رواية احببت صعيدي منفصم الشخصية الفصل السابع 7 - بقلم دعاء احمد

جويريه بانفاس متقطعة. صقر اقترب. بدأت تشوف شريط حياتها من ضرب واهانة زبيدة ليها. فقدت الوعي والمياه بدأت تشدها والتنفس بدأ يقف. صقر رجع القصر وحس بنغزة في قلبه مش عارف سببها. صافية وهي نازلة وتتكلم بتوتر: "صقر ايه اللي رجعك تاني؟ صقر برفعة حاجب: "وانا محتاج اذنك مثلا، ومن امتى وانتي بتسأليني؟ صافية: "لا ابدا، مفيش، استغربت بس." صقر: "فين جويرية؟ صافية: "مش عارفة، يمكن في اوضتها او خرجت."

بسرعة وخوف طلع الاوضة ملقاهاش. طلع موبايله وكلم الحرس. صقر: "الهانم خرجت؟ حارس: "محدش خرج بعد حضرتك يا سعادة البيه." صقر بصوت عالي: "ججججووورررييييجويريه جويرية." صقر بخوف: "ادخلوا القصر دوروا على المدام." الحارس بسرعة دخلوا وبقوا يدوروا عليها في كل مكان. صقر بقى حاسس بأنها في خطر وقلبه بينبض بسرعة جدا وبيدور عليها في كل مكان. خرج الجنينة وبقي يدور عليها زي المجنون وداخل الفيلا تاني.

لمح ايشارب اللي جويرية كانت لابسة على المياه في حمام السباحة. من غير ما يفكر نط في المايه وبقي ينزل لعمق اكبر لحد ما لمحها فاقدة الوعي. انصدم وبسرعة نزل ليها ومسك ايديها وبقي يشدها لحد ما طلع لسطح المايه. طلعها على حافة الحمام وطلع بسرعة. صقر بخوف: "جوري جوري فوقي." وبقي يضغط على بطنها ويعملها تنفس صناعي ومفيش استجابة. حارس: "صقر بيه المدام بقيت عند اللي خلقها."

صقر دمعة من عينه نزلت وبقي يهز راسه يمين وشمال ومستسلمش وفضل يضغط على قلبها بحركات اسعافات اولية. عمار: "مراتك مقضيها معايا يا ابن عمي." صافية: "انا متأكده انها عمرها ما حبيتك، طلقها يا صقر طلقها." صقر بحده وغضب: "انتي طالق، اطلعي برا القصر مش عايز اشوف وشك." جويرية بدموع: "كذب والله كذب يا صقر صدقني." شد ايديها ورماها برا القصر. جويرية بدأت تستجيب لصقر بتخرج المايه من بوقها. "كح كح اااهه ااهه صقر متصدقهمش."

صقر بسرعة وقلق ومسك وشها بايديه: "جوري انتي كويسة كويسة." جويرية حضنته بخوف وتعب: "شفت كابوس مرعب اوي يا صقر اوعي تصدقهم." صقر شدها اكتر لحضنه وبقي خايف عليها ومش عارف ليه: "اهدي اهدي انتي معايا متخافيش انتي في حضني." جويرية وبتترعش وتكتك على سنانها: "انا سقعانة اوي يا صقر اوي." صقر شالها ودخل الثرايا واتكلم: "خلاص يا رجالة اطلعوا للبوابة انتم تشكروا." جويرية بتعب: "صقر نزلني انا كويسة." صقر: "لا." في كلية التجارة.

عند مكتب فهد. روح اخدت نفس عميق بتعب وخبطت. فهد فتح بسرعة شد ايديها بقوة وقفل الباب. صوت دقات قلبها بقى سريع جدا وخايفة. روح بخوف: "في ايه؟ لو حضرتك عايز تسقطني اعملها بس قطع الورقة الزفت دي." فهد بدون مقدمات قبلها قبلة عميقة يعبر عن غضبه. روح بتعيط وبتضربه في صدره. مسك ايديها الاتنين بقوة بعد عنها لما حس بطعم الدم الممزوج بالدموع. روح قعدت على الأرض وضمت نفسها بخوف ووجع. فهد ببرود:

"ده عقاب بسيط عشان الهبل اللي حصل في المدرج ده والواد ده، قسما بالله لو شفتك معاه ساعتها هعمل حاجة تكرهك في حياتك يا روح." روح بدموع وخوف: "انت عايز مني ايه حرام عليك انا ماذيتكش في حاجة، ده انا مرضيتش أدم فيك شكوى للعميد، ليه بتعمل فيا كدا ليه جاي عليا حرام عليك انا بكرهك." فهد نزل لمستواها ومسك شعرها بغضب وبقي يجز على سنانه. روح بدموع: "ااهه سيب شعري ااهه." فهد:

