رواية احببت متمرده الفصل التاسع والعشرون 29 - بقلم اسماء السيد

الجميع بدهشة: إيه!!! رعد ببرود: أه مش همضي. قاسم: ليه يا ابني كده؟ دي أهم صفقة في شركتنا وشركتكم. رعد بحدة: أولاً، شركات رعد الدمنهوري لافة العالم كله ومش محتاجة لشركات حد. حسين بهدوء: بس ليه كده يا ابني؟ حصل حاجة زعلتك؟ رعد ببرود وجمود: ولا زعلتوني ولا حاجة، بس أنا مش عاوز أتعاقد معاكم براحتي. إياد: ليه يا رعد؟ ما تقولنا السبب.

رعد: والله أنا لما درستها لقيت إنها صفقة تعبانة. وبعدين أنا حر، عندكم شركات الدمنهوري التانية، تعاقدوا مع مروان أو مع جدي أو أبويا أو عمي. سالم: بس يا رعد يا ابني، أنت عارف إننا منعرفش نطلع جرام حديد من المصنع أو الشركة من غير توقيعك. وكمان أنت اللي بتملك الفرع الرئيسي والمصنع الرئيسي. رعد بضيق: هتعاقد معاكم بشرط. قاسم بسرعة: قول. رعد بص لملاك اللي مستغربة وحاوط خصرها،

ورجع بص لقاسم بحدة: 45% من شركة النجار الرئيسية تتكتب باسم ملاك. الجميع بص له بصدمة. حسين: بس 45% كتير أوي، دا مايا أختها معاها 5% بس، وملاك كان ليها 2%. رعد بحدة: ميخصنيش، قلت إيه يا حاج قاسم؟ قاسم بهدوء: موافق يا ابني، لله الأمر من قبل ومن بعد. ملاك بتوتر: بس أنا... رعد بمقاطعة: هش، اسكتي. مايا بغل: يعني إيه موافق؟ قاسم بصرامة: يعني ملاك هتتساوى بيا في الأسهم. مايا وقفت بحقد وصوت عالي: وأنا مش موافقة! دا ظلم!

ليه هي 45% وأنا 5%؟ رعد بغضب: ولما كنتي 5% وهي 2% مكنش ظلم؟ مايا بتوتر وغل: أنا أستحق كل حاجة، هي متستحقش حاجة. رعد بقرف: إنتي إنسانة حقودة وأنانية، ومتستحقيش أي حاجة. سالم: خلاص يا رعد، بس... دي في بيتكم. ملاك بصت لرعد وهو حضنها، وهي كانت حزينة.

رعد بحدة وصوت رجولي خشن: اسمعي أنا بقولك إيه، وقدام الكل، إنتي مراتي وحبيبتي، وأنا هحميكي، ومستحيل أخلي أي كلب أو كلبة ولا ليهم لازمة يجوا عليكي وأنا موجود. وصدقيني بإشارة منك عندي استعداد أهد الدنيا وأطربقها على أي حد يزعلك. ملاك كانت بتبصله بحب وأمان، وعيلة النجار كلهم اتوتروا، ما عدا يونس وإياد اللي فرحولها. ومايا كانت بتغلي من الغل والغيرة. يونس بسعادة: تب، وهنمضي امتى؟

رعد: هنعمل اجتماع، وهتنقل الأسهم لملاك آخر الأسبوع. محمود: بس ملاك هتسافر آخر الأسبوع. رعد برفعة حاجب: عشان؟ محمود بتوتر: عندها مهمة في جنوب أفريقيا، ووزير الداخلية طالبها شخصياً. رعد بص لملاك وحس بنغزة في قلبه. ملاك بحدة: مش هطلعها. محمود اتعصب ورعد ابتسم. محمود بغضب: يعني إيه مش هتروحي؟ ملاك بغضب: يعني أنا مش هروحها، وأنا حرة.

