رواية احببت ولائي الفصل الخامس عشر 15 - بقلم ولاء صقر

زياد: امتى جيت؟ يخربيتك خضيتني. ولاء: جيت دلوقتي، بس لقيت الباب مش مقفول كويس فدخلت. ولاء: نورت ي زوز، جاي ايدك فاضية لي؟ هه. زياد بضحك: مقدرش ي أختي، جبتلك شوكولاتة قد كده أهو، خدي حطيها في التلاجة بقا عشان هتسيح. ولاء: ماشي، تسلم ي زوزتي، وهقول لماما إنك جيت. عمر قاعد هيكسر سنانه من كتر الغيظ. وبيقول في سيرة "زوزتي". دا أنت بني آدم بارد، مش فاهم اللي جابو دلوقتي دا. ولاء دخلت وزياد راح لعمر.

زياد: مقولتليش بقا، كنت بتقولها بتحب مين؟ عمر برخامة وتحدي: بحبها هي، بحب ولاء. زياد: ودا من إمتى الكلام دا؟ عمر: من أول ما شفتها، تقدر تقول حب من أول نظرة كدا. زياد: لا والله، ومن إمتى بتقول لمامتها ولا لحد كدا؟ وآخرة الحب دا إيه؟ عمر: هي مكنتش موافقة، ولسه قايلالي قبل ما أنت تيجي تقطعنا إنها هتدينا فرصة. زياد لسه هيكمل كلام، خرجت إيمي وهدى وولاء من المطبخ. إيمي: ازيك ي واد ي زياد؟ اتأخرت كده لي؟

زياد: معلش ي خالتي، بقا دا أنا هربت من المستشفى عشان أجلكو بسرعة. إيمي: ماشي ي بكاش، سلمت على عمر؟ زياد: آه سلمت. هدي: ازيك ي زياد؟ زياد: عاملة إيه ي هدي؟ هدي ببراءة أطفال: أنت جبت شوكولاتة لولاء بس، لي يعني؟ هي عشان أختك تنسي صحبت أختك؟ زياد بضحك: خلاص متزعليش، هناكل وأنزل أجيبلك أكتر منها، بس يلا بقا فين الأكل؟ أنا واقع من الجوع. إيمي: حاضر، خلاص هنحط على السفرة اهو وناكل.

ودخلت إيمي والبنات المطبخ، ورجع قعد زياد مع عمر. زياد: كنا بنقول إيه بقا؟ عمر برخامة: مش فاكر والله.

زياد: بص ي عمر، أنا بكلمك دلوقتي عشان مصلحة ولاء. أنا خايف تكون بتحط نفسك في مسؤولية هتبقى كبيرة عليك. ولاء لما تاخد الكيمياوي هتتعب كتير، وهيبقى أغلبية وقتكوا يا في المستشفى يا هي تعبانة من العلاج. أنت ي عمر لو ارتبطوا وبعد فترة حسيت إن الموضوع تقيل عليك ومشيت مثلا، هي اللي هتتعب وهي اللي ممكن تتدمر. ي عمر افهم، أنا مقدر إنك بتحبها، بس أنا بحبها أكتر منك بكتير، وخايف عليكوا انتوا الاتنين.

عمر: لا متخافش، أنا عمري ما هسيبها ولا هبعد عنها، أنا هفضل جنبها لحد ما تخف وتبقى أحسن واحدة في الدنيا. زياد: ماشي ي عمور، بس أنا حاسك كرهتني، لي كده؟ من ساعة المستشفى وأنا واخد بالي إنك مش طايقني، أنا أكلت ميراثك ولا حاجة؟ عمر: لا، لي بتقول كده؟ مفيش حاجة من الكلام ده. جت إيمي قطعتهم. إيمي: يلا ي شباب، الأكل جهز.

وراحوا ياكلوا، وطول ما هم قاعدين عمر منزلش عينه من على ولاء، وكلهم واخدين بالهم وقاعدين يبصوا لبعض ويضحكوا. وخلصوا الأكل وقعدوا يشربوا القهوة ويتكلموا ويهزروا وكده. وبعد شوية زياد قال لولاء: قومي اعمليلي شاي. ولاء: قوم أنت واعملنا كلنا معاك بقا. زياد: ي ولاء قومي بقا وخليكي جدعة، متكسفيناش قدام الناس. ولاء: أنا واحدة إيدي مكسورة ومش قادرة. زياد: بطلي استهبال ي ولاء. إيمي: بس ي واد أنت وهي كده، انتوا على طول كده خناق؟

ولا كانكم مولودين فوق بعض؟ زياد: حاضر ي خالتي، أنا هسكت بس عشان خاطرك. وبعدين بص لولاء وقالها: طب هاتيلنا شوكولاتة من جوه. ولاء: لا، أنت جايب الشوكولاتة عشان تاكلها أنت، طول عمرك طفس. زياد: أنا اللي طفس؟ ي طفسة، دا أنتِ من صغرك مفجوعة. خالتو سابتك عندنا يومين، كنتي بترضعي أنتِ من أمي وتخليني أنا أرضع صناعي؟ ي طفلة ي مفجوعة. ضحكوا كلهم على هزارهم الطفولي مع بعض.

إيمي: بس بقا ي عيال، شكلهم وحش قدام عمر أوي، ع فكرة وانتوا بتفضحوا بعض كده. عمر ضحك وقال: لا عادي ي طنط، ولا وحش ولا حاجة. ولاء كانت بتاكل أكله وهو صغير، وزياد بقا ياكل أكلها وهو كبير كده، هما خلصين. وضحكوا، وإيمي قالتله: أيوا صح، عمر عنده حق. بعد كده عمر ركز في الكلام وسكت، ومرة واحدة قالهم: إيه ده؟ يعني أنتو رضعتوا على بعض؟ يعني أنتو أخوات؟