رواية احببت متمرده الفصل الخامس والثلاثون 35 - بقلم اسماء السيد

الدكتورة برعب: الحق يارعد بيه، قلبها وقف. الجميع اتصدم ورعد حس إنه اتشل و روحه طلعت. بص لها بذهول وجرى على جوه. لاقى الممرضين حاولوا بصاعق، ومفيش استجابة. دخل وراه يونس، والممرضين مرضوش يدخلوا حد تاني. رعد بجنون ورعب: مستحيل، ملاك مش هتسبني. وقرب واخد الجهاز من الممرضة بجنون، وهما خافوا منه وبعدوا. وهو بدأ ينعش قلبها، وهيا كانت بتترفع من على السرير وتنزل وهو بيحاول.

رعد بوجع وعدم استيعاب: لأ، نبي لأ. ملاك، استحلفتك بالله اللي عرفتيني طريقه، تقومي. مش انتي قولتيلي ادعي وربنا هيديكي اللي بتتمنيه؟ يارب، يارب خليها تقوم. يارب، لأ مش هقدر. ورما الجهاز وقرب وبدأ ينعش قلبها بإيده كذا مرة وهو بيترعش ومنهار لأول مرة. يونس بجنون ووجع: لأ، اوعى كدا ملاك. وانهار على الأرض من الحزن والصدمة. ورعد مستسلمش وبقى يحاول ينعش قلبها لدرجة إن الممرضين والدكتورة عيطوا من منظره اللي يوجع القلب.

فجأة جهاز القلب بيجيب نبض تاني. الدكتورة بفرحة: رعد بيه، قلبه نبض تاني. رعد بص لها وبص للجهاز بعدم تصديق، وحط إيده على قلبها تاني ولاقى بينبض. ويونس جري عليها ولاقى الجهاز نبض. رعد بوجع ومسح دموعه ولكن بإبتسامة: كنت متأكد إنك مش هتسبيني. الدكتورة قربت وفحصتها وظبطت الأجهزة عليها تاني كويس. ويونس خرج وبلغ العيلة اللي كانت لسه تحت الصدمة. ورعد خرج برا الغرفة ومكلمش حد. وبرا المستشفى كلها. قاسم بفرحة: بجد؟

يعني نبضها رجع تاني؟ نيره بسعادة: الحمد لله يارب. جميلة ابتسمت بحب: اللهم لك الحمد يارب. خرجت الدكتورة وهما قربوا منها. محمود: هيا كويسة دلوقتي يا دكتورة؟ الدكتورة بإبتسامة: الفضل يرجع لربنا ثم رعد بيه. هو اللي مستسلمش وأنعش قلبها على آخر لحظة. ودي معجزة أول مرة أشوفها في 20 سنة طب. ابتسم الجميع ما عدا هنا اللي كانت بتغلي وخرجت برا المستشفى كلها. عند رعد...

كان ماشي على رجله وما أخدش عربيته حتى. وكان زي التايه لأول مرة. رعد بغصة وجع: أول مرة تبقى ضعيف كدا. بس متنكرش إنك غلطان. أشكي لمين؟ أنا بعدك. ابتسم فجأة وافتكر حاجة: أنا عارف أنا هروح لمين يسمعني. وفضل ماشي لحد ما لاقى مسجد. دخل رعد لأول مرة في حياته، وخلع جزمته برا ودخل. وحس براحة أول ما حط رجله داخل المسجد. ولاقى راجل مسن قاعد بيقرأ قرآن على جنب. فقرب منه. رعد بهدوء: لو سمحت يا حاج، ممكن أعرف أتوضى منين؟

الراجل رفع بصره وبصله بإبتسامة هادية وطيبة: من هنا يا ابني، يمين. بص رعد مكان ما شاور واكتفى إنه يبتسم له واتجه للمكان. واتوضى وطلع واستقام وبدأ يصلي لأول مرة في حياته في مسجد.

قال وهو ساجد ودموعه نزلت: يارب، أنا جيت أتأسفلك. يارب أنت عطيتني نعم كتير أوي ونجتني من حاجات وحشة كتير وأنا كنت بردلك ده بالمعاصي. فيارب اللهم إني أعلنت التوبة من جميع المعاصي اللي أنا عملتها. شكراً يارب، شكراً على كل الخير والنعم اللي في حياتي، وأكبر نعمة وهي ملاك. أنا عارف إني غلطت يارب تسامحني. يارب قومهالي بسلامة يارب إنك غفوراً رحيم.

وبعد مدة بيخلص صلاة وبيحس إنه مرتاح وكأنه طاير. وفضل قاعد يستغفر ويدعي زي ما ملاك علمته. وما قامش علطول. بس فجأة لقى الراجل الكبير واللي كان إمام الجامع قعد جنبه بهدوء. الإمام بإبتسامة بشوشة: حرماً. رعد بص له باستغراب ومكنش عارف يرد. الإمام بضحكة هادية: لما حد يقولك حرماً، تقوله جمعاً يا ابني. شكلك جديد في الإسلام.

