رواية احببت متمرده الفصل الأربعون 40 - بقلم اسماء السيد

في شركه الدمنهوري... وتحديدا في مكتب رعد. كان يجلس رعد بكل هيبه ووقار، بيرتشف قهوته الساده بهدوء وبيشتغل. فجأه، بيتفتح الباب بقوه وبتدخل ملاك ووراها السكرتيره الي بتزعق عليها، ووراهم كذا موظف. ملاك بغضب: قولتلك انتي متستجرئيش تمنعيني. السكرتيره بعصبيه: وانتي مينفعش تدخلي كدا. رعد ببرود: في ايه؟ السكرتيره بتوتر: يا مستر رعد، دي طلبت تدخل وانا قولتلها متدخلش عشان حضرتك مانع اي حد.

قامت قالتلي ادخلي. قوليله اني برا. فمرضيتش ازعجك. فراحت زقتني ودخلت بلقوه. دي واحده متسوله وبجحه. ملاك بغضب: انا متسوله يا عره يابنت ال.... رعد بحده: ملاك... سكتت ملاك وبصتله. والسكرتيره بصتلها بنصر. بس اتصدمت لما رعد اتكلم. رعد بحده وهدوء مخيف: اولا، الي انتي شتمتيها دي مراتي. وفي اي وقت تزق الباب وتدخل. وانتِ خصم ليكي عشر ايام علي قله ادبك والفاظك القذره. دا مكان شغل مش زريبه. هيا اتفضلي يلا.

وانا هختار سكرتير علي الباب مش عاوز حريم ووجع دماغ. يلا. السكرتيره بخوف: تحت امرك يا بيه. انا اسفه يا ملاك هانم. خرجت وقفلت الباب. وملاك بصتله بإمتنان. رعد بهدوء: وانتي كمان غلطانه. لازم تبقي هاديه ياملاكي اكتر من كدا. ومش كل حاجه تزقي بعنف وتدخلي. ملاك بتوتر: تمام. انا بعتذر. رعد: تعالي. قربت ملاك وقفت جمبه. وهو شدها قعدها علي رجله. وهيا لفت ايديها حوالين رقبته. رعد: ها، كنتي جايه لي؟

ملاك: كنت محتاجه اشوفك بس مش اكتر. اصلك وحشتني. رعد بحب: وحشتي؟ ملاك: الصراحه ااه. رعد: بس انا لسا سايبك من ساعتين. ملاك بحب وابتسامه صادقه: هو انا عمري اشبع منك يارعدي. دا انت روحي وعمري كله. رعد ابتسم وحضنها جامد ودفن وجهه في رقبتها، وكان بيستنشق رائحتها الي بيعشقها. ملاك بتوتر: رعد. رعد بحب: قلبي. ملاك: ممكن اطلب طلب صغنن اد كدا؟ رعد وهو مزال حاضنها: من عيوني. ملاك: عاوزه ارجع شقتي. بعد رعد وبصلها بهدوء: ليييه؟

حد دايقك؟ ملاك بسرعه: لا والله مفيش حاجه. وكلهم ونعم المعامله والطيبه. دا انا بحبهم اوي. رعد برفعه حاجب: اومال ايه؟ ملاك بتوتر: يعني اليومين الجايين دول عاوزه ابقا لوحدي. لان الي جاي معايا كتيير. رعد بشك: انتي ععملتي ايه؟ ملاك ببرود: معملتش حاجه. دي قرصه ودن بس. عموما، انا حبيت اقولك اني هرجع. وان باب البيت وحضني مفتوحين ليك في اي وقت.

رعد بحده: مفيش حاجه اسمها هرجع شقتي. انتي مراتي وهتفضلي معايا. ولو علي انك عاوزه تبقي لوحدك، فهوديكي فلتنا. ملاك بستغراب: فلتنا؟ رعد بحده خفيفه: ااه، فيلتنا. انا اشتريت فيلا من يوم مارجعنا من شقتك. وعاوز اعرف انتي عملتي ايه. ملاك بسعاده: هههه. ممكن احكيلك بعدين. رعد بهدوء وضيق: تمام ياملاك. بس انا واثق انك عمرك ماهتردي الشر بشر. انتي ملاك يا ملاكي. ملاك حضنته تاني. بس الباب خبط. وملاك جت تقوم. رعد مسكها. رعد: خليكي.

