رواية احببت صعيدي منفصم الشخصية الفصل الخامس 5 - بقلم دعاء احمد

روح أول ما وصلت عند الشقة البوليس هاجم على البيت. مخبر: تعالي يا روح أمك. روح بخوف ممزوج بصدمة: في إيه؟ أنا معملتش حاجة والله. ظابط: خدوها. كان مع الظباط بنت وشاب. البنت: هي دي يا حضرة الظابط. روح: أنا إيه؟ أنا معملتش حاجة. ظابط: اخرسي يا زبالة إنتي. روح بدموع: أنا مش فاهمة حاجة، وبعدين احترم نفسك أنا روح المحمدي. ظابط: الله، بنت المحمدي دي احلوت أوي، هاتوها عند فهد. شخص: حصل يا باشا، وزمانها مشرفة في القسم دلوقتي.

فهد بخبث: عشان تبقى تتحداني مرة تانية، أيامك الجاية سواد يا بت المحمدي، والقلم اللي ضربتيهولي هدفعك تمنه غالي أوي. عند صقر. صقر بهدوء: إنتي اتعلمتي؟ جويرية: آه، بس مكملتش. عم فتحي رفض إني أكمل ثانوية عامة عشان بتحتاج دروس ومصاريف، أنا نجحت في تانية ثانوي بـ 98% ومكنتش باخد دروس، أنا أصلاً ذكية. صقر بهدوء: خالص، جهزي نفسك عشان هترجعي المدرسة، وإنتي كده أصلاً ورقك في المدرسة مش هيبقى فيه مشاكل.

جويرية بفرحة وسعادة: بجد؟ احلف؟ يعني هرجع المدرسة وأكمل تعليمي. صقر بابتسامة: آه هترجعي، بس المهم هتذاكري كويس ولا هنشوف العجب. جويرية بحماس وسعادة ممزوجة بدموع: هذاكر، دا أنا أوعدك إني أطلع الأولى على الجمهورية. شكر، شكر بجد، إنت إنت أحسن إنسان شفته في حياتي، إنت وزين. صقر بحدة: زين مين؟ جويرية: زين ده كان جارنا، بس طيب أوي أوي وجدع. صقر بغضب

وغيره وهو بيضغط على خصرها: مبحبش الحاجة بتاعتي تحب غيري، ومتجيبيش سيرة أي حد تاني غيري على لسانك ولا تفكري فيه، فاهمة؟ جويرية: فاهمة، أنا آسفة، بس ده زي أخويا. صقر بحدة: حتى لو اللي قالته يتنفذ. جويرية: حاضر. صقر نزل من على الحصان ومد إيديه لجوري وهي بصتله ومسكت في إيديه. نزلها: غيري عشان هنرجع ياله. جويرية: حاضر. بعد شوية خرجت معاه ورجعوا القصر. في القسم. روح بدموع: حضرتك مش فاهمة أنا هنا ليه. البنت

بصوت عالي ودموع مزيفة: آه يا كدابة، دلوقتي مش فاهمة، ولما قولتيلي إن ده عنوان بيتك وكنتي عايزة مني المحاضرات، وإنك تعبانة مش قادرة تيجي الكلية، وأنا أعمل بأصلي وأجيلك وألاقي شاب في الشقة. الظابط: إنتي بعتي البنت دي لشقة واحد عازب، ودي تهمة تحريض على الدعارة. روح وهي بتهز راسها: كذب والله، كدابة، أنا لا يمكن أعمل كدا. الظابط: هاتوا الشاب من بره يا ابن. دخل شاب بعد شوية. الظابط: هي دي يا ولد.

الشاب: أيوه يا باشا، هي دي، قالتلي أعملك مفاجأة في البيت، ولما دخلت لقيت البنت دي. والشيطان شاطر بقى يا بيه. روح بدموع: إنتوا مين أصلاً؟ أنا أول مرة أشوفكم، أنا مظلومة، إنتوا كدابين، حرام عليكم، مستقبلي هيضيع، أنا بريئة والله بريئة، أنا ماليش ذنب، سمعتي هتتدمر. فهد واقف على الباب مبتسم بخبث وهو شايفها مكسورة. فهد بمكر: ممكن أدخل. الظابط: فهد بيه الشرقاوي طبعاً اتفضل. روح شافته، بقت مش فاهمة حاجة.

راح قعد وحط رجل على رجل، وبص لروح اللي دموعها مغرقة وشها وخدودها احمرت. الظابط: تشرب حاجة. فهد بمكر: شكر، بس عايز روح في كلمتين عشان أفهم اللي حصل. الظابط: تمام يا باشا، يا عساكري خدوا العيال دول على الحجز لحد ما نشوف الزبالة دي آخرتها إيه. كلهم خرجوا وفضل فهد وروح. فهد ببرود: اقعدي. روح: إنت ليك علاقة باللي بيحصل ده؟ فهد: طبعاً، إنتي عارفة لو التهمة ثبتت عليكي هتاخدي فصل من الجامعة.

روح بدموع: إنت السبب، لو مكنتش بوستني مكنش واحد حقير من الجامعة صورنا ومكنش طلب مني أروح البيت ده. فهد ببرود وهو بيتفحص جسدها: أنا اللي صورتك وأنا اللي بعتلك الصورة والمسج، وإنتي زي الهبلة جيتي البيت وأنا بلغت البوليس، والفيلم ده كله من تدبيري يا مزة. روح راحت ضرباه بالقلم ودموعها على خدها: إنت سافل وحقير وزبالة، أنا بكرهك، أنا اللي غلطانة إني مقدمتش فيك شكوى لعميد الكلية.

