رواية احببت متمرده الفصل السابع والعشرون 27 - بقلم اسماء السيد

في قصر النجار..... بيكون العيله متجمعه علي الغدا. حسين: انت مرحتش الشركه لييه يونس ببرود: اصلي هاخد اجازه كام يوم وهقعد هنا مش هخرج. اياد بهدوء: انت كويس؟ يونس هز راسه. مايا بحقد: يعني هتقعد عاطل ولا ايه؟ يونس بحده: مايا احترمي نفسك انا قاعد في قصري وليا الحق فيه اكتر منك يعني اقعد براحتي اعمل الي علي كيفي فاهمه يا صفر. مايا بغل: تصدق انك ممهزيء. قاسم بصرامه: مايا احترمي نفسك وانت يايونس تحط لسانك في بوقك وتسكت.

نرمين: وهيا كانت قالت ايه يعني ما يونس الي بدأ. قاسم: انتهينا كل واحد يقفل علي الي عنده. فجأه بيرن جرس باب القصر وبتتجه احد الخادمات وبتفتح. وبيكون عاصم والجميع بيتصدم معادا مايا الي بتبتسم بخبث وبتبص لندي بشماته الي مسكت في دراع اياد. عاصم بحده: ازايكم؟ مايا بتمثيل الدهشه: عاصم بتعمل ايه هنا وايه الي جابك؟ عاصم: ملكيش فيه. اياد بحده: عاوز ايه يا عاصم؟ عاصم بغضب: عاوز بنت عمي الي هربت من ورانا وانت اتجوزتها يا اياد.

اياد وقف بغضب وشد ندي وحطها ورا ضهره: مراتي مش هتتحرك من هنا. عاصم: يعني ايه انت متجوزها من ورا اهلها؟ اياد ببرود: ابوها وامها ميتين وانت وابوك مرمطتوها عاوز ايه تاني بعد ما اخدتو ثروتها وكنتو هتجوزها راجل قد ابوها بالغصب انطق. عاصم اتوتر ومبقاش عارف يرد: انا مليش دعوه بالكلام دا انا الي يخصني اني هاخدها معايا وامشي. يونس: وانت عرفت منين انها هنا؟ عاصم ببرود ولا مبالاه: مايا اتصلت عليا وقالتلي.

الكل بصلها بصدمه حتي نرمين ومايا اتوترت. مايا بتوتر: هو هو الحكايه مش كدا. اياد بحده: انتي تخرسي خالص فاهم. عمي ربي بنتك عشان قسماً بالله لسا ليها تكه... ومسك ايد ندي وخرج من القصر. عاصم بحده: هيا ملاك اتجوزت بجد يايونس؟ يونس بسخريه: لحقتي بلغتيه يا صفرا ااه ياعم اتجوزت وهتطلق قريب لان جوزها كان عشان المهمه بس. عاصم ابتسم بفرحه وسلم علي يونس وخرج لانه كان جاي عشان ملاك وندي مش فارقه ليه اصلا.

يونس بسخريه: يخص عليكي شكلك بقا وحششش يعع. انا طالع اصل هرجع من الصفار.... وطلع فوق. محمود: ايه الي هو قاله دا يا مايا فهميني. قاسم بحده: ماتنطقي. نرمين: اهدو يا جماعه يمكن ما كنتش تقصد. حسين: اتخرستي ما تتكلمي. مايا بضيق: انا كلمته عشان يجي يخلصنا منها لانكم مش طايقنها وانا كنت عاوزه ارضيكم بس.

سنيره بعقل: بس انا تقبلتها البنت هاديه وعسوله ومأذتش حد خالص وبعدين طالما ابني بيحبها وعاوز كدا يبقا براحته انتي ايه داخلك ببقا وليه تشيلي النفوس من بعضها. مايا بصتلها بغل: خلصنا بقا قولت نيتي كانت خير. نرمين: اهدي يامايا.. وقربت تمسك ايدها. مايا شدت ايدها بقوه وطلعت فوق. قاسم بندم وسخريه: وكنتو بتقولو ملاك عاقه بوالديها ههه.. وسابهم واتجه لمكتبه. وبصلها الجميع بشفقه واستحقار وسابوها ومشيو. في شقه ملاك...

