رواية أحببت صعيديآ الفصل العاشر 10 - بقلم ملك أسامة

الدكتور وهو بيجري: للأسف الحاج مات. ملك بزعيق: أنت بتقول إيه! أنت اتجننت ولا إيه! بطل كدب أطلع برااااا. هدير بدأت تعيط في صمت. أدهم قاعد مكانه مش بيتحرك كأنه لسه بيستوعب الصدمة. سليم جري على أوضة جده وفضل يحضن فيه مع الباقي. الدكتور بأسف: أنا آسف. ملك طلعت تجري على جدها. ملك بزعيق: ابعدوااا كده ابعدوااا عنه هو مماتش. الكل بعد وملك قربت منه وبدأت تحسس على وشه. ملك بعياط: جدو أنت مموتش صح!! أنت بتضحك عليا صح!!

أكيد بتهزر معايا وعملي مفاجأة عشان عيد ميلادي صح. بس لا الهزار المرادي تقيل ووحش أوي. اصحي بقي يا جدو اصحي ونبي يا جدو. هتسبنا كده طيب أحنا عملنا اللي أنت قولت عليه المفروض توفي بوعدك بقي صح. قوم بقي قوم. ملك بدأت تهز الجد جامد وهي بتعيط وبتقوله: قوووم بقي يا جدو بطل الهزار بقي ونبي. أدهم جه من وراها وحضنها وهو دموعه على خده. أدهم: هششش. ملك بعياط: هو بيهزر يا أدهم صح!!! قول أنه بيهزر عشان خاطري قول يا أدهم قول.

أدهم: لا مات يا ملك مات. ملك فقدت الوعي وهي في حضن أدهم. بعد مده. ملك صحيت. ونزلت تحت كانت الصالة مليانة ستات ولابسة أسود. ملك: هو في إيه. هدير قربت منها وحضنتها: جدو مات خلاص يا ملك. ملك كأنها كانت مغيبة عن العالم وفاتت وبدأت تعيط تاني وبحرقة أكبر. خلص العزاء ودفنوا الجد. الرجالة دخلت وكان الكل قاعد بيعيط. أدهم: ممكن خلاص جدو مكانش عايز كده أنتوا كده بتعذبوه أكتر ممكن بقي. إبراهيم أخد هدي وطلعوا.

صلاح سند أمنية وطلعها أوضتها وطلع أوضته. أدهم: هو طلب منك نفس الطلب؟؟؟ سليم: آه ووافقنا. أدهم: يعني إحنا الأربعة دلوقتي مصيرنا بقي مكتوب وجدو هو اللي كتبه. سليم: هو قال إن ده الصح. أدهم: أنا خايف العيلة متوافقش وبالذات أبو ملك. سليم: مش هيقدر يعمل حاجة متخافش. بس أنت ليه اتأخرت عند جدو؟؟؟ أدهم بغموض: عشان حاجة كلنا عايزين نعرفها. سليم: مش فاهم؟؟؟

أدهم: هتعرف بعدين أطلع نام دلوقتي وأنا هطلع الإتنين دول أوضتهم وهنام وأتصل بصالح شوفه فين من ساعة العزاء مشفتهوش. سليم: حاضر. سليم طلع وأدهم شال ملك وهدير وداهم أوضتهم ودخل نام هو كمان. تاني يوم الصبح. الكل كان بيفطر. إبراهيم: هو طارق فين؟؟؟ ملك بتوتر: أصل. أدهم: بيأخد ضيافته في حتة حلوة. إبراهيم: فين يعني؟؟؟؟ أدهم ببرود: متهيألي أنه دلوقتي عند ملك الموت. إبراهيم قام بفزع وقال: إيه؟؟؟

أدهم: أهدى متخافش لما تعرف اللي عمله هتعمل أكتر من كده. إبراهيم: مهما عمل إيه مينفعش تموته. أدهم ببرود: أممممم طيب أنا هقوم يلا يا سليم عشان العزاء. سليم وصالح وصلاح طلعوا ورا أدهم. إبراهيم بغضب: أنتي هتسيبي خطيبك كده؟؟؟ ملك: مبقاش خطيبي اللي يحاول يتعدي عليا ميبقاش خطيبي. وطلعت وسابتهم. إبراهيم بصدمة: اتعدي؟؟؟؟ هدي بحزن: ادي آخر مجايبك أبن أخوك ده ولا حد غريب!!! وطلعت وسابته.

طلعت وراها هدير وسارة وأمنية ومفضلش غير إبراهيم. زفر بقوة وخرج برا. تاني يوم الصبح. المحامي جه وبدأ يتكلم معاهم. المحامي: الثروة متوزعة بالتساوي وأكبر جزء هيبقي لملك هانم وجوزها وهدير هانم وجوزها.