رعد بإحراج: لأ، أنا مسلم. بس زي ما تقول كدا مكنتش أعرف حاجة عن الإسلام والدين خالص. بس الحمد لله ظهر في حياتي ملاك من السما وبدأ يعلمني. الإمام ضحك بخفة وهدوء: مالك يا ابني؟ حاسك شايل هم ما يتلم على دماغك مش كدا. رعد اتنهد بوجع: الصراحة آه. أنا غلطت غلطة كبيرة وبسببي مراتي في العناية المركزة ومش عارف أعمل إيه. الإمام حط إيده على كتفه الصلب المعضل: واضح إن جسمك قوي جدا وإنك ذكي جدا كمان. بس ناقصك حاجة واحدة.

رعد بص له باستغراب: تقصد إيه؟ الإمام بهدوء: ناقصك إيمان يا ابني. لازم تكون مؤمن بربنا الواحد الأحد. ومن أركان الإيمان الصدقة. فتصدق لوجه الله وشوف عجائب قوته بعدها. وأبشر يا ولد. رعد ابتسم وشكره. وباس راسه بهدوء وامتنان وخرج بسرعة. بعد مرور أسبوع...

كانت ملاك لسه ما فاقتش. وكل يوم رعد عندها وبينام في المستشفى جنبها. ويونس كل يوم بيروحلها. وأياد ساعات كتير بيروح يتطمن عليها. وحسام كل يوم بيروح يتطمن عليها. وعلاقته اتطورت هو وريم. ومايا كانت مقهورة إن اللي هي بتخططله باظ. وعاصم ساب مصر خالص وساب قلبه مع ملاك ومشي عشان تكون سعيدة بس. والعيلة كلها اتغيرت مع مايا. حتى نرمين اللي بقت دايما سرحانة وساكتة. وهنا اللي اختفت من أسبوع ومظهرتش. وواضح إنها بتخطط لحاجة.

في قصر النجار... وتحديداً على الغداء. بيكون متجمع الجميع ما عدا يونس. قاسم: عملت إيه في المستشفى يا أياد؟ أياد بحزن: لسه على نفس وضعها. ورعد يا حبيبي كل يوم عندها وبايت معاها. قاسم باستغراب: هو إيه سبب إن هيا يجرالها كدا؟ محمود بتنهيدة حزينة: جالها نوبة هلع وخوف من الضلمة. فإنهارت. بص الجميع لبعض وسكتوا. ومحمود حط وشه في الأرض. مايا بلامبالاة: متقلبوش، هتقوم هيجرالها إيه يعني. نرمين

بإنفعال ووحدة لأول مرة: إنتي معندكيش قلب. اتصدم الجميع وبصوا لبعضهم بذهول. حتى مايا ذهلت. ونرمين بصتلها بضيق وخرجت من القصر. حسين بذهول: إيه ده؟ إيه دي؟ ومكنش قاسم بدهشة: آه والله ما أنا مصدق. في المستشفى... وتحديداً في غرفة ملاك. كانت لسه نايمة زي ما هي. ملامحها حزينة. ورعد كان في الشركة زي كل يوم. وبيرجع ينام جنبها بليل. فجأة الباب بيتفتح. والصدمة لما بتدخل نرمين. اللي أول مرة تزورها أو تحس بمشاعر الأمومة ناحيتها.

قربت وقعدت على الكرسي بجانبها. ومسكت إيدها لأول مرة. ومشت إيدها على شعرها الناعم لأول مرة في حياتها. وكانت بتبكي في صمت.

نرمين بدموع صدق: سامحيني. أنا عارفة إنك زعلانة مني. وإن وجعك مني في كفة. ووجعك من كل الناس والعيلة في كفة. صدقيني أنا مكنتش بكرهك. بس كنت بحس منك بنفور. والله ما أعرف ليه. أنا عارفة إني غلطت في حقك كتير يا قلب أمك. يمكن أول مرة أقولهالك. بس والله العظيم أنا اتغيرت أوي وبقيت بحبك جدا. أبوس إيدك فوقي وزعقي واتعصبي واعملي اللي انتي عايزاه. وباست إيدها مرات متعددة. نرمين وهيا أول مرة تدقق

في ملامح ملاك البريئة: إنتي طلعتي جميلة أوي يا ملاك. أنا كنت غبية أوي إني ضيعت مني ومنك أيام كتير لإهتمامي بمايا. بس صدقيني أنا اتغيرت والله. فوقي ارجوكي يا ملاك. ولاحظت إن دموع ملاك بتنزل من غير أي تعبير. وكأنها سامعة كل حاجة وكل كلمة اتقالت. نرمين ابتسمت من بين دموعها: إنتي سامعاني يا ملاك؟

يا بنتي ارجوكي فوقي. أنا أمك يا عمري. صدقيني مكنش ليا عين أجلك والله. الفترة اللي فاتت كان الندم بيقطع فيا يا ملاك. أنا آسفة لو سامعاني. حقك على قلبي يا ملاك. اصحي. وأنا والله مستعدة لأي عتاب. لأي حاجة. أنا عارفة وقلبي حاسس إنك كنت مستناني أنا اللي أجلك. أنا أول مرة هطلب منك طلب. ارجوكي فوقي يا ملاك. أنا برجوك يا عمري. وقربت باست إيدها ورأسها. وهمست في ودنها حاجة وخرجت. في المساء...

بيدخل رعد ومعاه ورد. زي كل يوم. وبيفتح الباب بهدوء. رعد بحب: جبتلك ورد أحمر من اللي بتحبيه زي كل يوم يا ملاكي. بس جحظت عيونه. وكانت الصدمة لما لاقى سريرها فاضي.