوية تاني. دا انتي ضايعة، نامي نامي وهتبقي بكرة كويسة. لاء، تعالي أقولك حاجة أحسن. مريم، إنتي بتقربي مني ليه! هقولك حاجة في ودنك عشان محدش يسمعها. بس... شششش. آخرس. ماشي. الحيطان ليها ودان وقربنا نركبلها حلقان. ياني منك، إنتي مش في وعيك خالص، تعالي معايا. شكل هيبقى لينا رقصة بقى ولا إيه!

شالني وفضل باصص لي بغضب. آخر مرة، هو أنا كنت أعرف إني بشرب منكر! يا جماعة أنا اللي بقيت باد بوي مش هو!! حطني على السرير. نامي بقى. إنت رايح فين؟ أوضتك، أنا هنام فيها الليلة. إيه دا، هتسبني لوحدي عشان أشرب تاني! يختاي يختاي، خلاص قاعد أهو. قعد على السرير. إنت بتشرب الحاجات دي ليه يا أحمد؟ والله بطلت، بس نسيت خالص إن فيه إزازة هنا. هيهيهي، ابقي انسى وهات تاني. مريم فوقي. الـ... منا فايقة يا حلو انت.

يبنتي بطلي تحرش بقى، مليتوا البلد. هه، أنا بحبك أوي. بتقولي إيه؟ بحبك أوي. إنتي دلوقتي مش في وعيك، نامي. قمت وأنا بطوح يمين وشمال، جه يمسكني يوديني السرير تاني، زقيته. إنت فاكرني مش واعية! لا أنا فعلاً وقعت، مش عارفة إمتى وإزاي، بس أنا عمري ما كان ليا صحاب ولا حد قريب مني، عمر محد شافني حلوة وانت على طول شايفني كده. هه، دا أنا عمري ما عملت أكل وانت كلته وقولتلي تسلم إيدك. كان هيجيلي تسمم.

أهو أجيبلك حاجة، مش أحسن من مفيش، إنت بتحبني صح؟ نامي يا مريم. فضلت ألف في الكلام لغاية ما نمت. صحيح الصبح لقيته نايم جنبي، هو إيه دا؟ هو جه إمتى دا! آه دماغي، أنا مالي في إيه! صحي على صوتي اللي كان تقريباً زعق الجيران. وطي صوتك. إنت شربتني حاجة صفرا صح، كنت عاوز تستفرد بيا ليه يا أحمد، دا أنا كنت واثقة فيك و... خلصتي؟ استنى لسه هكمل. اتفضلي. أنا مصدومة، مصدومة، مصدومة، آآآه.

الله يست، الله يا فنانة، معتيش تعملي كده تاني بقى. إنت شربتني حاجة امبارح؟ إنتي اللي شربتي، إنتي اللي اتحرشتي بيا يا مريم. أنا أخرس يا سافل، أنا لازم أقول لباباك، أنا أنا محترمة يا أستاذ، أنا مش من الشارع. أداءك أوفر، والله إنتي اللي طلبتي تنامي هنا حتى. خلصانة، صدقتك. إنتي دايخة؟ أوي يا أحمد. حاسة إن دماغي هتنفجر.

قام عملي قهوة اللي مش بحبها وصمم أشربها عشان أفوق. الله ينتقم من الظالم، يا شيخ حسبي الله ونعم الوكيل يا أخي. ها، أحسن. آه الحمد لله. إنتي مش فاكرة حاجة خالص! لاء، اشمعنى. أصلك قولتي كلام مهم امبارح. زي إيه! لاء، متخديش في بالك، المهم إنك كويسة. فونه رن. إيه دا، رقم ملك! دا إحنا متقابلناش من أيام الجامعة، استنى أرد. نعم يحمادة، إنت هتخيب!