رواية احببت مصارع الفصل الخامس والثلاثون 35 - بقلم يوستينا سامي

وصل ادهم اخيرا بعد رحلة قضي فيها اصعب لحظات حياته وهو بيفتكر كل ذكرياته مع اخواته لحد ما وصل للاوتيل الي مفروض هيقعد فيه. ادهم: هاي. انا ادهم. مستر جاك: ادهم. ادهم بفرحة: جاك. ازيك يا ابني عامل ايه. جاك: انا كويس يا ابني. تعالي معايا. دخلوا أوضة جاك. جاك: قولي عامل ايه يا ابني. انا اول ما عرفت من جون انك وافقت تيجي معانا انا اتفاجأت بصراحة.

ادهم: هههه عادي يعني. بعد المشكلة الي حصلتلي في الشركة انا قفلت من كل حاجة حتي البلد. جاك: اه الحقيقة المشكلة كانت كبيرة شوية. بس اهو يمكن كل ده حصل علشان تبقي معانا ولا ايه. ادهم بحزن: اكيد يا جاك. ربنا هو الي بيخطط امورنا. المهم فين جون علشان نقعد ونتكلم بصراحة. انا مستعجل اوي عايز اعرف هنبدا امتى. جاك: يا عم براحة شوية ده انت حتي لسه واصل. مش لازم تشوف جو انجلترا وبنات.

ادهم: جاك فكك مني بقي. انا جاي اشتغل ومش بفكر في اي حوار تاني حاليا. جاك: اوكي يا ادهم براحتك. بس النهاردة كان في حفلة حلوة اوي في الاوتيل هنا. هتحضر؟ ادهم: هشوف ظروفي. بس انا محتاج ارتاح ممكن. جاك: طبعا. اتفضل ادي مفتاح غرفتك. نورت مسيو ادهم. ادهم: هههه باي يا جاك. ادهم في سره: ابو تقل دمك. عيل رخم بجد. وفعلا أدهم طلع اوضته وكان نوعا ما مرتاح في الجو الجديد بس قرر أنه ياخد شاور ويناااام. في بيت عادل.

شمس: مبروووك يا نووور. نور بفرحة: الله يبارك فيكي عقبالك. بصراحة أنا مكنتش متخيلة اني هفك الجبس ده اخيرا. ده بجد حاجة سمجة. بسنت: يعني خلاص هتلعبي معايا يا نور؟ نور وهي بتبوسها: اه طبعا يا روح قلبي انت. يوسف: هههه ولله. عمو انا كلمت عمي ابراهيم وقالي أنه جاي النهاردة بليل. هنا: اي ده بجد. ينور يا جو. يوسف: اه ما هو اول ما عرف أن هيثم جاي بكرة علشان يطلب ايدك قال جاي علطووول. هنا بسعادة: ميرسي اوي بجد.

منال: افففف انا قايمة اعمل قهوة. بعد اذنكم. ودخلت منال المطبخ. فهد: اي يا عمي. هي لسه مضايقة من هيثم برضو؟ عادل: مضايقة من هيثم بس دي متخانقة معايا من ساعة ما وافقت علي الجوازة اصلا. فهد: عادي يا جماعة. بنتها ونفسها تفرح بيها. هنا: بس علي حساب سعادتي يا فهد. انا موافقة فلازم تحترم رايي انااااا. يوسف: وانت متأكدة من قرارك ده يا هنا؟ هنا: اه يا يوسف. متأكدة اوي كمان. صدقني انت لو قاعدت مع هيثم فعلا هتحبه اوي اوي كمان.

فهد: اهم حاجة تبقي انت الي حابها ومتقبلة ظروفه كمان يا هنا. هنا: اه طبعا متقبلة ظروفه. بصراحة اقولكم حاجة بس ادهم ميعرفهاش. فهد: ادهم اشمعنا ادهم يعني.

