رواية احببت مسلمه الفصل الحادي عشر 11 - بقلم ياسمينا

الصحفي: اتفضلوا، يلا قولوا لنا ده صح ولا لأ. بس أكيد صح، السكوت علامة الرضا زي ما بيقولوا. جاك من بعيد: رضا ده يبقى جوز خالتك، صح؟ الصحفي بغضب: نعم؟ جاك وقف قدامه وقال: أمك كانت صحبتي، سلميلي عليها. الصحفي مسك جاك من هدومه وقال: نعم، أنت بتقول إيه؟ جاك بص للصحفي: ست عندها 50 سنة ماشية مع واحد عنده 28 سنة، ياترى ماشية معاه ليه؟ هتبقى قضية رأي عام. ليو قلع القناع ونزل من المسرح وقال: ومش كده وبس، لأ دي صحبتي أنا كمان.

الصحفي بغضب: كذابين، والله كذابين. الصحفيين بدأوا يصوروا الصحفي ونسيوا موضوع مريم. ليو: يا أستاذ يا محترم، الصحافة ممكن تطلعك في لحظة شيطان وفي لحظة ملاك، بس اللي بيدفع لهم أكتر. جاك: أو الفضيحة الأكبر. كل واحد فيكم بقى ما هيصدق يكتب ويتكلم عن الموضوع ده والجريدة بتاعتكم تتشهر أكتر. بس أحب أقول لكم إن كل واحد فيكم، الجريدة بتاعته هتتقفل. ليو بغضب: وهنرميكم في الشارع زي الكلاب، لا شغل ولا مشغلة.

الصحفيين بدأوا يخافوا وقفّلوا الكاميرات. ليو بخبث: أيوه كده، الكل يلا يمسح اللي صوّره بسرعة. الصحفيين سمعوا كلام ليو. ليو قال: أما بالنسبة لعلاقتي أنا ومريم، فهي زملاء وبس. الصحفي بغضب: لأ، أنتم بتحبوا بعض. ليو: آه، زي ما أنا بحب أمك كده. جاك قرب من الصحفي وقال بهمس: شفت لما تتهم حد تهمة كبيرة أوي بيبقى إيه شعوره؟ يارب تكون اتعملت حاجة. خلي بالك، أنا ممكن أدمر مستقبلك. ليو بص لمريم وقال: يلا. مريم: يلا.

مريم نزلت من المسرح ومشيت مع ليو وجاك وطلعوا بره المسرح. مريم: احم، شكراً. جاك: والله يا مريم أنا ولا بحبك ولا بطيقك، بس عملت كده عشان أخويا مش أكتر. ليو بغضب: جاااااك. جاك بضيق: خلاص. مريم بابتسامة: مش بطقني ليه بقا؟ هو أنا لازم أديك قلم على وشك عشان تحبني؟ جاك بص لها بصدمة وبعدين بص لأيه وقال: ليه؟ شوفتني حبتها؟ مريم بخبث: الله أعلم. يلا يا يويو نمشي. ليو: إحنا ممكن نوصلكم. مريم: لأ، شكراً.

هنادي: على فكرة الوقت اتأخر. أيه: طيب، هنيجي معاكم. جاك بهمس: بتموت فيا. ليو: اتلم عشان ما يمشوش ويسيبونا. جاك وليو ركبوا قدام، ومريم وأيه وهنادي ورا، وتحركوا. *** عند أدوار. أدوار كان واقف متعصب وقال لأمير بغضب: إمتى هنكمل خطتك؟ أمير: في أقرب وقت، بس اهدى. أدوار بغضب: مش ههدى، لازم أخلص من البنات دي وليو وجاك يسافروا أمريكا في أقرب وقت. أمير: طب هنعمل إيه؟ أدوار بتفكير: أول حاجة لازم أشوف هنادي. أمير: ممكن نخطفها؟

أدوار بشر: نخطفهم؟ قصدك. أمير بص له بخبث وقال: إزاي بقا؟ أدوار: هقولك... *** في العربية. جاك: أشغل لكم أغنية؟ ليو: لأ، مستحيل. أغني دي مش عايزينها. جاك: يا عم أنت حمار، ولسا من شهر جاي مصر مش فاهم حاجة. اسكت أنت. أيه بتفكير: ممكن تشغل لي حماقي؟ جاك بضيق: بتحبيه؟ أيه: مووووت، موووت، مووووووت. جاك: يبقى مفيش حماقي. مريم: ممكن تامر بعشقو؟ ليو بضيق: مفيش تامر. مش بينزلي من زور.

