رواية أحببت صعيديآ الفصل الرابع 4 - بقلم ملك أسامة

سليم بصدمة: إيه اللي جابك هنا؟ كريم بسخرية: إيه مش عايزني أجي ولا إيه! سليم بغضب: لو أدهم شافك مش هيرحمك يا كريم. كريم وهو حاطط إيده في جيبه ويبص على ملك: هو فين، أصله وحشني أوي كمان. ملك ابتسمتله متعرفش اللي بيدور في باله أصلاً. ملك بتعب: سليم أنا خلصت. سليم: تمام تعالي معايا. كريم: إيه ده مش هترحبوا بيا ولا إيه؟ أدهم كان جاي من وراه وقال: نرحب بضيف واحنا مش حابين وجوده أصلاً! كريم: أهلاً يا أدهم.

ومال رأسه شوية وبص على اللي واقفة ورا أدهم ومستخبية فيه وقال: أهلاً يا... وسكت فترة وقال: يا هدير. هدير انكمشت أكتر في أدهم. سليم بغضب: كرييييييم! عايز إيه وجاي هناااا ليه؟ كريم: جاي أشوف خالتو أصلها وحشتني أوي أوي. سليم بص له بقرف وقال لأدهم: يلاا! ملك بسرعة: لاا لسه مخلصناش، إحنا امبارح معملناش غير منطقة واحدة، النهاردة لازم نعمل اتنين أو تلاته. كريم بخبث: الانسة عندها حق، مش آنسة برضو؟ أدهم بغضب: كرييييم!

امشي من هنا، مش جاي تزور خالتك، اتفضل روح. كريم: براحة طيب. وسابهم ومشي وهو بيبص على ملك وهدير نظرات تخوف. سليم: راجع تاني. أدهم: شكله مكتفاش بالمرة الأولى. سليم: ولا هيكتفي. أدهم: سليم أنا سكت المرة اللي فاتت عشان أمك وبس، غير كده لو عمل حاجة تاني هقتله. وكان بيبص لملك مع كل كلمة. ملك بعد فهم: هو مين ده؟ وعمل إيه عشان تكرهوه كده؟ سليم: مش وقته دلوقتي، يلا نروح.

هدير بخوف: لاا لا مستحيل أروح وهو في البيت، مستحيل بلااش يا أدهم. أدهم حضن أخته جامد. وسليم لعن نفسه أنه مش عارف يحضنها ويخفيها بين ضلوعه. أدهم: طيب أهدي أهدي، مش هنروح غير لما يمشي. ملك: أنتوا مبتردوش عليااا ليه! مين ده! أدهم بنفاذ صبر: ملكيش دعوه وبطلي تدخلي في حاجات ملكيش دخل فيها. ملك زعلت وقالت: أدهم أنت زبااله وأنا بكرهك. وسابتهم ومشيت، هي مكانتش عارفة تروح فين لكن هي مش عايزة تبقي قدامه. سليم: أنت غبييي صح!

إيه ملكيش دعوه دي كمان! أدهم كان في عالم تاني في صدمة وكلمة بكرهك بتتردد في عقله. أدهم جري وراها وساب هدير وسليم. سليم: أنتي كويسة؟ هدير: آه متخافش، بس تعالي نجيب أكل ممكن؟ سليم: أكيد ممكن. وراحوا يجيبوا أكل. في مكان ما كانت ملك واقفة وبتعيط. أدهم من وراها: على فكرة مرات أدهم الدميري المفروض متعيطش كده بسهولة. ملك: مراته؟ أدهم هز رأسه وقال: باعتبار ما سيكون يعني. ملك وهي بتمسح دموعها بكف إيدها زي الأطفال: يعني!!!

أدهم ضحك عليها وقال: أيوة اللي فهمتيه. ملك بغضب طفولي: أيوة يعني إيه اللي فهمته!!! أدهم بهيام ولأول مرة هيعترف: يعني بحبك ومن زمان. ملك بدأت تنط زي الأطفال وتلف حوالين نفسها: بيحبني أنااا اعااااا بيحبني أنااا. أدهم مسكها ووقفها قدامه وقال: هششش اتهدي بقي، أومال لو قولتلك نتجوز هتقولي إيه؟ ملك بفرحة: يلااا حالآ. أدهم ضحك من كل قلبه عليها. بعد مده كانت ملك قاعدة جمب أدهم. ملك: يعني بتحبني ومن زمان كمان؟

أدهم: اه يا ملك. ملك: أومال إزاي خطبت بقي؟ أدهم: كنت بحاول أنساكي بيها يا ملك، أنا شوفتك مرة واحدة بس يا ملك وبعدها سافرتي وفضلتي كل سنين عمرك هناك، أنا كنت فاكر إني نسيتك لكن لا منستش عيونك ولا ضحكتك ولا طفولتك وأنتي بتقوليلي أبيه أدهم بطل بقي. ملك استغربت لأنها كانت ناسيه كل الذكريات دي. ملك: يعني أنت تعرفني أصلاً من زمان؟ أدهم: يابت هي مرة واحدة شوفتك فيها وبس، مكنتش متخيل إنك هترجعي تاني وتشقلبي حياتي.

ملك: وإيه اللي خلاك تعترف يا عم الجاامد؟ أدهم: لما قولتيلي بكرهك حسيت بنغزة ووجع في قلبي، حسيت إنك بتضيعي مني ومينفعش اسيبك بعد ما لاقيتك. ملك ميلت على كتف أدهم وزفرت بفرحة. سليم من وراهم: الله الله، واحنا اللي قولنا هنيجي نلاقيهم بيشدوا في شعر بعض. هدير بضحك: ولا ملك بتخنق أدهم مثلاً. ملك: بس يا حيوانه بعد الشررر. سليم: الله الله، ده إحنا اتصالحنا بقي؟ أدهم: مكانش في خناقه أصلاً عشان نتصالح.

سليم وهدير بصوا لبعض بأستغراب لأن مش من عادة أدهم يبقي كده. أدهم بضحك: متستغربوش كده أوي، يلا يا ملك. واخدها من إيدها ومشيوا. هدير ضحكت ومشيت وراهم. وسليم أبتسم ومشي هو كمان. في البيت تحديداً في غرفة إنجي. كريم: اديني جيت أهو، هنفذ الخطة أمتي بقي؟ إنجي: من بكره، أهم حاجة إنك تقرب من ملك لحد ما تثق فيك تماماً وتعمل اللي اتفقنا عليه بقي تمام. كريم: أكيد طبعاً تمام.

مر يومين وملك والباقي بينزلوا كل يوم يخلصوا الشغل، وأدهم ياخد ملك يفرجها على البلد والباقي يروحوا. وده مش مدي فرصة لكريم إنه يقرب من ملك أصلاً. أما هدير بتحاول تتجنب كريم وسليم دايماً جمبها عشان متخافش أكتر. الكل مش طايق وجود كريم أصلاً في البيت. وملك مش عارفة ليه وده اللي مخليها بتحاول تعرف، لكن محدش بيقولها حاجة. في يوم كريم مع إنجي في الأوضة.

كريم: بقولك يا خالتو مش عارف أنفذ الخطه، مش عارف أقرب منها حتي، أدهم كأنه مخبيها بعيد عني أصلاً. إنجي: أوفف طيب ما تفكر أنت في خطتك دي، مع إني حاساها مش هتنجح وكمان ممكن سارة متوافقش. صوت من ورا إنجي: سارة متوافقش على إيه يا إنجي.