رواية احببت متمرده الفصل الخامس 5 - بقلم اسماء السيد

بيفتح يونس الباب وبيلاقي رحاب في وشه ولابسه لبس خليع جدا. يونس بغضب مكتوم: إيه اللي جابك؟ رحاب بدلع: إيه ياحبيبي مش عاوز تشوفني؟ يونس بقرف: لأ مش عاوز أشوفك واتفضلي امشي. رحاب: في إيه مالك مش طايقني؟ دي جزاتي إني جايا لك لحد عندك. يونس: بقولك امشي من هنا حالا. ملاك: مين يايونس؟ يونس بتوتر: لأ ياملاك دا واحدة غلطانة في العنوان. رحاب بغيظ: مين دي بقا؟ إنتا اتعرفت على واحدة جديدة ولا إيه عشان كده مش طايقني؟

يونس: إنتي مجنونة؟ يلا امشي من هنا. رحاب قربت منه ولفت إيديها حوالين رقبته بدلع وقربت باستُه، وهوا ضعف واتجاوب معاها. ملاك من وراه: يوونس! يونس بعد بسرعة وبخوف: ملاك أنا... ملاك بدهشة: تاني يايونس؟ دا إنتا حلفت بالله! يونس بتوتر: ملاك هوا... ملاك بغضب: بلا هوا بلا زفت! كان لازم أعرف إنك قذر وعمرك ما هتبطل قذارة. رحاب بدلع: مالك كده يا حبيبتي؟ ماتهدي على نفسك. ملاك بصتلها بقرف: اخرسي ياشرم*طة! مسمعش صوتك.

رحاب بعصبية: احترمي نفسك! يععع بيئة. ملاك بغضب: وعزة وجلال الله لو ما اتخرستي لأكون قتلا*كي حالا! اخرسي! رحاب سكتت بخوف ويونس حاطط وشه في الأرض. يونس بتوتر: ملاك أنا غصب... ملاك بغضب: اخرس! مسمعش صوتك! دي حياتك وإنتا حر فيها. إنتا مجرد ابن عمي مش أكتر، ومن النهارده إنتا من سكة وأنا من سكة، يا ابن عميي..... واتجهت للباب وزقت رحاب وخرجت بغضب. ويونس مصدوم لأنها مبتقولش "ابن عمي" غير لما بتزعل.

رحاب ببجاحة: ولا يهمك ياحبيبي، تعالا ندخل. يونس بغضب: امشي ومشوفش وشك تاني! جتك القرف! وطلع برا وزق رحاب وقفل الباب ونزل جري ورا ملاك. ورحاب اتغاظت. رحاب بتوعد: والله لولا دي أوامر الباشا لكونت قتلت*ك من زمان قوي... عند ملاك. كانت نزلت وهيا زعلانة من يونس وكذبه عليها. واتجهت لعربيتها وفتحتها وركبت. ملاك بحزن: ليه؟ ليه؟ أنا نفسي تبقى أحسن الناس. ليه يايونس... وبقت تخبط المقبض جامد بإيدها.

دورت العربية ولسا هتمشي، وقف يونس في وش العربية. ولف عند الشباك. يونس: ملاك اسمعيني عشان خاطري. والله غصب عني. ملاك بقرف: امشي روح للسنيورة! ما إنتو شبه بعض! ابعد! يونس بغضب: قولتلك غصب عني! افهمي بقا! ملاك مسكته من التيشرت بغضب من شباك العربية وهو مستسلم تماما. ملاك بغضب: انتهت يا ابن عمي! مش عاوزة كلام كتير... وسابته ومشيت بأقصي سرعة ممكنة. وهوا زعل وكره نفسه. في قصر الدمنهوري.