وتحديدا في المطبخ. كانت واقفه ملاك ولابسه قميص ابيض لحد الركبه وخفيف وبحمالات رفيعه وعليه فراشات من اللون الاسود وكانت عامله شعرها بشكل فوضوي ومنزله خصلتين وكانت حقا شديدة الجمال. وكانت واقفه فاتحه اليوتيوب علي الاب توب وبتحاول تعمل كيكه ورعد كان بياخد شاور. ملاك بغباء: تب انا احط البيض وميه ولا بيض ودقيق ولبن اعمل ايه؟ واتعصبت بطفوله وقفلت الاب توب بقوه.

ملاك بغضب طفولي: نينينيني قال بيض قال هو احنا بنعمل اومليت ازاي بيض وكمان عليه زيت ودقيق انا هعمل انا دا انتي ست معفنه لاء وكله ناديه السيد الي بتقول المكونات موجوده في كل بيت والمكونات محتاجه قبض شهريين. حاجه تشلل. فجأه لقت رعد بيحضنها من ضهرها وبيحاوطها وكان عاري الصدر وشعره مبلول وكان وسيم. رعد بضحك: انتي بتكلمي نفسك لييه بقا يا اميرتي؟

ملاك بزعل طفولي: نفسي في كيكه بشكولاته ومش عارفه اعملها والست بتبرطم وانا مش فاهمة. رعد ابتسم: طيب ممكن اطلبهالك اسهل؟ ملاك بعند طفولي: لاء انا عاوزه اعملها انا... ودبت برجلها في الارض وهو ضحك وشالها حطها علي الرخامه وقرب وحط ايده علي حافه الرخامه محاوطها. وبص علي المكونات لاقها عكت الدنيا. رعد بضحك: ههههه ايه الي انتي هببتيه دا يا بت.

ملاك عقدت ذراعيها بغيظ: انا معملتش حاجه هيا قالت كيكه ببيضه واحده وعليها اربع كوبيات ميه وخل ومش عارفه ايه. رعد بصلها بدهشه وانفجر في الضحك وملاك شدت شعره بغيظ: سيبي شعري يا غبيه. ملاك بخبث: انا غبيه؟ رعد برفعه حاجب: ااه وحماره كمان. ملاك: كمان حماره ماشى. رعد: هتعملي ايه؟ ملاك بخبث: ولا حاجه هعمل كدا.... ورشت عليه دقيق. رعد بضحكه خبيثه: احنا فينا من الكلام دا. ملاك بعند: ااه ... ورشت عليه تاني.

ورعد رش عليها هوا كمان وهيا ضحكت وهو كمان وفضلو يرشو على بعض ويلعبو. رعد بغيظ: عاجبك كدا ناقص تحطيني في الفرن. ملاك: هفكر تصدق. رعد ابتسم بخبث وقرب شالها وهيا استغربت وهو اتجه للحمام وهيا حاولت تبعد لاكن هو كان اقوي منها وبيدخل وبيقفل الباب. بعد مده بتخرج ملاك وهيا لابسه البورنس ومتغاظه ورعد وراها ولابس بنطلون ميلتون اسود وبيضحك. وهيا بتبرطم وبتلبس وبيطلعو ينضفو المطبخ سوا. ورعد بيشوف طريقه الكيكه تاني.