ملاك بتوتر: مينفعش. رعد ببرود: عاوزه ايه؟ السكرتيره من خلف الباب: حضرتك الاجتماع جاهز. رعد: روحي. وانا جاي. السكرتيره: تحت امرك يا مستر رعد. ومشت. ملاك بضحك وخبطته في صدره بخفه: مجنون. ههه. رعد بتمثيل الوجع: ااه. قاسي. ملاك: اقوم امشي انا واسيبك تشتغل؟ رعد: لاء. خليكي هنا ساعه بظبط وهخلص ونروح سوا نشوف الفيلا. تمام؟ ملاك بفرحه: ممكن طلب كمان؟ رعد بهدوء: هممم. قوليلى.

ملاك مسكت ايده وبطفوله: ممكن تيجي معايا نتفرج على فيلم في السينما؟ رعد برفعه حاجب: قومي ياملاك قومي. دا انا هيبتي معاكي اداست بشبشب وداس عليها قطر كمان. ملاك بصتله وانفجرت في الضحك. وهو ابتسم بخفه. ملاك بضحك: فدايا يا رعودت قلبى. رعد بصدمه خفيفه: يا ايه؟ رعودت؟ ملاك بصتله وضحكت اكتر. ورعد قومها ووقف عدل بدلته. وبصلها بغيظ.

رعد بغيظ: قال رعودت قال. بقا انا رعد الدمنهوري الي عامل رعب لرجاله بشنبات. تيجي انتي وتقوليلي رعودت؟ ملاك قربت منه ولفت ايديها حواليين رقبته بدلع: بس محدش يقدر يمرمطها غيري يا رعد قلبي. رعد شدها من خصرها: لاء. وانتي الصادقه. انتي دايسه عليها اوي. ههه. اوعي بقا عشان متهورش في المكتب وتبقي فضيحه. ههه.

ملاك بعدت بسرعه لانها عارفه انه قد كل كلمه بتطلع من فمه. وهو بصلها بطرف عينه وابتسم. وقرب باس خدها وخرج. وهيا جريت قعدت على الكنبه وابتسمت. ملاك بحب وضحك: مجنون. بس بحبه. ههه. وطلعت تليفونها ورنت على يونس. ملاك: الوو. يونس: الوو. ملاك: انت لسا في القصر؟ يونس: ااه. لسا هناك وقاعد معاهم اهو. ملاك: الكل موجود؟ يونس: ااه. حتي عمي موجود. ماعدا مايا. ملاك: افتح الاسبيكر. يونس: فتحته اهو. ملاك: كله سامعني؟

قاسم: سامعينك ياملاك. اتكلمي. ملاك ببرود: ارفع راسك ياسياده اللواء. وانتي يانرمين هانم ارفعي راسك ومتخافيش. محمود: يعني ايه؟ مش فاهم. ملاك بسخريه ووجع: يعني مش انا البنت الي عشان تنتقم تحط راس ابوها وامها في الطين. ولا تكسر عيلتها قدام الناس. مهما روحتو ومهما جيتو. انتو اهلي. قاسم: يعني ايه بردو. فهمينا.

ملاك بهدوء: يعني الي اشتغل على الشاشه دا "SD". انا الي امرت حد وحطه في الشاشه. ومحدش شاف الصور دي غيركم انتو وبس. بس الصور حقيقيه. ولا اخلاقي ولا تربيتي تسمحلي اني احط راسكم في الطين. وعمري ماهرد شر بشر. بس دي قرصه ودن بسيطة ليكم. والي جاي لعب على تقيل. وبدأ العد التنازلي يا عيلتي التعيسه. وحق كل دقيقه وساعه انا نمت فيها معيطه او زعلانه او مضروبه ومحدش معبرني. لهحسسكم بنفس الشعور. وخافو مني.

قاسم: اهدي ياملاك وتعالي نتكلم ونتفاهم يابنتي. ملاك ببرود: معتش ينفع. انتو ظلمتوني وكسرتو نفسي. وانا مش هسيبكم. نرمين اخدت التليفون من يونس وبنبره هاديه ولكن ندمانه وحزينه: ملاك. ملاك اتصدمت وبصت للتليفون ودموعها نزلت في صمت. نرمين: ردي ياملاك. ملاك بتمثيل الجمود: نعم. عاوز ايه يا ست هانم؟ نرمين بندم: سامحيني ياملاك. عاوزاكي تسامحيني يابنتي. ملاك دموعها نزلت اكتر وبسخريه: هههه. اسامحك؟

ههه. حاضر. اهو سامحتك. انتي اكتر شخص وجعتيني. نرمين بوجع وتعب: اسمعيني يا ملاك. انا معرفش هكون معاكي تاني ولا لا. بس كل الي اعرفه اني بحبك يابنتي. وفجأه، التليفون وقع. وملاك قلبها اتقبض. محمود بخضه: نرميين. ملاك بقلق: امي. ملاك اترعبت عليها ورمت التليفون وقامت بسرعه وطلعت وهيا بتجري. والموظفين بيبصو عليها بستغراب. وهيا كملت لتحت وركبت عربيتها واتجهت للقصر بسرعه جنونيه. *** في قصر النجار. محمود بقلق: نرميين.