كان متجمع الجميع على العشاء ماعدا رعد. إبراهيم: اومال فين رعد؟ جميلة: لسا مجاش. إبراهيم باستغراب: مجاش؟ حسام متعرفش فين رعد؟ حسام: لأ والله معرفش. سالم: قاسم عطاك الحديد الخام؟ إبراهيم بسعادة: آآآه دا راجل محترم أوي يا بابا. إنتا تعرفه من امتى؟ سالم بابتسامة: قاسم دا عشرة عمر. أنا عارفه من أيام إعدادي، من زمان أوي. ميرفت: ربنا يخليكم لبعض. سالم: آه صح. قاسم عازمنا على العشا بكرة في قصره. إبراهيم: ليه يابابا؟

سالم: هوا اللي طلب عشان العيلتين يعرفوا بعض أكتر. فجأة دخل رعد وكان باين عليه الغضب. سالم: أهلاً بالغالي. تعالي يا حبيبي اتعشى. رعد متكلمش واتجه للكرسي وقعد بهدوء وبدأ ياكل. إبراهيم: مالك يارعد؟ في حاجة مضايقاك؟ رعد: لأ كل حاجة تمام. أنا كويس. جميلة: اومال مالك؟ حساك متضايق. رعد: مفيش ياماما. أنا كويس. سالم: على فكرة رعد جاي معانا. رعد برفعة حاجب: وأنا أجي معاكم ليه؟ وإنتو رايحين فين أصلاً؟

سالم: معزومين بكرة عن واحد صاحبنا. رعد بضيق: لأ مش هاجي. أنا مالي؟ مش فاضي. سالم بغضب: كلكم جايين. حتى حسام جاي. وإنت كمان جاي، فاهم؟ رعد بهدوء: يا جدي يا حبيبي أنا معرفهمش. يبقى هاجي ليه؟ سالم: أنا قلت اللي عندي. هتيجي يعني هتيجي. وإلا والله هزعل ومش هكلمك تاني. ريم بضحك: خلاص بقا يا أبيه وافق. ونبي مش مستاهلة. مروان: أيوا وافق بقا. متبقاش نكدي. يمكن نلاقي هناك واحدة حلوة نشقطها ولا حاجة. إبراهيم: ولد مروان!

مروان بتوتر: آسف يا حاج. مختش بالي. الكل ضحك. زياد: ها قولت إيه؟ رعد بنفاذ صبر: تمام. هاجي. سالم: بكرة تمام. في شقة ملاك. بتدخل ترمي المفاتيح على الترابيزة وبتتجه لغرفته وبتفك السندالة وباخد بيجامة من الدولاب وبتتجه للحمام. بعد مدة بتطلع. ملاك في نفسها: ليه كدا يايونس؟ زعلتني منك. اتنهدت وكانت وجعانة. فتجهت للمطبخ وفتحت التلاجة ملقتش حاجة فيها. فدخلت نامت بجوع وملل. في منتصف الليل.

بتصحي ملاك من الجوع وبتبص على موبايلها بتلاقي الساعة 2 بليل. ويونس متصل عليها حوالي 105 مرة. فقامت رنت على الدليفري. فمردش. فنامت تاني بصعوبة. وبعد وقت نعست. في الصباح في قصر النجار. على الفطار. نيرة: صحيح ياعمي العشا النهاردة بليل. قاسم: أيوا النهاردة. محمود: بس إيه سبب العزومة؟ قاسم: عادي يعني. حبيت أعزمهم. محمود: عيلة الدمنهوري صح؟ قاسم: آه. وكمان ملاك جاية هي ويونس. نيرة بفرحة: يونس جاي؟ قاسم: آه جاي.

محمود بدهشة: وملاك هتيجي القصر؟ قاسم: مش كدا بالظبط. بس أنا عارف هجيبها إزاي. حسين: يارب توافق يابابا. قاسم: إن شاء الله. إيه يانرمين؟ مش مبسوطة؟ نرمين بتوتر: لأ. عادي. مبسوطة. قاسم بضيق: نرمين لو ضايقتي ملاك حسابك هيكون معايا أنا. فاهمة؟ نرمين بخوف: وأنا هضايقها ليه بس ياعمي. قاسم بص ليهم بغضب وتحذير وقام واتجه لخارج القصر. عند ملاك. بتصحي لما بتضيق من الشمس. ملاك: صباح الخير ياملاك ياقمر....

وضحكت على نفسها وقامت اتجهت للحمام. بعد مدة طلعت وهيا لابسة هدوم خروج. كانت واقفة قدام المراية بتسرح شعرها. فجأة موبايلها رن. وكان قاسم. ملاك: صباح الخير يا جدو. قاسم: صباح النور ياملاك. ملاك: عامل إيه النهارده؟ قاسم: الحمد لله. المهم انتي فين؟ ملاك: أنا في البيت. قاسم: طيب تعالي الشركة عاوزك. ملاك: تمام. مسافة السكة يا جدو..... وقفت. بعد شوية بتخلص وبتخرج من الشقة. وتنزل تركب عربيتها وبتتجه لشركة النجار.