مريم بضيق: واضح. وبعدين سرّع كده، مالك ماشي براحة؟ ليو: مبحبش أزعج الطريق. جاك: أيوه طبعاً. تعرفوا عندنا في أمريكا الطريق اللي بنمشي عليه ده ليه حقوق؟ أيه بسخرية: آه، فبنمشي عليه براحة عشان منصحش من نوم صح؟ جاك: اسملله عليكي، واعية وفاهمة كل حاجة. أهوم. مريم بغضب: بلاش حجج فاضية، يلا امشي بسرعة. جاك وليو بصوا لبعض بضيق، وليو سرّع العربية. وبعدين جت وراهم عربيتين وكانوا بيحاولوا يوقفوا عربية ليو. جاك بضيق: مين دول؟

وكمان مين اللي قال للصحافة عنك؟ ليو: أدوار، أكيد. جاك بغضب: وهنعمل إيه؟ ليو وقف العربية بهدوء. هنادي بخوف: ليه عملت كده؟ أكيد هيأذي البنات. ليو مردش عليها. ورجالة أدوار قربوا من العربية. ليو: تمشوا معاهم بهدوء. مريم: إزاي وليه؟ جاك: يا حبيبي، أنا عارف إنك نيوتن، بس نيوتن ساعات بيغلط، يعني أنت بتغلط دلوقتي. ليو مردش عليه. جاك بغضب: ما ترد على أهلي. ليو: ممكن تسكت شوية.

جاك بص له بضيق وسكت. ورجالة أدوار فتحوا عربية ليو وطلعوهم من العربية. وأدوار طلع من عربيته ووقف قدامهم. ليو: مش هنخلص من لعبة القط والفار دي. أدوار بابتسامة: لأ، مش هنخلص. وكمان عايز... ليو قطعه وقال: أنا اللي عاملك مفاجأة حلوة أوي. أدوار تجاهله وقال: هاتهم. رجالة أدوار خدوهوم وركبوهم العربية. وليو كان هادي جداً وجاك كمان كان هادي. وبعد فترة وصلوا فيلا أدوار الجديدة. والخمسة وقفوا قدام أدوار.

أدوار: بص يا ليو، أنت ابني الكبير، فعلشان كده هتسمع الكلام. قدامك خيارين، يا إما تسافر أنت وجاك أمريكا ومتنزلش مصر تاني وتنفذ البنات دي من إيدي، يا إما تفضل بس مش هتقدر تنقذهم. ليو بهدوء: ولا ده ولا ده. جاك: إحنا الصراحة كنا محضرين لك مفاجأة، وكنا يومين كده ونبعتهالك، بس نصيبك بقى إنك تشوفها النهارده. هنادي باستغراب: إيه؟ ومفاجأة إيه؟ ليو بص لأمه وقال: هحكيلك. اسمع يا أدوار. ليو بدأ يحكي لهم. *** فلاش باك.

جاك كان نايم جنب ليو، بس معرفش ينام. وأذان الفجر كان بيأذن. وجاك فضل يسمع الأذان، وبعدين صحى ليو. جاك: بيبي، قوم. ليو بغضب: بيبي إيه يا متخلف؟ جاك بابتسامة: بيبي صغير، يعني قوم بس. ليو قام وقال بغضب: عايز من أمي إيه؟ جاك بجدية: تقدر تفسر حبنا للقرآن؟ تقدر تفسر إحنا ليه بنرتاح لما قرآن يبقى شغال؟ تقدر تفسر إحنا بنحب نسمع الأذان؟ ليو بضيق: يمكن عشان اللي بيقرأ قرآن صوته حلو.

جاك: غلط طبعاً. ليو، هو أنت عايز تسلم ولا لأ؟ ليو بتوتر: معرفش. جاك: ليو، أنا عارف إنه صعب، بس إحنا هنعمل مشوار، وده اللي هيحدد مشاعرنا. ليو: طيب، مشوار إيه؟ جاك: ورايا. جاك قام من على السرير هو وليو ونزل من الفيلا وركبوا العربية وتحركوا. وبعد ربع ساعة وصلوا المسجد ولقوا عبدالله قاعد في المسجد. دخلو المسجد وقربوا منه. عبدالله بابتسامة: لا، نجيب فطار ونفطر سوا بقى. جاك بهدوء: عايز أدخل الدين الإسلامي.

