رواية أحببت رئيس العصابة الفصل الثالث 3 - بقلم الكاتبة الاء فرج

ابتسم مراد على برائتها وحنيتها عليه. وفجأة، افتكر شيئًا، وتقلب وجهه واحمرت عيناه. ابتعد عن رودينا، ومرة واحدة ضربها بالقلم. رودينا بصدمة: أنت اتجننت؟ أنت بتضربني ليه؟ مراد بغضب وهو يشد في شعره: فوووووق، فوووق يا مراد، ما ينفعش تحبها. رودينا بخوف: مراد، اهدي. في إيه مالكم؟ مراد بزعيق: هششش، اخرصي، اخرصي خالص. أوعي، أوعي من وشي. رودينا ببكاء: أنا عملت إيه؟

نظر إليها مراد نظرة لم تفهمها، وخرج من الغرفة وصعد الدور الثاني. رودينا ببكاء: يارب، أنت العالم بحالي. قويني يارب عشان أقدر أهرب منه وأهديه يارب. يارب اهدي مراد. في صباح اليوم التالي، استيقظت رودينا من النوم. حاولت أن تقوم من مكانها، وعرفت تمشي على رجليها تاني. خرجت من غرفتها، الشقة كلها ضلمة وكل الشبابيك مقفولة. ذهبت فتحت الستاير وفتحت الأنوار. وجدت مراد نازل من فوق وبيفرك في عينه.

مراد: أنت فتحتي الستاير ليه يا جاموسة؟ أنا ما بحبش النور ده. اقفلي أم الأنوار، أنا بحب الضلمة. نظرت إليه رودينا ببرود ودخلت المطبخ، جابت أكل وقعدت تأكل على السفرة. مراد بغضب: أنا مش بكلمك، ردي عليا. رودينا: ......... جري عليها مراد وشال الساندوتش من يدها. مراد بغضب: لما أكلمك تردي عليا. بطلي استفزاز. رووووووودينا، رديييي. رودينا بضيق: أنا مخصماكم. مراد بزعيق: أنت هبلة يا بت؟

رودينا، فوقي لنفسك. وبطلي تخنقيني منك، لأن أنا على آخري. وبلاش جو مضايقة وزعلانة ده، عشان أنا ما بحبش المياصة. وتاني حاجة، لما أنادي عليك تردي، لأن أكتر حاجة بكرهها التجاهل. وأوعك، أوعك تعانديني. رودينا ببرود: خلصت. هات بقا الساندوتشات. تجنن مراد من برودها وحب يستفزها، فراح أكل الساندوتش بتاعها قدامها. رودينا بضيق: يا باااارد. الساندوتش ده بتاعي. روح هاتلك واحد غيره.

مراد وهو يأكل الساندوتش: هشش، تعالي ورايا عشان في حاجات مهمة لازم نتكلم فيها. ورايا. رودينا وهي تمشي وراه وبتقلده: ورايااا؟ نينينيني. مستفز. فتح مراد مكتبه وقعد على الكرسي. دخلت رودينا المكتب، لقيته كل حاجة فيه باللون الأسود، وكان المكتب كبير أوي. وفي آخر المكتب دولاب مليان أسلحة ومتفجرات وقنابل وخزنة الفلوس. ترعبت رودينا من منظر الأسلحة وجسمها فضل يرتعش. مراد ببرود: تعالي هنا. نظرت إليه رودينا وعينها مليانة دموع،

وتكلمت بصوت مهزوز: مراد، أنت إزاي كده؟ وليه كل الأسلحة دي؟ وليه بتشتغل كده؟ أنا في دماغي ألف سؤال وسؤال. حاسة نفسي في فيلم تبع مافيا. خايفة منك، وفي نفس الوقت مطمنة إنك مش هتأذيني، لأني مراتك وبنت عمك. مش هتأذيني صح؟ طب إزاي احنا عايشين مع بعض من زمان وعمرك ما جبت سيرة عن حوار المافيا ده؟ أنا مش فاهمة حاجة. ارجوك طمنيني.

مراد ببرود: أولًا، ما تدخليش نفسك في اللي مالكيش فيه، لأنك هتتعبي. وبلاش أسئلة كتير. وأنا ممكن أموتك عادي جدًا بمجرد إنك ما تسمعيش كلام. أنا أكتر حاجة بكرهها العند. أحسنلك ما تعانديش معايا، لأني هزعلك جامد أوي. وحطي في بالك دايماً إنّي من المافيا. واقعدي عشان عايزك في موضوع مهم. رودينا بصوت عالي: هو إيه ده؟ أنت كل شوية هتهددني؟ أنا عايزة أفهم كل حاجة دلوقتي.

قام مراد من على الكرسي وتحرك بخطوات ثابتة وعينه احمرت. قرب منها و... في قصر جد مراد ورودينا. الجد: أنا خايف أوي عليهم، مراد ورودينا عنديين، بيحبوا يعندوا مع بعض وكانوا دايماً بيتخانقوا. أنا مش مطمن. الجدة: طالما خايف عليهم، بتحط المياه جمب النار ليه؟ ليه بتجوز رودينا لمراد؟ الجد: مراد شخصيته غامضة أوي من زمان ومش بيضحك من ساعة ما أهله وأهل رودينا اتوفوا في ظروف غامضة، ومن ساعتها بيكره البت رودينا. الجدة: بيكره مين؟

رودينا؟ لأ طبعاً. أنت مش بتشوف نظرة الحب اللي في عينه يا راجل. الجد: حب إيه بس؟ أنت مش فاهمة حاجة. الجدة: مالك؟ حاسة إنك مخبي حاجة بخصوص الواد مراد. هو في حاجة؟ الجد: ما فيش، ما فيش. أنا رايح أنام. في مكان مجهول. شخص مجهول: مراد ده حسابه تقل معايا أوي. مش عايز يجيبها لبر. ضرب عليا نار وقتل كل رجالتى. (ملحوظة: الراجل ده اللي ضرب عليه مراد نار في الحلقة اللي فاتت) الحارس: اهدي يا باشا كده وتعالي نفكرله في موته حلوة.

مجهول: عايزك تراقبه يا صابر، عايزك تراقب كل تحركاته بنفسك، لأني مش واثق في حد تاني. يلا روح وبلغني بكل جديد. صابر (الحارس) : أوامرك يا باشا. عند مراد ورودينا. قام مراد من على الكرسي وتحرك بخطوات ثابتة وعينه احمرت. قرب منها.