في شركة الدمنهوري. بيكون مروان لسا واصل الشركة. بيدخل وبيتجه لمكتبه. السكرتيرة: حضرتك تؤمر بحاجة؟ مروان بجدية: عاوز قهوتي وعاوز ملف الموظفين الجداد. ودخليهم واحد واحد. السكرتيرة: تحت أمرك يافندم.... وبتمشي. في الخارج بتكون قاعدة مرام. مرام: لو سمحتي ممكن أدخل دلوقتي؟ عندي ظروف ومينفعش أتأخر. السكرتيرة: بدور يا آنسة. معرفش أخالف القوانين. مرام بترجي: معلش استأذني البيه. وممكن يوافق. اعتبريني أختك.

السكرتيرة بعصبية: ماقولتلك مينفعش! إنتي مبتفهميش! مرام بتوتر: حضرتك أنا مش قصدي حاجة. السكرتيرة بتكبر: إيه القرف دا... ومرام كانت هتعيط بس مسكت نفسها. طلع مروان على الصوت. مروان: في إيه؟ السكرتيرة بعصبية: الآنسة بتقول عندها ظروف ومينفعش تستنى. مروان بص عليها وهيا مرفعتش عينها ليه حتى. مروان: ورايا يا آنسة... ودخل والسكرتيرة اتغاظت ومرام فرحت. دخل مروان وقعد ومرام واقفة قدامه. مروان: اتفضلي اقعدي.

قعدت مرام ومروان باصلها وساكت. مروان بزهق: هتفضلي ساكتة كتير؟ مرام بتوتر: لأ. اتفضل.. ومدتلها ملفها. أخده منها وبص فيه شوية بدقة. مروان: إنتي معاكي تجارة انجلش؟ مرام: آه. مروان: تمام. أنا هعطيكي ورقة ولو عرفتي تترجمي اللي فيه هشوف. مرام بتوتر: تمام حضرتك. فتح مروان ملف وطلع منه ورقة وعطاها لمرام. أخدتها مرام وبصت فيها.

مرام بجدية: الرسالة دي بالإيطالي بيقول فيها إنه مستنيك يوم 25 تيجي تمضي عقود الصفقة اللي تمنها 200 مليون جنيه مصري أو 3 مليون دولار أمريكي. وإنه منتظرك على أحر من الجمر لأنه يحب التعاقد مع شركات الدمنهوري. من مارك مادسون. تحياتي مروان الدمنهوري. مروان بإنبهار: إنتي مقبولة طبعاً وهتكوني السكرتيرة الخاصة بتاعتي. مرام بفرحة: بجد؟ شكراً لحضرتك جداً. مروان: هتبدأي شغل من بكرة يا آنسة مرام.

مرام: شكراً. أنا متشكره. بس لو أعرف المرتب كام؟ مروان: المفروض 8 آلاف. مرام: تمام حضرتك. ممكن أمشي؟ مروان: اتفضلي. قامت مرام وخرجت ومروان كمل شغل. في شركة النجار. بتدخل ملاك مكتب قاسم على طول بس متعرفش إنه كان قاعد مع ناس. ملاك: صباح الخير. قاسم بضحك: صباح النور. ملاك بإحراج: سوري. ما أخدتش بالي. قاسم: تعالي ياملاك. قربت ملاك وقعدت جنبه. قاسم: أعرفكم ملاك حفيدتي. الرجال: أهلاً بيكي. تشرفنا. ملاك: أهلاً.

سيف بإعجاب: ألف سلامة عليكي يا هانم. ملاك بحدة: الله يسلمك. قاسم إنتا هتطول؟ قاسم: 10 دقايق. ملاك: تمام. وقامت اتجهت لمكتب قاسم وقعدت على كرسي الإدارة. وقاسم ابتسم عليها. وسيف عينه متشلتش من عليها. بعد مدة بيخلصوا وبيمشوا. وملاك بتروح تقعد على الكنبة اللي قصاده. ملاك: أوووف كل ده؟ قاسم: دا كلها 10 دقايق. ملاك: قصدك 10 ساعات. المهم في إيه؟ قاسم بهدوء: هطلب منك طلب ومتخذلنيش لو بتحبيني. ملاك بحب: من عيوني يا جدو.