ليو بص لجاك بصدمة، وعبدالله ابتسم وقال: ليه عايز تدخله؟ جاك قعد في الأرض وقال: بقالي فترة عمال أدخل اليوتيوب وأسمع قرآن وأسمع خطب كتير أوي. وشوفت ناس كتير في الحج، والقرآن حسيته دخل قلبي. ومش بس كده، أنا حاسس إن الدين الإسلامي نور. أنا حاسس إني في ضلمة وعايز أطلع للنور. عبدالله: مبسوط بكلامك أوي، بس هقولك كام حاجة كده. جاك: قول. عبدالله: تقدر متشربش خمرة. جاك بتحدي: أقدر. عبدالله: متمشيش مع بنات ولا تزني. جاك: موافق.

عبدالله: تصوم، تصلي، تزكي، تحج، تراعي ربنا في أهلك، تشيل المسؤولية، تقرأ قرآن. جاك بابتسامة: موافق. عبدالله: عايز تدخل الدين الإسلامي، ف لازم تكون مقتنع بيه مليون في المية وتقتنع إن محمد رسول، وإن الله لا إله إلا هو. جاك: بس أنا عملت أخطاء كتير أوي. عبدالله: ربنا هيسامحك على كله. من أول ما تقول أشهد أن لا إله إلا الله وأشهد أن محمد رسول الله. جاك بصدمة: بجد؟

عبدالله: ربنا غفور أوي يا جاك. لازم تعرف إن ربنا بيحبك أوي أوي وهيديك كتير أوي أوي، بس أنت لازم كمان تديله. جاك: أديله إيه؟ عبدالله: صلاتك وصومك وزكاتك وغيرهم كتير. جاك بابتسامة: كمل. عبدالله حط إيده على كتف جاك وقال: عندك هنا ملك وعلي كتف تاني ملك. ملك اليمين بيكتب الحسنات، وملك الشمال بيكتب السيئات. أي حاجة بتعملها، أو نفس اللي بتتنفسه بيتكتب. أي كلمة وحشة قولتها في حق أي حد بيكتبوها. خلي بالك. جاك بتركيز: كمل.

عبدالله: وبيحموك كمان من أي شر. جاك: كمل. عبدالله بابتسامة: لأ يا فالح، الوقت اتأخر. أنتم هتجولي كل يوم وأنا هعلمكم حاجة حاجة، وإن شاء الله تتعلموا بسرعة. جاك: عايز أصلي. عبدالله مسك إيد جاك وقال: والوشم؟ جاك بحزن: يعني مش هينفع؟ عبدالله: شيله وهينفع. جاك بابتسامة: أكيد. عبدالله بص ليو وقال: وأنت؟ جاك بص ليو، وليو بص له بضيق وقال: أنا ماشي. ليو مشي من قدامهم. وجاك قام وقال: هو أنا هأسلم إزاي؟

عبدالله: بقلبك، ونطق بالشهادة. جاك بابتسامة: شكراً. جاك مشي ورا ليو. *** أدوار بغضب: كنت عايز تسلم؟ أنت اتجننت؟ جاك ابتسم له ببرود وبص ليو، وهما الاتنين في نفس الوقت قلعوا الجاكت وبعدين التيشيرت. جاك: جسمي حلو من غير الوشم، صح؟ ليو بسخرية: مش كده أحلى، صح ولا لأ؟ وبص، مفيش صليب على إيدي. أدوار بص لهم بصدمة وقال: مستحيل، يعني إيه؟ ليو: يعني كنا ممكن نقول للصحافة هناك إننا أسلمنا، بس عشان مريم مقولناش كده.

جاك: بس كنا عملنها مفاجأة ليك. ليو: إحنا أسلمنا بعد ما حاولت أفكر في الموضوع ده، بس بجد مش قادر. جاك: أنا عارف إنك ممكن تموت من صدمة، بس ده اللي حصل. ليو: أنا لما أسلمت، أسلمت وأنا مقتنع مليون في المية بدين الإسلامي، ولا أسلمت عشان بحب حد. ليو بص لمريم، لقها بتبتسم له بسعادة، وهو ابتسم وقال: ولا عشان حتى أمي مسلمة. أدوار بغضب: اخررررررسو. ليو بهدوء: أشهد أن لا إله إلا الله، وأشهد أن محمد رسول الله.

أدوار كان هيتجنن ومكنش مصدق. جاك بص له بسخرية وقال: اسمع دي كمان. جاك كمل بجدية وقال: أشهد أن لا إله إلا الله، وأشهد أن محمد رسول الله. هنادي بسعادة: أنا فخورة بيكم. أدوار بغضب: أنا مش هرحمكم. أدوار مسك مسدسه، ومكنش في وعيه، كان تقريباً اتجنن، وصوّب المسدس عليهم. ليو بغضب: بابا، أنت... ليو ملحقش يكمل، وأدوار فضل يضرب عليهم نار.