هنا: علشان بخصوص علاقتنا. انا وقت ما حصلي الفقدان المؤقت ده انا فعلا مكنتش فاكرة ادهم بس ارتاحت اوي لهيثم. ولما بدأت افتكر واحدة واحدة عرفت أن انا وادهم يمكن كان في اعجاب بينا بس مكنش حب وده غصب عني مش بايدي. يوسف بليز قول لفهد اني اسفة علي طريقتي البايخة معاه وان ده نصيب. يوسف: حاضر يا هنا وربنا يقدم لك الخير يا حبيبتي. طيب يا جماعة انا هعمل اعلان مهم اووي. نور برخامة: اي هو بقي الإعلان يا كابتن؟

بسنت بتقليد نور: اه اي هو يا كابتن؟ عادل: هههه عسل بسنت ولله. يوسف بص لنور: خلاص البت بقت تقلدك. ماشي. عمتا. كتب كتابي انا ونور اخر الاسبوع ده. عادل: اي الواد السريع ده يا جدعان. انت خلاص قررت من نفسك كده يا استاذ. يوسف بضحك: لا انا أعجبك اوي يعني هههه. عادل: ابراهيم عرف الكلام ده. احسن لو عرف أن احنا اتفقنا من وراه هتبقي مجزرة. يوسف: هههه لا متقلش. انا قولته من شوية. عادل: وانا موافق. وانت يا نور؟

نور كانت مصدومة وفي نفس الوقت فرحانة اوي بس مكنتش عارفة ترد تقول ايه. بسنت: انا موافقة يا عموو. عادل ضحك: طبعا انت رايك مهم اوي يا بوسبوس. هنا: يجماعة متحرجوش البت. السكوت علامة الرضااااا. انتوا بتاخدوا رأيها ليه اصلااااا. يوسف: ولله عندك حق يا شيخة. هي موافقة اصلا. نور: يالهوي علي الغرور بجد. ما براحة يا عم علينا.

وفعلا كلهم قعدوا يضحكوا. بس للاسف كان في حد فعلا وحيد وكان نفسه يكون ادهم موجود لأن ادهم هو الوحيد الي عرف يحتاويه. عمر كان في اوضته وبرضوا للاسف مش من برا حس انه مش موجود معاهم. في القسم. امير بيكلم علي: انت فين يا بني انت؟ علي: مستشفي. امير: طب انا جايلك. علي: لا انا جاي في الطريق. امير: طب اي حصل فهمني يا ابني. علي: مافيش عرفنا قرايب بسنت. امير: بجد الكلام ده يا علي؟ علي: اه. انا جاي في الطريق. سلام.

تفتكروا بسنت ممكن تتاخد من يوسف بعد ما اتعلق بيها كدة؟ امير قعد يستنى علي يجي وكان بيدور في دماغه الف سؤال. وفاجأة. تليفونه رن. امير بلهفة: ندي. الوو. والدها: الوو يا أمير. امير بقلق: عمي. اهلا وسهلا. والدها: اهلا يا ابني. انا كنت بكلمك علشان اقولك حاجة مهمة. امير: خير يا عمي في حاجة؟ والدها: اه. انا عايز اجيلك علشان اديك شبكتك وكل حاجة تخصك. وأعتقد أن خلاص كدة الموضوع اتقفل.

امير بعصبية: نعععععععم. موضوع اي الي اتقفل؟ وخطوبة اي الي وتلغي دي. ولله ما يحصل علي جثتي الكلام ده. والدها: في اي يا أمير. ما براحة انت بتتكلم كدة ليه يا ابني. كل شئ نصيب وانتوا نصيبكم اتقطع علي كدة. امير: لا ولله ما يحصل. نصيب اي الي خلص. هو انت فاكر أن لو الخطوبة اصلا اتفسخت. ده لو اصلا حصل. ندي ممكن تتجوز حد غيري. ولله ما يحصل.

والدها: انت يا بني ادم انت اتكلم عدل. عموما انا غلطان اني احترمتك وكلمتك. انا هبعتلك الدهب لبيت والدك. امير بخوف: الو يا عمي ارجوك استنى. والدها: نعم. خير. عايز تزعق تاني ولا اي؟ امير: وانا ولله ما اقصد ازعق بس. انا بحب ندي بجد واكيد مش عايز ننفصل. والدها: يا ابني انت مجنون. ما انت الي اتخانقت معاها امبارح وقولتلها كل واحد يروح لحاله. امير: طب. والنبي يا عمي ممكن اكلمها بس. والدها: استنى طيب. وبعدها بعشر دقائق.

والدها: الوو. يا أمير. امير: أيوة يا عمي. فين ندي. والدها: مش عايزة ترد عليك. امير بعصبية: يعني اي مش عايزة ترد عليا. يعني اي؟ والدها: تاني يا أمير بتزعق. طيب. وقفل السكة في وشه. _في بيت ندي. اول ما والدها قفل التليفون. ندي ضحكت اوي. والدها: اي الواد الغبي ده. معقول كدة. ندي بضحك: احسن خليه يتربي شوية علشان يبطل طريقته دي شوية. والدها بضحك: أيوة يا ندي بس ده لو شافك هيقتلك.