قاسم: عاوزك تيجي القصر النهاردة ومتكسفنيش عشان خاطر جدك. ملاك: بس أنا مش هق... قاطعه قاسم. قاسم: معلش عشان خاطري. أنا معرفتش أخلي العشا برا القصر. اتكسفت أكلمه يقول إن مش عاوز في بيتي ولا حاجة. أرجوكي يا ملاك. ملاك بتنهيدة: عشان خاطرك يا قاسم يا عسل. أنا هاجي. بس ارجوك مش عاوزة حد يدايقني أكتر ما أنا... قاسم بسعادة: متقلقيش. محدش هيفتح بوقه. وفتح دراعته وملاك قامت حضنته. في المساء في قصر النجار.

وصلت عيلة الدمنهوري كلها مع بعض. وقابلهم قاسم وحسين ومحمود على الباب. قاسم بسعادة: أهلاً يا سالم. أخيراً شفتك. وحضنه. سالم: والله واحشني يا صاحبي. قاسم: دا إبراهيم. إبراهيم قرب وسلم عليه هوا وعلى والشباب. حتى رعد. وسلم الجميع على بعض. قاسم: اتفضلوا جوا. اتفضلوا. دخل قاسم ومعاه سالم والباقي وراهم. والعيلة كانت بتبص بإنبهار على قصر النجار. لأنه ميقلش عن قصرهم حاجة. بس كان في حاجة مميزة بتجذب.

قاسم: اتفضلوا. والعشا كلها دقايق ويجهز. قعد الجميع في الصالون ورعد طول الوقت بينفخ. زياد بهمس: فك وشك. رعد فعلاً هدأ. محمود: منورين يا جماعة. منور يا رعد. رعد: بنورك يا سيادة اللواء. فجأة دخل يونس. يونس: مساء الخير. الجميع: مساء النور. رعد وحسام وزياد اتصدموا لما شافوه. قاسم: دا يونس حفيدي. ابن حسين ابني. يونس: أهلاً يا جماعة. الكل: أهلاً بيك. ميل يونس على قاسم: هيا ملاك فين؟ قاسم: مش هتيجي.

يونس اتضايق وبيروح يقعد جنب أياد. بعد مدة دخلت ملاك من باب القصر. وكانت لابسة بلوزة سودة بنص كم وبنطلون أسود وعاملة شعرها ديل حصان ولابسة السندالة وكوتشي أبيض. ملاك: مساء الخير. اتصدم الشباب من وجود ملاك وهيا مأخدتش بالها. ويونس بص لها بحزن. وعيلة الدمنهوري انبهروا بجمالها. قاسم بسعادة: أقدم لكم ملاك النجار. حفيدتي. بنت محمود ابني. صدم الشباب لما عرفوا إنها بنت عيلة النجار. وبنت عم يونس. وبنت اللواء كمان.

قامت نرمين وجريت عليها. نرمين بخوف: سلامتك يا حبيبتي. مايا فيكي إيه يا حبيبتي؟ طمنيني عليكي يا مايا. ملاك بصتلها بضيق وقهرة: الحمد لله. بس أنا ملاك. نرمين استوعبت وبصتلها بصة غريبة ورجعت قعدت مكانها تاني. ومتكلمتش. والعيلة مصدومة. وملاك بصت لقاسم. وهوا هداها بعيونه. راحت ملاك قعدت جنب قاسم. نيرة: حمد الله على سلامتك يا حبيبتي. ملاك: الله يسلمك. يونس بتوتر: عاملة إيه ياملاك؟ ملاك بصت له بغضب: كويسة.

أخدت بالها من رعد والشباب واتعصبت أكتر. ملاك: إنتو بتعملو إيه هنا؟ رعد ببرود: إحنا ولاد الدمنهوري. ملاك بصت له بكره وضيق. والعيلة استغربت. ويارا بصت لها بشر. قاسم: اتفضلوا. العشا جاهز. قام الجميع واتجه للسفرة. قعدت ملاك جنب أياد. ويونس راح جمبها. وهيا كانت هتقوم بس مرضيتش عشان العيلة. يونس ميل عليها: سامحيني ياملاك. حقك عليا.