فهد حاطط إيديه على خده ووشه أحمر وعروقه بارزة، قام ومسك إيديها وبقي يضغط عليها. فهد بغضب: القلم الأول بسببه كنت هوديكي السجن، بسببه بس دلوقتي أنا هبقى سجانك، وأوعدك إن اللي جاي جحيم. أمضي. وحط قدامها ورقة بيضاء. روح بخوف: إيه ده. فهد: جواز عرفي. روح زقت إيده وبعدت عنه: إنت مجنون؟ أكيد مجنون، لا يمكن تكون طبيعي، أنا لا يمكن أوافق.

فهد بحدة ورجع قعد ببرود: تمام أوي، يبقى استني المصايب اللي جاية، فصل من الكلية، هتتحبسي، لأني أكيد هعمل كل حاجة عشان تتسجني، أخوكي صقر بيه المحمدي لما يعرف إن أخته المحترمة متهمة في قضية تحريض على دعارة، ولو سمعك هتقوليله إيه؟ كنت رايحة لشخص غريب البيت عشان أتفاوض معاه عشان معاه صورة لدكتور وهو بيبوسني، هههه، ده أكيد هيخلص عليكي بنفسه. روح دموعها نزلت: إنت حقير. فهد ببرود: أمضي.

روح بقيت مصدومة مش عارفة تعمل إيه، ومسكت القلم وبقت تبص لفهد. روح: القضية دي هتنهي ومحدش يعرف حاجة عنه. فهد بابتسامة جانبية: طبعاً يا حرمي المصون. قرشين وضغط على الواد والبت هيقولوا إنك مالكيش علاقة بالموضوع، وزي ما دخلتك فيها هخرجك. روح بدموع: إنت سافل. فهد بسرعة مسك وشها وبقي يضغط على فكها وبغضب: احترمي نفسك، عشان كل ما بتطولي لسانك عقابك بيزيد يا مدام الشرقاوي. روح مضت ودموعها بتنزل وبتتمنى إن ده يكون كابوس.

فهد خد الورقتين وحطهم في جيبه وخرج وساب روح بتلعن فيه وبتفكر في مصيرها، واللي الأيام الجاية، ولو صقر عرف. بعد شوية دخل تاني. فهد ببرود: تقدري تمشي دلوقتي. روح مسحت دموعها وماشية. فهد مسكها بقوة من ذراعها: لما أطلبك تردي، لإن لو مردتيش هاجي وأخدك بنفسي. روح بصتله وسكتت، خرجت وأخدت تاكسي ومشيت. عند فاتن. فاتن: سيف، إنت بتتجاهلني ولا أنا اللي بيتهيألي؟ سيف ببرود: في إيه يا فاتن، عايزة إيه؟ فاتن: هو إيه اللي عايزة إيه؟

أنا خطيبتك على فكرة، كلمني كويس لو سمحت. سيف: بصراحة بقى، أنا زهقت منك. فاتن بدموع: يعني إيه؟ قصدك إيه؟ إنت قلت إنك بتحبني وخطوبتنا مفاتش عليها شهر. سيف: واكتشفت إنك مملة، مبتهتميش غير بالمذاكرة والكتب، لما أقولك نخرج مترضيش، لازم آخد إذن صقر الأول، حتى لما بتقعدي سوا بتعملي حدود كده، ولو حضنتك تعملي مشكلة. أنا زهقت من العلاقة المعقدة دي، ويا ريت ننفصل، أنا نسيت أقولك، أنا ناوي أخطب نانسي. فاتن بدموع لنفسها: معقول؟

هو ده اللي بحبه؟ إزاي قادر يكسر قلبي كده؟ إزاي حبيته كده؟ الحب ده لعنة. فاتن وهي بتمسح دموعها وبتخلع الدبلة: تمام يا سيف، ادي دبلتك، بس عايزة أقولك كلمة واحدة: البنت اللي تحافظ على نفسها وعلى شرف عيلتها، هي دي الزوجة الصالحة، بعد إذنك. عند جويرية. واقفه في المطبخ بتجهز الغدا مع الشغالين. صافية بغل: هو ده مقامك؟ مش عارفة صقر اتجوزك على إيه. جويرية ببراءة: وماله لما أجهز العشا لجوزي وأخواتي البنات. صافية: أخواتك؟

هههه، لا فوقي، هنا أقل من خدامة لحد ما صقر يزهق ويطلقك. جويرية بدموع: بس أنا مش خدامة. صقر بحدة وهو داخل المطبخ: إنتي هنا ست الدار، واللي مش عجبه يتفضل، كلامي واضح يا بنت عمي، ولا هنفضل في الحوار ده كتير. صافية: واضح، واضح. صقر بهدوء: جهزي نفسك، في عريس جاي يتقدم لك بكرة وأنا موافق عليه. صافية بصدمة: عريس؟ بس أنا بحبك إنت.

صقر بغضب: صافية، خدي بالك من كلامك، وإنتي عارفة إني لا يمكن أحبك، إنتي بالنسبة ليا أختي الصغيرة. صافية بصت لجويرية بغضب وخرجت. على السفرة. يوسف: أومال فين روح وفاتن؟ جويرية باحترام: قالوا ملهمش نفس، وكل واحدة راحت أوضتها. يوسف: أنا كمان هطلع أنام، تصبحوا على خير. صقر وجويرية: وإنت من أهل الخير. صقر: يلا بينا نطلع على أوضتنا إحنا كمان. جويرية: حاضر. بعد شوية في أوضة صقر.

جويرية واقفه لابسة بيجامة طفولية وواقفه مستنية صقر يخرج من الحمام. بعد شوية. صقر بابتسامة طفولية وضحك: إنتي مين؟ جويرية حطت إيديها على دماغها.