قاسم بصدمه: انتو سمعتو ملاك قالت ايه؟ حسين بنفس الصدمه: دي قالت امي. نيره بإبتسامه: انا واثقه ان الي جاي خير. محمود شال نرمين وطلعها اوضتهم ورن على الدكتوره. وفي نفس الوقت نزلت مايا. مايا ببرود: مالها؟ قاسم بصرامه: ايه الي منزلك؟ مايا بصتله شويه ومردتش. وبتقعد قصادهم وبتلعب في الموبايل. ونيره وحسين واياد وندي بيطلعو ورا محمود.

بعد مده، بتوصل الدكتوره وبتطلع على فوق على طول. وبيطلع وراها يونس وقاسم. ومايا بتبص عليهم ببرود رهيب. قاسم: اهدي يامحمود. محمود بتوتر: خير ان شاء الله. فجأه، بيسمعو صوت فرمله عربيه قوي. اياد: دي اكيد ملاك. محمود: مش معقول. وبيبصو من اعلى. وبيقف الجميع عند السور الي فوق يشوفو مين الي جه. وبيتصدمو لما بيلاقو ملاك بتجري وبتوقع على وشها. بس بتقوم تاني. ملاك بسرعه وقلق: امي فين؟ يامايا. مايا ببرود: اهي فوق.

ملاك بصتلها بغضب. بس مهتمتش وطلعت جري لفوق. لحد ماوصلت عندهم. محمود بصدمه: انا مش مصدق انك جيتي. ملاك بقلق: هيا مالها؟ محمود: لسا الدكتوره جوا. فتحت ملاك الباب وبتدخل وبتقفله. وهما مصدومين. وهيا بتجري عليها وبتقعد على ركبتها. وبتمسك ايدها. الدكتوره: متقلقيش يابنتي. هيا بس زعلانه شويه. وشويه وهتفوق. هيا بخير. ملاك مردتش عليها. وباسلت ايد امها. لاول مره تمسك ايدها. والدكتوره اتنهدت وخرجت وقفتلت الباب.

محمود بسرعه: مالها يا دكتوره؟ الدكتوره ببتنهيده: متقلقوش. شويه ضغط نفسي مش اكتر. وبنتها دي شكلها بتحبها اوي. محمود بذهول: بتحبها؟ الدكتوره: ااه. دي ملهوفه عليها. قاسم: تمام. شكرا يا دكتوره. وصلها يايونس. يونس: تمام. اتفضلي معايا. وبينزل ووراه الدكتوره. محمود لسا هيدخل. مسكه قاسم. قاسم بهدوء: لاء. هيا مش محتاجنها دلوقتي. هيا محتاجه ملاك. صدقني. تنهد محمود ورجع للخلف. ونزلو كلهم تحت. *** في الداخل.

ملاك بدموع: انا اسفه. حقك عليا. انا الي زعلتك. قومي اشتميني وزعقي فيا ارجوكي. انا مش بحب اشوفك تعبانه. ياماما. فجأه، ايد نرمين بتتحرك. وبتحطها على راس ملاك. نرمين بحب: ملاك. ملاك بسرعه وعفويه: انا هنا جمبك يا ماما. نرمين قامت اتعدلت بسرعة وعدم تصديق: ماما. قوليهالي تاني كدا. اول مره اسمعها منك من زمان. ملاك استوعبت وقامت وقفت ومسحت دموعها: لاء. مش القصد. انا. نرمين نزلت وقفت: انتي بجد خايفه عليا؟

ملاك بصتلها شويه: لاء. مكنتش خايفه. هخاف عليكي لييه؟ نرمين اتنهدت: ممكن اطلب منك طلب؟ وهتنفذيه؟ ملاك برفعه حاجب: طلب ايه؟ نرمين فتحت ذراعيها: ممكن تحضنيني. لو لمره واحده. ملاك كانت متردده. دي عمرها ماحضنتها. نرمين برجاء: انا برجوكي ياملاك. ملاك قربت منها. ونرمين حضنتها بقوه وعيطت بنهيار. وملاك رفعت ايديها بدون وعي وحضنتها. وحست شعور اول مره تحسه في حياتها. وابتسمت بخفه. ونرمين بتعيط.