محمود بحدة: إنتي عارفة هتاخدي مكافأة كام، وغير كده إنتي هتبقي رتبة عالية جداً بعد المهمة دي. ملاك: ميهمنيش، أنا مش هطلعها، وإنتي مش هتغصبني. محمود بغضب: متنسيش إني رئيسك يا حضرت الظابط. ملاك وقفت بحدة: ومتنساش إن أنا من أقوى الظباط اللي في المخابرات، وبإشارة مني ممكن أنفيك يا سيادة اللواء بمكالمة واحدة للوزير اللي طالبني، ولا إيه؟ محمود اتصدم: هي بقت كده؟

ملاك ببرود: افهميها زي ما تفهميها، معاش ولا كان اللي يغصب ملاك النجار على حاجة، حتى لو إنت فاهم. أنا بكيفي أطلعها مطلعهاش، بكيفي، فاهم؟ الكل كان مبهور بشجاعتها، ما عدا نرمين ومايا اللي بيولعوا. نرمين: كنت عارفة إنك عاقة من زمان، أنا ندمانة إني جبتك، ولا حملت فيكي أصلاً. ملاك غمضت عيونها وحست بغصة في قلبها، وفتحتهم تاني.

وببرود: أولاً يا نرمين هانم، إنتي متشغلنيش، ولو على إنك خلفتيني أو بتكرهيني، فمتقلقيش، القلوب عند بعضها. مايا بحرقان: متتكلميش مع مامي كده يا زبالة. رعد كان هيرد، بس قاطعته ملاك، وهو مسك أعصابه بالعافية. وملاك قربت منها وضربتها بالقلم بقوة، والجميع اتصدم. مايا حطت إيدها على خدها بذهول. ملاك بغضب جحيمي: إنتي تخرسي خالص، فاهمة؟

ورب العرش يا مايا لهندمك على اليوم اللي فكرتي فيه تقفي في وشي، وأقسم لك بالله إني هدمركم كلكم، وإنتي أولهم، فاهمين؟ أنا ملاك، بس فعلي شياطين. مايا كانت مصدومة من قوة ملاك وردها اللي اتغير عن زمان، وكرهتها أضعاف. ورعد فرح إنها بدأت تاخد حقها. قاسم بهدوء: من حقك يا بنتي، إحنا كلنا غلطنا في حقك. ملاك بسخرية: ههههه، مين اللي بيتكلم؟

قاسم بيه، إنت فوقت متأخر أوي يا جدي، لما أنا قلبي وطيبتي ضاعوا وبقى مكانهم جحود وقسوة، جاي تقول إحنا غلطنا في حقك؟ يونس: اهدي يا ملاك. ملاك بدموع مكتومة: أنا هادية خالص، ولا يشغلوني أصلاً. قاطعها رنة موبايلها، فطلعت من جيبها. ملاك بحدة: ألو. جمال: إنتي فاكرة إنك كده كسبتي لما هربتيهم؟ ملاك ببرود: أنا ولا كسبت ولا حاجة، عاوز إيه ومن الآخر؟ جمال بخبث: بدئتي تفهميني، تعالي نتقابل ونحلها دي. ملاك: فين؟ جمال: تعالي...

هستناكي. ملاك بخبث: تطلب الكل فاهم؟ ومسافة السكة. وقفل. رعد: مين؟ ملاك بهدوء: عن إذنك يا رعد، ورايا حاجة، ولما أرجع هقولك. رعد بحدة: حاجة إيه؟ ملاك بصت ليونس اللي اتوتر: حاجة كده. رعد: هاجي معاك. ملاك: للأسف مينفعش، لو في حاجة هكلمك. رعد بحدة: ملاك، خلي بالك من نفسك، أنا واثق فيك. ملاك بإبتسامة: إن شاء الله. وبحدة ليونس: ورايا يا بيه عشان نخلص. واتجهت للخارج.

يونس بتوتر: عن إذنكم. وجري وراها. ورعد بص على أثرها بقلق، وفتح تليفونه وبعت رسالة لحد، وسابهم ودخل مكتبه. في مكان مجهول. بيوصل يونس وملاك. يونس: ملاك، أنا مش جاهز. ملاك بهدوء: معاك الفلاشة؟ يونس هز راسه. وملاك اتنهدت. ملاك: واد يا يونس، أنا عاوزاك تجمد كده عشان نخلص بقى، وعاوزاك تثق فيا، فاهم؟ إنت عمرك وثقت فيا وأنا خذلتك. يونس بتوتر: لأ، بصراحة.