في شركه الدمنهوري.... وتحديدا في مكتب مروان. كان مروان قاعد وبيشتغل وكان معاه اجتماع اونلاين. مروان بزهق: خلصنا بقا انتو 35% واحنا 65% اوكي. فجأه اتفتح الباب بسرعه ودخلت مرام ومروان بصلها بطرف عينه وكمل عادي وكانت شايله شنطه قماش وقربت قعدت علي الكنبه. مروان: اوكي نكمل لما رعد يحضر.... وقفل ومستناش الرد. وقرب وقعد جمبها. مروان بستغراب: ايه دا يا ست مرام وانتي اتأخرتي كدا لييه؟

مرام بإبتسامه: جبتلك حاجه انت بتحبها اوي. مروان بسرعه: ايه؟ مرام مدت ايدها وطلعت علبه وفتحتها وكانت محشي كرمب ومروان اتصدم. مروان بذهول: دا اايه دا؟ مرام بلا مبالاه: محشي. مروان ضحك بقوه: محشي في الشركه ههههه هموت. مرام ضربته علي كتفه بغيظ: يلا دوق وقول راي. مروان بسخريه: انتي عبيطه يابت محشي ايه دا الي هاكله في الشركه ناقص القيكي جيبالي دكر بط. مرام: الله انت عرفت ازاي لاء انت سرك باتع.

مروان بذهول ودهشه: انتي جايبه بط في الشركه يامرام؟ مرام هزت راسها ببساطه وهو خبط علي جبينه بنفاذ صبر. واتنهد وابتسم وهيا اتوترت. مرام: جرا ايه يا مديري العزيز عاوزه اغذيك وبعدين انا بقالي كام يوم مشوفتكش عادي. مروان بصلها شويه وابتسم غصب عنه و عيونه لمعت ومرام كانت هطلع الاكل. مروان لحقها. مروان: بالله ما حصل هيا ناقصه فضايح.

مرام: اومال اعمل ايه انا واقفه بعمله من الصبح عشان تتغدا بيه ومجتش عشان الشغل لاني مكنتش هاجي. مروان بمرح: عامله جلاش؟ مرام هزت راسها ومروان: هاتي الكنز دا وتعالي ورايا ننروح نقضي عليهم في البيت. انفجرت مرام في الضحك ومروان تاهه في ضحكتها وضحك بس فجأه الباب اتفتح ودخلت السكرتيره الي اتغاظت ودهشت من ضحكهم سوا. مروان بحده: انتي ازاي تتدخلي كدا ياحيوانه انتي مش في باب تخبطي عليه؟

السكرتيره بتوتر: اسفه يا مستر مروان بس هو مرام بتعمل ايه هنا؟ مروان بغضب: وانتي مالك يا بني ادمه انتي ويلا روحي شوفي شغلك. ووقف وشال الشنطه ومرام وقفت وخرج وهيا وراه بتوتر والسكرتيره توعدت ليها لانها معجبه بيه. في شقه ملاك..... وتحديدا في المطبخ. كان واقف رعد امام الرخامه والاب توب امامه وبيتفرج علي طريقه الكيك بتركيز وملاك واقفه وجمبه بزهق. ملاك بملل: خلصنا يا عم سيبك انا زهقت.

رعد قرص خدها بخفه ووقفها قدامه وضهرها ليه وحاوطها بوضع يده علي حافه الرخامه وحط راسه علي كتفها وكمل مشاهده بتركيز وملاك مبتسمه. رعد بسعاده: يلا هنعملها سوا انا فهمت كل حاجه. ملاك: بس دي صعبه اوي يارعد. رعد بحب: ولا صعبه ولا حاجه وعشانك هحاول. ملاك ابتسمت ورعد بضحك: انتي عارفه انا الحاجه الوحيده الي زعلان عليها ايه؟ ملاك: اممم ايه هي؟

رعد بغيظ: هيبتي الي ضاعت بقا رعد الدمنهوري يقف في المطبخ ومره يطبخ وكمان واقف بيتعلم طريقه الكيكه يا وجع الهيبه الي ااتمرمطت في الدقيق. ملاك بصتله شويه وانفجرت في الضحك وهو ضحك عليها. وملاك قربت منه بدلع ولفت ايديها حوالين رقبته وبقت قريبه منه جامد. ملاك بدلع: بس متنكرش انها مبتمرمطش غير معايا........ رعد شالها زي الاطفال وهيا لفت رجلها حول خصره.