"كلكم زبالة كلكم صنف عايز الحرق، اوعي تكوني فاكرة ان دموع التماسيح دي هتفرق معايا، انا لحد دلوقتي متساهل معاك." روح بدموع ووجع: "انت عايز مني ايه." فهد بخبث: "حقوقي الشرعية." روح زقته بكل قوتها وقامت: "انت مجنون صح، الجوازة دي اصلا باطل لا كان في مأذون ولا شهود ودا كان تحت التهديد يبقى باطل." فهد بضحكة سخرية عالية: "مش هتفرق حتى لو من غير جواز انا هاخد في الاخر اللي انا عايزه."

روح بقوة ضربته بالقلم وهو بقى على آخره وبصلها بحدة. روح بقوة: "انت حقير وأعلى ما في خيلك اركبه." ومسحت دموعها وخرجت قبل ما ينطق كلمة. بقى يضغط على ايده بقوة. فهد بابتسامة جانبية: "دخلتي عريني يا بت المحمدي واوعدك هتشوفي الجحيم." عند جويرية. صقر حطها في السرير وهي بقيت تترعش. صقر: "لازم تغيري هدومك." راح فتح الدولاب واخد بجامة سودا ستان. وراح قعد جانبها وبيفتح زراير الفستان. جويرية بخوف وتوتر وحطت ايديها على ايده:

"لا انا هغير لوحدي." صقر: "جويرية متخافيش انا جوزك وبعدين عادي لازم تغيري." جويرية بكسوف وخدودها احمرت: "لا انا هغير لوحدي لو سمحت ارجوك." صقر بمشاكسة قرب منها وبقي وشه في وشها حتى اختلطت انفاسهم وعلى وشه ابتسامة: "بتتكسفي مني؟ جويرية بتوتر وعلى وشك البكاء: "ها لا بس مش متعود معليش سبني على راحتي لو سمحت ارجوك." صقر: "طيب اهدي اهدي هانزل اقولهم يعملولك حاجة دافية تشربيها على ما تغيري يا قمر." عند فاتن. فاتن بدموع

وهي بتتكلم في التليفون: "انا بحبه يا مريم بس هو مشافش الحب ده." مريم: "فاتن سيف ميستهلكيش انتي بنت ذكية وجميلة ومحترمة وهو مش عايز واحدة محترمة يعني عايز واحدة تسلمله نفسها وانا وانتي وكل البشر عارفين ان النوع ده بتاع تسلية وبس احمدي ربنا انك فسختي خطوبتك منه." فاتن: "الحمد لله بس هو انا وحشة يا مريم شكلي وحش." مريم:

"ههه شكلك وحش يا بنتي دا انتي اجمل مني انت اجمل بنت في الدفعة وانتي عارفة ان زينة البنات اللي تحافظ على نفسها فاكرة مقولتك زمان يا فاتن." فاتن: "اي مقولة." مريم: "لا توجد فتاة ليست جميلة فالله عادل خلق لكل فتاة جمال يراه شخصا ولا يراه آخر وانتي الحمدلله شكلك جميل وأخلاقك جميلة. قوليلي بقى هتيجي الفرح ولا هبقى لوحدي." فاتن: "طبعا هاجي ياقمر هو انا اقدر اسيبك لوحدي." مريم:

"ماشي اول ما توصلي اسكندرية اتصلي بيا وانا هبعتلك السواق." فاتن بضحك: "انتي مجنونة يا بنتي في حد يعمل فرحه بالنهار." مريم بسعادة: "اه اصل المكان جميل بالنهار وخصوصا انه هيبقى على البحر." فاتن: "ماشي ياستي مع السلامة بقى انا لازم ارجع دلوقتي هبقى اكلمك تاني." مريم: "ماشي يا قمر مع السلامة." عند صقر. جاله اتصال من شخص. حازم: "صقر بيه كل الورق دلوقتي بقى في ايدينا هنبلغ البوليس ولا ايه." صقر واقف في الجنينة

حاطط ايديه في جيبه: "لا يا حازم استنى شوية كل حاجة لازم تبقى في وقتها معرفتش معاد التسليم امتى." حازم: "اللي عرفته بعد اسبوع بس انت ناوي على ايه انا شايف اننا ندي الورق للبوليس ونسيبهم هما يعملوا شغلهم." صقر بحكمة: "لا يا حازم انت عارفني بحب اقطع عرق وسيح دم لو عملنا كدا مش ضمنين اذا كان ليه عيون في القسم ولا لاء كله في وقته." حازم:

"البيجح عامل حفلة كبيرة وعازمك فيها انت والمدام وكمان عامل حساب انك مبتحبش المواعيد المتأخرة وتعاملها على الساعة سبعة ونص." صقر بضحكة سخرية: "عايز يكسبني لصفه بس غبي ميعرفش مين صقر المحمدي." حازم: "هتقبل الدعوة." صقر: "هقبل الدعوة." حازم: "تمام هظبطلك مواعيدك مع السلامة." صقر: "الله يسلمك." قفل معه وفضل يفكر في جويرية حاسس بأن مشاعره بتنجرف. في اوضة صافية. قاعدة بتعيط بوجع ضامة نفسها بخوف. صافية لنفسها:

"ليه يا صقر ليه انا بحبك ليه مش قادر تحبني ليه حاسة بحبك لجويرية انا بكرهك يا جويرية بكرهك مش هخرج من البيت ده الا لما اشوف جثتك." في اوضة صقر. دخل لقى جويرية نامت كانت جميلة جدا. قعد قصدها على الكرسي وفضل يتأمل ملامحها الهادية وبقى يقرب من وشها لدرجة بقى قصادها بالظبط. مسك وشها وباسها بحنان وشغف. جويرية صحيت واتكسفت جدا. صقر وبقت تعض على شفايفه. صقر بعد انش واحد عنها وبص لعيونها وبتوهان: "انتي جميلة اوي."

جويرية بتوتر وبراءة: "وانت حلوة اوي." صقر بمشاكسة: "ايه ده انا بتعاكس بقي." جويرية بكسوف عضت شفايفها وبقيت تبص في كل مكان وتتجنب نظراته. صقر: "خلاص خلاص اهدي هسيبك تنامي واروح انا الشغل خالي في علمك في ضيوف جاين بالليل." جويرية: "حاضر." صقر بتفكير: "جويرية انتي ازاي وقعتي في البسين." جويرية بكذب: "لا ابدا مفيش اتكعبلت ووقعت." صقر: "ماشي يا جوري خالي بالك على نفسك." جويرية: "ويحفظك ويحميك يارب."

صقر طبع بوسة خفيفة على شفايفها ومشيت. جويرية شدت الغطا على وشها وبقيت مبسوطة. جويرية: "ممكن ادخل." صافية بكرة: "انتي عايزة ايه." جويرية: "صافية ليه عملتي كدا ليه كنتي عايزة تموتيني." صافية: "اموتك ليه بقى وانا مالي." جويرية: "متكدبيش انا شوفتك لما وقعتيني في حمام السباحة." صافية: "اه ولما شوفتني هتقولي لصقر قوليلوه لكن تفتكري هيصدقك انتي." جويرية ببراءة:

"جايز مش هيصدقني وانا مش هقوله اصلا لكن من حقي اعرف ليه بتكرهيني." صافية: "عشان اخدتيه مني وانا دلوقتي مجبورة اني اتجوز واحد مبحبوش." جويرية بحزن: "ليه مش عايزه تدي نفسك فرصة يا صافية انتي وزين صدقيني هتندمي لو ضيعتي من ايدك شخص يريدك في الحلال." وسابته ومشيت. صافية بقيت تكسر في كل حاجة ودموعها بتنزل احساس بالضياع قبلها بينزف وبقيت توعد لجويرية. على الساعة ٧. صقر رجع القصر شم ريحة اكل حلوة اوي راح على المطبخ.

روح واقفه مع البنات وبيجهزوا الاكل واقفه بتضحك مع الكل وبيتكلموا وهي لابسة مريلة المطبخ وشكلها حلو خصوصا انها قصيرة. جويرية: "صقر انا." صقر شد ايديها من وسط البنات ولف ايديه حوالين خصرها وبقي يفك المريلة. كل البنات اتكسفوا من حركته جدا وجويرية خدودها احمرت. صقر بهدوء ولا مبالية بنظرات الكل: "ياله غيري عشان الضيوف على وصول يا قمر." وقرب منها ونزل لمستواها وهمس في ودنها:

"بسرعة قبل ما اعمل حاجة تخليكي في نص هدومك وانتي خدودك مجنانني." جويرية وشها بقى طماطم حرفيا: "حاضر." صافية واقفه ماسكة سلك كهربا عريان وبتقربه من تربيزة صغيرة وبتحط جانبها وهي مبتسمة بخبث.