ملاك بصت له بغضب ومردتش عليه. وهوا زعل. ورعد بيبص عليها من تحت لتحت وحاسس إنه مضايق من الكلام اللي قاله. نرمين: خدي بشاميل يا حبيبتي. إنتي بتحبيه. ملاك بقهر: بس أنا مبحبش البشاميل. نرمين: لأ إنتي بتحبيه. خدي بانيه كمان. أهو. ملاك بصت لقاسم. وهوا بص في الأرض. ومكنش عارف يتكلم. ورعد باصص على ملامحها وكان حاسس بنغزة في قلبه مش عارف سببها. نرمين: مابتكليش ليه يامايا؟ أجيبلك بفتيك؟ إنتي بتحبيه.

ملاك بنفاذ صبر: أولاً أنا مبحبش البشاميل ولا البانيه ولا حتى البفتيك. ثانياً أنا مش مايا. أنا ملاك. نرمين استوعبت: آآه. ملاك. معلش. مأخدتش بالي. تمام. كلي كلي. محمود بتحذير: نرمين... نرمين أكلت وملاك اتخنقت. ميل عليها أياد: متزعليش يا ملاك. يمكن مش قصدها. ملاك بكسرة: لأ. ولا يهمك. أنا تمام. سالم: إنتي بجد ظابط يا ملاك؟ ملاك: آه يا جدو. سالم: ما شاء الله. على كده إنتي مع رعد؟ ملاك بضيق: آه. يارا بصت لها بكره وضيق.

جميلة: ربنا يوفقك يا حبيبتي. ملاك بابتسامة: تسلمي حضرتك. نرمين: صحيح. أنا عملتلك فطيرة التفاح اللي إنتي بتحبيها. يامايا يا قلبي. ملاك بغضب: والله أنا ما بحبها. وأنا ملاك مش مايا. عن إذنكم. هستأذن أنا. عندي مشوار. قاسم: ملاك استنى. ملاك بقهر: سوري يا قاسم. أنا لازم أمشي. يونس: طيب استني نمشي سوا. ملاك: ملوش لازوم يا ابن عمي. اتصدمت العيلة. لأنهم عارفين إن ملاك مبتقول "ابن عمي" دي ليونس أبداً.

سالم: إنتي مش عاوزة تقعدي معانا ولا إيه؟ ملاك: لأ يا جدو. مش القصد. قاسم: طيب امسكي اشربي. وهتهدي إن شاء الله. أخدت ملاك الكوباية وشربت. نرمين: إنتي زعلتي يامايا؟ ملاك بقهر: قولتلك مليون مرة. أنا ملاك مش مايا. محمود: ما كفاية بقا يا نرمين. إيه؟ استني يا ملاك. نرمين ببجاحة: سيبيها تمشي. دي واحدة عاقة بوالديها.

ملاك اتعصبت لدرجة إنها ضغطت جامد على الكوباية فتكسرت في إيدها. والد*م كان بينزل. والكل اتصدم. ورعد قلبه اتقبض. نيرة: إنتي كويسة؟ ملاك بوجع: أنا تمام. عن إذنكم. وخرجت. ويونس كان عاوز يروح وراها بس مرضاش يدايقها. قام رعد وخرج وراها. ومحدش أخد باله. عند ملاك. طلعت من القصر بغضب وألم في قلبها. وركبت عربيتها ومشيت بأقصى سرعة. ورعد طلع وراها وركب عربيته وطلع وراها.

وصلت ملاك عند البحر ونزلت من عربيتها واتجهت للبحر. وقعدت على أحد المقاعد اللي على البحر. وكان المكان خالي من الناس. ورعد وصل بس وقف بعيد. ملاك بقهر وصراخ: اعععععععععع! ليه؟ أنا عملت إيه؟ أنا معملتش حاجة! لييييه؟ أنا ليييه؟ أنا بكرهكم كلكم! اعععععع! يار*ب أنا تعبت يا*رب! معتش قادرة! كفاية!

وضحكت هستريياً. وبعد كده اتحول الضحك لبكاء شديد. انهارت ملاك من البكاء والصراخ. ورعد كان شايفها وكان حاسس إنه عاوز ياخدها في حضنه. بس منع نفسه. بس فجأة...