رعد بإبتسامه خبيثه وحب: الصراحه عمرها مظهرت لحد غيرك ياملاكي انا عمري ماكنت اتوقع اني هحب كدا انا في مشاعر اول مره احسها معاكي بجد نفسي اسمعها بق. ملاك: هيا ايه؟؟ رعد بحب: بحبك ياملاك. ملاك بتنهيده وحب: وانا انا... وكانت متوتره ورعد كان بيبصلها بلهفه. ملاك بسرعه: انا بحبك يا رعدي. رعد بدون وعي ضمها لصدره اكتر وكأنه هيخبيها بين اضلاعه واتنفس بقوه وراحه: انتي عارفه اني دعيت بيكي في الصلاه وانك تحبيني. ملاك

ابتسمت وحضنته وباست خده: تب يلا بقا عشان الكيكه. رعد بخبث: ما تسيبك من الكيكه دلوقتي. ملاك بخجل: ببطل قله ادب بقا ويلا بدل ما اطلع الست الالمصريه الي جوايا وانكد عليك. رعد بسرعه: لاء وحياتي خلاص يلا. ملاك ضحكت وبدأو يعملو الكيكه سوا. ملاك بدهشه: انت هتحط خمس بيضات لييه كتير؟ رعد: هشششش انا عارف انا بعمل ايه اسكتي هاتي علبه اللبن والفانيليا والكاكو لو فيه.

ملاك: ااه فيه عشان بحب احطه علي اللبن عشان مش بشربه كدا طعمه وحش. رعد بضحك: طفله انا متجوز طفله. ملاك ابتسمت بغيظ وراحت جابت الحاجات. بعد مده طويللله. رعد بتنهيده: واخيرا انا لو كان فاتني مخلص 10اجتماعات في الساعات دي. ملاك بحماس: تب يلا طلعها يلا. رعد: اطلعها ايه دي هتقعد جوا 40 دقيقه لحد ما التيمر يقف زي ماهيا قالت. ملاك بطفوله: تب هات ادوق الصوص الشوكولاته الي انت عملته دا هقيم. رعد ابتسم وحط

صباعه في الصوص عشان يغظها: دوقي لو تقدري. ملاك بمرح: مع اني بقرف بس دي شوكولاته... ومسكت صباعه واكلته. رعد بألم: اااه يا بنت العضاضة. ملاك بإعجاب: واو الصوص تحفه كمان ونبي. رعد مسكها من ايدها وخرج برا وطلع الصاله وقعدها علي الكنبه ونام علي رجلها وهيا مشت ايدها علي شعره بحب. رعد: اصلي لو سبتك جوا هتخلصيه. ملاك ابتسمت وهو كان بيبصلها بحب: انتي عارفه. ملاك: لاء والله ما اعرف. رعد بضحك: بس يالمضه بتكلم جد بقى.

ملاك ابتسمت: امم. رعد بصدق: انا عمري ماكنت سعيد كدا وبعد ما الاسبوع الي هنقضيه سوا لوحدنا وبس هجبلك فيلا حلوه وتفرشيها علي ذوقك وتسيبي هنا ولو عاوزه قصر اجيبلك. ملاك: لاء انا مبسوطه كدا. رعد بحده خفيفه: قولت هنمشي من هنا انا مش هقعد في شقه مراتى. ملاك بضحك: خلاص يانكدي. رعد ابتسم وحضنها بحب. رعد بتذكر: الكيكه... وبيقوم بسرعه وبيدخل المطبخ وملاك وراه بحماس وبتنط زي الأطفال بفرحه. رعد بإبتسامه: دي استوت شوف.

ملاك بإنبهار: الله شكلها جميل اوي يلا ناكلها.. ولسا هتقرب. رعد: رعد. رعد مسكها من قفاها رجعها للخلف. ملاك: اايه؟ رعد: هتوجعلك بطنك وهيا سخنه يا قطتي يلا نطلع لحد ماتبرد... وشالها على كتفه وهيا بتبص للكيكه بحسره وغيظ زي الأطفال.