ملاك بعدت فجأه وبصتلها شويه. وفتحت الباب ونزلت بسرعه. ونرمين مسحت دموعها واتنهدت بقوه. ونزلت وراها. *** تحت في الصالون. محمود: انتي مبتحسيش يابت انتي. مايا ببرود: الله. وانا كنت عملت ايه؟ محمود بغضب: امك تعبانه. وانتي قاعده هنا بكل برود. مايا بسخريه: ماحبيبت القلب فوق. قاسم بحده: مايا. انتي زودتيها اوي. واحمدي ربنا ان ابوكي لسا مقتلكيش. مايا بغل: ولا يهمني.

محمود كان هيتكلم. بس لقا ملاك نازله. وباين عليها الضيق. ونرمين وراها. وقربت قعدت. وملاك كانت ماشيه. محمود بهدوء: انتي رايحه فين؟ ملاك ببرود: عندي شغل. محمود بتوتر: ممكن تقعدي معانا لو حابه؟ ملاك بسخريه: لاء. مش فاضيه. جوزي مستنيني. مايا بحقد: والله. وبقالك حد يسأل فيكي. ههه.

ملاك ببرود: والله يا مايا. انا عندي الي يسألو فيا. مالهومش عدد. انما انتي طول عمرك بتاخدي البواقي من ورايا. يمكن كان ظاهر للكل اني انا الي باخد من وراكي. بس لاء. انتي الي بتاخدي الي انا برميه. مايا وقفت وقربت منها: اوعي تفكري اني هسكتلك. لاء. انا هوريكي. والزمن بينا طويل ياملاك. ملاك ضحكت بسخريه.

وحطت ايدها في جيبها ببرود: اعلى ما في خيلك اركبيه. انتي والي يتشددلك. وانا مبتهددش. عشان انا عارفه انا على ايه. انما انتي ملكيش اصل للاسف. وتمامك تحت رجلي. فاهمه؟ مايا بحقد وصوت عالي: هقتلك ياملاك. هقتلك. صدقيني. الي جاي هيوجعك اوي لدرجه مش هتتخيليه. ملاك بصتلها من فوق لتحت بقرف: الي عندك اعمليه. يا بج*حه. يا رخيصه. قالت ببرود: مع السلامه يا جماعة. وحمد الله على السلامه يانرمين هانم. اشوف وشكم على انتقامي من مايا.

وخرجت. ووراها يونس. ومايا بصت عليها بغل وغضب. وطلعت اوضتها. *** في الخارج. بتخرج ملاك ووراها يونس. يونس بسرعه: ملاك. ملاك. ملاك: امم. يونس: عاوز اتكلم معاكي في حاجه. ملاك: قولي. انا سمعاكي. يونس: بصراحه كدا. انا عاوز اتجوز. ملاك بسعاده: اخيرا. ومين اللي خطف قلبك ياريس؟ يونس بحب: يارا الدمنهوري. ملاك بحب وسعاده: ونعم الاختيار. مفيش في طيبة قلبها.

يونس بضيق: انا يمكن عارف انها كانت بتحب رعد. بس هيا نسيته دلوقتي. وانا عاوزها بالحلال. ملاك: والمطلوب مني ايه يا أبو الصحاب؟ يونس بسعاده: تكلمي رعد وتاخذيلي معاد. ملاك ضحكت: من عيوني. سلام. ركبت عربيتها وخرجت. وهو ركب عربيته ومشي. *** في الداخل. اياد: هيا ازاي مايا عندها كمية الغل دي؟ نرمين: مايا اتدلع لحد ما ركبت على الكل. ودلدلت رجليها. قاسم: كلنا غلطنا في حق الغلبانه ملاك.

محمود بغضب: انا مش عارف ازاي بجاحتها جابتها تقول كدا. وقدامنا كمان. حسين: لازم نحطلها حد يامحمود. محمود: هو فعلا. بس لما نشوف اخرتها ايه. *** في شركه الدمنهوري..... وتحديدا في مكتب رعد. بيدخل رعد. ومبيلاقيش ملاك. وبيستغرب. رعد بقلق: ملاك. ياملاك. ودخل الحمام. ملاقش حد. قال بخوف: هتكون راحت فين يعني؟ واخرج هاتفه ورن عليها. بس اتصدم لما التليفون رن على الارض. قرب منه واخده. قال بستغراب: الله. دا تليفونها. في حاجة.

وخرج برا المكتب. رعد بحده للسكرتيره: فين ملاك؟ راحت فين؟ السكرتيره بتوتر: والله يابيه. هيا خرجت بسرعه. وكانت بتجري بطريقه فظيعه. رعد بستغراب: بتجري؟ وخرج بسرعه برا الشركه. وفتح تليفونه وشاف موقعها. واتجه لهناك بقلق.