ندي بضحك: لا ما اهونش عليه يا بابا. ولا حتي هو يهون عليا زعله وعصبيته دي. بس مينفعش كل ما يحصل بينا حاجة يقولي نسيب بعض. ليه يعني. والدها: ماشي براحتك يا ندي بس خدي بالك لما موضوعكم يقلب جد وتسيبوا بعض بجد. ندي بقلق: ولله يا بابا لو سابني يبقي هو مكنش بيحبني اصلا وكويس أنه اتكشف دلوقتي. والدها: براحتك. أنا خارج. وفعلا والدها خرج.

ندي بفرحة: ماشي يا أمير ولله لاخليك تبطل عصبيتك دي ويا انا يا انت. ولله ندي دي جدعة بجد. 🙈😂 _في قسم عند امير. امير بغيظ: عايزة تسيبني. ازاي يعني. ازاي. لا ولله ما يحصل يا ندي. ولله لاوريكي اصلا. علي دخل المكتب وشافه وهو متعصب اوي. علي: مالك يا ابني انت كويس. امير بعصبية: مالي. هااا هيكون مالي يعني شايفني بشد في شعري مثلا.

علي بدهشة: أي يا ابن المجانين انت في اي. هو انا كلمتك. وبعدين مالك كدة عمال تجري في المكتب. في حاجة حصلت. حد ضايقك. امير بعصبية: تخيل يا علي تخيل. علي: اخلص. هفضل اتخيل لحد بكرة. ماتقول في اي. امير: ابو ندي كلمني وقال اي. اجي اخد الذهب والشبكة علشان دي قسمة ونصيب. يعني اي اصلا. علي: هههههههه ولله راجل جدع. امير بحدة: انت بتستفزني يا علي. انت بتضحك. وبتقولي كمان أن هو عنده حق.

علي: أيوة طبعا. وبعدين انت زعلان ليه اصلا. مش انت الي قولتلها بلسانك ده الي عايز ينقطع. كل شئ بينا انتهي. مش انت الي قولت كدة. امير: معرفش بقي. كلام قولته في لحظة نرفزة. وبعد انت بالذات تخرس خالص علشان مستفز. علي: يا ابني رايح فين بس. امير: رايح في اي داهية. رايك مكتبي. جاتك القرف. وفعلا خرج امير وهو متعصب اوووي. علي: يا ابن اللذينة. يالهووي احسن يعمل في البت حاااجة. واد يا أمير. وفعلا راح وراه المكتب. $$$$$$$$$$$$$$

بليل في غرفة ادهم في الاوتيل. ادهم: الو جون. ازيك يا حبيبي. اجي فين بس بصراحة ماليش مزاج خالص اني اسهر. جون: انت اكيد بتهزر. دي حفلة تحفة. بقولك اي. هادي عليك بعد ساعة تكون جاهز. سلام. ادهم: طيب يا جون حاضر. وفعلا أدهم جهز ونزل الحفلة مع جون وفعلا الجو كانت جميلة اوي والحفلة كانت لذيذة. ادهم انبسط اوي. جون: ادهم تعالي اعرفك. عزام باشا. الراجل اعمال المعروف طبعا. ادهم: غني عن التعريف حضرتك طبعا.

عزام: ميرسي اوي. انت لسه واصل النهاردة مش كدة. ادهم: اه اهو لسه أول يوم. عزام: لا انجلترا تحفة بجد وهتتبسط هنا اوي. اتفضل drink. (مشروب) ادهم: لا ميرسي بجد بس مش عايز. عزام بثقة: انت حر. براحتك. ادهم: اوكي بعد اذنكواااا. وفعلا أدهم قصي الحفلة وكان الجو لذيذ. وقرر يخرج ادهم بقي ويطلع اوضته. وفعلًا خرج برااااا الحفلة. بس فاجأه شاف بنوتة. جات عليه وحضنته. ادهم بصدمة: 😳😳😳 اي ده. اوعي انت مين. بنت من كتر الشرب وقعت قدامه.

ادهم: يا نهار اسوود. انت يا بنتي انت. اي حصلك. شكلها ليلة سووودة. وفعلا أدهم اخدها. تفتكروا مين البنت دي وهل البنت دي تبع حد. وتفتكروا بقي بسنت هترجع لاهلهاااا فعلاااا.