ملاك بهدوء: خلاص، يلا معايا. ونزلت وهو نزل وراها، ودخلوا مكان أشبه بمخزن. جمال: أهلاً، نورتينا. ملاك بحدة: فين الباقي؟ جمال: أهم، حازم وإسلام جوه، وكمان جايب يونس معاك. ملاك ببرود: عشان نخلص. جمال: اتفضلي يا حضرت الظابط. ودخل، ودخلت وراه هي ويونس. حازم بتوتر: يونس. يونس بص له بقرف ومرضيش عليه. إسلام بإعجاب: واو، يخربيت حلاوتك! إيه المكنة الألماني دي يا جمال؟ جمال بحدة: اخرس. ملاك بحدة: عاوزين إيه بقى وتحلوا عنا؟

جمال: الفلاشة، ومش هنقرب لكم تاني أبداً. ملاك بخبث: فيها إيه الفلاشة دي بقى عشان هتموتوا عليها؟ بص الشباب ليونس اللي كان متوتر. ملاك بحدة: ها؟ جمال بتوتر: ملكش فيه، بيتهيأ لي. ملاك بغضب: نعم يا روح أمك. جمال: فيها اللي فيها، انجز. ملاك حطت رجل على رجل ببرود: واحد، اتنين، تلاتة. إسلام: هو في إيه؟ فجأة لقوا الباب اتكسر ودخلت الشرطة. وإسلام وحازم ركعوا على الأرض. وجمال جري عليها ورفع عليها سلاح، ويونس خاف عليها جداً.

يونس: سيبها يا جمال. جمال بغل وتوتر: لأ، مستحيل، دي طوق النجاة. فجأة ملاك دست على رجله، وهو بعد غصب عنه، وهي مسكت سلاحه وضربته بيه في رجله، والعساكر قربوا وأخدوه وهو بيصرخ. الشرطي: شكراً يا حضرت الظابط على مجهودكم. ملاك: ولا يهمك، بس لازم ياخدوا عقابهم. الشرطي: أكيد، بس استأذنكم تتفضلوا معايا عشان نقفل المحضر. ملاك: تمام. وخرجت، ووراها يونس اللي مش مصدق. في قصر الدمنهوري، وتحديداً على الغداء.

كان متجمع الجميع، والنفوس هدت شوية، والجو بقى لطيف. ورعد لسا في المكتب. قاسم: أنا بعتذر والله على الشوشرة دي. سالم: خلاص، ولا يهمك يا قاسم. خرج رعد من مكتبه واتجه للسفرة، وكان يترأسهم. جميلة: إنت كويس يا حبيبي؟ رعد: أه كويس. فجأة بيدخل يونس وملاك وهما بيضحكوا، وباين عليهم الفرحة. ورعد اتنهد، وأخد نفس وكأن روحه رجعتله. سالم: اتأخرتوا ليه؟ ملاك: معلش. وقربت قعدت جمب رعد اللي كان بيبصلها بهدوء وضيق. ويونس قعد جمبها.

رعد بحدة: كنتي فين؟ ملاك: ممكن أقولك على انفراد بعدين. رعد أومأ ليها وبدأ ياكل، وهيا كمان بتاكل. جميلة: كلي بشاميل وبفتيك. ملاك: أنا مبحبش البشاميل بلحمة، ومش بحب البوفتيك. جميلة بطيبة: خلاص كلي اللي تحبيه يا حبيبتي. ملاك بإبتسامة: حاضر. وبدأت تاكل. ومايا بتبصلها بشر وكره، وبتتوعد ليها. ويارا كانت بتبص ليونس بإعجاب. قاطعهم تليفون رعد اللي رن، وكان رقم غريب. رعد: ألو. صله صوت هو عارفه كويس: رعد، الوو، سامعني يا رعد؟

رعد اتصدم: أه سامع. الشخص: الحقني، أنا في ورطة، بسرعة. رعد بقلق: فين؟ إيه؟ الشخص: هبعتلك لوكيشن بسرعة. وقفل. رعد بسرعة: حسام، ورايا، عن إذنكم. وخرج بسرعة، ووراه حسام اللي بصله بغيظ. وملاك قلقت. حسام بغيظ: حسام وزفت، أنا جعان، أنا مالي. ومد إيده أخد طبقه وحط فيه أكل كتير، وأخده ومشي. سالم بضحك: أنا لو مومتش من المرض، هموت بسبب حسام.